Boholic

營業中

休息中

在工厦臨立的街道中，竟然見到一間相當精緻嘅小店。由門口到裡面，整個裝修佈置都給人一種舒適寧靜的感覺，在忙碌中可以忙裡偷閒的好地方。餐廳以西式為主，兩個人不太餓，只叫了一份小食加一份主餐和兩杯飲品。芝士焗澳洲薯皮：焗薯皮配上煙肉碎，味濃香口，甚得我心美式BBQ醬烤焗西班牙豬肋骨配洋蔥圈：豬肋骨攞盤精緻，肉質柔軟，最愛配菜的兩塊，起初以為是烤麵包，望清楚才知是烤波羅。Sesame Latte：濃郁芝麻味道，不會太甜，飽肚感十足。Grapefruit Summer：味道帶酸，食飽埋尾，解膩佳品。飯後店員推介甜品，我見幾特別，又叫了一個。開心果奶蓋梳乎厘班戟：上枱外面Q彈，鬆軟，班戟配上開心果碎，軟滑香濃又可口。在舒適小店配上甜品小吃，身心也感到放鬆了不少。

長沙灣嘅Boholic 匯集多國菜，西式甜品同咖啡。芝士焗澳州薯皮：澳州薯仔不嬲出名好食；有自然烤味。多芝士；同薯仔比率一半一半。有酸奶油點添，似足十烏克蘭菜。美式BBQ醬烤西班牙豬肋骨配洋蔥圈：專業的烤法加上好味西班牙豬肋骨都好唔錯。BBQ醬都好似有蜜糖咁，非常開胃。再點埋酸辣汁，幾重味覺都有晒。烤菠蘿都唔少嘢。又有肉桂又有焦/蜜糖係面，裏邊就菠蘿蜜多。菠蘿火龍果冰沙Pineapple Red Dragon Fruit Smoothie：味道主要來自原材料亦即係菠蘿，火龍果。感覺清新涼爽。蜂蜜洋甘菊茶Chamomile Tea with Honey：茶具都非常外觀好睇。甘菊茶配搭天然蜂蜜好配搭。清甜解渴。泰式珍珠奶茶梳乎厘班戟：泰珠奶好美味，咁都俾你諗到用來做梳乎厘班戟。佩服。推介。總括:真係冇去錯。仲可以帶埋寵物，打卡亦都得添。味道水準亦都好高。值得再試。

喺長沙灣好出名打卡cafe📸餐廳裏面有埋乾花乾草，成個環境好慵懶舒服,*慢煮紅酒牛尾芝士通粉 $128牛尾切粒，份量唔會太少，除咗紅酒另外有用蕃茄淆煮汁成汁，不過茄味相比紅酒更加突出*香煎12小時慢煮羊架配韓式香辣醬 $248幾鍾意佢地自家製南瓜蓉，質地綿密，羊架脂肪比例都幾豐富，配辣醬成個感覺都幾創新*法式焦糖卡士達梳乎厘班戟 $128面層有一少焦糖脆，班戟有香濃香蛋味，有輕微空氣感，配搭忌廉唔太甜太膩

長沙灣呢間「Boholic」 cafe，無論門口、餐廳入面、食物，都好啱打卡。🔅 輕煎北海道刺身帶子蟹黃意大利麵北海道帶子外脆內嫩，鎖住鮮甜嘅海味。蟹黃汁伴意大利麵一齊食，鮮香交織。🔅 西班牙豬鞍架配味噌柚子蛋黃醬擺盤好靚。豬鞍肉質鬆軟，濃郁入味，配上清新酸甜的日式味噌柚子蛋黃醬，提升了豬鞍架的風味和層次。🔅 蘋果金寶火灸焦糖蛋卷配沖繩海鹽雪糕呢款甜品嘅顏色配搭好fresh，望住佢即刻有多一個胃😋。火灸焦糖蛋卷配海鹽雪糕，好夾，口感層次豐富。🔅 Boholic 精選水果茶冰涼的水果茶當中混有火龍果和蘋果，清甜可口

咖啡店位於長沙灣荔枝角中間（近長沙灣mcl），餐廳位於住宅地鋪，門口有戶外位，可以帶寵物過來。店內環境非常舒服😌，帶點異國風情；黃光燈很暖色讓人有休閒感覺。冬天❄️推介：芝士🧀火鍋🫕好岩冬天食，細細碗芝士熱住，芝味濃郁creamy。配料豐富，有香脆既雙色軟身麵包粒、健康既西蘭花🥦、烚至軟身既連皮薯仔粒🥔。主配料有鹹香牛舌粒同彈牙既大粒蝦仁🍤 食完依個bb鍋好滿足😌！雨衣甘藍🥬炒意粉🍝(可升級為套餐）個意粉炒得好乾身底部唔會剩太多油，意粉亦好滑身帶點鹹香。｛飲品｝竹炭鮮奶：黑色飲品配白色公仔拉花超靚；好濃味道👅好正！拿鐵☕️：靚靚拉花，味道👅奶滑咖啡味香！餐廳🍴甜品推介：抹茶麻糬士多啤梨粒窩夫即叫即製，窩夫🧇底非常香脆。中間層麻糬好煙靭口感好得意😎。抹茶醬好滑身少甜好正！生日月🎂到店惠顧可免費獲贈一份窩夫🧇，happy birthday!

難得同老公拍拖撐枱腳，去咗近屋企麗新廣場附近Boholic食飯；佢哋嘅裝修好有波希米亞風好適合打卡。呢度有單點亦都可以加$28 升級湯同麵包，或者加$58升級湯、麵包及飲品，因為想食梳乎厘所以就單點。我哋叫咗炸薯條配松露蛋黃醬，🍟薯條炸起熱辣辣。配上茄汁同埋松露蛋黃醬兩款醬都咁好味，北海道帶子蟹黃意大利粉，d意大利粉撈咗濃郁嘅蟹黃醬同埋🧀芝士碎味道好夾😋慢煮八爪魚墨汁意大利飯。八爪魚🐙好腍唔韌幾好味不過啲意大利飯食到成口黑色好搞笑，最後仲有鮮果疏乎厘班戟。🥞班戟好鬆軟。配上蜜糖🍯同cream充滿蛋香一定唔可以錯過！

今次去咗長沙灣嘅Boholic，真係冇走寶！一入門就感覺呢度環境好chill，好適合同朋友一齊坐低嘆下野食。先講個開心果奶蓋梳乎厘班戟🥞 即叫即整，等嘅時間都算合理（15 - 30分鐘起）。班戟蓬鬆得嚇人，好似一朵巨型棉花糖咁。開心果味好濃郁，奶蓋甜而不膩，一啖落去，成個世界都美好曬！黑糖伯爵茶鮮奶咖啡☕ 呢個組合真係好有新意！黑糖嘅甜襯托住伯爵茶嘅茶香，再加上鮮奶同咖啡嘅醇厚，每一口都層次豐富，熱熱地飲落肚，暖笠笠。Peach Blossom特製白桃奶酪🍑 一上枱，賣相已經靚到唔捨得食。入口即化，白桃味清新自然，就好似咬咗一口春天嘅蜜桃咁。手工黑松露蝦多士🦐 多士烤得金黃香脆，入面夾住大大隻嘅蝦仁同濃郁嘅黑松露醬，咬落去「卡啦」一聲，幸福感爆棚。日本花魚一夜乾拌海膽醬燴意大利飯🍝 花魚烤得香噴噴，海膽醬將意大利飯調味得鮮美無比，每粒飯都裹滿咗海膽嘅鮮甜，真係食到停唔到口。

朋友揀左打卡餐廳食飯，我有d先入為主覺得好睇通常就唔好食，所以對味道既預期有所保留，但點知喜出望外窩😄用餐環境舒服chill🍽️牛面頰長通粉我通常唔係太鐘意番茄汁既意粉，因為覺得番茄膏既味通常蓋過其他味道，但呢個牛面頰真係好唔錯，個汁係濃郁豐富，同牛面頰融合得好，牛面頰肉味濃，夠淋身，仲有肉分量多👍🏻 推🍽️ 豬肋骨排盤幾靚，有豬肋骨，洋蔥圈，燒菠蘿，沙律菜通常係打卡餐廳對於ribs唔會有好高既期待，但今次係喜出望外，調味好，肉離骨，但仍然juicy, 非常好! 下次會再食！🍽️開心果梳乎厘蛋糕顏色同賣相都好吸引，蛋味重，甜度剛好，我地加左個雪糕球，如果雪糕球可以大d就更好，一個唔係好夠。生日月份有半價係正!

見到有過千個like，星期日中午特登嚟，心諗應該唔錯，好期待點咗個招排疏乎厘，點知一等就個幾鐘，無錯，係超過一小時！！期間我忍唔住問咗侍應進度點樣，點知其中一個完全唔理我嘅問話，連一句回覆都無，掉頭就走，態度真係令人失望。其他食物，味道普普通通，無乜驚喜，性價比一般。最離譜係服務質素，完全無心服務客人的感覺。整體嚟講，食物勉強合格，但服務真係差到令人唔想再黎。希望佢哋可以改善吓服務態度同埋出餐速度。

有型有款Boholic位處偏靜的長沙灣福華街561號的歐陸特色西餐廳Boholic, 最啱年靑人打卡用膳。今晚約咗朋友一起晚飯。我哋order:☕️☕️2 cups of Cappuccino 拉花樣式精美，泡沫豐富，味濃好好飲！☕️☕️🍴低溫慢煮牛腹肉🐂泰式沙律Salad夾雜酸蘿蔔很開胃，西洋沙律菜🥗+橙色紅色車厘茄滲透醒神甜酸沙律醬油！成個感覺超爽！🍽️🍴慢煮日本八爪魚🐙墨汁燴意大利🇮🇹飯八爪魚煮得夠曬腍，有陣陣海水味。墨汁飯看起來黑蚊蚊，但食起來卻很香口，真係飯不可以貌相啊！🍴西西里茄子意大利🇮🇹麵（素）麵係天使麵，車厘茄當然不可少，茄子🍆切成丁方容易入口，而且柔軟棉化。話就話係素麵，但麵與麵之間好像帶有肉碎，加上鮮茄醬汁，真係幾開胃🤤！餐廳🍴有上下兩層，裝飾佈置好有特色有情調，最啱情侶打卡留倩影！👨🏻‍🦱👩🏻Randolph 服務周到，有問必答 friendly友善！佢話Boholic這個字解作＂有型有格＂！🫶🏼🫶🏼地址：香港九龍長沙灣福華街561號君凱豪庭地舖及1樓#Boholic#長沙灣西餐廳#長沙灣美食#長沙灣探店#Boholichk#hongkongfoodie

真係未食過咁高級嘅All Day BreakfastBOHOLIC嘅『皇家非凡原隻龍蝦尾全日早餐』真係令人驚喜龍蝦尾焗得香氣四溢肉質爽彈，啖啖肉，食得好滿足！不過當日嘅香烤鮮菠蘿就有少少酸可能係季節問題啦至於『香辣蒜片蜆肉欖酒炒意大利麵』炒意粉最緊要就係爆香啲配料咁樣啲意粉就會更加入味呢碟意粉有少少辣仲帶住淡淡嘅酒香炒得夠乾身食完完全唔會覺得膩，真係好正！甜品方面試咗『芒果海鹽芝士奶蓋麻糬牛角窩夫配椰子雪糕』海鹽奶蓋口感綿密牛角窩夫鬆脆配埋椰子雪糕真係好Fresh！不過麻糬嘅口感就唔算太突出如果可以再煙韌啲就更好啦最後一定要推介佢哋嘅『Affogato』通常Affogato都會用香草味雪糕但BOHOLIC就比較特別用咗奶茶味雪糕（唔知係咪自家製呢？）配上Espresso，變咗一杯『鴛鴦』味道好特別值得一試！餐廳嘅裝修好有波希米亞風環境好靚下次一定要帶埋Blingo過嚟影相先！

約咗朋友長沙灣食午飯，揀左去Boholic，點解？因為好想食佢招牌疏乎厘班戟夠輕盈鬆軟🥞😍午餐附送是日餐湯同自家製酸種麵包，飲品就半價。🫕是日餐湯：濃郁蘑菇香氣，飲落creamy。🍝欖油蒜片辣椒炒西班牙辣肉腸鮮蝦意大利麵$92蒜片🧄、辣椒🌶️西班牙肉腸、鮮蝦🦐用橄欖油炒香，咸香微辣，意大利麵煮得有咬口。🐷秘製蘇梅蛋黃醬燒焗美國特級豬梅扒$118豬梅扒肉質軟腍，輕易用刀叉切開，食落仍有肉汁，伴黃梅醬汁酸酸甜甜，加埋蛋黃醬又另一種風味享受。🥞開心果奶蓋疏乎厘班戟$138最期待開心果奶蓋疏乎厘班戟作為甜品，輕盈鬆軟厚班戟充滿空氣感，開心果奶蓋甜而不膩，開心果碎焗得香脆，增加口感。

老細話畀我聽搵到間文青feel打卡餐廳，一於同佢嚟試下啦～餐廳門口已經有戶外座椅，有需要嘅客人可以响出面坐。一入門口已經畀兩個好靚嘅打卡位吸引住～😍啲店員仲好友善咁同你講可以隨便坐坐打下卡㗎～影完幾張靚相，就坐埋位點菜啦！！menu都好多選擇～煙肉芝士焗薯皮：好鍾意食薯皮，貪佢夠香口😚煙肉同芝士味道好香濃，煙肉脆卜卜～薯皮都幾厚身😋大大件好抵食！！美式BBQ醬烤西班牙豬肋骨配洋蔥圈：上枱一大盤～賣相都幾精緻，豬肋骨煮得好淋，基本上唔使切，用叉一拮啲肉就可以入口～🤭😝洋蔥圈調味好好，炸得好香脆！🥰伴碟仲有沙律菜～🥗最特別嘅係佢有兩大件焦糖燒菠蘿🍍啲菠蘿燒到焦糖化，非常之青甜！！佢配嘅醬汁辣辣地，好惹味！法式焦糖卡士達梳乎厘班戟：🥞兩件大大件嘅梳乎厘班戟動L動L好有動感😝🤭佢嘅custard sauce唔係太甜，暖暖地～口感好好！！老細飲咗杯凍朱古力，我叫咗杯桂花latte好香好滑！非常滿足嘅一餐！！🥤☕

呢間cafe之前係其他區都有分店，但係而家只剩返長沙灣，雖然唔近地鐵站，但都繫好值得嚟。 因為食物同埋環境都係一流👍入門口已經俾佢個波希米亞風幫設計吸引，不停咁打卡。🤣🍽香草芝士焗原隻野生加勒比海龍蝦味墨魚汁意大利飯($248)-好鲜味，飯吸晒龍蝦鲜味，如果龍蝦再大隻啲就更好🤣👍👍👍👍👍🍽牛油果莎莎醬配墨西哥粟米脆片($108)-賣相超靚，上面有好多花花😍，而且好大碟可以當飯食都夠飽🍽開心果奶蓋梳乎厘班戟($138)-呢個係食過最好食嘅開心果pancake, 真係又開心果你唔係得隻色，而且pancake好鬆軟同動L ,好食👍👍👍👍👍🥛Greyfurt-呢個酒好重西柚味，同埋食到西柚肉粒👍👍👍👍🥛Honey Roselle Honey Tea 蜂蜜洛神花養神茶($45)-賣相好得意有玩味，蜜糖好大壺好潤👍👍👍👍間鋪有兩層聽聞二樓仲靚，不過當日未满，所以唔開二樓，希望下次有機會去睇。

Boholic長沙灣有間環境靚靚打卡cafe,餐廳位於九龍長沙灣福華街561號君凱豪庭地下,餐廳裝修以淺木色為主調,用乾花和藤器 作裝飾擺設,座位寬闊舒適,設有戶外座位供客人選擇,餐廳主打西日多國菜,服務員招呼有禮。欖油蒜片辣椒炒西班牙辣肉腸鮮蝦意大利麵午市套餐有餐包和餐湯,西班牙辣肉腸微辣,微鹹有口感,新鮮海蝦食落爽口兼彈牙又鮮甜,意大利麵軟硬適中,麵身口感彈牙。秘製蘇梅蛋黃醬燒焗美國特級豬梅扒擺盤精美,午市套餐配有餐湯和餐包,廚師烹調燒焗美國特級豬梅扒選用餐廳自家秘製蘇梅蛋黃醬,豬梅扒口感腍滑帶有蘇梅蛋黃醬的甜味。原味鮮果梳乎厘班戟梳乎厘班戟有藍莓和士多啤梨作伴碟,配有心型碟蜜糖,酸酸地的新鮮士多啤梨和藍莓,甜甜地的梳乎厘班戟食落有香濃的蛋香味。