BluHouse

營業中

休息中

今日多謝我朋友請我去一間我未去過嘅餐廳:Rosewood - bluhouse, 餐廳主打食意大利菜式。今次點了三道菜：八爪魚橄欖沙律好新鮮好彈牙亦都唔會好硬，非常之嫩滑做得好好，份量都幾多。意式火腿布拉格芝士開心果烤圓形薄餅 - 第一次食呢種Pizza dough感覺好煙靭鬆軟，個麵包亦都烤得又香又鬆脆真係冇嘢可以挑剔。再食埋香辣蕃茄伏特加短管意粉，佢個芝士同蕃茄味好濃，亦係有少少辣味令人好容易入口，通常短管意粉嘅質地比較硬㗎，坦白講平時我好少食呢種意粉嘅，但係佢絕對係煮得啱啱好，令我對呢種意粉有改觀。最後因為太飽都冇嘗試佢嘅甜品，我相信如果多幾個朋友可以食多啲不同嘅菜式，整體感覺非常好環境係冇得輸啦，可以望到好靚嘅景觀地方又寬敞。可以同好朋友食一餐豐富嘅午餐一邊欣賞風景，一邊談天說地人生莫過於此🤩

去得Rosewood食飯，你會有expectation，當你有expectation，就唔會太容易可以比到驚喜你。當然每一樣嘢都有佢該有嘅水準，出品絕對唔會有問題，不過真係好難俾到驚喜。用餐環境當然非常好，個景亦都無懈可擊，服務係酒店應有嘅服務水平，咁當然個價錢亦都係酒店嘅水平。事實上我冇乜嘢好彈，不過亦都諗唔到有咩好去讚。當佢係一間普通高級嘅西餐廳食一個lunch，係絕對冇問題嘅，可以當作係一間高級日常食堂。

自己一個食lunch，簡單點咗個意粉carbonara ，飲咗杯咖啡 。Al dente👍份量可以多少少～反而想講吓餐廳原來係有四五張戶外嘅枱。喺清涼嘅天氣，k11 muses 可以坐到戶外真係唔係好多間餐廳可以做到。可惜嘅係，對住星光大道，比較多遊客住宿喺餐廳外面，有少少嘈吵。如果唔係就更加完美了！

食過Rosewood嘅Butterfly Room、Bayfare，都相當唔錯一直都係聽人講Bluhouse好好食喺云云嘅香港意大利餐廳最終揀左佢慶生💖今次食晚市無用到Dining city book反而係叫A la carte 四道菜都有驚喜！八爪魚橄欖沙律 $238八爪魚好新鮮好彈牙粒粒都好大粒 前菜嚟講份量都唔少意式火腿、布拉塔芝士、開心果傳統烤圓形薄餅 $238第一次食呢種圓形咁厚嘅Pizza 個pizza dough好似酸種麵團咁煙靭鬆軟但個底係烤到又香又脆！呢個Pizza dough好啱口味好好食！香辣蕃茄伏特加短管意粉 $208 呢個係芝士同蕃茄味都非常濃嘅意粉係食唔到酒味既 大家可以放心好鍾意短管意粉嘅口感好岩鐘意食Al Dente既人 煮到啱啱好香烤帶骨肉眼牛扒 $828呢份牛扒足足有800g 超級大份不過係連埋骨嘅重量但係我哋三個人都食到飽到反艇 啖啖肉牛肉有好香嘅炭烤味 唔燶！燒到啱啱好，非常之好咬唔會咬到牙軟

Rosewood意大利菜1️⃣千層麵只係暖暖地，唔夠熱，牛肉粒較硬，個麵較乾。2️⃣卡邦尼通粉凍嘅，口感好硬，似係擺左一段時間就咁裝上碟，難食到好過份。酒店食物可以唔熱已經係超級錯誤，仲要唔係新鮮煮出黎，搞到食物質感變硬。超級失望🥵🥵

週末同好友親生，去咗位於Rosewood地鋪的BluHouse，餐廳光線明亮開揚，室內外環境都有打卡位，而且枱與枱之間有足夠距離，好適合閨蜜暢談~ 不過如果室內位置，維港景色會有所遮擋。員工服務態度好好，主動細心，見孕婦，會拎個cushion問我需唔需要，抵讚👍 食物方面揀得中口味嘅話，都有唔錯個選擇。🍽️🅕🅞🅞🅓&🅕🅔🅔 💸 （單點人均~$360） ✨紅酒燴牛面頰燴牛面頰、根莖類蔬菜、蘑菇、紅酒 裡面切開仲帶粉嫩，朋友話偏鹹。✨八爪魚橄欖沙律八爪魚沙律、切里尼奧拉綠橄欖必點項目！八爪魚嫩口，橄欖好香搭配一流，鐘意橄欖嘅朋友會超愛！✨卡邦尼長通粉長通粉、蛋黃、風乾豬肉、羊奶芝士、黑胡椒芝士量超足，好濃郁，風乾豬肉細粒脆口，但就幾鹹下。 ✨羅馬風味薄餅 揀咗parma ham, 雖然睇落細份，但1/3塊已經好飽肚，而且味道都好好，鐘意面層的脆口感！ ✨甜品可選自選幾件做拼盤，亦有大件蛋糕，全部睇落都好精緻。揀咗berry cheese cake, 甜度剛好，芝士都夠綿滑香濃~

我們共3 人一齊食飯，其中2 位朋友均生日，這餐是我請的，在預約前及到達的時候也詢問過職員，是否生日會有生日牌及甜品？，佢話到時甜品會有生日牌寫住Happy birthday。食到最後的時候，我的朋友並沒有叫甜品，因為這個是一個surprise，所以我沒有提出強制他們要甜品，但是餐廳到最後也沒有生日牌送上，可能因為我冇叫甜品🤔？其他餐廳一直都會有一個service可能比少少餅乾？或者小小nuts ?再寫上生日牌，我也OK。但佢哋顯然沒有做到同埋每一台都會有麵包送上，但係食完頭盤都沒有，要提職員先至有，我覺得比以前差咗好多。

見到連坤哥都同佢老婆嚟慶祝生日即刻覺得book呢間幫朋友慶祝生日都係一個唔錯嘅選擇環境平心而論係靚嘅，不過我哋都要留意番個內涵只怪我哋一切都想得太美好我哋一早book咗枱同埋訂埋蛋糕，幫壽星女慶祝生日點知一坐低就發現枱底有垃圾同食物殘渣🫥就連枱邊都未抹乾淨，個手袋揩一揩到已經變到黐立立🫥🫥用咗兩三張濕紙巾先抹得乾淨🫥🫥🫥究竟發生過咩事可以衛生做得咁差？我哋當時早咗到未齊人餐廳入座都只係得少少人咁即係話落場時間之前都做得好馬虎🫥🫥🫥🫥未食已經扣咗啲分🙃到嘢食方面pizza原來好多款都係逐件逐件咁叫～Share嘅pizza只有好似三款所以我哋叫咗：Pizza Al "Testo" Mortadella $228Mezze Maniche Pasta $208Rigatoni Carbonara $188嘢食只能夠話係中規中矩 比起平時食意大利餐廳嘅期望可能要降低少少有啲surprise Carbonara用嘅pasta係同另一款我哋叫咗嘅意粉差唔多不過兩者嘅口感都好食嘅！反而成晚覺得最好食嘅係Vegan嘅Eggplant Parmigiana $228唔知係咪其他嘢食比較一般所以覺得呢一款

一入門口就裝修好vintage🤩又靚又適合打卡😉慶祝生日好合適‼️女仔一定中意💖另外食物都高質，只係份量細左少少🤏🏻🤏🏻八爪魚appetizer煮得冧身軟熟🐙Carbonara 長通粉比較硬身😋係正宗意大利pasta嘅口感Tiramisu出色🥰好香芝士&咖啡味Overall: 7.5/10

🐝尖沙咀l Rosewood Italian restaurant 今次係dinning city book 左 Bluhouse 嘅RESTAURANT WEEK SET DINNER $468ppANTIPASTI 有4款可以揀 ~CARPACCIO DI MANZOBlack Angus Beef, Green Asparagus Parmesan, Baby Spinach(Add $50) 生牛肉薄切，油脂味豐富，牛味濃郁，加埋Parmesan & baby spinach 一齊幾好食 7/10TAGLIERE DI SALUMIItalian Cold Cuts 有唔4款唔同既ham，不過各款質素一般。4/10POLPO E OLIVEOctopus Salad, "Bella di Cerignola" Olives Extra Virgin Olive Oil "Tenuta Mastromattei"八爪魚配埋橄欖一齊食幾夾，不過八爪魚熟度可以減低少少，雖然唔韌，不過有少少硬，可以再腍返少少就perfect6.5/10BURRATA DI ANDRIA OBurrat

今日同同事嚟呢度farewell , 感覺訂位冇以前咁緊張。早一個禮拜預訂都仲有位，去到當天位置都冇坐滿。環境氣氛悠閒，服務保持到大酒店水準。今日冇選擇食set lunch ，反而散叫。今次試咗Pizza，意大利粉同埋頭盤大蝦沙律🥗。蝦肉新鮮大隻，佢用咗啲西芹做配菜個醬汁溝埋估唔到都幾好食😜叫咗呢個火腿芝士pizza ,個芝士出色。好軟熟同埋好奶味，火腿味道可以，稍為比較淡味。個Pizza餅底，焗得幾脆。另外叫咗個朱古力mousse cake . 朱古力好濃，味道食落似金莎🤣。

🌟酒店意大利餐廳慶祝生日🎂☺️今日嚟到我期待已久嘅rosewood bluhouse 食飯，朋友生日就book左來食🥳⭐️Rigatoni alla Carbonara $238正宗卡邦尼做法，食落蛋味香濃，配上彈牙粗管通粉更加掛到汁，配上風乾煙肉鹹香，再加上少少黑胡椒，味道平衡方面做得好好😋⭐️Porchetta $320烤豬肉食落肉味夠而且肉質好嫩，唔會覺得油膩，美中不足係豬皮未夠香脆⭐️Burrata Di ‘’Andria’’ add on 24 months Parma Ham $460布拉搭芝士配上24個月風乾火腿，呢個配搭真係好完美，而且份量十足，絕對推介😍⭐️Pizza Margherita $98Pizza 餅底香脆而且有一定厚面，入面煙煙韌韌，配合蕃茄芝士同羅勒，不得不試✨⭐️Octopus Salad $268大大粒既八爪魚配上多肉飽滿嘅橄欖，八爪魚個口感一流，唔會𡁻唔到，配合埋橄欖油成件事好清新！⭐️Tiramisu $98本人唔算係tiramisu嘅愛好者，不過佢呢度Tiramisu嘅咖啡味唔算好濃，反而比較食得出芝士味同酒味，更加適合我！🥰另外我地每人order左幾款不同

同朋友嚟食生日飯🥲🥲 一入到嚟少少茶餐廳嘅感覺，好嘈同比較熱，無乜冷氣咁🥹 到點食物同上菜時，員工都好好禮貌食物不過不失，前菜八爪魚偏淡，餐前麵包如果俾多個碟裝橄欖油同埋醋會更加好。 pizza就真係覺得比較油啲啲，一般😕 有mushroom 嗰款都不過不失，飲品方面都OK 我叫左杯無酒精嘅watermelon mocktail，我覺得我嗰杯都幾好，好清新～ 朋友就叫左tiramisu 嘅cocktail，佢就話正正常常 都無乜特別🤣但未必會再去多一次😕😕

星期日打算揾間好嘅餐廳同班fd聚聚，當然首選尖沙咀，貪地點大家都就腳。朋友係網上話book到bluhouse, 平時好難book, 咁就一於試下。餐廳分2個area, 入面係fine dinning, 價錢貴好多(上次book錯左，去到食先知), 出面就平民價錢好多。坐抵即刻order左個pama ham併盤，味道唔錯，伴啲面包食一流，呢間嘢啲面包係得嘅，跟住見佢擺左啲pizza出嚟，就試左幾款，佢每款分量唔多，啱晒我地，因為可以試多幾款，之後再嚟個燉雜菌，味道中規中矩，唔算十分驚喜，最後再每人食球雪糕，完美

Went with a friend to try out this Italian restaurant hoping to bring back some good memories from our Italian trip last year. We were seated close to the dessert counter which was adjacent to the other entrance of the restaurant that opened onto the harbour waterfront. We could see tourists coming in through that door for ice cream or food. The menu we chose was one of restaurant week special offers, $288 plus 10% service charge (per person). We decided to share our food so each of us could tas