Binge House

今天來到中上環的壁畫打打卡，又到「元創坊」趴趴走，看看文青手作，偶爾路過這家小店，看到鋪面的海報「雞白湯沙嗲牛肉麵」，看來頗特別，又正值午飯時段，正好在此小休加吃個午餐。踏入餐廳，地方不大，裝修簡約，整潔企理。原來小店是一家酒吧，因為一入門口右邊就設了一個生啤凍櫃，飲品板上又列出很多酒精類飲品。午市就只有一款「雞白湯沙嗲牛肉麵」套餐，還包括漬物、皮蛋青瓜、蝦醬雞翼及汽水，賣$108。此外，還供應很多下酒小菜，不過，就未有問及是否全日供應。由於午市只有這一款套餐，與友人也是吃這個了，不過，漬物就換了成生果，也是，吃得健康。先呷一口湯，比起豬骨湯，雞白湯香濃得來較爽口，之後再將沙嗲跟湯拌勻，更添一份濃郁的惹味感，而麵條很排湯，有筋性，很不錯；牛肉軟腍，又富肉香，還伴有脆口的天婦羅金菇及香濃的溏心蛋，實在做得有誠意。蝦醬雞翼及皮蛋青瓜很有驚喜，前者炸得金黃不膩，入口有淡淡蝦醬的鹹香味，恰到好處，而肉質又頗為嫩滑；後者何來皮蛋？原來將皮蛋打成蓉，再唧在青瓜表面，很有心思，吃下去青瓜的清爽跟蛋打蓉的綿香又蠻搭配。最後，吃下點點水果，是香印提子及鮮橙，為這餐有個完整的結束！順帶一提，汽水可以揀可樂、雪碧或梳打水。雖然店子小小，製作有誠意，而且，招呼十分好，侍應很有禮貌。…查看更多

今日lunch行左去中環半山PMQ附近，搵到一間幾有特色嘅小店 Binge House，感覺主打 fusion 風味麵食。今次吃了佢哋嘅招牌 $108 午市套餐 - 雞白湯牛肉沙嗲麵套餐，包含菜式算幾豐富美味。套餐仲包咗幾款小食，簡單但有心思。🍗 蝦醬炸雞翼輕炸到外皮香脆，蝦醬味突出但唔濃鹹味，而雞翼肉汁保持得唔錯，係一件唔錯的開胃小食。🥒 皮蛋青瓜冰涼爽口，皮蛋蓉的味道唔會太搶，配上清新的青瓜，啱啱好平衡咗主食嘅濃味。🥭 漬物三款（酸梅、堤子、橙）偏向解膩類小食，酸甜味能沖淡濃厚調味，食完麵再食一兩粒感覺好清新。🍜 主角：雞白湯沙嗲牛肉麵原本以為係普通沙嗲牛肉麵，但第一啖已經覺得有驚喜。雞白湯底非常濃厚，帶少少膠質感，入口順滑得嚟又有層次； 沙嗲味唔會蓋過雞湯，反而融合得幾好，香、甜、微辣都有，味道平衡。牛肉切得薄身，滑溜易入口；麵底吸湯能力高，每啖都掛滿沙嗲雞湯，非常過癮。整體味道係偏濃香系，啱晒鍾濃湯朋友仔。午市套餐仲包汽水，可樂冰涼又解渴，配重味麵食真係剛剛好。想喺中環搵一餐有份量、味道唔隨便嘅午餐，可以一試！…查看更多

Binge House係間中環小酒吧風格的fusion餐廳 燈光偏柔和 氣氛輕鬆 可以飲酒又有隱世雞白湯沙嗲牛肉麵食既餐廳 我地食左 雞白湯沙嗲牛肉麵套餐套餐包左 雞白湯沙嗲牛肉麵 潰物 皮蛋青瓜 蝦醬雞翼 汽水雞白湯沙嗲牛肉麵湯底濃郁順滑 唔會有好勁茶餐廳既味精沙嗲味 反而食落好易入口 係高質沙嗲 雞白湯既鮮香同埋沙嗲的微辣 正 再加埋牛肉都係勁高質 食落勁開胃潰物是日係醃製提子與柑 酸甜清爽 係超特別既組合皮蛋青瓜勁高質 青瓜爽脆 皮蛋醬勁滑嫩 用左皮蛋 蒜頭 芫荽 打出黎 估唔到配青瓜咁夾蝦醬雞翼即叫即炸 外皮香脆 蝦醬味濃 鹹香惹味 略帶油膩但非常下酒 如果夜晚黎飲幾杯既話呢個係必叫呀勁正汽水 套餐附送汽水 有番d食沙嗲牛肉麵既風味…查看更多

去完PMQ睇展覽，無意中發現一間低調又型的小店。中午只有一個套餐，岩哂選擇困難症👍🔸雞白湯沙嗲牛肉麵套餐套餐有雞白湯沙嗲牛肉麵、漬物、皮蛋青瓜、蝦醬雞翼，汽水。成個套餐睇落好豐富！第一眼就被雞白湯沙嗲牛肉麵吸引，炸金菇造形成把扇咁靚，完全唔油膩！清甜的日式雞白湯配上濃郁的香港沙嗲，味道平衡得好好，甜味同輕輕辣味啱啱好。麵質近似上海麵同拉麵，好掛湯汁，牛肉軟嫩又多汁，仲有隻溏心蛋，大滿足！👍小食方面，皮蛋醬配青瓜清新，蝦醬雞翼味道都幾有特色！再加埋啲水果漬物同清爽飲品，食個午餐完美，真係令人心情好！☺️下次要黎試下酒特調，非常多選擇，收工黎Chill Chill~…查看更多

喺附近的PMQ 睇完Tattour 2025，就去咗呢間小店食個lunch。餐廳暫時得一個套餐，所以完全唔洗諗食乜，直接叫咗雞白湯沙嗲牛肉麵套餐。日式x港式style～沙嗲味不會好鹹好濃，因為有雞白湯balance番。麵條方面，用咗類近上海麵口感咁彈牙嘅麵，代替普通的公仔麵。牛肉薄薄地，不會好韌，似日式燒肉個種牛肩脊，升級左啲牛肉。天婦羅金菇都好少見，幾創新。仲有隻溏心蛋。套餐仲包括皮蛋青瓜、蝦醬雞翼～食到最後，更有漬物—水果，refreshing 番個味蕾。整個set嘅設計都幾有心思，有齊主食、前菜、小食、水果～夜晚更會化身為酒吧，給人一個截然不同的氣氛，今個happy Friday 約定朋友嚟呢到chill下先😆…查看更多

行經鴨巴甸街見一餐廳門前貼了一張麵套餐海報，橫睇掂睇都似酒吧，竟然會有麵食，好奇試吓，店內環境確係酒吧格局，原來夜晚會有下酒小菜，酒類飲品。白雞湯沙嘇牛肉麵套餐包括漬物，皮蛋青瓜，蝦醬雞翼，汽水非常有誠意嘅一個套餐。賣相不錯，每樣食物都花過心思，好特別👍湯底十分濃郁，鮮甜中帶沙嗲汁香味。麵條爽滑，吸湯強勁。牛肉採用了牛𦟌位，非常軟腍。創新嘅炸金菇美觀外，不油不膩。皮蛋青瓜真心有驚喜🤩，將皮蛋打蓉，跟爽脆嘅青瓜好夾，又不膩喉。蝦醬雞翼味道恰到好處，不會太鹹，滋味十足。漬物都有心思，以為水果一盆，原來用話梅醃製過，酸酸甜甜，好開胃。…查看更多