套餐仲包咗幾款小食，簡單但有心思。
🍗 蝦醬炸雞翼
輕炸到外皮香脆，蝦醬味突出但唔濃鹹味，而雞翼肉汁保持得唔錯，係一件唔錯的開胃小食。
🥒 皮蛋青瓜
冰涼爽口，皮蛋蓉的味道唔會太搶，配上清新的青瓜，啱啱好平衡咗主食嘅濃味。
🥭 漬物三款（酸梅、堤子、橙）
偏向解膩類小食，酸甜味能沖淡濃厚調味，食完麵再食一兩粒感覺好清新。
🍜 主角：雞白湯沙嗲牛肉麵
原本以為係普通沙嗲牛肉麵，但第一啖已經覺得有驚喜。
雞白湯底非常濃厚，帶少少膠質感，入口順滑得嚟又有層次；
沙嗲味唔會蓋過雞湯，反而融合得幾好，香、甜、微辣都有，味道平衡。
牛肉切得薄身，滑溜易入口；麵底吸湯能力高，每啖都掛滿沙嗲雞湯，非常過癮。整體味道係偏濃香系，啱晒鍾濃湯朋友仔。
午市套餐仲包汽水，可樂冰涼又解渴，配重味麵食真係剛剛好。
想喺中環搵一餐有份量、味道唔隨便嘅午餐，可以一試！
