Big Fish Seafood and Grill

營業中

休息中

去完西貢海灘玩水上活動，晚餐當然要食返餐滿足既補充一下啲體力市中心有好多西餐廳可以選擇，我地一行四人隨意咁揀左尼間，室外位置唔使等位，而且唔會好熱南瓜藜麥紅菜頭沙律。 8/10份量大，四人分到每人一大碟南瓜好香甜，紅菜頭藜麥配埋啲沙律汁好開胃！Nachos. 8/10超級大份量！四個人都食唔晒！ 又有肉醬、酸瓜、忌廉芝士加持，令到一道簡單嘅小食變到好豐富炸豬手。 6/10朋友推薦，但我哋今次一致覺得唔好食味道冇問題，但太乾身，好似炸得太過火既感覺香辣蒜炒蜆意粉。 8.5/10推薦！鍾意食蒜味既朋友必食！蒜粒超多超香！蜆肉份量都好多同肉質新鮮就算前面已經食到好飽都可以清左尼碟意粉忌廉菠菜磨菇意大利飯。 7.5/10素食朋友可食！唔會太膩～ 不過份量都大，最尾都食唔晒

西貢市中心一向都進駐左大大小小既西餐廳及咖啡室，各有特色各有質素之下，要搵到間有位既餐廳真係難上加難。小編與老公及朋友們原本想趁暑假入黎輕鬆下，點知淨係響搵食已經遇到大難題..經過呢間Big Fish Seafood & Grill，原本都以為入面淨係得以魚類為主既菜式 - 但其實都只係因為餐廳名既關係，入面既菜式都係以意式為主既海鮮扒房。員工見我地無訂枱又好徬徨既時候，因為時間尚早關係都決定謄空預留既枱俾我地享用晚飯 (當然有限時用膳啦)。 由於實在太肚餓喇，所以稍為研究完餐牌後就即刻點菜，以下為小編推介既菜式，等大家可以作為參考吧：1) Pizza Gorgonzolla ($158)：響小編眼中，意大利既薄餅最吸引之處唔係非傳統既"菠蘿"，而係其中最傳統既芝士及餅底。Gorgonzolla直接既使用2款軟身而芝士，食落去唔會覺得酸而會覺得有點甜甜，點解？因為佢響配料上單純用左焦糖浸熟既洋蔥，芝士及焦糖正正就係令薄餅唔會太油膩得黎又開胃既關鍵! 非常好味! (上枱個刻芝士當然會有拉絲既效果啦) 而餅底香脆，以小編計其實係2-3塊都唔會太有飽肚感。2) Braised Lamb Sh

嚟到西貢chill下，見到呢個公園位超多餐廳圍埋一齊，見到超多外國人食呢間就決定試吓佢，雖然聲稱係地中海野食但唔覺😂set lunch $128 價錢係西貢嚟講唔錯ok抵食，食物方面就中規中矩，但生蠔麻麻少腥可以唔叫，下次去西貢應該會試其他野🧐___ ___ ___ ___ ___ ___ ___ ✨soup ✨ceasar salad ✨Fish n Chips ✨香辣蒜炒蜆意粉 ✨apple juice & beer ✨cream brûlée 面頭個層糖唔脆，冇左個重點🤨✨ice cream Set lunch 整體啲嘢食幾正常，冇話好特別，正常水準，所以下次黎應該會試下其他餐廳😗😗✨生蠔 Scottish Rock 4隻 $180少少腥， 麻麻地

今日難得同同事入西貢工作，決定嚟個long lunch !! 其實工作就好快做好，不過難得可以入嚟西貢，當然要享受一下陽光同海鮮！陽光同沙灘就下次先啦☺️☺️行吓本身諗住食普通嘅set lunch ,加上同事有啲肚餓就諗住求其食個set lunch都可以。行吓行吓見到呢一間佢話有生蠔，因為真係冇得去旅行又食唔到澳洲嘅新鮮生蠔。將就一下就喺呢度試咗先。叫咗四隻 New Zealand 生蠔。口感都唔錯處理得幾好，唔係話太鹹但係新鮮度係可以話足夠。令人值得有驚喜嘅係個豬手，其實每個地方嘅豬手都食過晒咁滯，香港地小人多但係勝在咩菜式都可以做到出神入化。平時好鍾意食韓國豬手，德國型豬手都10分支持！豬手啱啱焗出嚟，個屁仲係好趣而且肉質都算新鮮軟熟！絕對係值得推介！係set lunch嗰度我哋叫咗一個牛扒，全部野share食其實都幾夠。再值得一提嘅係過burger十分之好食，軟熟之餘係有心機整。不過順帶一提嘅係味精比較重，所以食完之後都要飲多啲水。但係侍應好主動會過嚟幫你加上去所以冇乜問題💪🏼💪🏼

趁住農曆新年假期最後一日，到西貢市行下、晒下太陽兼食個早嘅午餐。因為太多人，怕搭車出返市區時要等好耐車或者塞車，最後只係閒逛咗一陣就揾餐廳食，避開午餐時間嘅人潮。同行友人話想食炸魚薯條加啤酒，幾乎每一間西式餐廳都有供應，咁唯有揾間有個魚(fish)字嘅餐廳喇。餐廳內櫳唔算大，只有七八張枱(每張可坐4人)，亦可以選擇户外有帳篷的枱(可吸煙的，請留意)。假日係無套餐嘅，但可以加$20配餐湯或餐飲，又或者加$40配晒兩樣。一行3人，分別叫咗蒜蓉大蝦意粉、牛扒薯條(加配蘑菇湯)及炸魚薯係(加配啤酒)。意粉上枱時非常香，顏色有光澤，感覺吸引。蝦有五六隻，不過意粉落咗好多油炒，好膩，而且蒜蓉極多，味道太搶。蘑菇湯唔夠杰身，但調味係ok嘅；牛扒由order嘅七成熟變成上枱時嘅全熟，好韌，得好攰。粗薯條炸得好啱火候，但廚師落得太多鹽，而且唔均勻。炸魚外皮(朝上嗰面)夠脆，但略嫌外皮太厚；但向碟面嗰邊就可能未"瓊"夠油就上碟，淋晒。食物整體味道係唔錯嘅，不過下次再去應該會試第二間。

專程來到享受了一頓美味的晚宴，很滿意。在西貢市中心都方便找車位，與店舖距離不遠。享用晚膳後可以到海傍走走。餐廳一帶滿有西式格調，有幾間西餐廳連成一線。而我們揀選這間是因為被新鮮生蠔所吸引。餐廳環境有情調，座位很舒適。「New Zealand Rock 」最好味最新鮮的生蠔，性價比高😋喜歡食生蠔的萬勿錯過！ Roast Lamb Rack 燒羊架 和 Angus Striploin安格斯牛扒（12oz)是我倆最喜歡食的；每次也不能錯過。

西貢呢條街有幾間西餐上次試左另一間幾好今次試下呢間先兩個人 叫左3樣野一開始食個沙律先啦揀左雞肉 雞肉煎過唔鞋口沙律菜底好翠綠好新鮮仲有紅肉柚 牛油果醬汁係意大利醋 好開胃 唔錯唔錯白酒牛油香草煮蜆配蒜茸包啲蜆其實係新鮮花甲好鮮甜呀 唔知係咪西貢嘅關係呢連西餐啲海鮮都新鮮啲隻隻都開晒口 好新鮮 唔係雪藏野嚟蒜蓉包好香口呢個baby rib好正 好入味啲肉好淋唔會焗到鞋晒仲有薯條都係啱啱炸起熱辣辣好脆口 係粗薯條好鍾意呀

兩人夜晚到訪，因無訂位所以座室外。點菜後見到有客離開，所以室內有位，問問可否幫忙轉位。唔知好彩定唔好彩，全晚發生嘅事都係關於轉左枱而起。轉到位當然係好事，因為户外非常熱又大雨，諗住有餐安樂茶飯食下。點知，上咗前菜之後，食埋等到碟都收埋諗住上主菜，點知可以等足四五個字先有個侍應過嚟問我哋點咗啲乜，咁當然講晒我點嘅菜。一份牛扒一個pizza，四隻生蠔。等咗五分鐘就上咗牛扒同pizza，應該係轉枱而搞到廚房岀唔到單。呢樣唔緊要，我接受到。我慢食到最後叫埋兩杯嘢飲，啲生蠔仲未到🤦🏻‍♂️我叫嘢飲時已經提咗落單嗰個侍應跟一跟單。點知當我無到，諗住開蠔要啲時間，唔吹佢哋又係等咗三個字。終於第三個侍應岀現，再同佢講多次未上生蠔，又不停講唔好意思。話溝通上岀現問題🤦🏻‍♂️其實食物質素上算ok，但樓面同客人溝通技巧完全不達標準。我相信全晚樓面嘅侍應同大部分嘅食客溝通上係有問題，我唔止一次見到有食客同侍應反映有問題。有好大嘅空間改進，想成為一間好餐廳，由樓面侍應注重開始吧！客人與全餐廳的人最"親密”接觸就是侍應。慢慢想清楚。

星期六下午，天氣炎熱，搵間西餐廳食飯，中午12時，呢間等幾分鐘就可以入座，進餐廳前先量體溫。侍應有外國人也有本地人。我們點了：芝士磨菇辣肉腸薄餅，好食，鍾意餅皮薄的人有口福了。全份燒豬肋骨，煮得唔算林，勝在夠大份。香蒜蜆肉寬條麵，中規中矩，不會太多油。店內供應的檸蜜冰水而很好飲，杯也夠大，但我也點了芒果汁，算ok! 未到新鮮！加一服務費。

今日同媽咪慶祝生日，去咗呢度食晚餐。叫咗Hot tuna Salad 烤吞拿魚沙律、香草羊架，仲送生蠔🦪3隻，Mango smoothie 同Lychee smoothie.首先上嘅係香草麵包，外脆內軟，唔錯！烤吞拿魚沙律，呢個真係超級讚。同平時嘅沙律唔一樣，呢個沙律嘅蔬菜全部都係烤熟咗，熱辣辣，吞拿魚五成熟，肉質柔軟又香，呢個沙律啱晒唔想食生冷野又想食蔬菜嘅人。兩杯飲品，芒果smoothie 夠甜，荔枝就好淡口，不過欣賞佢冇加糖，係果自然嘅甜味。羊架五成熟，肉質鮮嫩，配嘅醬汁都幾好味😋而家仲送一樣小食有雞翼Pizza或者生蠔。我哋揀咗生蠔都幾新鮮，亦鮮甜。下次去西貢都會再嚟食，烤吞拿魚沙律實在太難忘，我同媽咪都一試愛上😍

^_^intro幾年都無去西貢，襯考完嗰dse出去走走，約左朋友去呢頭行下，一路搭車佢就話呢度有個叫吞拿魚他他嘅嘢好好食，到左好餓直接入去坐。^_^環境我覺得冷氣OK，尤其夏天都掂，裝修幾靚，都幾有外國風情，餐廳tone洗啡色，加埋啲燈都算有情調，推薦如果有情侶想去有情調餐廳可以夜晚黎，效果更佳。^_^食物set lunch佢地set lunch 有沙律/湯+main course+drink，個人認為都值得叫嘅。bread佢人頭兩塊包，點黑醋同橄欖油，嗰包微暖，質感鬆軟，每次去都唔一樣，高質。main dishes試左三樣嘢 首先係吞拿魚他他，呢個上面嗰層係調左味嘅牛油果，下面紅色嗰層係生吞拿魚+番茄+洋蔥，同樣同有調味過，我平時唔鍾意番茄太酸，呢個比我好清新嘅感覺，無酸味，呢碟嘢有拳頭咁大，幾高，個人認為你黎度呢啲地方一試無妨。第二個試嘅係lunch set入面嘅蒜香蝦意麵，呢個麵質唔錯，係幼身，蒜香味十足，帶辣，唔好食得辣嘅人唔好叫，蝦就重蝦味，有蝦尾，不過易脫，而且能容易脫出完整蝦尾，適合強迫症人士。第三個係lunch set 手撕豬肉漢堡配薯條，呢個麻麻啦，好乾嘅豬肉，平時啊

下午一時多，見這間餐廳環境不錯，就決定試試。點了一個海鮮pizza 和一客Nachos。海鮮pizza 超好吃，薄底很脆，配搭海鮮很香😋Nachos 是脆片上有熱溶芝士，可點蕃茄汁或牛油果醬。因我個人不太喜歡薯片類食物，太熱氣，所以感覺一般。

比同一條街的餐廳多幾枱客 所以揀呢間食午餐 出面冇位 坐左入面 音樂細細聲 同對面講嘢唔洗好大聲 好舒服 全部都係熱門歌 得兩三個店員 外國人 佢哋超級忙 落單又係時候發揮講英文的能力*Fish n Chips with ketchup and tartar sauce $108炸魚 幾大塊 不過唔係好厚肉 炸皮有兩層 一層黐住啲魚肉 一層離肉 脆度好似薯片咁脆 配塔塔醬好正 不過個碟有一層油 好彩條魚唔係好油薯條 連皮的炸薯 外脆內軟 不過薯仔唔係好重 調味都唔係好夠*Tiger Prawn A.O.P $98香辣欖油蒜茸老虎蝦意粉少少辣 好香口 用欖油做base的意粉 完全唔覺得油膩 老虎蝦有四五隻 都叫幾大隻 至少唔係蝦米仔*wPepperoni Pizza $118意式香辣肉腸薄餅辣肉腸唔多 芝士鋪滿個薄餅 餅底唔係薄餅麵包 係餅乾底 脆到硬

兒童餐份量不少，我地叫左肉漿意粉，一個大人食都夠食，還送一杯飲品，都算抵。另外，班尼狄蛋配波菜及火腿，幾好食，波菜又多，火腿煎得恰當，不會好乾身。漢堡包好味，但包內洋蔥煎得有點燶，但整體都好味。

今次已經係第三次來，可能之前未試過夏天來，所以選擇坐室外，實在太熱了，選擇室內比較好！美國石蠔：味道鮮甜，可惜有其中一隻可能不新鮮，有點怪味！美國安格斯西冷：肉質可能雪藏太久，沒有牛肉味道，上次食都冇咁差，需要靠燒汁調味！法式燒羊架：羊味一般，這個質素單售$268+10%有點貴！鐵板燒雞：一個字“喊”，肉质粗糙，可以話難食，不值得點！肉醬意粉：全晚最好食的一碟，$68底食！夏天太熱，不適宜坐室外！可以接受。