影片
更多
2021-08-04
1059 瀏覽
西貢市中心一向都進駐左大大小小既西餐廳及咖啡室，各有特色各有質素之下，要搵到間有位既餐廳真係難上加難。小編與老公及朋友們原本想趁暑假入黎輕鬆下，點知淨係響搵食已經遇到大難題..經過呢間Big Fish Seafood & Grill，原本都以為入面淨係得以魚類為主既菜式 - 但其實都只係因為餐廳名既關係，入面既菜式都係以意式為主既海鮮扒房。員工見我地無訂枱又好徬徨既時候，因為時間尚早關係都決定謄空預留既枱俾我地享用晚飯 (當然有限時用膳啦)。 由於實在太肚餓喇，所以稍為研究完餐牌後就即刻點菜，以下為小編推介既菜式，等大家可以作為參考吧：1) Pizza Gorgonzolla ($158)：響小編眼中，意大利既薄餅最吸引之處唔係非傳統既"菠蘿"，而係其中最傳統既芝士及餅底。Gorgonzolla直接既使用2款軟身而芝士，食落去唔會覺得酸而會覺得有點甜甜，點解？因為佢響配料上單純用左焦糖浸熟既洋蔥，芝士及焦糖正正就係令薄餅唔會太油膩得黎又開胃既關鍵! 非常好味! (上枱個刻芝士當然會有拉絲既效果啦) 而餅底香脆，以小編計其實係2-3塊都唔會太有飽肚感。2) Braised Lamb Sh
經過呢間Big Fish Seafood & Grill，原本都以為入面淨係得以魚類為主既菜式 - 但其實都只係因為餐廳名既關係，入面既菜式都係以意式為主既海鮮扒房。員工見我地無訂枱又好徬徨既時候，因為時間尚早關係都決定謄空預留既枱俾我地享用晚飯 (當然有限時用膳啦)。
由於實在太肚餓喇，所以稍為研究完餐牌後就即刻點菜，以下為小編推介既菜式，等大家可以作為參考吧：
1) Pizza Gorgonzolla ($158)：響小編眼中，意大利既薄餅最吸引之處唔係非傳統既"菠蘿"，而係其中最傳統既芝士及餅底。Gorgonzolla直接既使用2款軟身而芝士，食落去唔會覺得酸而會覺得有點甜甜，點解？因為佢響配料上單純用左焦糖浸熟既洋蔥，芝士及焦糖正正就係令薄餅唔會太油膩得黎又開胃既關鍵! 非常好味! (上枱個刻芝士當然會有拉絲既效果啦) 而餅底香脆，以小編計其實係2-3塊都唔會太有飽肚感。
2) Braised Lamb Shanks ($288, 連湯及飲品)：羊架大家可能都食得多，但其實羊膝都係羊肉黎講非常特別既菜式之一。呢間餐廳既羊膝煮出黎肉質非常之軟熟﹑所以當你輕輕用刀切開個陣，羊肉就會一絲絲既被切出黎。再加上伴碟既紅酒汁﹑薄荷汁去食既時候，就會發覺無羶味既羊肉真係好好味。而佢既薯蓉都係偏向軟身，配合紅酒汁都係非常好既享受。
3) Turkey Kebab (實際名字唔太記得，包幾塊土耳其烤餅包肉用)：響意大利餐廳食烤肉串其實有點格格不入，不過既然響餐牌度成為特別介紹菜式，所以點都要試下既。意想不到既係，整條烤肉串上均插滿烤肉，而中間既辣椒非常惹味，配合香料非常足既烤雞肉食，非常好味 (不過雞肉會稍為有少少乾身，建議點汁食)。
另外都叫左Seafood Jambalaya及飲品Mango Smoothie，海鮮飯既飯質比較軟身既，但雜錦海鮮既味道都算可以既，只係相對肉類之下有比較；而芒果沙冰既冰打得非常碎，所以飲個陣唔會有粗糙感而易入口。
響無特別期望下選擇今晚呢間餐廳係有驚喜既，特別多謝員工計好翻枱時間而響無訂位情況下俾我地入座用餐。
張貼
