Big Fish Seafood and Grill

今晚幫襯咗一間喺西貢性價比高嘅西餐廳，過了一個愉快的晚上。因為冇預早book位，所以被安排坐喺出面露天嘅位置，感覺反而更好，除咗光線唔夠之外，其他的都覺得好掂當，依家涼涼哋有少少風，感覺非常chill非常舒服。先來一個baby blue，新鮮好食，佢入面個汁調得好好，香蒜加埋橄欖油用嚟點麵包超正。佢呢度嘅pizza都做得好好，個pizza餅底好好食，熱辣辣好正。叫咗一杯牛油果smoothie，好fresh好好味。…查看更多

放假入開西貢，見到依間餐廳買一送一 「 main course buy one get one free」優惠，好似幾吸引，所以諗住入去試吓。首先前菜嗌左紐西蘭生蠔，入口充滿海水味，鮮甜得令人驚嘆，每一口都像置身海洋，質感嫩滑，真係好好食！😆主菜方面，嗌左安格斯西冷牛扒（12oz，$328），揀左五成熟，火候掌握得啱啱好，肉質嫩滑多汁，肉味濃郁，份量超大，性價比很高，食得好滿足！🤩另外一款主菜係帶子天使麵（$238），意粉味道調得很好，醬汁濃而不膩，帶子大塊新鮮，口感彈牙，份量十足，絕對是意粉愛好者的首選！飲品方面，嗌左杯Super Blue Berry Smoothie，味道濃郁清新，藍莓的甜酸平衡得幾好，飲落好順口，感覺好似飲緊藍莓冰，夏天飲一流。整體來說，今次用餐體驗非常愉快，食物質素高，份量足，優惠又吸引，環境舒適，服務也貼心。強烈推薦給想享受美食又不想荷包大出血的朋友！…查看更多

我試過晚+午餐！ 喜歡無係門口搶客，無優惠，餐廳嘛，做好食物質素已經可以吸引食客！餐具：簡單，乾淨企理！服務：體貼，到位，全無壓力俾食客！食物：選擇夠全面，味道恰到好處，處理食物夠細緻：有驚喜！值錢：合理，附合成品價值！一定會想再嚟食，等待下一次嘅味蕾享受！香港餐飲加油，用心的食物製作人👍🏻…查看更多

少入西貢，入嚟lunch前睇過Openrice食評，但冇邊間餐廳想試，因為有供應素食的多數係cafe，除咗貴（如Little Cove Espresso)，仲好悶添~同朋友邊行邊搵，見到呢間餐廳喺店外棟咗個素食餐牌，亦有提供午市套餐。喺多個午餐選項入面，有「印度香料烤雞卷」，下面有行字話可改為「炸鷹咀豆餅鷹咀豆蓉卷」，所以直接點咗呢個餐，唔使單點素食。是日餐湯：午餐可揀湯或沙律，沙律寫明有肉；是日之選係西蘭花湯，跟湯有一小塊法式蒜蓉多士；湯有少少稠，但唔係忌廉果種厚重質地，飲落唔漏，份量適中，味道清清地亦有少少飽肚感；西蘭花的份量應該唔多，湯只呈淡綠色，飲落亦冇乜西蘭花味炸鷹咀豆餅鷹咀豆蓉卷配沙律、薯條：上檯時，已覺得好大份、足料；鷹咀豆餅/蓉有起沙的口感，好鍾意；調味唔重手，恰到好處，食得好舒服；份量大，可以2個人share再額外點多1個前菜/甜品，應該已經夠飽同滿足，健康美味；沙律新鮮，應該加咗檸檬黑醋汁，清新；幼身薯條，上檯時唔熱，味道正常；因為個卷，我會俾呢個餐5粒星，係日日食都唔會厭的食物烤雞配沙律、薯條：朋友的午餐；半隻烤雞，有肉汁，亦有少量醬汁；朋友食曬，味道應該唔錯凍黑咖啡：凍飲毋須加錢，味道正常餐廳環境幾好，每檯有花點綴，座位舒適，檯與檯之間距離闊落，適合傾計。剛入餐廳時都擔心中伏，因為1300去到，附近的餐廳已坐滿人，唯獨呢度無論室內、室外亦冇客，點知原來佢的食物水準幾高！餐牌上的食物選項乜都有啲，有啲「立立雜雜」，定位唔係太清晰，可能算係多國菜？坐到1330，開始多咗啲客，而侍應端出嚟的食物亦好香、好大份、好吸引，見有食客帶狗狗坐室外，佢點咗個沙律，份沙律滿滿一盤，主人同狗狗可以分享，令我都想計劃一下同狗狗一齊嚟。侍應的服務可以，唔係好殷勤，但加水、執檯好爽手，上菜亦幾快。我同朋友喺餐廳留咗1.5小時，可慢慢享用食物之餘，又能夠靜靜哋傾下計。…查看更多

今日，同屋企人走左去西貢食西餐。環境乾淨，有2層供餐飲。當時叫左德國豬手，煎牛肝，紅酒豬腩肉，洋蔥圈，沙律，炸魚薯條，pizza。味道非常好，牛肝5分熟，肉汁豐盛，更加可以食到佢獨有油脂香，外脆內軟。豬腩肉炆得勁腍，因為有紅酒，所以可以感受到滲透到肉裏面嘅酒香，汁水香濃。pizza餡底，唔係茄醬底，而係芝士底，所以食落唔似普通料pizza，而係會有香濃嘅奶油芝士香，配上啲煙燻腸，咸香十足。豬手烤得皮脆肉香，外皮非常香脆，內裏則會有油脂黏住口腔，油脆香濃。肉質則比較有韌性，但唔會好柴，而係有肉汁，都非常推薦。其中，餐廳服務都係英語對話，應該全部都係外國人，但係服務超好，細心熱情，仲會同你講幾句邊啲好味，認真推薦…查看更多