影片
更多
2021-02-28
430 瀏覽
趁住農曆新年假期最後一日，到西貢市行下、晒下太陽兼食個早嘅午餐。因為太多人，怕搭車出返市區時要等好耐車或者塞車，最後只係閒逛咗一陣就揾餐廳食，避開午餐時間嘅人潮。同行友人話想食炸魚薯條加啤酒，幾乎每一間西式餐廳都有供應，咁唯有揾間有個魚(fish)字嘅餐廳喇。餐廳內櫳唔算大，只有七八張枱(每張可坐4人)，亦可以選擇户外有帳篷的枱(可吸煙的，請留意)。假日係無套餐嘅，但可以加$20配餐湯或餐飲，又或者加$40配晒兩樣。一行3人，分別叫咗蒜蓉大蝦意粉、牛扒薯條(加配蘑菇湯)及炸魚薯係(加配啤酒)。意粉上枱時非常香，顏色有光澤，感覺吸引。蝦有五六隻，不過意粉落咗好多油炒，好膩，而且蒜蓉極多，味道太搶。蘑菇湯唔夠杰身，但調味係ok嘅；牛扒由order嘅七成熟變成上枱時嘅全熟，好韌，得好攰。粗薯條炸得好啱火候，但廚師落得太多鹽，而且唔均勻。炸魚外皮(朝上嗰面)夠脆，但略嫌外皮太厚；但向碟面嗰邊就可能未"瓊"夠油就上碟，淋晒。食物整體味道係唔錯嘅，不過下次再去應該會試第二間。
因為太多人，怕搭車出返市區時要等好耐車或者塞車，最後只係閒逛咗一陣就揾餐廳食，避開午餐時間嘅人潮。
同行友人話想食炸魚薯條加啤酒，幾乎每一間西式餐廳都有供應，咁唯有揾間有個魚(fish)字嘅餐廳喇。餐廳內櫳唔算大，只有七八張枱(每張可坐4人)，亦可以選擇户外有帳篷的枱(可吸煙的，請留意)。
假日係無套餐嘅，但可以加$20配餐湯或餐飲，又或者加$40配晒兩樣。
一行3人，分別叫咗蒜蓉大蝦意粉、牛扒薯條(加配蘑菇湯)及炸魚薯係(加配啤酒)。
意粉上枱時非常香，顏色有光澤，感覺吸引。蝦有五六隻，不過意粉落咗好多油炒，好膩，而且蒜蓉極多，味道太搶。
蘑菇湯唔夠杰身，但調味係ok嘅；牛扒由order嘅七成熟變成上枱時嘅全熟，好韌，得好攰。粗薯條炸得好啱火候，但廚師落得太多鹽，而且唔均勻。
炸魚外皮(朝上嗰面)夠脆，但略嫌外皮太厚；但向碟面嗰邊就可能未"瓊"夠油就上碟，淋晒。
食物整體味道係唔錯嘅，不過下次再去應該會試第二間。
張貼
