Beans Brekkie Room

營業中

休息中

好姊妹聚餐，重質不重量，食物有賣相，打卡好正常。第一次黎呢間餐廳，環境很舒適，服務員年青有禮，適逢隔離檯外國小妹妹任性打爛玻璃杯，服務員哥哥細心問我們有沒有受傷，很窩心，請我們移到鄰座先座下，清理好碎片再請我們坐回原位，態度值得讚賞。每款食物質素都很很很好味，賣相很吸引及用心處理，又要讚，姊妹不小心碰瀉飲品，服務員哥哥即刻話換過一杯給我們，如此貼心服務，太感動了，不過，我們預備離開，所以道謝及婉拒了，這餐晚餐實在太難忘，值得一幫再幫襯，真心推介。

間餐廳管理極有問題8pm入席，已經講明9pm last order，10pm收鋪8:10pm我地已經妥善落左QR code order，到8:40pm先收到食物到8:45pm,行埋黎話 last order 要叫埋野飲，好唔緊要到9pm直情喺我地未食完主食既情況下，直接上甜品，張枱根本無位放！大部分侍應都趕收工既態度，我理解上幾年疫情收10pm係理所當然。但疫情都過左，態度及服務可否專業少少？定係持住自己鋪頭有「光環」可以做到劣一劣都仲有一班fans?

好耐冇嚟坑口，朝頭早喺坑口有啲嘢做完，見早餐時間未過即刻去beans 嘆下。可能係時間早嘅關係，唔使排隊直接入去有位坐。近幾年越開越多分店，依然keep住價錢平同埋食物質素ok。呢set早餐係好抵食👍🏻

朋友入黎探我專登帶去食我地東港城最多人排隊嘅餐廳。佢地定期會更新餐牌。今次又有新餐牌俾我地試食啦，新餐牌嘅質素非常之好特，別推介大家試下芝士開心果披薩你，開頭以為佢係咸食，食點知原來佢跟左蜜糖俾我地食落甜甜地又有芝士嘅鹹香味非常得意，個批底係好軟熟麵包令我一試難忘高度推介🤤另外佢嘅波菜汁三生蠔意粉亦都煮得非常出色，蠔嘅質地熟嘅程度剛剛好，保留少許嘅海水味，意粉上碟時非常之熱辣辣整體質素俾10分。另外朋友叫左個蜜糖雞翼話其他分店煮都唔好食，以呢間結果都冇令我地失望質素非常之好

每次經過Beans都大排長龍，今日星期五想食個豐富嘅早餐比自己一個Good morning☀️ Beans嘅早餐都好多選擇，最平$38一個早餐，而我今日就叫咗個豐富嘅早餐Egg Benedict😍🍳 Egg Benedict 單是賣相已經十分吸引，整體質素很好，Benedict隻蛋好流心，熟度剛剛好，會上煙肉和沙律菜非常開胃，而且份量也剛剛好，配埋佢杯咖啡非常滿足😋

之前食過咁多次都未試過食完番去肚柯嫁，今次真係令我好失望，亦都唔打算再幫襯，星期日去食個早餐叫左份炸魚柳，出到黎個賣相已經麻麻地，點知食左一啖就知出事喇，個炸魚柳係凍嫁，入面重要未熟，個皮重又淋又濕，之後叫職員拎去換個，咁都好好幫我換個條，之後都比番個正常既炸魚柳我，係脆同熱既，同埋係熟既，但估唔到食咁多次都冇事，今次竟然比左條唔熟既炸魚柳比我，番到去重要柯左幾次，我諗以後都唔再黎幫襯，怕怕😥😥😥

最近轉左係將軍澳返工初嚟報到人生路不熟所以就跟同事一齊食飯佢地話食Beans Brekkie Room個名幾特別嚟到之後發現原來都係beans lol之前喺沙田返工其實都成日食beans 不過就主要係食意粉多今日掙扎咗一陣 究竟叫黑松露軟殼蟹意粉定食手撕豬仔骨漢堡最後都係決定試漢堡 因為以前食外賣比較多漢堡包食落比較麻煩，所以比較少叫今日黎堂食就緊係要叫下味道不過不失正正常常手撕豬仔骨調味適中肉質不太un份量都足夠薯條外脆內軟推薦 可以encore!是日午餐盛惠$92

介紹返我心目中嘅黃店名單😜呢幾年Beans食物質素都好高💕基本上每一次都咁好食😌所以耐唔耐我都會食一次😜黑松露軟殼蟹意大利粉🍝好濃烈嘅黑松露味🤤黑松露控食呢個一定會好滿足💓意粉好有咬口🥰醬汁好creamy~掛晒喺每一條意粉度😉仲有大量嘅雜菇，夠晒fresh😆軟殼蟹炸到脆卜卜！好食😋豪華英式全日早餐🥣呢個all day breakfast好抵食😉有好多黑松露炒滑蛋同菇菇😋有兩條幾粗嘅白肉腸同兩塊唔算鹹嘅煙肉！仲有好新鮮嘅沙律菜同半個燒過嘅蕃茄🍅早餐唔少得有茄汁豆啦😋最特別嘅係有成個冬甩造型咁嘅窩夫🧇好香蛋味架🥚午餐可以加$28仲有一件蛋糕🤩卷 ．山政小山園以上乘製茶工製做出 A 級評定之抹茶卷蛋😌每一啖都好濃抹茶味🤩中間嘅cream好幼滑😚仲有啲紅豆餡同抹茶啫喱，超好食😝Say "Cheese"檸檬芝士慕斯.焗美式芝士蛋糕呢個造型超得意，成嚿芝士咁😆味道好清新嘅感覺😌同個芝士好夾，食落唔會太膩💖套餐包埋一杯飲品，我每次都會叫檸檬蜂蜜😝清清甜甜蜜蜜🤓Beans Brekkie Room (將軍澳)將軍澳重華路8號東港城1樓105號舖

今晚Beans竟然無爆滿，坐得舒服，食完仲可以慢慢嘆埋杯drink先見menu有幾項NEW items,都想試下，點了2個（餐包飲品）：1。酥皮烤雞胸釀蝦（配香蒜薯蓉、雜菜），這個要等多點時間，但雞肉很嫩，底有蝦，配有蜜糖味既醬汁；薯蓉特別好味因為有蒜味！2。烤三文魚扒薯蓉雜菜，薯蓉就沒有加香蒜，多了塊薄脆和小紅蘿蔔仔，雜菜沒多油份，煮得啱啱好，啱晒喜歡健康既人，用心咁卷起來很靚Special drink :summer time夏日時光（海鹽、藍柑、菠蘿、椰青水）賣相已經好靚，開初飲有點甜，但攪到海鹽既少少喊同拮下檸檬片既少少酸，仲有菠蘿果肉，mix together又幾好飲，顏色都好夢幻最後唔少得加返件招牌cake,完滿呀Beans既新items真係有驚喜！

午餐到Beans Brekkie Room，位於將軍澳重華路8號東港城1樓105號舖。 大約一點半到， 在門口等了十分鐘左右就能入座🙌🏻。 三個人點了兩個午餐和一份散叫菜式，黑松露軟殼蟹意大利粉$86、 北京燒鴨蒸包漢堡 · 薯條 · 沙律$94、 豪華英式全日早餐$132、 拿破崙$28、 Creme Brulee$28、 熱榛子Latte$34、 熱榛子Mocha$34、 熱檸蜜。 🔹熱榛子Latte☕ ～ 咖啡味重過榛子味。 🔹熱榛子Mocha☕ ～ 這一杯的朱古力味好濃，飲到最後有點苦澀味🤏🏻。 🔹熱檸蜜🍵 ～ 熱檸蜜跟餐的，不用加錢。 🔹黑松露軟殼蟹意大利粉🍝 ～ 軟殼蟹口感酥香， 黑松露味勁香濃， 醬汁份量多，食落特別creamy。🔹北京燒鴨蒸包漢堡🍔 · 薯條🍟 · 沙律🥗 ～ 蒸包軟綿綿， 燒鴨口感不算香脆，但入口都幾嫩滑， 如果加多點醬汁就更加好， 配上粗身薯條和新鮮的沙律， 中西合璧，幾有創意。 🔹豪華英式全日早餐🥙 ～ 有窩夫、煙三文魚、煙肉、豬肉腸、蕃茄、茄汁豆、黑松露炒蛋和雜菌， 非常豐富的食材， 特別是窩夫，熱辣辣帶點蜜糖的香味，又不會過甜。 🔹拿破崙🍰

坑口站上蓋商場內，美食選擇多，今日選了有多間分店嘅連所餐廳來試一試。嫻日來食個早午餐，不用等候，坐得舒服。落咗一個餐叫多幾個配餸，兩個人食，飽足～香濃龍蝦湯，值得一試，龍蝦味重，正～芝士薯條，熱脆，分量適合。榛子朱古力賣相吸引，簡直唔想破壞杯面的一幅畫，朱古力味味道濃沃。主角Backyard：Benedict 配合得好好，還有菇、腸、哈密瓜、小donut、羅馬生菜～好多嘢味道多元化，相信總有一款啱你心意。

來這裏晚餐，最主要是為了以優惠價跟餐追加的甜品。晚餐點了豬肋骨、千島海鮮薄餅，食物能保持一貫的水準，夠熱、份量大、味道也很不錯。然後重點來了，點了一下抹茶蛋捲和朱古力香蕉蛋糕。抹茶蛋捲蛋糕部分濕潤鬆軟，內裏的抹茶忌廉份量多，抹茶味超級濃郁順滑，表現真的很出色，真的令人一口接一口地吃（雖然已經很飽）。另外朱古力香蕉蛋糕的朱古力味也很濃厚，香蕉的味道和朱古力很配合，蛋糕也有幾重口感。曾在這裏試過幾款甜品，仍然覺得抹茶蛋捲是最好的！

坑口東港城好食嘅餐廳唔多，所以平時多數都係食呢間beans，今次叫咗一個The Backyard Breakfast，裏面有煙三文魚egg benedict、窩夫、哈密瓜巴馬火腿、煙肉、豬肉腸、蕃茄、茄汁豆同埋雜菌，好豐富！嘢飲就叫咗一杯ice mocha，咖啡味都好夠，又唔會太甜，好飲！加咗錢叫佢哋嘅甜品，因為見到佢哋個甜品櫃啲蛋糕全部都好吸引，呢個拿破崙蛋糕個餅好脆卜卜，自己食晒一件都唔會覺得漏，佢哋嘅蛋糕都好高質！

今日想同朋友傾下偈，揀左呢間BEANS貪佢環境幾靚可以順便打下卡今次只係叫左焦糖單骨雞翼、巴馬火腿配蜜瓜、同一人一杯咖啡。食物唔算特出，味道不過不失，但想特別講下餐廳既服務態度好好，一開始坐角落位置，因為冷氣好大我地要求換位，但後來見到門口位靠住格仔窗有位我地又想轉，店員都不厭其煩幫我地調位當時人流都唔算多，真係好感謝佢地。而我地坐左3個鐘，又影相又食野又傾偈，店員都好好，適時幫我地收碟同加水，今次體驗好滿意，有機會都會再黎同朋友小聚，係個唔錯既選擇

平時beans嘅main course不錯 所以今次行街行到攰就去咗beans試吓佢哋嘅甜品🧐 weekend 5:00去到 唔使排隊👍🏽- 🍞oreo麻糬流心吐司 $68吐司上面有麻糬同vanilla icecream🍦 麻糬唔太大夠但幾有咬口😌 但就件唔到個toast有流心🥴 個toast咁黑我以為佢會好重oreo味 但其實個toast本身都唔太有味 不過撈埋啲朱古力醬同雪糕食係不錯的👍🏽 比起oreo toast佢更似chocolate toast😂-🧇焦糖香蕉窩夫 $68窩夫偏軟身 佢話係蜂蜜窩夫但好似食唔出蜜糖味 似係普通甜甜地嘅麵包😅 香蕉上面有一層焦糖 仲有一啲焦糖爆谷同雲呢拿雪糕😍 另外附上糖漿 香蕉都係咁嘅味😂 焦糖爆谷好夠味而且夠脆👍🏽 不過值唔值呢個價就見仁見智-beans依舊擺盤好靚 打卡啱晒😍 亦都坐得好舒服😌 不過相比起甜品似乎main course更加好食