Beans Brekkie Room

營業中

休息中

下午茶時段真係超抵食有次5點幾嚟到都仲係下午茶時間一個餐連嘢飲都只係五六十蚊同平時晚市價錢爭幾多下鍾意食佢個軟殼蟹意粉 幾濃幾香單邊雞翼都好食嘢飲可以試吓佢哋啲咖啡

今朝食個早餐，我叫咖啡，服務員問我是否齋啡，我話要有奶的。可能我不知到齋啡會跟奶精，她即時用好寸的態度從收銀櫃一野隊盒奶精到我眼前。並勁無禮貌講話你要奶精的就不用錢，要latte 就加幾錢，佢隻手隊住盒奶精係我臉前起碼3,4秒，眼神勁無禮貌。我只不過第一次來食，不知道你的齋啡是跟奶精的，我只是問清楚。我覺得呢個服務員不知所謂，一大早想食個早餐已經搞到發火。希望你的主管看到這段文章，call返你個cctv睇下你今朝發生嘅行為。絕無下次幫襯。

焦糖香蕉早餐（窩夫）（炒蛋）這道焦糖香蕉窩夫搭配炒蛋，完美結合了甜與鹹。窩夫外酥內軟，焦糖香蕉的香甜讓每一口都充滿驚喜。炒蛋滑嫩，與窩夫形成美好對比，使整體口感更加豐富。焦糖蕃薯條焦糖蕃薯條色澤誘人，外脆內軟。甜中帶著微微的鹹味，焦糖的香氣與蕃薯天然的甜味相得益彰，是一道讓人難以抗拒的小食。特濃開心果杏仁蛋糕這款蛋糕口感濃郁，開心果和杏仁的香味交織，帶來層次豐富的味覺享受。蛋糕質地鬆軟，甜度適中，讓人吃了還想再來一塊。薑母茶薑母茶的香氣撲鼻，溫暖身心。薑的辛辣與甜味的平衡，使這杯茶在寒冷的日子裡成為舒適的選擇，讓人感受到家的溫暖。卷.奧樂蜜C蜜糖檸檬蛋糕這款檸檬蛋糕清新可口，酸甜適中。蜜糖的甜味增添了蛋糕的層次感，口感輕盈，令人心情愉悅，適合搭配下午茶享用。

今日終於捱到放假諗住同老婆周圍食吓嘢所以就搵咗呢間Cafe 諗住唞吓Chill 吓我哋去到嗰時已經差唔多要排隊呢間鋪長期都多人入到去安頓好就開始叫嘢食沙律味道OK 感覺非常清新食完會好健康黑松露醬薯條大大份熱辣辣每條都夠粗夠脆以口感嚟講非常好軟殼蟹意粉有濃濃嘅黑松露醬包裹住每條意粉而且意粉彈牙軟殼蟹就炸到脆卜卜口感非常分明意粉值得一讚至於呢個西班牙海鮮飯可以唔駛叫 完全大失水準首先海鮮有雪藏味焗到全部好似海鮮乾咁全部都縮晒水好韌個飯方面簡直失敗首先佢個飯 鋪得好薄份量少得嚟 完全焗到過晒火基本上啖啖都係食飯焦咬落去卜卜聲完全冇飯軟糯嘅感覺非常之失敗嘢飲方面 不過不失荳子都係以咖啡蛋糕甜品出名所以呢方面都有保證整體嚟講服務方面唔錯食物水準唔夠穩定性價比一般

搬咗嚟將軍澳好幾個月，早幾日終於有機會試吓呢間BEANS，我哋兩個人每人叫咗一份早餐，一份炸魚柳同另外一份班尼迪蛋，佢收得貴就預咗㗎啦，原來佢早餐都要加+10%😓。貴都唔緊要，但真係好難食🤮，你會食到有一陣油饐(益)嘅味道，唔知佢用咗啲咩千年油去炸啲魚柳🤮。同埋啲啲酸種麵包都有陣油饐(益)嘅味道😭，食到我哋兩個個肚都唔係好舒服😵‍💫。應該都唔會再去食，希望大家都留意吓！🙅🏽‍♂️

Chef Ecy’s Dining Experience:🥰 Food | Ambience | Service | Price | Easy Access | Wheelchair | Easy Parking 🙂 Restroom Cleanliness😠 Pet Friendly | Corkage Fee | Cake Cutting FeeThis restaurant has many branches in Hong Kong. It serves Western dishes. The venue is clean and tidy. It is not a big restaurant but a cozy type of western casual dining cafe. They serve breakfast, lunch, afternoon tea & dinner. Their lunch menu has set lunch with drinks & main course. One of the signature dishes is

賣相唔錯，服務態度OK，但係可以更加好，食物質素可以，價錢合理、環境舒適、整體非常好、適合情侶朋友下午茶☕️傾談好地方安靜舒服，地方夠大，自已一個人過來都非常唔錯，安靜食過lunch

本身住喺將軍澳，突然間想去一間靜靜地嘅西餐，大約下晝三點左右唔洗等位直接落去坐，職員就即刻俾張單據手機落單，咁我就揀左午餐軟殼蟹黑松露意大利粉，見佢多人推薦就試下先，30蚊加左個黑松露醬薯條，然後嘢飲我跟餐就揀咗免費嘅飲品，凍蜂蜜檸檬水，距離我都有得揀免費黑咖啡，其他餐單飲品就要加錢叫首先，好快嚟咗杯凍檸水，因為我唔飲甜就走咗蜂蜜然後冇幾耐就上左份炸薯條 ，估唔到份量都幾多大約十分鐘內上左黑松露軟殼蟹意大利粉軟殼蟹份量偏細，味道偏淡醬稀都可以接受嘅，其他配料有幾舊蘑菇，但係啲凳就唔係太舒服令人唔會想坐得耐

焦糖香蕉熱烘窩夫全日早餐Bagel 勁軟熟夾香蕉食又得，夾炒蛋食亦得香蕉配埋焦糖得十分好食😋😋😋香蒜牛油蜆肉意大利粉蜆肉份量唔少，意大利粉口感同硬度適中仍然keep 到牛油香味👍🏽👍🏽👍🏽

今日阿女返學放半晝，同佢去坑口站東港城「Beans Brekkie Room」食 lunch 🍴我地揀左 香蒜牛油蜆肉意粉和 紐倫堡腸茄醬焗長通粉，餐飲「檸檬蜂蜜」係甜品櫃見到個牌寫住生日有蛋糕贈送，就問左服務員要消費幾多，點知佢地話冇限定，有消費就得，甘我地就俾 ＄30 加一件自家制甜品，同埋餐廳送的，就可以試兩款口味喇，我地揀左菠蘿啫喱慕絲椰汁味朱古力和草莓啫喱慕絲朱古力，真豐富 😋

點了一杯8oz熱美式咖啡，一點咖啡香味也沒有，打開杯蓋才有一點咖啡氣味同時夾雜著一陣燶味，入口口感像熱開水一樣，淡而無味，吞下才有一絲絲咖啡及苦澀味道，$19這個價格雖然不會有什麼期望，但沒想過會差到這個地步，7仔咖啡的質素及價格比這店更好更便宜，beans的咖啡不值得浪費金錢去嘗試。

平日攞咗假！就去東港城行下啦～東港城好多餐廳選擇～咁啱見到餐廳冇乜人排隊，所以決定入去嘆個靚早餐先～🥗🍔🥪🍳🥞🧇🌮🥙🌯餐廳都幾大，空間感好足夠～而且枱同枱之間唔會好擠擁，整體感覺好舒服！當日一人用餐，店員就安排咗喺玻璃位置附近嘅二人枱，採光度好好～好舒服叫咗一個熱氣早餐🙈炸魚柳.雞蛋.雜菌.鬆餅/酸種吐司～盛惠$58💰嘢食正常冇乜特別驚喜～發反而坐得舒舒服服可以慢慢嘆，享受吓一人時光！

最近到將軍澳的Beans餐廳享用了一份All Day Breakfast和一杯Cappuccino，真係好滿意！🍳🥓 All Day Breakfast包括香脆的煙肉、嫩滑的炒蛋、新鮮的野菌和一個英式鬆餅，每一口都充滿驚喜。特別推薦佢哋嘅英式鬆餅，外脆內軟，配上牛油和果醬真係一流！🧈Cappuccino亦非常出色，咖啡香濃郁，奶泡綿密，完美平衡。☕️ 餐廳環境舒適，裝修雅致，非常適合放鬆心情享受美食。不過，餐廳有時比較繁忙，建議早點到避免等位。整體來講，Beans餐廳嘅食物質素高，服務態度好，絕對係一個值得再訪嘅好地方！👍

平時假日都要排隊，難得今日係平日可以直入唔需要排隊🤣😂CAFE環境優美，係木系裝修，入佐去有種平靜而放鬆既感覺💁🏻‍♀️Lunch menu 比想像中平， 可以用QR Code落單。 用完QR Code落單會有店員覆你張單一次。叫佐個蜆肉意粉，睇落細兜，食食下都覺得飽，蜆肉有好多粒，都大粒嘅，意粉食到最底好多汁，意粉都軟硬適中。🍜整體算OK，野飲就送熱檸檬蜜或者凍既水果茶，成個餐加埋1都係61蚊。😻

平日過嚟唔使等位可直接入餐廳，而且職員好好畀咗個靠牆嘅邊位我，唔使太逼，有足夠嘅空間咁，個環境坐得都算舒服！！！下午茶佢有甜品小食，由於太餓，最後我都係揀咗個午餐叫咗個黑松露軟殼蟹意粉，佢個擺盤好靚，而且隻軟殼蟹好大個！！！但個軟殼蟹微暖，如果熱返啲嘅話會更好。意粉份量足夠，但未味道偏淡，如果佢黑松露味多少少會更加好食！！嗌咗杯凍檸蜜,但我將個重點轉移咗佢支飲管道，佢飲管應該係用啲類似長通粉既成份做，因為我有咬飲管嘅習慣，所以咬到有少少似米漿嘅味道，甜甜地，哈哈哈