月頭約女友人DC喺4-10-2025 (Sat)見面俾手信兼食晚飯，佢話晏晝OK，咁約喺呢喥食晏，因為我都厭倦喺荃灣食嘢。我同老公早咗7分鐘到，就喺門口排隊，冇耐DC到嚟，我哋就繼續等，等咗一陣，店員出同我哋講唔好意思，未有大枱，只有細枱，所以要俾後面嘅客人先，咁我哋等咗25分鐘至有枱，睇完menu，就要咗：3. 叫主食+$28.00任飲橙汁味道正常冇問題。3分2. 叫主食+$30.00羽衣甘藍蕎麥沙律份量適中，味道冇我之前自己買嚟食食到咁難食。4分7. 凍檸蜜少冰DC飲嘅，佢冇講咩嘢。1. 唔知幾錢嘅柚子汁牛舌燴冷麵老公揀嘅，冷麵口感好彈牙，柚子汁份量啱啱好，唔會好難食，煎香嘅牛舌口感亦一樣唔錯。5分6. 叫主食+$28.00（？）嘅熱榛子朱古力都唔係太熱，攪勻飲味道唔太甜，舒服嘅。3分5. 唔知幾錢嘅卡邦尼闊條麵見到顏好深，材料有火腿，炸過嘅煙肉同蘑菇片，食落，呢個有啲黑椒味，做咩會落黑椒呢？原本整體都冇問題。4.5分4. $128.00脆脆麵脆雞饅頭漢堡是拉差蛋黃醬（辣）配薯蓉menu寫明為保留食物風味，唔會為客人切開，而呢個都製作須時，所以真係好耐至到，睇見擺盤好靚，似有山有海，我哋自已切成三份喇。饅頭暖暖地但有彈性，脆脆麵同脆雞係脆嘅，而雞肉仍juicy，而是拉差蛋黃醬只係微辣，我都食到，薯蓉好滑，但似汁多啲。4.5分8. 叫主食+$30.00雲尼拿燉蛋+自家製蛋糕我哋揀後上，滑燉蛋食到點點嘅雲尼拿味，唔太甜，蛋糕似係朱古力味，呢個正常冇問題。4.5分服務：任飲橙汁係飲完一杯會refill，第一次係會自動斟，但之後就要叫。而之後我老公join做會員，問店員迎新優惠係咩嘢？佢答橙汁免費任飲，可即時幫我哋waive咗，或下次再食時用。我哋揀咗即時waive。限時90分鐘，不過我哋食完超時喺喥傾偈，有位但冇人等，都唔會催我哋走。4.5分價錢：唔係好清楚，似睇到係$569.00。…查看更多
