Baker by Lubuds

營業中

休息中

🇭🇰Baker by Lubuds·之前我有個follower推介話呢一間嘅葡撻好好食 所以我一路都好想買 但係行過咗幾次都買唔到 最後見呢一個朱古力酥幾靚 就決定買佢🤣🤣·PAIN AU CHOCOLAT $28佢呢個超大個 酥皮做得幾出色 每一層都好酥脆😻而且佢中間有啲朱古力粒 朱古力味好濃 焗完之後微微溶化 配埋面頭嘅朱古力粉 口感幾正🍫不過因為佢面頭太多朱古力粉 一啖咬落去會食到成個嘴都係 比較狼狽🤣🤣·#rbyeat#rbybakery#rby太古·📍太古太古城道18號太古城中心3樓307號舖

28/4/2024星期日2:15經過見有人排隊等3:00出爐嘅蛋撻，既然經過，又喺冷氣商場入面咁就排隊等啦。3:00準時開始賣，我買咗4個，兩個人分享，即時行出去戶外地方試食點知⋯⋯一手從袋中拎出嚟，已經全手油，一口咬落去，外皮好難咬開，普通蛋撻味道無驚喜。食完兩個滯到晚飯都食唔落。因為之前食過BakeHouse，連食兩個唔夠喉，抱住呢個心態買呢間，點知中伏。其實個人口味，佢唔係難食，不過唔鍾意蛋撻底咁油啫。見佢牛角酥同其他麵包、果撻賣相唔錯，或者下次試吓，不過蛋撻要排起碼點半小時但唔啱口味，我唔會排lu ～

我幾乎每個星期日都去呢度買包。通常都係買牛角包、芝士火腿牛角包、脆皮朱古力牛角包及開心果酥。每次都唔駛排隊即買即走。咁啱今日2:56分去到見到大排長龍，職員話只買包唔買蛋撻可以現在唔駛排隊直接買，咁我就去隔離Bloom訂兩杯Expresso Tonic，諗住買完包再去攞咖啡，點知啱啱好3:00蛋撻隊開始郁，只買包不買撻的顧客都要無辜捲入旋風一齊排！好彩條隊郁得唔算慢，我就打消了中途離隊的念頭。以後真係要避開蛋撻出爐時間！其實管理層可以考慮分開兩條隊，一條蛋撻隊，一條只買包，否則真係會嚇跑「人龍焦慮恐懼症」的顧客！

之前啲人個個都去太古城排lubus蛋撻，搞到我都心思思好有興趣，見前幾日有啲時間就諗住去試吓佢到底係唔係真係咁好食！見到其實佢有寫蛋撻出爐時間，最近我當時嘅時間係15:00，由於我唔係真係咁鍾意排隊，諗住去搏一搏，如果排唔到就算，最後我14:40去到舖頭，已經有大約15至20人等緊，諗住最多都係等20分鐘，都OK啦大約14:50會有職員出嚟逐個mark低每人要幾多個，會寫張紙仔俾你，之後冇得改 搭正15:00就可以開始買去最前嘅時候你就會望到成個櫃都係好吸引嘅麵包，職員都會好有禮貌問你需唔需要買埋其他麵包，我本身都淨係諗住買蛋撻，但係見到啲牛角酥太吸引，所以就買咗一個牛角酥同埋一個朱古力牛角酥蛋撻$12@ 又真係幾好食，個酥皮好脆牛角酥$18@ 佢嘅外型非常之吸引，係典型法國牛角酥嘅樣，食落都好鬆脆朱古力牛角酥$28 上面有可可粉同埋金粉，好靚好夢幻

太古城中心最近開左一間新的餅店，時常見到大排長龍買蛋撻。平日經過，下午5點唔算太多人，等了15分鐘就買到新鮮出爐既蛋撻。每個＄12，剛剛出爐新鮮熱辣，蛋撻皮是層層的酥皮，焗成焦糖化，鬆脆可口，蛋撻的餡唔算太甜，有濃郁的蛋味，口感香滑，二者互相配搭，美味合襯。另外都試埋牛角包，每個$18。牛角包深色的部份用左蜜糖焗，有少少嘅甜味，中間嘅空氣感十足，層層疊疊的孔隙帶來更輕盈鬆柔的感覺。整個牛角包都好好味👍。不論蛋撻或牛角包都做得好出色，店內還有其他唔同pastry。造型每個都好靚，可以再試，如果唔買蛋撻，其他食品是不用排隊都可以買到的。

次次經過都勁多人排隊，網上見過話好好食。今日經過第一次既時候見到無人排，心諗係咪可以唔排隊試喇終於，點知原來有個牌寫住蛋撻賣晒。。結果我今日第二次經過既時候見到有人龍喇，不過個賣晒牌仲健在，到底仲有冇呢。。？原來有寫出爐時間。由於見條隊只係去到一半，唔好理，排左先啦。排下排，職員突然間話蛋撻得返一盤，後面既人可能無。😱氣氛即刻好緊張，前面個呀姨望住我話希望有啦。排到呢度仲有20個，安全喇！！終於俾我排到喇！最後買左3個。同港式蛋撻唔同，佢呢個皮超厚。咬落去其實蛋係好少，成件以酥皮主打，好脆好脆，第一次食咁脆既酥皮，真心正呀。蛋就甜甜地似葡撻。下次有機會希望再食啦，我對佢其他酥都有興趣🥰不過如果要排好長就未必了。

平日11:50點排隊等12點出爐，做第一個買新鮮出爐嘅蛋撻，大約等到12:10點，即買半打走人。12點呢一輪有唔少附近返工或者居民過嚟買架！包裝好靚好有誠意，蛋撻盒好大，我個袋裝唔落，加一蚊買咗一個大紙袋。蛋撻 $12新鮮出爐即刻食一個！size偏細，打開盒就聞到好濃牛油香、蛋香 。撻皮係千層酥，層層分明，超級酥脆，濃濃嘅牛油香。蛋漿好熱，唔甜，蛋味偏淡。酥皮比例上多啲，所以每一啖都食到酥皮包住蛋漿，個人非常喜歡呢個比例。返到屋企已經凍晒，所以焗返熱佢。雖然出咗啲油，以酥皮嚟講可以接受。同新鮮出爐嘅時候比較，黐住蛋漿嗰層酥皮有明顯變腍，酥皮亦都冇咁脆，但都係屬於好食嘅蛋撻！杏仁牛角酥 $28返屋企焗熱，牛油味明顯冇蛋撻咁香。中間+表面有層杏仁膏，杏仁味濃但有啲假。酥皮冇咁脆，中間部分更加有啲腍，可能原味會更加好！

廣告成日話呢度既蛋撻好好好食，d酥又好鬼靚，次次經過見到都冇人排隊得返d外表望落去好靚既酥，但係蛋撻賣曬所以一直都冇機會試。今日1點行過咁岩見到幾個人排隊，估計蛋撻差唔多出爐就去排下，排左約5分鐘就見到蛋撻出爐，由於條隊大部分人都買蛋撻又有2-3個職員幫手唔洗5分鐘就買到了..蛋撻$12個，價錢可以接受，蛋漿食落同連鎖炸雞店既葡撻一樣，酥皮層次okay又夠黑，食落又夠脆，不過鋪頭賣既係蛋撻，唔知點解我果幾個蛋撻睇落去同食落去都係似葡撻，值得一讚既係個盒同袋超級靚，如果要排隊就一定唔會再買…唔洗排都要諗諗既…

Baker by Lubuds係太古城新開嘅Bakery🥐🥖🍞早知閒閒地都排半個鐘一個鐘比我經過嘅時候睇到得一條短短嘅人龍即刻排陣隊試下先！😝😝雖然排個時睇落都有十幾人係我前面因為店員夠快手💥 其實5-10分鐘內就買完 都唔駛等好耐㗎😋想買牛角包嘅時候比前面客人買曬🥐以為要揀其他包啦點知店員即刻就推到新嘅一盤出嚟🔥新鮮熱辣更好食！～～「Egg Tart 蛋撻」每人只限買一打嘅皇牌人氣蛋撻🔥外皮係千層酥皮 啱曬係酥皮派蛋撻嘅朋友蛋漿好滑好嫩又唔太甜 食落無咁膩😼個人覺得好味過Bake Hxxxx! 🐒「Strawberry Danish 草莓丹麥🍓」佢個名就係叫草莓丹麥😂 唔係草莓丹麥酥呢個都幾好食！而且外形好靚 成個盒仔咁🏠咬入去都係千層酥咁嘅 中間有啲吉士醬 味道偏向似淡味嘅忌廉入口有融化嘅感覺 個醬好好味✨可惜粒士多啤梨有啲酸🤏🏻🤏🏻同埋個醬嘅份量唔夠多 如果多醬中和返士多啤梨個酸度一定更好味🤤「Croissant 牛角包🥐」牛角包$18大大個！外層有光澤嘅地方搽咗糖 食落帶甜味個包口感係鬆軟酥化嘅不過除咗特別大個之外 就無咩特別啦🦦

今天朋友放工，剛好預著蛋撻出爐，排十多鐘就買到。多次經過這人氣餅店，都因見到人龍郤步，今次終於可一嘗千層蛋撻。千層皮分明酥脆，有微微的焦糖味，蛋味香濃嫩滑不太甜，個人覺得好食過Bakehouse。太好吃了吃剩一個才記得影相。

話說有日坐巴士在太古城轉車到朋友家，正打算上人家屋企，買咩作手信之際，穿過太古商場，看見有餅店很熱鬧，排晒大隊⋯⋯好奇之下一問，原來排隊買蛋撻，店員告知，籌已派晒，你會否考慮繼續排隊試試？於是問: 如果買唔到的話，可以買其他？她說當然可以。當時已經是2:55pm 距離出爐時間還有5分鐘，一於碰碰運氣⋯⋯在排隊過程中，詢問之下，第一張籌已排咗一個鐘頭之多，真犀利。每人限買一打，所以排在前面的必定買到，筆者見買得咁高興，一於湊熱鬧。三點鐘準時出爐⋯⋯幸運地輪到筆者嘅時候，仍有貨，買了一打加兩件牛角包，到朋友家，相信大家一定很開心。半打為一盒，平均每件$12, 每個用紙盒分隔，運送途中冇困難。皮做得很鬆化，一層層，陣陣牛油香氣很吸引，蛋香甜度適中，幸福感滿滿。牛角包$18~包裝袋精美，牛角包內做到一層層，但由於當天吃了蛋撻，朋友叫我將牛角包帶走，留在第二天吃，用焗爐預先加熱，之後焗爐熄後才放包入焗爐，隔一會兒才拎出來，質地剛剛好。整體來說:新開人氣，還在太古城內，有其吸引力，值得一試。

Baker by LUBUDS喺太古城開咗一段時間我已經知，但係真係無奈唔想排咁長隊等食一個蛋撻，所以我忍咗一段時間再去睇吓會唔會少啲人😂😂今次我揀咗非繁忙時間，啱啱佢兩點鬆啲嗰轉蛋撻出完嘅時候去排隊安排咗我諗10幾人到啦就到仲要係得返12個最後12個蛋撻🤣🤣佢啲特色甜品、蛋撻、酥餅、牛角包，其實賣相都真係好吸引🤩！原本我諗住只係食蛋撻，點知我都買多兩個唔同味道嘅酥類嘅包點一個係朱古力味，另一個好似係香莓，我係外賣返屋企食！名副其實蛋撻真係好出色好出色👍🏻👍🏻

今日行開太古城知道呢度近期開咗間人氣餅店，出名蛋撻仲出名好難買到！結果好彩我嘅時間，剛剛好撞正佢差唔多出爐。不過都真係差唔多用咗半個鐘先買到我嘅結論係，如果要排隊嘅話，我決定唔食當減肥。但如果唔使排隊嘅話，係值得一試的！今日體驗到佢嘅排隊人龍，某程度上都係佢哋自製出嚟，作為一個客人覺得佢有少少炒作成份如果佢可以出爐出多啲蛋撻，反而出少啲唔係太多人買嘅牛角包，咁根本就唔需要啲人咁辛苦排咁耐，就係特登為咗等蛋撻。要食撻嘅話，而家人氣嘅餅店仲有兩三間當然大家各有長短處，但我自己就會選擇可以唔使排咁耐嘅店舖吧。性價比: $12一個撻，比起其他人氣打卡餅店佢係算合理味道:既然等得咁耐係新鮮出爐，新鮮就當然好味。不過我自己就覺得比較甜，而家啲人多數食得健康，其實可以減多少少甜

🚩排足半小時 葡撻戰場新貴 🚩📍 Baker by LUBUDS你為了美食願意花多少時間排隊？近年香港掀起一場葡撻熱，Bakehouse, Hastag B, Soft Thunder Bakery，因而冒起的餅店多不勝數。最新加入戰團的是位於太古城的 Baker by Lubuds，葡撻每日有三次出爐時間，反別是 9:30, 12:00, 15:00。目測早上9:30時段最少人排隊，但感覺上出爐數量亦相應較少。根據兩次平日排隊經驗，出爐前三十分鐘到達大致上都能夠成功買到。出爐前職員會先問購買數量，然後給你一張寫上該數量的白紙。如果能拿到，基本上就代表成功。現場所見，如果排隊人士已達兩排，買到的機會就已經頗為渺茫。🍴招牌蛋撻($12)撻皮：十分酥脆，從口感或外觀上都能留意到撻皮層層分明。就算晚上翻焗，撻皮質感依然不會明顯走樣。這方面大勝其他對手，可説是做得最好的一間。蛋心：整體來說算入口順滑，但論蛋香和滑度都略較 Bakehouse 失色。另外，蛋撻表面的焦糖面亦不足，只集中在撻的周圍，令蛋漿較其他品牌欠缺豐富的質感。不過由於撻皮太過出色，加上價錢亦合理，依然推介大家一試。

Croissant 牛角酥 $18呢間新開長期排隊嘅bakery葡撻勁出名，不過去到又賣晒，唯有先買croissant 試試，返屋企再焗返嚟食，好🉐，𥚃面超軟熟，外面又超酥脆💯💯💯