BABY K Bora Seafood (已結業)

上次經過，店員非常親切並介紹午餐餐牌，見到巨甘熱情，加上午餐牌上有波士頓龍蝦海鮮咖沙金邊粉，好吸引，所以今日約埋朋友一起食，結果雜菜湯和南瓜湯味道一般，不過令人最失望系南瓜湯並不夠熱，好似巳放了一段時間，勝在店員肯換個一碗真真正正的熱南瓜湯未講喇沙味道之前，講下尼個有姿勢冇實際的英倫全日早餐先，雞蛋淡而無味，煙肉入口一陣焦燶味，條腸食下食下都感覺到肉質鬆散，最驚訝🙀的薯角竟然系白烚的，無薯仔味之餘重要鋪面的醬汁竟然有魚骨😭😭好彩喇沙金邊粉的湯底味道淡之外，d海鮮尚算新鮮隻波士頓龍蝦肉質並不嫩滑

晚上餐廳一邊有小朋友百日宴，其他只有4枱人，我地18:00已入座，冷氣已經不夠，更離譜是過了一個半小時只上了生蠔及餐湯，落錯單出錯食物，侍應還不肯認錯只有駁咀，食物質素極差，籃靑口、意粉、pizza, 通通得個䶢字，凍奶茶似糖水，甜品tiramisu 只有酒味！服務態度也極差，收費亦唔平，連小朋友都等到好嬲，一定唔會再來😤😤😤😤😤睇返之前原來之前也有人類似遭遇，似乎老闆唔覺得有問題，如打算光顧只有祝各位好運！

如果一個二人 set（頭盤丶湯丶主菜丶甜品丶飲品）另order一個 pizza同青口， 1800落 order, 1915 至上咗個湯你接受到嗎？1850問職員，可否跟下啲食物，因小朋友已好肚餓，回覆～好幫你跟跟。我表明立埸，唔介意一次過上晒啲食物，職員即時回覆表示因張檯太細，係唔會一次過上晒啲菜。但都幫你跟跟。1905再追一次，1915再追話整緊，要等多20-25分鐘即係話之前一路未開始煮～真係火都嚟😤😤😤😤😤1915隔離有檯8人客入嚟，佢地啲食物15分鐘就係咁上。我問職員依家係咪選擇性上菜，真係唔顛都唔得，個職員仲駁咀，我真係忍唔L住。如果大家接受到呢啲咁嘅服務態度，不仿嚟呢間餐廳一試！！P. S. 我都係睇到 openrice有啲好評才一試～不過今次真係.....伏伏伏。

同朋友慶生日，來到已有點伏既感覺，K房傳出懷舊金曲。食品價錢唔平$688 for 2 再加10%, 送上appetizer 生蠔,未試過生蠔唔上生蠔sources,要問先有？main course龜速咁上 唔問唔會上，員工好似來玩來飲野多過返工，個個好似新返工咁。 送蠔無蠔sources, 送龍蝦無鉗跟（用口咬？），奶茶苦到24味咁，甜品極有趣？我以為係伴碟？？？佢話係cream brulee

尤記得來Bora K 那晚，好像是某個紀念日，心頭打著個念頭就是想要找一間有浪漫情調，法式主義，能享受燭光晚餐的餐廳。心大心細，不僅想要高檔質素，還要地方方便我和男友會合見面，花了好長時間好不容易才選擇了尖沙嘴。而要數地方方便的話，K11是首選，在Openrice上篩選了好幾間，最後終於選定了這一間Bora k。餐廳算隱蔽，才k11最高的一層， 還必須細心留意，才不致於錯過了餐廳的位置。進去以後，地方非常寬敞，中庭有整個ballroom那麼大，外面露台還可以露天喝兩杯，笑看風雲。職員招待了我們進去，坐下後研究了一下餐廳，燈光昏暗，打造高級舒服情調。男友發板，小女等食。先來的是龍蝦湯和周打魚湯，喝一碗餐湯，墊個肚子，還附塗上蒜香牛油的法包片。本以為普通沙律已經非常不錯，豈料居然來了個鵝肝沙律，非常驚喜。 主菜是黑松露豬頸肉意粉 和岩鹽五色胡椒黑毛豬梅頭扒配焗薯，黑毛豬肉質稔身味香，非常有驚喜。 

依間餐廳係朋友食完介紹我去食既話依度D蠔好好食而且價錢唔貴依家做推廣8折,我地叫左半打, 介紹下幾隻我覺得正既第一隻係Grey ($58)法國生蠔中當之無愧的重口味的代表之一，食落去好重海水味同金屬味，味道在口中久久不能散去。第二隻係Normandie ($90)佢既蠔味獨特，肉質爽滑，唔怪之榮獲法國農業博覽會2011年金獎和2009年銀獎食落去層次幾豐富，口感獨特第三隻Majestic No.2 ($90)依隻岩女仔食,蠔味夠濃，個帶子位極甜，口感相對細膩第四隻推介既係Gillardeau No.2 ($90) Gillardeau岩哂大食高手,佢既蠔肉好肥美 、咬落去有脆口感覺 ， 質感好好但蠔味唔會太重太過分爆發 ， 我覺得幾有層次感， 最初係海水鮮味 ， 跟住係香濃蠔味 ， 最後係少少榛子味好食

尖沙咀K11 hea hea 好地方 佛誕中午約埋朋友仔食lunch 加 八掛😆 最緊要地點方便+坐得舒服+唔比人趕 😆 本身食物質素對於我地一班女孩子只是其次，估唔到竟然有驚喜 😍👍🏻 食晏、下午茶送每人一隻生蠔，諗住都唔會太OK，但食落新鮮又肥又甜 ~ 正！午餐只是幾十蚊 😍 加$18 有餐湯又有餐茶，個西班牙黑毛豬扒飯好厚身又大塊又juicy，仲有曬薯仔、紅蘿蔔做哂倍菜咁！幾十蚊午餐真係好有heart 😍 d 待應又頻頻黎加水 （可能見我地太多爹、傾得太開心 🤣)，好貼心❤️ 小提示：要夠三百蚊先可簽咭 ^^

剛剛入到店門口，發現呢到比想像中大好多。我同朋友一坐低，立即有服務員攞水比我地，仲有一樣要講就係個環境好舒服，店面好靜，坐既位置都好空曠。我介紹食物方面先，值得推介既食物有前菜碗周打蜆魚湯，呢碗湯味道好濃，食到好多粒粒，飲得出落好重料，再嚟就係個西班牙黑毛豬梅頭，賣相唔錯，食落去熟度啱啱好，更加無猪本來有的腥味，食落好juicy好多肉汁。另外仲叫咗個老虎蝦番茄醬意大利粉，個老虎蝦煎到個殻好香，個意大利粉既番茄醬汁番茄味好濃郁，如果鐘意食番茄醬味道濃一定好鐘意!!!以上就係值得推介嘅食物！！！！！呢到仲有設自助沙律吧，加$38就可以無限食自已鐘意食既水果同沙律總括分數:5/❤️❤️❤️❤️ 食物:5/❤️❤️❤️❤️ 環境:5/❤️❤️❤️❤️❤️❤️ 服務:5/❤️❤️❤️❤️❤️ 價錢:5/❤️❤️❤️❤️希望呢間店可以多啲人知道，因為環境真係好舒服，食物方面都好高質，出面仲有燒烤同酒吧廳，好適合一家大細同公司聚會！！！

店鋪位於尖沙咀市中心 交通十分方便 只要從地鐵尖沙咀N4出口到k11 搭𨋢上三樓 即可到達 環境方面店舖內環境幽靜 播放柔和的音樂 卡廂的坐位舒適 餐桌較大 而且設有酒吧區 隔離更有鏢機適合一群朋友上黎玩 外邊有一大片露台 更有專人為你燒烤 但宜家天氣比較熱同矖 秋天會更加舒適 首先我最鍾意就係西班牙黑毛豬梅頭 外面表皮很脆 內裏嫩滑多汁 而且口感十足 又唔會太韌 但係燒烤汁味道比較濃 容易蓋過黑毛豬的鮮味 另外野菌意大利飯都十分推薦 野菌味十分濃郁 更設有自助沙律吧可以按照自己的創意搭配想要的生果或蔬菜 前菜的野菌湯鮮味十足 價錢方面中上水平 而且店舖位於中環市中心 每位大約三百元左右依個價錢依種食物質素性價比十分高

D野食超好食🦐🦀😍😍尢其是果黑毛豬🐖🤤🤤仲有個piazza好脆口😍環境同服務質素超好🕴🏼仲想食多幾次 👨‍🍳下次試埋隻牛🐂😍😍😍😍😍😍當我一入到間餐廳 已經聞到好香 口水已經開始直流 環境燈光佈置非常好 服務員非常有禮貌 出餐速度都算快 食物質素一流 👨‍🍳😍🤤餐廳較大有分室內和室外 又有現場燒野食 雖然今次冇試不過下次一定試下 還有各種酒及鏢機🤙🏼令我感到驚訝🙀的地方係份量竟然夠我尼個大胃王食😍但注意⚠️尼間餐廳🍴位置比較偏辟 好食既野都係係D偏辟既位置 本人係勁力推薦你地約成班friend 或者親戚去食簡直係一流👍🏻👍🏻我比夠⭐️⭐️⭐️⭐️⭐️真係正😍🤤

失望的母親節晚餐晚餐叫咗3份母親節set dinner餐飲 兩杯白酒一杯紅色頭盤有煙三文魚芒果沙律，有生蠔。味道還好仲有一份迷你海鮮拼盤，有青口，蜆同蝦。青口同啲蜆都還好，啲蝦食落去係霉架🤦🏿‍♀️之後個set我叫嘅安格斯牛(五成熟)，肥膏多過肉黎到切開無一忽係熟😔媽媽叫咗份羊架(五成熟)但煮到燶哂，又乾又”鞋”最後甜品叫咗份tiramisu，黎到只係一份又乾又硬嘅手指上面有pat cream加可可粉。🤦🏿‍♀️🤦🏿‍♀️🤦🏿‍♀️總結係，免費請我都唔食。

首先就座沒有給餐牌，然後三催四請也沒有來到一杯熱水(拿了兩次也是冷的)。食物來的時間間隔太長，然後味道也不好，可以說是沒有味道。服務員態度很差，非常懶散，居然可以下單兩次還是有錯漏的。不會再來！

餐廳位置於尖沙咀K11，位置並不難搵。入到去餐廳濃厚的藝術與品味氛圍將食物升華到另一個層次。餐廳侍應服務亦都非常友善，非常有耐性地教導我們選擇合適食物的餐酒及怎樣配搭。食物的質素亦新鮮和令人回味。呢間餐廳由入門口開始直到食完飯整體出嚟的感覺絕對是和伴侶/朋友聚會/記念日必選之一。強烈推介！

早排男朋友生日，同佢食生日飯，想喺交通方便嘅尖沙咀搵西餐食，於是就揀咗K11呢間餐廳。喺得K11我以為會好貴，但原來唔係，呢個龍蝦餐超級抵食!而且餐廳環境都唔差，同男朋友撐檯腳一流!餐廳入面環境都幾舒適!介紹番個餐先!鵝肝caesar salad! 鵝肝煎香過，配埋沙律唔驚肥膩!幾好!一人可以揀一個湯，我地分別揀咗龍蝦湯同周打魚湯，個人鍾意龍蝦湯多啲，濃味啲! 如果個包焗脆啲就更好!主菜可以揀兩樣，我揀咗慢煮德國咸豬手配薯角，同埋西班牙黑毛豬頸肉意粉!德國咸豬手D皮好脆，而且煮得好入味，好好食，不過就好大碟，兩個人真係食唔晒要打包!黑毛豬頸肉意粉啲肉唔會好鞋，仲幾juicy，不過意粉就乾咗DD。當然唔少得主角龍蝦，揀咗蒜蓉味! 龍蝦嚟到果陣都嚇一跳，都幾大隻!龍蝦鉗好大隻，啖啖肉，而且好彈牙!張餐紙好貼心地教你點食龍蝦!餐飲仲可以揀紅白酒~甜品就普通D，不過成個餐埋單都係$700左右，我同男朋友都好滿意!

Baby 話想食餐好嘅嚟到Baby I.Baby k 係k11 上面，坐位好闊落，拳賽有DJ打碟陪因樂。原來個頭盤就係波士頓龍蝦， 波士頓龍蝦上架貨色蝦肉紮實，蝦味濃郁絕無稀場。再話叫咗個西班牙黑毛豬扒，西班牙黑毛豬用上上等配料飼養，肉質嫩滑，咬落豬肉味多個啖啖肉，肉汁鎖住。來番杯紅酒，飲兩杯之後就來比翻個西班牙海鮮飯，西班牙海鮮飯用上上等海鮮扇貝，用晒意大利米依依銀銀。在先食返個凱撒沙律，清清腸胃，沙律菜好新鮮好豐富。環境非常優美值得再來一次