Aussie Grill by Outback (已結業)

TGIF🍻辛苦左一個星期要開心吓!!.📍Aussie Grill by Outback, Metroplaza.🍔煙肉大爆炸芝牛肉漢堡($98)-🙆🏻‍♀️完全係俾個名吸引左嘅🤭睇menu張相會有好多芝士溶到漏出黎嘅...但實物就無咁誇張🥺個包反而有多到滿瀉嘅煙肉~仲有大大隻辣椒係頂襯返個名🤣咬左一啖都真係辣到爆炸!🍔手撕豬肉意大利包($98)-呢份係鍾意食豬多過食牛嘅🙆🏻‍♂️叫嘅~豬肉絲都幾重口味...如果調味無咁重手應該都會幾好食~🙆🏻‍♀️就唔太鍾意個包因為偏乾身呢間試過就好了

夜晚本來想趕去食另一間手工漢堡，無奈果度太手歡迎同每日限製，去到所有漢堡已經賣曬，唯有食第二間。好彩最尾嚟咗呢間，都係食漢堡嘅都無失望到。環境正正常常，無咩特別（唔記得咗影）同行一齊叫咗兩個一樣嘅餐，一個點薯條，一個試下佢嗰手工薯片。個包嚟到大大個味道都好唔錯，肉質都好新鮮，咬落去都幾滋味，薯條都有翻咁上下水準。另外呢度個手工薯片，我好鍾意，都幾特別，無平時係超市買嗰d包裝薯片咁薄，口感較厚比較有薯味。

第一次去呢間專食漢堡包嘅餐廳，特登想去試佢嘅植物肉漢堡🤓🍔呢度環境同位都仲好新淨，除左普通梳化位，仲有對住玻璃嘅自摺位，自己去食都唔怕尷尬🤣🤣-Impossible Burger 呢個不可能漢堡🍔中間塊植物肉做嘅漢堡扒好厚，煎到個面脆脆地🤓唔講真係同普通漢堡扒冇咩分別食落冇一般漢堡扒咁實，但個質地同味道都同真肉冇乜分別，咬開仲有少少肉汁幾香🥳試真少少感覺上冇一般漢堡扒食落咁油膩，呢個就啱曬想大啖咬漢堡🍔又想健康少少嘅寶寶🤩套餐除左burger仲有得揀配菜一款，即係薯條🍟沙律🥗個d，我就揀左烤雜菜🌟加$12仲有得任fill汽水🥤😎

前幾日放假同男神💜去左新都會廣場行街行到攰就想搵間餐廳醫下肚 順便休息下😆經過見到Aussie Grill by Outback大排長龍 原來係最近新開既餐廳就一於試下佢啦😊我叫左個經典美國牛肉芝士漢堡🍔個包外脆內軟而且仲聞到好香濃既肉味咬落去口仲好juicy tim😋中間仲有脆口既煙肉、蕃茄、生菜做配料配菜方面就加多15蚊轉左做芝士炸薯條要記得趁熱食呀🤗如果啲芝士凍左就會變得乾身架~。呢間餐廳係採用自助式服務只要客人排隊點完餐 就會有職員帶你入座至於如果需要水或者其他飲品、餐具等等都可以去自己拎架~。如果平日去開葵芳行街既不妨一試呢間新餐廳🍴

眾所周知，新鮮滾熱辣剛剛出爐，呢個食物就已經唔會難食得去邊！個多月前我已經食過一次，就係因為上次經驗幾好，所以今次返卓！薯條入口依然好味既，但係一咬個主角漢堡包既時候，心裡暗不爽：「吓？！凍嘅」，老實講我又唔係送到上枱就即刻食，但我都只係遲咗3分鐘先進食姐，又唔係喺室外天寒地凍。有諗過叫佢換，最後都係放棄左，希望佢見到呢份食評，會自己檢討下啦！

見平時都幾多人食 又係outback旗下 我諗應該有番啲質素就去試試 雖然佢係好似快餐既setting 要預先買左野食 但係由啲侍應為你安排入座 同埋會幫你遞埋野食既 啲service都唔錯 仲有個自助調味吧 任你拎啲配料同所需餐具 我地叫左個西冷牛同豬肋骨 佢係一個餐黎 可以配沙律/烤菜/薯條/薯片等等 特別想介紹一定要試下佢啲薯片 雖然係太大塊同好厚 但真係好好食 好似有陣煙肉味咁 再配埋佢既醬料 味道好香好特別 西冷牛我叫五成熟 啲牛唔算話好juicy 而且我覺得好似overcook左少少 不過呢個價錢都ok ge 但我始終會比較中意食番佢啲扒 比較有口感豬肋骨方面佢煮到好「淋」好入味 唔會話食到好狼狽失儀態 好容易切開亦好易咬 覺得都幾抵食呀！不過個烤雜菜真心好麻麻好普通 都啲烤菇呀椒呀果啲 建議不如叫其他算

outback steak house 中呢一間快餐店第一次去食。諗住平時去開嘅outback steak 質數也不差。肉一定好有水凖。但原來值$88嘅classic burger 基本工也失敗。漢堡包已經冇toast .塊肉超dry.又冇煎過塊肉。懷疑係焗多過煎。完全係食緊午餐肉感覺。所以我要求更換七成熟食得好味的burger .就算$88最便宜也弄得不好食。食最貴的肉也是一樣。因為對我來說burger最精華是塊漢堡，本人覚得麥當勞🍔水凖好過這快餐店。低消費有水凖。因為在這冇食牛扒。所以不願自評。

同朋友相約左呢間餐廳食，因為佢之前食過覺得幾好，所以介紹我黎首先叫了一個牛排沙律，牛肉幾淋，有牛味，但鞋左啲，但都飽肚之後叫左個雞包，啲醬偏辣，個包就乾左啲，但整體黎講幾好食，不過最好食係個薯條！熱辣辣、又脆、又有薯味！超正！

心思思 , 有件事 .... 就是想吃個 burger 過下口癮 , 但又不希望出遠門 ~ 於是筆者和太座就去 葵芳-新都會廣場 的 Aussie Grill by Outback 吃 burger ~Menu ~Crispy Volcano Shrimp 香辣火山脆雞 : 外層炸得香口 , 蝦肉爽口彈牙 , 味道就是火辣惹味 ~Classic Burger 經典美國牛肉芝士漢堡 : Burger 的兩片包做得外脆內軟 , 牛肉漢堡扒烤得生熟度恰到好處 , 肉味香濃且滿有肉汁 ; 配料除了漢堡扒外還有 cheddar cheese, 蕃茄 、生菜、脆口的煙肉 , 酸瓜 , 更配上味道酸酸甜甜的 aioli sauce, 味道頂呱呱 ~Rice Pilaf 特色雞味飯 : 飯煮得香口軟糯 , 飯裏有不少的紅蘿蔔粒 , 營養高味道好 ~本篇完 ~

話劇仍有一段時間才開始，肚子有點餓，剛考經過一間似快餐店的東西，裝修時尚，價錢親民，二話不說，即刻同朋友揾位座下再看看有甚麼好吃。餐廳以牛肉為主題，快餐形式營運並採用即叫即煮方式製作，而取餐處附近設有自助區，客人可自行添加醬料、氣水、餐具。煙肉芝士薯條  $46薯條新鮮炸起，非常香脆，面層鋪滿由芝士、煙肉，邪惡無比，簡宜令人食不停口香辣火山脆蝦 $56上粉炸香後再沾上香辣醬汁，醬汁惹味，帶點鹹鹹辣辣，惟蝦味稍遜氣水$12 可無限添飲美國和牛切片西冷扒128可選擇五成或七成熟，我們選了五成熟，不過咬落應該都有六七成熟，還好牛肉味濃，配合磨菇味醬汁同吃相當合適，外層亦燒得靚，肉質軟腍適中，算OK抵食，還有我最喜愛的火箭菜鋪底，即時加分不少；另跟飯或沙律，我們選了沙律，可清蕾。                                                           餐廳座位雖然有點窄，不過環境都算舒適，出品不俗，可謂足料而價錢大眾化的速食之選。

葵芳近年開左不少非傳統連鎖食肆，基本上每日落黎食lunch間間都大排長龍，呢間都唔例外！在排隊等買野食入座時，侍應好好咁派迷李雪糕杯比我地解解暑。呢到既雪糕新地非常不錯，奶味香濃，正價買杯正常size可是要50個大洋呢。呢個套餐價由$88起，今日叫左個燒牛肉漢堡，side dish要左手切鮮制薯片。個包熱辣辣即制基本上已經會好好食，不過呢款燒牛肉再加漢堡扒既組合，真係for食肉獸，普通人難以ko 。個醬燒牛其實做得非常好，醬汁比例調教得好，肉既部分亦都十分嫩滑，可惜既係下面仲有一層肉扒，對女仔黎講分量實在太大！薯片又係一大賣點，配上自家制既醬汁，同埋秘制味粉，超級好食！可惜如此分量一人難敵，唯有張食淨既外帶（結果返到去薯片好快林哂，呢d野真係即食好）另外朋友仲叫左份煙肉芝士薯條，芝士量鋪滿頂，邪惡到咁，點會唔好食！

見到葵芳開咗Outbreak副線，星期六2:00後仲可以叫tea set, 專登去試一試。Tea set無飽包，只有炸炸炸，不過睇張好都好似好大盤。我地3個人，叫咗兩個包set加1個tea set, 約$190。如果餐叫可樂，可以去自助汽水機，無限添飲。芝士漢堡:賣相好靚，有煙肉，餐跟一個套菜，叫咗個蕃茄飯。漢堡扒質素唔錯，中間有少少紅，無煎到乾晒。不過.........都幾咸，唔係因為煙肉，個扒唔知係塊扒定係d source 咸。個飯ok, 無特別。豬肉絲漢堡:見到有個幾特別嘅款式，試一試。餐跟沙律，沙律菜新鮮，脆口，係今日最好食嘅野。而個包，好多豬肉絲，醬汁，如果個豬肉絲係好好味嘅話，我覺得個包應該好好食......不過......豬肉絲超級超級咸，醬汁都咸，個包食咗一半預唔順，放棄咗，根本上係一路食，一路用可樂送，超咸。Tea set 煙肉芝士薯條: 侍應放低個下，真係好期待，覺得應該好好食。不過，份量俾想像中細，應該似係M記加大咗嘅份量。一食之下，好好好咸，佢個芝士本身偏咸，薯條仲要落咗好多鹽，咸上加咸，結果只食咗半盤。總結，好咸，材料ok, 漢堡扒係有質素，不過真係好咸，飲咗

好鍾意食outback嘅我地好耐之前已經係新都會呢度見到呢間aussie grill今晚終於有機會試吓 都其實好多人排隊應該係排隊買左嘢食先再去入邊搵位野食嘅種類就唔算好多 有幾隻包可以揀有配菜又有沙律叫咗個火山脆蝦 個口感都幾得意啲醬好多都幾濃味架 好彩下面有啲菜可以一齊食仲有西冷牛扒 個配菜叫左薯片個味都幾夾 雖然個牛扒有啲乾 點啲汁都OKburger要左個classic嘅都幾好食 配菜跟薯條 大家share一齊食都唔錯嘢飲方面係買嘅時候同佢講然之後佢會俾個空嘅杯你自己fill 幾好

新都會正門的餐廳轉了又轉，住在葵芳的這些年，都未覺這位置有吸引的食肆，今晚這最近開的Outback 副線有驚喜餐廳沒有取票系統，都是排隊買食物後安排位置的，到達時人山人海呀，不好意思周圍拍照，排隊買食物後帶著響機入座，職員會送餐。職員貼心又有禮，很多小細節都做得很好，比如我們帶著冰皮月餅，職員主動提議替我們放雪櫃回到正題，我們三人點了餐牌上有的3款主食，另加可添飲汽水，每人$12。燒肉醬味豬肋骨$98豬肋骨入味，而且非常軟滑，薯條粗細適中，夠熱和脆。烤挪威三文魚扒$108三文魚最中心有少許粉紅，熟度剛剛好，很滑。調味少少咸，配飯一流。美國和牛切片西冷$128朋友的主菜，試了一塊牛肉，肉味濃郁。而整餐飯我們最大贊的是這配菜手工薯片！意想不到的脆~食物很滿意，職員有禮，再加上價錢合理而且沒有加一服務費，試過一次之後已成了到新都會食飯的首選

#中意嘅請分享請點讚🍻----------😋醬燒牛肉層層疊漢堡+配菜 $108總共有5-6片醬燒牛肉，食落幾似燒燒味，但唔會乾身，夠入味又多汁。除左牛肉片，仲有半熟牛肉漢堡扒，好厚身又夠juicy。除左牛肉仲有厚厚嘅芝士，溶左係牛肉面。漢堡份量幾多，細食嘅你可以可以share食，如果中意食肉嘅你可以一試。所以漢堡都可以加個配菜，包括有炸薯條/手工薯片/特色雞味飯/烤雜菜/沙律。Outback嘅炸薯條同手工薯片一向都好出名，今次就試下佢個沙律，果然有驚喜，佢個汁係忌廉加香草，所以好香好易入口，好快就食哂個沙律。😋脆炸洋蔥條 $38平時係Outback食到嘅係洋蔥圈，呢到嘅係洋蔥條。洋蔥條好香好脆，又唔會感覺好肥膩，炸到岩岩好。----------呢度可以堂食/外賣，味道同平時嘅Outback一樣，價錢仲平d添。----------🚩Aussie Grill by Outback🔎葵芳興芳路223號新都會廣場1樓109號舖