Aussie Grill by Outback (已結業)

黎葵芳黎得多，但通常黎掃街。今次去Staycation之前黎返個Burger大餐。點咗經典美國牛肉芝士漢堡，話到明「經典」相信係信心保證。特別鍾意佢有煎得好香嘅煙肉，原來唔係淨係Bacon Bomb煙肉。煙肉係成個包重點靈魂之一，提供香脆嘅口感嘅同時，煙肉味亦都吊起成個包嘅味。漢堡成隻手指厚度，啖啖肉超滿足。作為Outback漢堡包店當然唔會似金拱門求奇煎、只求快，呢度煎得好出色，中間仲有見到淡粉紅色，保持到肉汁。牛肉芝士漢堡冇得輸。！一行7人，5個都點呢個。其中一名受訪者S話醬好好味，唔係一般沙律醬，有少少芝士味。漢堡冇咩牛肉味。作為快餐店愛好者+ 非健康人士，最鍾意就係漢堡配搭薯條，所以今次都唔例外。薯條似另一漢堡連鎖店Mos 係用粗生薯條，有質感，食落外脆內軟，簡單用少少鹽調味已經好味，連茄汁都唔需要。正常女仔食量都好難食得曬食份薯條。其他跟餐配菜可以選擇手工薯片、沙律、烤雜菜同調味飯等。薯片脆而厚身，但我比較鐘意薄身。烤雜菜普通烤完嘅菜，唔係好睇得出係咩黎。沙律比烤雜菜大碗好多，所以朋友有少後悔。

本身我好少食hamburger，因為覺得唔太健康。但見呢間餐廳開左咁耐，我成日經過又未有意欲想試，今次終於有時間試一試了。 tea time時段叫左兩個 set黎試，呢個係美國經典牛肉漢堡（唔知有無記錯）,配炸薯條，凍飲同熱飲同價，成set $76, 我對漢堡沒有太大期待，可能本身唔好食呢種快餐食物，但我食第一淡，咦，又幾好味喎，跟住再咬多一淡，唔係喎,真係堅好味，一淡咬落去，牛肉加埋塊芝士，混合埋既味道好正，好新鮮，牛肉多汁，另外，再配一口粗薯條，真係味覺享受，我自己鐘意飲咖啡，所以點左杯latte，其實應該點可樂會再夾啲，打評分既話我打90分。

次次去葵芳都係去葵廣掃街食飽，行完街想坐低食飯傾下計，見佢Tea set $76仲包埋飲品，就揀咗呢間試下。$76燒肉醬未肋骨配手工薯片🐷🥔肉質雖然稔但唔夠爽，燒肉醬唔會好咸，但如果可以有d辣味相信會更加惹味。手工薯片分量多，食落唔會好油膩，但又夠哂脆口😋👍🏻點埋酸忌廉，不停一塊又一塊放入口！$76經典美國牛肉芝士漢堡配香脆薯條混芝士🍟牛肉漢堡熱辣辣食好正☺️加埋半溶芝士🧀夠哂邪惡！（但依家睇番相先發現當日薯條冇加芝士俾我😂）飲品叫咗熱棉花糖朱古力同凍泡沫咖啡，不過不失，但夠哂大杯👍🏻最後薯條同薯片都係多到食唔哂😖

同事B想試呢間🍔 Burger 好耐, 我哋今日就還佢心願啦! 🤭.🍔Classic Burger $88 ~ 厚厚的肉, 肉質好 Juicy, 🥗蔬菜好新鮮, 🥓煙肉煎到脆脆的, 再配一小碗烤雜椒, 性價比高! .🐖手撕豬肉意大利包 $98 ~ 爆汁豬肉, 味道香甜, 包有點硬身! 好大一個, 食唔晒的😯! 不過唔明點解仲要配一碗又濕又爛的飯! 🤔🤔🐤炸雞配特式沙律🥗 $88 ~ 有3大件炸雞胸肉, 雞肉 Juicy, 🥗沙律菜份量好多! 好欣賞醬汁另上, 可隨自己喜好添加, 讚! 👍加配2份小食, 🦐香辣火山炸蝦 $56 & 🍟香脆薯條混芝士 $46 ~ 🦐炸蝦當然係無蝦味啦, 味道係是拉差辣醬味, 醬汁太多, 🙅‍♀️我唔 like! 🍟薯條厚身, 薯味濃!凍少少都會變得超硬, 😑要趕快食! 🧀芝士亦都好快變硬! 🔎註: 用具採取自助形式, 餐具、飲品、紙巾、醬料等都係自取, 有點不衛生呢!😒😒

每次經過新都會小編都會留意到一間OutBack開既餐廳👀，人流好旺，每次都心郁郁想去試下🤤，但因為小編要返工又或者時間唔夾，而且排隊既人太多喇😱，所以真係有緣無機喇。而今晚同同事們做完野之後先知大家都未食飯😚，真係餓到受不了，終於大家都一致決定試下呢間餐廳🤗，而餐廳名叫「Aussie Grill by Outback」。✦✦✦✦✦✦✦✦✦✦✦✦✦✦🎈烤挪威三文魚扒 $108套餐可以揀一款配菜，小編就揀咗炸薯條🍟，份量偏多，厚實既薯仔肉，每一條都係又粗又飽肉🤭。三文魚扒煎得好香脆🐟，不過鹽分就落多左少少，味道偏些少咸，不過整體嚟講係好好食，外脆內軟✨。三文魚唔會一插就散開一大pat，非常值得推介👍。✦✦✦✦✦✦✦✦✦✦✦✦✦✦🎈煙肉大爆炸芝牛肉漢堡 $98小編朋友們另外仲嗌多咗個煙肉漢堡🍔，入面有腌黄瓜，煙肉，蛋黃醬等等。最重點係大大粒椒放係漢堡包上面🌶，真係好新奇又得意，小編好期待會係乜野味🤯。因為包入面醬汁同配材都非常多😛，口感同味道都好新鮮感覺，酸味加上煙肉🥓，好夾。除咗好實在咁食到基本漢堡包既口感，加上椒同黄瓜配合，好脆好有質感，味道同口感好特別，又帶些少辣味，有興趣既朋友都可以

今天去了葵芳新都會廣場，本身喜歡outback 餐廳， 當然支持埋佢旗下的另一快餐廳：Aussie Grill HK 啦！下午茶時間我點了豬立骨和煙肉芝士牛肉漢堡！Aussie Grill 的豬立骨和煙肉大爆炸芝牛肉漢堡好惹味，有難以抗拒嘅味覺驚喜，多層煙肉滋味配以煙肉洋蔥汁，加上芝士，味道濃郁！ 加埋配菜可選沙津，烤菜，健康啲嘅， 和飲品我選棉花朱古力都好吸引！ 埋單都係$152 不用加一啊，價錢合理又環境舒服，影相打卡一流！

今日全日禁堂食 經過見到呢個burger外賣好吸引同埋有我最愛既火箭菜食😍即刻忍唔住要order!最特格係佢有薯片食 佢地自家製 好特別好好食 仲好脆卜卜 yummy☺️另外覺得有個店員定唔知店長好有禮貌 佢仲同我地講希望我地身體健康 聽到好窩心啊 希望你地生意興隆！

上一次已試過他們的漢堡包系列，今次就試一試他們的青蘋果火箭菜沙律配美國黃牛切片西冷外賣。20分鐘前打去叫定外賣，員工話10分鐘已經可以做好，所以去到已經做好了，立刻可以取，十分方便。食物方面，沙律菜都算大碗，火箭菜都算新鮮，青蘋果超細粒，但由於浸過鹽水，在底部的特別鹹。如果餐牌上標明有青蘋果希望可以大粒一些，至少會感受它的存在。美國和牛切片西冷，外賣的賣相就不是太吸引，點了五成熟，但是食落口都不錯，都很嫩滑，都算好抵食。薯條都好好味，喜歡肥肥的薯條，好有口感。外賣自取還可以減$10。

每次出外用餐都會糾結响同一問題上…… 要食得飽定食得巧？去OUTBACK 絕對食得飽。因為份量超大，適合三五知己聚餐，慢慢傾慢慢歎。如果得一個人呢？唔怕，有 Aussie Grill by Outback。佢以快餐自助形式，享用Outback 美食，而且仲係一人份量，啱我呢類「孤獨的美食家」。今日一班人試咗佢Menu 上大部份菜式，有好深體會。手工薯條比薯角幼少少，屬極粗身，口感鬆脆，薯仔味濃，可口非常。手工薯片比坊間即係袋裝薯片厚身 ，同樣地薯仔味濃，但攤凍咗就堅咗少，建議即刻食晒佢。炸洋蔥條吉列炸法，超香脆，洋蔥炸熟後，甜味突出，但會留意佢份量都幾多下！如果你揀咗洋蔥條作為小食，建議揀配菜時，盡量唔好同時揀薯條，薯片喇！雞飯必點嘅side dish！可能你會覺得嚟Outback食飯好怪，但真心推介。超好味，米粒分明，香。軟。糯。配三色椒點綴，色香味都好好！配西冷扒，燒肋骨就最夾！手撕豬肉漢堡爆汁漢堡，包底係意大利包，口感鬆軟，但偏乾。手撕豬肉係粗條，唔怕黏住牙縫，滿滿嘅肉汁，一咬爆發，滿口香甜，同個意大利包簡直完美配搭。醬燒豬助條份量比起Outback 餐廳少一半，一個人都可以搞掂

小朋友鐘意食漢堡包，薯條，難得爸爸今日放到假，梗係去食下好正嘅下午茶啦！呢間outback快餐座位唔算多，所以平日黎就最啱喇，唔駛等位任揀位。A set，79蚊就有超足料嘅經典美國牛肉芝士漢堡，塊肉爆多汁，配料豐富，醬汁惹味。可以跟配手工薯片/薯條/雞味飯/烤雜菜/雜菜沙津，我地揀左雞味飯同薯條，份量好足，唔馬虎，小朋友好快就KO曬 !飲品選擇好多，我地揀左凍朱古力咖啡，同埋凍cappuccino。味道都唔錯!另外，試左56蚊嘅set, 揀左辣汁炸蝦，辣汁真係幾辣，要食得辣先好試，飲品就揀左汽水，任飲，超值呀！講真，出面食個咁足料嘅漢堡都唔止79蚊啦…而家仲有埋豐富配菜，同埋有咖啡揀添，性價比超高呀！要再去食過 !

今日行開呢頭買嘢，其實本身唔係話好肚餓！亦都冇諗住食嘢，但行過見到有下午茶🍽見到$70幾蚊就已經有晒成個套餐！實在忍唔住口，唯有入去試一試啦🤣呢度環境都唔錯，雖然細小嘅空間，但都裝修幾有美式嘅風格❣️比完錢之後，將個感應器放喺枱面，等一陣間就有服務員將個餐送上！今次叫咗個【Classic Burger】Size大得好驚人，薯條份量極多！就連杯熱飲都比一般茶餐廳嘅size大杯☕️坦白講，一個女仔其實未必食得晒！最好多一個人陪你share(卡路里...)🤣開頭以為剩係得牛肉，但原來一邊隱藏咗煙肉！仲要好鬆脆，增加咗burger嘅層次口感！整體上冇乜嘢好彈👍🏻因為真係好好食！但始終咁Heavy嘅食物，一個月食一兩次已經夠晒啦🤣

炸洋蔥，又燶又乾又硬又死咸，好似買餘貨。三文魚，作為main course份量太細，薯條一般。初初開業嘅時候，都有誠意。依家好似街口茶餐廳作業，水準keep唔到，但係價錢就相對唔值。

一向鍾意於OUTBACK 既炸洋蔥,  副線AUSSIE GRILL都有炸洋蔥, 價錢又平一大半. 當然要一試平日晚餐時間去, 可能係快餐原固, 自助形式, 好快就搵到位.烤挪威三文魚排+炸薯條: 三文魚烤得岩岩好, 好香口. 唔會太乾. 薯條都係新鮮炸熱辣辣. 唔係一般快餐店整好一大盤果款經典美國牛肉芝士漢堡+炸薯條: 麵包鬆軟, 牛肉香好濃烈煙肉大爆芝士牛肉漢堡+烤雜菜: 芝士冇手軟, 鐘意食芝士既一定大愛. 烤雜菜都好香口脆炸洋蔥條: 雖然佢唔係OUTBACK咁原個洋蔥, 係碎上. 但亦都可能係呢個關係, 價錢平OUTBACK一大半有多, 但口感味道係一模一樣. 冇得輸呢個價錢絕對合理. 正!

‼️❤️ 記得CLICK我PROFILE關注我呀 ❤️‼️.🥩 𝗨.𝗦. 𝗪𝗮𝗴𝘆𝘂 𝗦𝗶𝗿𝗹𝗼𝗶𝗻 𝗛𝗞𝗗𝟭𝟮𝟴 @ 🌟 Aussie Grill by Outback《👽食神大媽食牛扒》⠀.👽 大媽系 Outback Steakhouse Hong Kong 會員，佢定期會送會員優惠比我地，大媽仲大頭蝦睇錯，以為呢個優惠系 Outback 嘅，但原來系佢屬下另一間副線餐廳 Aussie Grill 架 🤣 好彩大媽未真系行去食完問人用優惠就已經發覺兩間系唔同架啦！😬✌️.🤡 大鄉里嘅大媽特意去朝聖，發覺呢間餐廳風格較自由，自助點餐、取餐，見到好幾位著校服嘅同學仔整個下午可以開懷大笑傾計食野，整個氣氛好FREE架！😃. 餐廳雖然行年輕自由路線，但原來出品質素一D都唔差喔！😱 圖中呢份和牛西冷，餐廳預先幫你切開，唔單止方便，仲無因為咁而變乾，仍然保留肉汁，唯一可以改進就系溫度要稍微提高D，保存得略嫌唔夠喔。💡..大家下次諗起葵芳，唔洗淨系諗起掃街啦，呢間性價比都好高，同埋可以舒舒服服坐好耐傾好耐，好FREE架呢！😆❤️.📍 葵芳興芳路223號新都會廣場1樓109號鋪⠀☎️ +(852)3168-16

第一次試他們的漢堡包，肉質好juicy. 外賣回來都覺得好好味。薯條是厚身的，好喜歡。Bacon bomb 有加一條墨西哥的Jalapeno青椒，如果不吃得太辣請不要試，都算幾辣。好喜歡超crisy的bacon, 好夾juicy的牛肉patty.外賣更可以減$20。Nice!