Atmosphere

營業中

休息中

Atmosphere 📍地址：尖沙咀諾士佛台10號2樓尖沙咀出名係購物天堂，行完街過嚟醫肚，揀咗諾士佛台一間樓上酒吧餐廳，Atmosphere是一間獨具特色的酒吧餐廳，結合了歐洲fusion料理的精髓，除了品嚐到各式特色菜，亦為我地帶來全手工製造的美味佳餚。例如清爽的凍食蟹肉春卷、手打Pizza和手打意粉，還有自家製的漢堡包，迷你漢堡特別以Donut口感的包皮呈現，讓人耳目一新。🥳Atmosphere更是一個音樂愛好者的天堂，集時尚和音樂演出於一身的多元化Live house，會定期舉辦現場音樂表演，涵蓋多種音樂風格，職員話定期有現場音樂表演 (e.g.busking, hip hop, live band, edm)，為每一位來客帶來愉悅的用餐體驗。😃此外，職員話仲可以作為表演或活動場地，包場舉辦表演活動、party或私人聚會等，為客戶創造難忘的回憶和活動體驗。☺️收工後過黎9點前有超抵Happy hour 優惠$48/set- 色一杯Sapporo 配自選特色雞翼一份 ，relax放鬆一下！好適合朋友聚會！😛不得不提的係Atmosphere 的打卡Signature cocktail

Atmosphere係結合時尚音樂元素既酒吧餐廳，型格裝潢令人好似置身外太空咁🤓💫 香煎鵝肝黑松露雞胸意大利飯 $168推介！一上枱就見到勁大塊嘅鵝肝，超級吸睛🥰面層煎至脆香；裏面油脂滿溢，而且質感好柔軟！雞胸亦幾大塊，外層帶點微脆，黑松露味道超突出！意大利飯入味得黎帶點咬口💫 波士頓龍蝦薄餅 $138長方形嘅厚底Pizza🍕上面加有龍蝦肉同埋千島醬，比較惹味，略嫌邊位就燶咗少少💫 Mocktail - Venus $78以芒果、橙汁同忌廉製成，味道酸酸甜甜咁💫 Cocktail - Eight Planets $128以多種水果包括熱情果、柚子、芒果仲有菠蘿汁、Vodka、Rum等製成，味道好清爽🤩

朋友介紹到Atmosphere吃晚餐，踏入餐廳就被迷幻的紫色太空氛圍吸引，金屬感裝修、未來風舞臺，加上多部掟鏢機，真的好像置身Cyber世界，我們黃昏時候到達，人不太多，相信再夜些氣氛更加好！  香煎鵝肝黑松露雞胸意大利飯雞胸外皮煎得香脆，內裡保持嫩滑，鵝肝油香豐腴，黑松露香氣濃郁，意大利飯吸收晒鵝肝同蘑菇精華，creamy得嚟唔膩，高質！XO醬小貝柱鮮蝦意粉XO醬鮮香微辣，小貝柱同鮮蝦彈牙爽口，意粉炒得乾身夠鑊氣，惹味又夠風味！  脆皮蝦多士外層炸得金黃酥脆，蝦膠鮮甜彈牙，蘸少少甜辣醬更提味！  Atmosphere環境獨特，食物質素同樣驚喜，主食和小食都做得用心，絕對值得再去！

呢間酒吧餐廳好得意，好似去左太空咁，燈光非常之暗，全金屬顏色裝修仲有射燈，側邊仲有幾部飛鏢機，每一台都有骰盎，可以自己拎嚟玩鵝肝松露雞胸意大利飯勁勁勁啦好食，鵝肝超大片外脆內嫩，口感順滑勁香，雞扒煎得香搭配濃郁的鵝肝與松露，係味蕾嘅享受。意大利飯的口感煙韌，吸收了鵝肝和蘑菇的香氣👅烤比目魚扒表面煎得幾香，有少少鹽調味，肉入面仲係好嫩，配上酸辣汁very Juicy，有少少黑椒令魚肉更香 Secret杯酒加咗煙燻效果，整完好有技巧打開成杯會出煙🍷而且杯底會有發光裝置，整個感覺好grand🫶🏻有荔枝蘋果香加紅酒味，幾清

個人幾鍾意個飯嘅質地，溝埋黑松露醬，幾易入口同感覺開胃🤤鵝肝都不過不失，而雞胸肉可能煮耐左小小有啲乾柴，但兩種肉類加成下令菜式增添更多豐富口感🥰然後，豚肉扒煮得都啱啱好，咬感有啲韌度又唔會太冧。不過齋食覺得有啲dry，加埋醬料會更好食XD意外仲附上一排燒好嘅菠蘿，仲食落幾好味😂😂而脆皮蝦多士外皮非常金黃酥脆，口感亦都好有趣，表面鋪滿密密麻麻嘅芝麻，有種凹凸表層而脆嘅特別咬感～而蝦口味融合多士，覺得係一個幾有創意嘅菜式，初嚐呢種口味，反而食落都不錯，冇咩違和感🤣酥炸魷魚鬚外皮都好酥脆可口，內裡嘅魷魚都好鮮嫩，口感食落係外皮面積大於魷魚肉～好適合啲鍾意食啲炸脆皮嘅朋友～係酒吧聚會絕佳選擇！😆講到環境，見圖都知超大！而且氛圍同佢鋪名一樣咁nicee😭啲食物係呢個燈光氛圍下都影得好靚～重點好啱閒聊傾計嘅約會好地方🫶🏻呢度仲不時有啲表演～我平時都留意左好耐！私心希望有多啲hiphop show睇>v<

今日同老婆去尖沙咀諾士佛臺10號2樓新開嘅Atmosphere食晚餐真係冇揀錯裝修非常有科技感非常炫酷有飛鏢🎯机同骰子🎲同朋友飲酒聚會好去處🥣頭盤酥炸魷魚鬚依舊香脆到「索索聲」蘸埋酸甜他他醬超夾🥣主菜XO醬小貝柱鮮蝦意粉鑊氣十足辣辣哋嘅XO醬掛滿每條意粉北海道小貝柱鮮甜大蝦爽口彈牙食到老婆猛話「好惹味呀」🥣重頭戲烤比目魚扒保持水準魚皮脆得嚟唔油膩魚肉嫩滑到入口即化配埋檸檬汁同烤菠蘿鮮味層次爆燈🍹飲品方面老婆嗌咗杯熱柚子茶酸甜暖胃我叫咗杯Venus芒果🥭同橙子🍊味好清新👍餐廳環境暗暗哋播住jazz music下次再幫襯👫💕📍 Atmosphere 尖沙咀諾士佛臺10號2樓

今晚同朋友去咗尖沙咀一間新開嘅酒吧，真係好有驚喜！間bar以宇宙做主題，一入去就覺得好有feel，燈光咁好型，牆身仲有水晶磚～ 成個環境帶住種太空金屬感，但又唔會太冷冰冰，座位都好舒服。我哋叫咗幾款嘢食，首先係香煎鵝肝黑松露雞胸意大利飯，鵝肝煎得外脆內軟，黑松露香味好突出，意大利飯嘅軟硬度啱啱好。烤澳洲羊鞍肉質好嫩，完全冇羶味，配埋佢哋特製嘅醬汁真係一流。最驚喜係個波士頓龍蝦pizza，龍蝦肉鮮甜，餅底薄脆，芝士拉絲效果滿分！飲品方面，我地叫咗杯Mars mocktail，個杯設計成實驗室器材咁，好得意！味道酸甜適中，可以自吹點氣泡，係用西瓜同奇異果打成，顏色好靚，飲落好fresh。酒吧仲有個飛鏢區，可以訂枱玩，我哋玩咗幾round，氣氛好歡樂。服務員都好nice，會主動介紹菜式同飲品。

今次去咗尖沙咀🚇諾士佛臺呢間「Atmosphere」樓上🍸酒吧餐廳，真係俾佢個😎未來 Cyber 風格嘅格局震撼到🤩！成個場嘅裝修都充滿🤖金屬感，仲有個種滿未來感嘅舞臺🎶，加上大量嘅飛標機🎯，而且仲有得玩 Beer Pong🍺，真係幾好 feel。我哋飲咗兩款 Mocktails ：Mars🌠（Fresh Kiwi + Pineapple Juice + 7up） 清新嘅奇異果🥝撞菠蘿汁🍍，甜中帶微酸，加上氣泡感十足嘅 7up🥤，入口好 refreshing！💚 Jupiter 🌌（Fresh Dragon Fruit + Yakult + Apple Juice）火龍果🔥嘅天然甜味配上益力多嘅乳酸香🍼，加上蘋果汁平衡返，🍎口感順滑，好啱女仔飲💖！小食水牛城雞翼🍗外邊包裹著辣辣哋嘅Buffalo醬🌶️，外皮炸到脆卜卜，裏面肉汁🐓爆出嚟，而且仲係單骨，正到痺！XO醬小貝柱鮮蝦意粉🍝炒到好香，帶少少微辣🌶️，小貝柱同鮮蝦🦐都好鮮甜，意粉掛汁能力一流，食到 lamlam 脷😋！西班牙🇪🇸辣肉腸薄餅芝士🧀拉絲效果滿分，辣肉腸🍕嘅油香同芝士超夾，🤤又香又好味。

有好一段日子冇去諾士佛臺了，Atmosphere系新開嘅，環境以紫色為主題型格路線，有啲似置身系太空咁🪐小食款式頗特別，主食款式比想像中多。🐔 紫菜芝士雞翼 $88十分特別嘅組合🤭表面有滿滿紫菜💚雞翼脆卜卜，灑滿芝士粉，雞肉熱辣辣又嫩滑。🐮 雪花牛小排流心蛋野菌飯 $198雪花牛小排被煎香，油香豐富，但同時不失牛肉味。流心蛋蛋味香濃豐富🍳同野菌同飯撈勻後口感相當豐富。🐟 烤比目魚扒 $138比目魚扒同樣油香十足，金黃酥脆，魚肉新鮮🐟撒上新鮮香草🌿搭配醬汁更添滋味。🍹 Venus $78餐廳mocktail以行星命名，Venus系金星，材料有芒果🥭橙汁🍊忌廉，芒果加香橙果味好清新，吾會話死甜。

今晚約咗朋友喺諾士佛台飲嘢，飲嘢之前想食啲嘢先。朋友話呢頭有間新場atmosphere啲嘢食幾好，咁我哋就一齊去食咗嘢先.烤比目魚扒（$138）：表面煎得幾香。入面都keep到Juicy。調味唔會太重手，我鍾意。西班牙辣肉腸薄餅（$138）：熱辣辣上枱，芝士做到拉絲嘅效果。薄餅質地鬆軟。辣肉腸惹味。酥炸魷魚鬚（$98）：魷魚酥size比一般平時出面食到嘅粗身，幾好咬口又唔會韌。水牛城雞翼（$88）：點咗朋友Favorite既水牛城雞翼。雞翼開咗半，方便進食。水牛城雞翼嘅特色就係會比較濃味，送酒啱晒。Corona Cero ($48): 朋友話想飲啤酒，但又想留返啲酒精quota陣間先用，所以就點咗呢個，就可以滿足晒佢嘅願望啦蘋果汁（$38）：酸酸maymay，清新開胃

Atmosphere是一間特色酒吧，裝修企理，酒品款式多樣，想不到食物亦高質，場內更有多部掟鏢機，果然別具氣氛！這個焦糖蘋果鵝肝雙漢堡令人驚豔！焦糖蘋果的甜味與鵝肝的豐富口感完美融合。漢堡包的外皮香脆，內餡則是軟滑的鵝肝，入口即化。焦糖的甜味為整道菜增添了層次感，絕對是一種味覺的享受！而黑松露野菌手打薄餅選用新鮮的野菌，淋上黑松露油，呈現獨特香氣。薄餅底部烤得恰到好處，外脆內軟，菌類的鮮味與黑松露的濃郁相得益彰，讓人一口接一口，欲罷不能。至於泰露筍胡麻醬野菌意粉，意粉清新可口，爽脆的露筍的搭配濃郁的胡麻醬，為意粉增添不同風味。添加野菌則提升整體的口感層次，讓每一口都充滿驚喜，是一道值得推薦的選擇。Atmosphere (尖沙咀)地址：尖沙咀諾士佛臺10號2樓

美酒佳餚隱蔽餐廳我們朋友推薦來到這家餐廳，發現氛圍令人耳目一新，彷彿置身於未來的太空站。空間設計融合了現代與科技感，讓人感到悠然自得。高低檯的巧妙設計特別適合三五好友聚會，把酒言歡，在星空下享受美好的餐飲時光。Old Fashion 餐前嘆這杯雞尾酒，忘記一天的煩惱。這款經典雞尾酒調配得恰到好處，苦味與甜味的平衡令人驚艷。橙皮的香氣與威士忌的醇厚完美融合，成為晚餐的絕佳伴侶。**鵝肝松露雞胸意大利飯** 這道菜色香味俱全，雞胸肉外脆內嫩，搭配濃郁的鵝肝與松露，絕對是味蕾的極致享受。意大利飯的口感滑順，完美吸收了鵝肝和蘑菇的香氣和味道。**煙火腿拼盤** 拼盤的火腿色澤鮮艷，肉質鮮嫩。每一片火腿都散發著獨特的煙熏香氣，讓整體口感更加豐富。**和牛漢堡包** 和牛漢堡的肉質極為鮮美，肉汁四溢，搭配新鮮的生菜蕃咖與特製醬料，讓人一口接一口。漢堡的外脆內軟，是餐廳特制的炸物，質感好像牛里蘇但是不甜，跟入口溶化的和牛完美平衡，讓人回味無窮。這家餐廳不僅在食物上有著出色的表現，氛圍和服務也同樣令人滿意。無論是聚會還是慶祝，這裡都是一個理想的選擇。

諾士佛台一向是尖沙咀酒吧集中地。酒吧飲嘢食嘢有時太吵很難傾偈，不過今晚試的這間樓上新開Atmosphere，燈光和佈置比較cyber，音樂不算太吵耳，傾偈也不會覺得太辛苦。🌟烤滷水豬手件$108滷水入味，肉質不會太硬或太淋，外皮烤過後不會太黏立😋配烤菠蘿甜甜酸酸解膩開胃👏🏻🌟波士頓龍蝦薄餅$138外邊位脆，龍蝦和醬汁夾，整體味道口感俱佳👍🏻🌟澳洲羊鞍$188一份三件，配炒菜心（比較少見但我又幾鍾意）。羊鞍唔駛用刀都切得開，香🥰🌟signature cocktail: Eight Planet $128芒果的甜香和菠蘿柚子的酸甜，十分易入口😎🌟signature cocktail: Aurora $128青瓜青檸薄荷口味清新，略帶酒的苦澀味☺️這裡定期有現場音樂表演，另外happy hour （9pm前）有個超抵set : $48一杯Sapporo 配自選特色雞翼一份，輕食飲吓食吓不錯。

今晚朋友帶我去咗一間又新又型格嘅歐洲fusion酒吧餐廳，好有特色！一進去，太空感十足，空間又大。天花有好多射燈，加上現場有live band表演、bucking，感覺好似去咗disco，超有氣氛。除咗定期有hip hop表演，有包場搞party或私人聚會。 先點咗兩杯Signature cocktail。'Eight planets'有8種成份，主要係Passion Fruit，酒味濃，酸酸哋似西柚。'Asteroids'就荔枝果味嘅vodka，入口順，淡酒味。 另外試咗西班牙海鮮飯(二人前)，裡面滿滿海蝦同青口，融合咗西班牙同意大利風味，飯粒比較軟身，賣相較精緻，適合女士。而Rib Eye肉味濃，只可惜唔係厚切，我覺得如果厚切就完美。 臨走時，侍應提我9pm前係Happy hour，$48杯Sapporo配特色雞翼一份，抵！下次再嚟試。

餐廳播放著輕快的背景音樂，營造出熱鬧的氛圍。點了兩款雞尾酒🍹分別是 Eight Planets 和 Galaxy 打卡一流做好好飲😬😬Eight Planets 這款調酒用了Vodka、Rum作為基底，加入青檸、百香果、柚子、芒果、菠蘿汁和梳打水，整體口感清新酸甜，帶有熱帶水果的濃郁香氣，非常適合喜歡果香調酒的人，喝起來十分順口。Galaxy 這款則是以Tequila為基酒，搭配青檸和檸檬葉，最後加上梳打水作點綴。這款調酒帶有濃厚的龍舌蘭香氣，微酸的青檸提升了整體的清爽感，而檸檬葉則增添了獨特的草本氣息，適合喜歡酒感稍微重一點的人。點了 XO元貝魚蝦意粉、焗波士頓龍蝦（Baked Boston Lobster） 和 Pizza，每一道菜都足見廚師心機XO元貝魚蝦意粉🍝這道意粉的醬汁使用了XO醬，帶有濃郁的海鮮風味，香氣四溢。意粉的口感剛剛好，帶點嚼勁，不會過於軟爛。元貝和鮮蝦的份量十足，尤其是元貝，每一口都充滿鮮甜的滋味，搭配微辣的XO醬，層次感豐富，十分開胃。Baked Boston Lobster 🍕 龍蝦肉滿滿，彈牙！上層的芝士焗得金黃微脆，與龍蝦肉完美融合，每一口都帶有濃郁的奶