Amber’s Table

營業中

休息中

實在因為唔想不停寫同一間餐廳太多次，搞到好似槍手咁，所以呢個食評橫跨咗5，6，7月幾次用餐經驗。包括一次晚餐喺5月尾平日，一次午餐喺6月中平日，同一次7月週末午餐。首先係上一篇食評提過會去食嘅5月晚餐，四位姊妹聚餐事件：自家製洋蔥好似包晚市先有供應，質地香軟。最緊要個欖油黑醋超香，比一般坊間西餐廳提供嘅好味。我唔太愛油炸嘢，但Calamari係其中一款我至愛食物，一份供4至8人淺嚐都夠，記得要食埋圈與圈之間嘅自家乾燥橙片，真係解膩恩物。炸磨菇內裏多汁黃金軟殼蟹係一樣幾難掌握好嘅食物，好多時會過咸而且油膩。呢度淨食都有少少咸但係用羅馬生菜包住嚟食，你會發現原來啱啱好史上最好味白酒汁，我哋當湯咁搶嚟飲咁滯，青口清甜，食出新鮮貨味道，一貫調味得宜。呢個幼麵湯汁真係徧咸，同老闆反映，原來佢哋冇落鹽，蒜頭洋蔥黑胡椒，湯汁全部係蜆汁，純粹海洋調味。老闆話真係怕咸嘅客人，可以要求加少少水落去溝淡啲，不過可能失咗鮮味㗎⋯⋯重頭戲斧頭扒亦係signature item，建議有4位或以上先好叫，否則你就食唔到其他好嘢。牛味足，而且呢度嘅師傅真係控火高手，生熟度完美。而我哋一致認為食靚牛扒只需要鹽同黑椒，醬

We came here on two occasions one for dinner and the other for brunch so I thought I'd combine these two experiences of mine The following 2 photos are from the weekend brunch menu and they were great, it's just that the watermelon didn't go extremely well with the all-day breakfast The steak arrived that day and it was very tender, had pretty much no fat on it Switching to dinner we were able to try many more dishes, such as these two scrumptious salads and the seafood platter to share between

今日遲左放 lunch 所以決定去食下午茶搵咗幾間餐廳最後試左amber’s table嘅下午茶～.我叫左特色綠茶芝士漢堡配薯條 🍟$55 另收+1包飲品.首先個漢堡個賣相真係好開胃😍色彩繽紛咁個包咬落去有淡淡的綠茶味 🍵😃😃薯條係我鍾意食嘅粗身嘅個種炸到卜卜脆 🤤🤤.分量比起一份正常午餐係少咗啲不過如果你係當下午茶分量還可以接受👍🏻🤓餐廳環境仲要好闊落😄 坐得好舒服可以輕輕鬆鬆喺度消磨一個下午😋

一行三人食個 lunch ，呢間開咗都未幫襯過，就去試下。我點咗個豬手配 waffle 。豬手上有隻煎蛋都幾得意。豬手味道幾好，皮又夠脆。湯同咖啡夠熱。最低讚係我响 openrice 訂枱時 remark 寫咗慶祝生日，佢上甜品時自動整到靚啲仲有爉燭，又用糖霜整個 happy birthday，正!

每次去依間餐廳永遠都係好多人等位,今次我識得做打電話訂位今次食佢哋晚市套餐,服務態度好有效率.坐低有侍應主動斟水及端上熱辣辣麵包.頭盤有cocktail 蝦,香煎帶子鵝肝紅菜頭沙律.凍蝦味道好鮮甜鵝肝帶子紅菜頭沙律亦好正!餐湯有南瓜忌廉湯,南瓜味好濃,食開高級餐廳既我,我估佢哋應該用上靚忌廉.好creamy .主菜我哋揀咗鹹豬手配日本蛋及窩夫配楓糖漿同埋燒美國西冷.鹹豬手好脆,好juicy 配上日本蛋同窩夫,味道十分驚喜.燒美國西冷,燒得外脆內軟好Juicy.食得出係靚扒👍🏻👍🏻👍🏻我點嘅成數係五成,師傅拿捏得好好。我哋額外散叫單點炭燒澳洲羊架,唔係講笑真係超級好味！好冧好正！味道極級驚喜!!食得出真係炭燒!最後甜品係自家製brownie 配雲呢拿雪糕套餐價錢絕對超值,簡直係黃埔高質之選。唔怪之得依間餐廳喺黃埔咁出名。

如果有睇過小弟的其他食評，應該都留意到小弟對餐廳服務質素頗為挑剔。小弟一般認為服務態度好、有心做，就食物質素一時未夠好，必可更進步。今趟在黃埔就遇到一間服務好嘅餐廳-Amber's Table。機緣巧合，去搵拉麵/壽司，晏咗、排隊，唔願排，就見到呢家裡面咁啱有個位，於是埋去問。帶位姐姐有禮地要求小弟等3分鐘。其實唔係好知要等乜。不過，比較要等30人以上，3分鐘當然無問題。坐低後回頭諗，可能係有人訂位但遲到/放飛機，所以要等一陣。否則，完全無人排隊嘅情況下要小弟等3分鐘唔知為乜，其實係會令小弟發火的。姐姐要向客人解釋、更清楚溝通先得。除此之外，全程招呼服務算得很周到，只差未到星級餐廳的那種未說出口卻已知客人心意之景界而已。晚餐兩份，鵝肝帶子沙律、蝦cocktail, 湯，七成牛扒配黑松露薯蓉、太陽蛋咸豬手配鬆餅，雪糕配Brownie，樣樣味道均屬佳品。鵝肝帶子沙律：鵝肝唔會帶膻或太肥、帶子新鮮蝦cocktail：每隻長度約一隻手指多一節指節，肥瘦適中，新鮮。唯獨係，6隻蝦原隻上未剝殼，自己剝確係原汁原味。但無準備洗手盆或濕手/紙巾俾客清潔，未免不夠細心。湯：是日餐湯？唔記得餐牌有無寫，但

今時今日想吃得飽，價錢不太貴又坐得舒服好似係好奢侈。Amber’s Table 算係一個不錯的選擇。羽衣甘藍沙律份量很足，雞胸略嫌乾咗少少，沙律加了紅菜頭脆片很有驚喜！綠茶漢堡包份量不少！牛肉漢堡質素不錯，綠茶麵包綠茶味很濃，綠茶配牛肉味道其實有點奇怪，但都可以接受。薯條新鮮出爐非常香脆，加了綠茶和糖，我個人比較喜歡食鹹香薯條，而家感覺像吃番薯。總體很好，服務員非常殷勤友善，很多人都在吃牛扒，會再來試試！

間餐廳服務同環境都唔錯叫左兩個個set dinner頭盤有鵝肝帶子紅菜頭沙律，cocktail shrimp。鵝肝帶子紅菜頭沙律幾好味，但個cocktail shrimp 蝦腸好黑，又要剝殼，又唔係太好味，食左一半大家都無興趣再食中間有個南瓜湯，少少過咸但ok主菜豬手加窩夫，同西冷個豬手真係唔掂好大陣豬臭味，食左一半無。西冷好普通，我寧願過隔離outback食算。仲有個甜品朱古力brownie加雪糕，都正常，但主菜太難食無心機影相

已經介紹過 Ambers Table 好幾次，這次因朋友生日，再經OR 訂了枱來吃午飯。點了lunch set，先上餐包。餐包外脆內軟，好味！Lunch set 可選蝦沙律或湯。我選了沙律，蝦煎得頗香，不錯。上次老公生日，點了西冷，味道不錯。這次再點西冷，只能說非常失望，烤過火了，肉質太乾，完全吃不到肉汁，而且太多筋，伴吃的薯蓉反而不錯！看起來，生熟度是 medium，但吃起來肉好實好乾！最後加點了cheese cake 和朋友慶祝生日，賣相不錯，但吃下去有點怪，口感完全不幼滑，每啖都像吃流沙包的奶黃，第一次吃這種口感的 cheese cake，好失望！前幾光顧此店都很滿意，這次很意外！

放工後約埋老公在紅磡吃晚飯，之前在網上看過有關AMBER’STABLE 的食評，算是這區好評餐廳之一，今個晚上攜老公一起試試吧。帶位的員工親切友善，為我們安排近角落的窗口位，因為疫情關係，餐廳在檯與檯之間都用了透明膠片隔著，也有保持一定的距離，客人也食得放心和坐得舒適，讚!隨後餐廳職員有為我們簡單介紹了菜譜，有二人斧頭扒套餐、晚市套餐、海鮮盤、酒類餐牌還有主菜譜內的不同單點菜式，選擇多又豐富，真令人心大心細，不知選擇什麼才好了。店員見我們頭大，先送了餐前麵包給我們邊吃著邊選，真是細心又貼心呢。最後，我們點了二人份的海鮮凍盤、老公點了晚市牛扒套餐，我單點了西冷牛扒配忌廉菠菜。海解凍盤 共有六款海鮮，包括凍蝦、翡翠螺、長腳蟹、帶子剌身、青口和兩款生蠔分別來自美國PacificOcean 和法國Gillardeau。對我想說，所有海鮮都很鮮味，不會過份解凍，老公也很表示滿意，除了蟹腳的質感不夠軟滑，味道不會太鹹也吃到蟹肉的鮮甜。牛扒套餐先來了個頭盤 – 煎帶子鵝肝沙津，配上沙津菜、火箭菜、紅菜頭、意大利醋和芝士脆片，這個完全「無得輸」，作為頭盤是一個很好的開始。再來是濃濃的南瓜湯，上檯時餐湯

疫情稍緩，姊妹們又出嚟共聚。兩位姊妹帶我去試佢哋間至愛食堂-Amber’s Table。老闆係全港最高+最高級RC酒店前西廚，對自己嘅出品超有要求，咁自然益咗我哋有好嘢食啦。今次就去試吓佢哋個lunch，餐廳位於黃埔花園，有地鐵站，非常方便。對面就係時租停車場，餐廳消費有免費泊車，因應你嘅消費，閒日最長免泊3個鐘。餐廳喺商場外圍地鋪，光線充足，日間用餐感覺平易近人但係有格調。午餐大約$88-158+10%，屬中價位，黃埔花園喎，食好西喎，好合理啫！而且餐單雖然以西餐為主，但據兩位好友嘅線報，佢個Asian Delight—海南雞飯都好正，帶長輩一齊用餐都唔會冇選擇。而家睇吓我哋今次食咗啲咩？是日例湯同沙律，只可以2選1，咪以為係是日就一般，好好味㗎！主菜之一鹹豬手係鍾意香口嘢嘅朋友最佳選擇，皮脆肉香，醮半熟蛋黃中和鹹度更加一流。個人覺得窩夫比坊間嘅更合我口味。輕脆酥鬆，唔會太厚滯。燒有機春雞適合細食嘅女士同小朋友，焗新薯配番紅花汁，好味程度簡直直逼主菜，推介！相比以上兩款，美國西冷水準平穩，單係叫Medium出嚟完美嘅生熟情度，就叫你食得高興。肉汁豐富。個薯蓉好鬼好味，醬汁濃郁唔油膩。

透過Openrice提早訂位，可以獲取Asiamiles或者OpenRice積分👍🏻Amber Table未搬到新位置之前食過兩次。一次係full lunch menu；由前菜同主菜至甜品都有，但比起同區餐廳黎講有啲偏貴。第二次食已經改左menu，甜品變成additional menu，lunch set價錢調低返。食物質素同服務都好好，只係同區黎講比較少貴所以好少食。搬左新位置後第一次食，服務依然係體貼同到位，食物質素亦keep到。值得讚一讚個和牛漢堡配大啡菇；和牛漢堡可以揀熟成程度，五成真係煮得好完美！

朋友約我午餐，沒有帶期望，反而發現有驚喜，無想過原來都好好味。尤其是個紅菜頭湯，好creamy,好甜，下次我一定要來試意粉，因為我見到是他們自製意粉，應該唔錯。

平日下午來Amber吃個午餐，一時到達稍等了五分鐘，一坐下店員已經把餐包連牛油拿來。紅菜頭沙律配合桃及水牛芝士（$88）也算足料，健康之餘不會太寡。秘製海南鮮雞飯配清雞湯（$98）也有些蔬菜、鮮菜及各種醬汁，賣相吸引。油飯稍腍，但味道不錯，整體質素高。午市套餐包餐湯或沙律，我們要了各一。當天的沙律是粟米水牛芝士，份量也不少！雜菜湯沒嘗試，但賣相也不錯！跟餐有飲料，但如果想喝精品咖啡那些就要七折另叫。

呢到午餐有個特色綠茶芝士煙肉漢堡 $118+10%，個綠色好有趣，每個人見到都望實晒😆 所以我都即刻揀咗呢個😬 連啲薯條上面都有綠茶粉，幾特別🍵🍟 而牛肉medium well肉質岩岩好，夠juicy，如果醬汁再用心啲會加分，因為漢堡包個醬係靈魂黎架嘛😎之前食過一個軟殼蟹意粉，味道都唔錯，有機會都可以試吓👍🏻-環境都OK 㗎，都仲幾新淨✨ 同埋d staff都幾nice，好緊要，食飯最緊要唔好俾人激親，影響心情😝