影片
更多
2020-06-14
472 瀏覽
如果有睇過小弟的其他食評，應該都留意到小弟對餐廳服務質素頗為挑剔。小弟一般認為服務態度好、有心做，就食物質素一時未夠好，必可更進步。今趟在黃埔就遇到一間服務好嘅餐廳-Amber's Table。機緣巧合，去搵拉麵/壽司，晏咗、排隊，唔願排，就見到呢家裡面咁啱有個位，於是埋去問。帶位姐姐有禮地要求小弟等3分鐘。其實唔係好知要等乜。不過，比較要等30人以上，3分鐘當然無問題。坐低後回頭諗，可能係有人訂位但遲到/放飛機，所以要等一陣。否則，完全無人排隊嘅情況下要小弟等3分鐘唔知為乜，其實係會令小弟發火的。姐姐要向客人解釋、更清楚溝通先得。除此之外，全程招呼服務算得很周到，只差未到星級餐廳的那種未說出口卻已知客人心意之景界而已。晚餐兩份，鵝肝帶子沙律、蝦cocktail, 湯，七成牛扒配黑松露薯蓉、太陽蛋咸豬手配鬆餅，雪糕配Brownie，樣樣味道均屬佳品。鵝肝帶子沙律：鵝肝唔會帶膻或太肥、帶子新鮮蝦cocktail：每隻長度約一隻手指多一節指節，肥瘦適中，新鮮。唯獨係，6隻蝦原隻上未剝殼，自己剝確係原汁原味。但無準備洗手盆或濕手/紙巾俾客清潔，未免不夠細心。湯：是日餐湯？唔記得餐牌有無寫，但
今趟在黃埔就遇到一間服務好嘅餐廳-Amber's Table。
機緣巧合，去搵拉麵/壽司，晏咗、排隊，唔願排，就見到呢家裡面咁啱有個位，於是埋去問。
帶位姐姐有禮地要求小弟等3分鐘。其實唔係好知要等乜。不過，比較要等30人以上，3分鐘當然無問題。坐低後回頭諗，可能係有人訂位但遲到/放飛機，所以要等一陣。否則，完全無人排隊嘅情況下要小弟等3分鐘唔知為乜，其實係會令小弟發火的。姐姐要向客人解釋、更清楚溝通先得。
除此之外，全程招呼服務算得很周到，只差未到星級餐廳的那種未說出口卻已知客人心意之景界而已。
晚餐兩份，鵝肝帶子沙律、蝦cocktail, 湯，七成牛扒配黑松露薯蓉、太陽蛋咸豬手配鬆餅，雪糕配Brownie，樣樣味道均屬佳品。
鵝肝帶子沙律：鵝肝唔會帶膻或太肥、帶子新鮮
蝦cocktail：每隻長度約一隻手指多一節指節，肥瘦適中，新鮮。唯獨係，6隻蝦原隻上未剝殼，自己剝確係原汁原味。但無準備洗手盆或濕手/紙巾俾客清潔，未免不夠細心。
湯：是日餐湯？唔記得餐牌有無寫，但就無印象有人話過小弟知係乜嘢湯。淨係知味道很好。
牛扒7成仍然嫩口，肉質靚之餘仲留有肉汁，外脆內軟。薯蓉混上黑松露，唔係新事物，但香氣四溢，味道濃郁。
牛扒配黑松露薯蓉
6 瀏覽
1 讚好
0 留言
咸豬手外脆內軟，唔韌但好咸，幸小弟可以接受。可能因為好咸，所以用糖漿鬆餅佐之，但太陽蛋就不明所以了。現場冷氣太充足，令鬆餅迅速乾硬化，應當始料不及。小弟嘗試將咸豬手肉佐以糖漿，果然配搭得宜，味道中和恰到好處。可惜服務生沒事先提點客人如何食用，浪費了大廚心機。
太陽蛋咸豬手配鬆餅
9 瀏覽
0 讚好
0 留言
甜品雪糕Brownie賣相清新，唔會一見就覺得膩。Brownie上桌溫熱，配以雪糕，溫度剛好，冰火口感。
雪糕Brownie
9 瀏覽
0 讚好
0 留言
總括來說，紅磡乃屬中產平民消費區，有此近乎高級西餐廳之選，唔使花園/扒王，實屬上選。只是服務就算中級以上，尚有可進步之處。但以此價目，嘗此用餐經驗，已屬平民中之Fine Dining，性價比屬「抵」之流了。
張貼
