影片
更多
2020-05-13
596 瀏覽
疫情稍緩，姊妹們又出嚟共聚。兩位姊妹帶我去試佢哋間至愛食堂-Amber’s Table。老闆係全港最高+最高級RC酒店前西廚，對自己嘅出品超有要求，咁自然益咗我哋有好嘢食啦。今次就去試吓佢哋個lunch，餐廳位於黃埔花園，有地鐵站，非常方便。對面就係時租停車場，餐廳消費有免費泊車，因應你嘅消費，閒日最長免泊3個鐘。餐廳喺商場外圍地鋪，光線充足，日間用餐感覺平易近人但係有格調。午餐大約$88-158+10%，屬中價位，黃埔花園喎，食好西喎，好合理啫！而且餐單雖然以西餐為主，但據兩位好友嘅線報，佢個Asian Delight—海南雞飯都好正，帶長輩一齊用餐都唔會冇選擇。而家睇吓我哋今次食咗啲咩？是日例湯同沙律，只可以2選1，咪以為係是日就一般，好好味㗎！主菜之一鹹豬手係鍾意香口嘢嘅朋友最佳選擇，皮脆肉香，醮半熟蛋黃中和鹹度更加一流。個人覺得窩夫比坊間嘅更合我口味。輕脆酥鬆，唔會太厚滯。燒有機春雞適合細食嘅女士同小朋友，焗新薯配番紅花汁，好味程度簡直直逼主菜，推介！相比以上兩款，美國西冷水準平穩，單係叫Medium出嚟完美嘅生熟情度，就叫你食得高興。肉汁豐富。個薯蓉好鬼好味，醬汁濃郁唔油膩。
今次就去試吓佢哋個lunch，餐廳位於黃埔花園，有地鐵站，非常方便。對面就係時租停車場，餐廳消費有免費泊車，因應你嘅消費，閒日最長免泊3個鐘。餐廳喺商場外圍地鋪，光線充足，日間用餐感覺平易近人但係有格調。
午餐大約$88-158+10%，屬中價位，黃埔花園喎，食好西喎，好合理啫！而且餐單雖然以西餐為主，但據兩位好友嘅線報，佢個Asian Delight—海南雞飯都好正，帶長輩一齊用餐都唔會冇選擇。
而家睇吓我哋今次食咗啲咩？
是日例湯：椰菜花忌廉湯+蝦沙律
11 瀏覽
0 讚好
0 留言
是日例湯同沙律，只可以2選1，咪以為係是日就一般，好好味㗎！
徳國鹹豬手窩夫配日本蛋楓糖醬
$148
13 瀏覽
0 讚好
0 留言
主菜之一鹹豬手係鍾意香口嘢嘅朋友最佳選擇，皮脆肉香，醮半熟蛋黃中和鹹度更加一流。個人覺得窩夫比坊間嘅更合我口味。輕脆酥鬆，唔會太厚滯。
燒有機春雞配番紅花汁
$138
14 瀏覽
0 讚好
0 留言
燒有機春雞適合細食嘅女士同小朋友，焗新薯配番紅花汁，好味程度簡直直逼主菜，推介！
香煎美國西冷配野菌及銀魚柳汁
$148
21 瀏覽
0 讚好
0 留言
相比以上兩款，美國西冷水準平穩，單係叫Medium出嚟完美嘅生熟情度，就叫你食得高興。肉汁豐富。個薯蓉好鬼好味，醬汁濃郁唔油膩。(其實3款主菜嘅醬汁可以互點嚟食，你估唔到好驚喜吓。)
餐廳所有餐點都令人回味，尤其佢調味做得非常出色，恰到好處，冇過多嘅搶口同鋪排，着重發揮食材嘅原味，食得出老闆對每一樣作品嘅用心。而且餐廳內所有廚師都做到一致嘅要求質素，可想言之老闆喺培訓同執行上有嚴密把關，呢樣嘢真係唔容易㗎！
總括而言，Amber’s Table係一次非常愉快同滿意嘅用餐經驗，我哋幾個快樂暢談2個半小時，已經約定下次去食埋個晚餐，大家可以稍為期待我下一個Amber’s Table嘅食評囉！
p.s. Sorry，我食咗佢哋個Homemade Pear tart但係唔記得影相，不過真係好好味，連一向唔太食熟水果批嘅我都停唔到口，只限單點。據知係舊RC酒店嘅一個經典甜品，連新酒店都好似冇咗，唔試吓你就走寶喇。
張貼
