Amaroni's New York Italian Restaurant & Café (又一城)

營業中

休息中

餐廳環境ok，食物尚可以，我們叫了一個四人套餐，份量十足，可能人手不足及侍應欠缺經驗，服務態度一般，未吃頭盤，已奉上餐茶，冇餐具，飲湯嘅時間冇上餐包，因為忘記，要問一樣攞一樣。 最後甜品，也要三催四請才送到。衛生意識薄弱，不會再光顧!

My wife and I went to Amaroni's with friends for a leaving do on a Saturday morning in November last year.  We had a lovely time and the food was terrific- as I remembered it from when we'd last been to Amaroni's 15 years ago.  With fond memories in mind I met a friend for lunch on 25 May 2021. It was awful.  Four things were problematic - 1) staff speak very poor English and avoid you, 2) the picture book lunch menu is confusing, 3) the main course salad with chicken was little more than four s

從食物味道，很難食，難食處是，太外國人口味，即重口味，意飯、麵這類食物，太重口味，難入口，不好味，絕對唔會再幫襯！跟太太和仔仔一家三口，點了個3人定4人晚餐，食材係多，但味道確係難吃，都唔明價錢貴，和質素成強烈反比！如果俾我選擇，不會再選擇，中伏！

我哋一行二十幾人，本身諗住去飲茶🫖，但係搵唔到位，喺又一城行嚟行去發現呢間有兩張大枱 就衝左入去😂第一次同咁多屋企人一齊食西餐，感覺都幾特別，主菜水平一般，但甜品我覺得幾出色😋

有日阿媽問我果日去完迪士尼夜晚食咩好，我心諗出到嚟都8點幾啦，咁就上eatigo睇下咁夜有咩優惠，就俾我見到呢度食，8:30pm入座就會係50% off，簡直係good fit！就即刻book啦！去完迪士尼（果日熱到high high）帶着疲乏嘅身軀去到餐廳，個reception就話個優惠只限食物，飲品唔適用嘅，咁ok啦！同埋佢同我哋講9pm last order。望完個餐牌，諗住50% off就喪叫！4個人叫咗4樣嘢，仲要全部grande size!首先嚟咗個野莓雞肉沙律，佢滿到裝滿晒成個碟！菜呀果d都好新鮮，唯獨是個沙律醬就比較酸，會chok喉！之後嚟咗個table size pizza，個餡係辣肉腸、菠蘿同蘑菇，個pizza唔會好似pizza hut果d咁油，餡料同芝士嘅比例啱啱好，好好食再之後嚟咗個鮮蝦雞肉通粉，個白汁勁正！個長通粉都整得啱啱好！成個粉都好好味！最後臨last order嘅時候叫咗個tiramisu後上，個cream cheese好creamy，又唔算好甜，果然係signature！埋單半價咗計埋加一都只係$545，簡直抵到爛！

烤焗椰菜花有驚喜先將椰菜花蒸到7-8 成熟，再加入白汁同少少芝士焗香脆表面，入口依然爽脆，內裡 juicy 。不過味道停留喺表面，如果椰菜花加番少少調味，簡簡單單加啲鹽同黑胡椒就會更加出色。蘑菇意大利飯材料豐富有3-4 款不同菇類，飯粒粒粒分明唔會過淋，醬汁濃杰度剛剛好。飯面放2 塊芝士，即時拌入熱辣辣既飯入面都唔溶，有啲特別，可能係我唔識欣賞😅其實呢間餐廳都成日黎食，但覺得份量細左，單點食物出餐慢左（set menu 就好快，除左焗鱸魚），下次或者會揀 Dyan Ryan

朋友聚會約在九龍塘，第一時間諗起呢間大件夾抵食，又坐得舒適的西餐！比起其他西餐廳，呢間的餐前麵包好軟熟，幾好食！千層麵(regular)唔係平時食開的烤焗形式，重點係番茄汁好濃旭，口感濕潤，個人幾鍾意❤️4個人揀左9件的regular size，最後仲食剩兩件🙈，pizza 口感鬆軟，唔會好乾身！必食的signature tiramisu! 雖然比起上一次食物的份量無咁多，但性價比都係高，可惜的是服務一般，舉左好耐手先有人理。

先嚐免費香草麵包，蘸上黑醋橄欖油，既鬆軟又有嚼勁，問侍應再來一客，她說沒有這規矩，但又隨即送多一客，感謝萬分。四人點了招牌芝士蕃茄肉醬千層麵及一隻雞，千層麵的蕃茄芝士配搭份量適中，互不搶對方味道，反而融渾一起，讓厚實的千層麵味道酸甜有度，不膩胃，碟上的餘汁也不放過。一碟辣椒雞，扮相很吸睛，分了四件，但咬落雞肉質有點過火，不太滑嫩。甜品叫了芝士蛋糕及招牌Tiramisu，每件一開四，份量剛好，軟滑不膩。今餐有八折，也算划算。

好耐冇黎啦！鍾意嚟呢度通常都係慶祝家庭活動，因為呢度啲嘢食大碟，適合一家大細食！保持好水準，唔錯唔錯！我哋三個都叫咗一個Party set，佢話係夠三至四人，結果呢我哋真係食唔晒！成個Pizza啦要打包返屋企例牌一盤嘅意式包，跟意大利橄欖油同埋醋，一上嚟啦就即刻唔使1分鐘就食晒啦！因為實在太好味！蘋果沙律好好食！嗰個醬汁加埋啲煙肉碎，雞肉非常之嫩同埋入味！！仲有一個小食頭盤係用意式肉腸包住雞蛋嘅炸蛋，估唔到啦呢個真係呢好好食、呢個餐有三份主菜，將Pizza打包左，另外主菜係龍蝦加西冷牛扒，兩樣都整得好好！龍蝦彈牙！牛扒有炭香味！跟牛扒嘅薯仔同番薯都好食！另外意式海鮮湯飯都係高水準，用了係好新鮮嘅帶子青口蝦！會員有八折餐就真係抵！可以其實係四至五個人食仲有如果嗌餐飲，大家鍾意飲咖啡嘅話，嗌咖啡啦因為一大壺，裏邊有成三至四杯！

侍應親切有善, 樂於介紹食品種類和細節. 食物無論味道或者賣相都不錯, 適合單拖友或情侶或大班朋友.今次我就同成班同事中午過嚟食生日飯, 好彩一早book咗位, 因為我哋成十幾人.佢哋安排嘅座位以四人一張枱, 進店前要安心出行及量體溫,相連嘅枱都要放膠板.今次我哋叫咗好多嘢食, 詳細嘅名稱就唔講喇自己睇相片, 去到最尾聲雖然好飽頂住個胃, 但都要食佢個招牌terimisu.

It was the most terrible experience I have ever had in a while. There was no service at all even though there were just a few customers in the restaurant.Worse still, the food was terrible. We ordered lasagna and spaghetti which were both over cooked and the texture became very weird to a point where it felt like baby food. Besides, Lasagna was not cheesy at all and the presentation was not good. Honestly, with this price, the restaurant could have offered much better.

比以前真係差咗好多香草包又凍又淋感覺好奇怪好差最神奇係ham & pear 尼D cold dish 都差咗，證明選用嘅食材都差咗其他食物唔夠熱例如雞棒同pizza，而味道亦差咗。。。

之前都有去過呢間都知冇乜Service，不過佢啲嘢食都OK，啱啱同我個女再去食我以為自己去咗茶餐廳又完全冇人理我哋剩係得個負責茶水嘅姐姐見到我哋咁佢就叫着黑色衫嘅waitress過嚟同我哋落單,同我哋落單完全冇表情亦冇乜禮貌好似去咗茶餐廳點完就走咗去。 跟住有個戴眼鏡個男人放低啲餸，好晦氣咁擺低，問佢可唔可以比多隻碟佢攞嚟嘅時候好大力放低仲要係污糟嘅我哋都冇用到跟住我哋嗌買單都嗌咗好耐得壹個負責執枱嘅短頭髮女士見到我哋佢又叫個黑色衫waitress同我哋買單. 我覺得個問題係佢哋個場都唔細但係人手嚴重不足所以做到佢哋啲黑色衫嘅員工冇晒表情我睇到好似得三個+1個執枱同一個接待另外仲有個負責攞飲品。 相信我唔會再去因為又唔係話好平有其他好嘅選擇，應該話我去茶餐廳可能啲招呼都好過佢😤🙄

I has been in this restaurant before, I came back again as my friend were not try it before. The service, place and foods were great. We did order a set of lunch for 3 of us, it come with the Bread stick, salad, french fries, Carbonara and roster chicken, all are taste good. We really having a good time staying in this restaurant. Looking forward to come back again.

今日和老婆往九龍塘又一城Amaroni’s食西餐, 我們點了白酒汁煮青口, 香蒜拌薯蓉、經典千層面、燒香草羊排和意式香草焗雞。點完單, 侍應奉上黑醋和面包, 面包食落軟綿, 有啖啖蒜香味, 配上黑醋汁食落醒胃,白酒汁煮青口, 青口食落新鮮鮮甜, 白酒汁味道香醇, 配上西蘭花和紅椒食落新鮮爽口；香蒜拌薯蓉食落口感軟綿, 薯蓉香滑, 入口即熔、食落有啖啖蒜香味；經典千層面配上巴馬臣和馬蘇里兩款芝士, 芝士味道香濃, 千層食落爽口, 配上餐廳自家製意大利博洛尼亞蕃茄肉醬汁, 食落開胃, 口感滿足；燒香草羊排我們選了三件, 羊架食落有啖啖香草味, 食落肉質軟綿, 配上黑醋薄荷汁食落口感豐富, 配菜甘筍食落爽口；最後意式香草焗雞賣相吸引, 食肉肉質鮮嫩, 大大件, 口感一流, 焗薯食落爽脆, 香草腸食落彈牙, 配上濃濃蕃茄醬食落惹味十足。餐廳座位舒適闊落, 店內裝飾置前六十年代美國, 而且有很多米高安哲羅擺設, 很有特色。餐廳食物美味高質, 環境格調一流, 適合情侶和三五知己聚會好地方。