Amaroni's New York Italian Restaurant & Café (又一城)

營業中

休息中

因為有又一城的coupon, 便帶阿媽食吓tea. 之前幾年幫襯過幾次, 裝修都ok. 點知3點幾去到, 企門口個短髮四眼女帶位員黑面問我們食lunch 定下午茶, 那時已是下午茶時間, 而且個下午茶menu已經放了出去, 咁我好自然答食tea. 點知那位四眼姐姐竟然用miu蔑視的語氣說下午茶要3:30才比入, 但之後有一對年青人和一家人就比入, 要一個老人家在外成半個鐘, 未見過態度明明有位都話要等到3:30才可入, 問佢佢就話每日要按照當時的人數決定下午茶可入的時間, 態度極差. 到入到去時, 其他waitress的服務態度都如同茶餐廳般沒禮貌, 又無人serve, 叫埋單也沒人應. 還見到那個四眼姐姐與其他服務員在高處的一張台圍在一起吹水, 完全無人serve d 客, 唔講真係以為佢地先係客, D野食就不過不失既, 不過咁差的服務態度, 尢其是四眼男人頭女帶位員, 真的吃不消. 以後就算再有coupon 也永不幫襯! 在全世界去過不少餐廳, 就算是茶餐廳也沒有咁差的態度和服務, 真的大倒退!

我同朋友Book咗枱14:00，一去到就可以入座，入到去唔算好多客，可能因為啱啱過咗lunch時間，餐廳夠闊落，裝潢方面落咗唔少功夫，座位空間感充足，我地坐卡位感覺舒適。我哋點左兩個set，分量都算幾大兩個人好夠食。每日自家製餐湯廚師👨‍🍳推介PizzaPizza餐湯配埋熱咖啡（咖啡好夠熱）$78 ，CP值高Pizza嘅餡料同批底比例啱啱好，肉腸配芝士及菠蘿，餡料十足批底夠厚身，而且有咬口得嚟有又唔會好硬。羅宋湯味道豐富蔬菜味濃郁，蔬菜都唔會煮得太淋，配有🌿餐包，味道都幾夾。燒雞凱撒沙律🥗，蔬菜夠新鮮，咬落爽脆，雞肉唔會好硬身有少少燒香味，配有醋汁及芝士，算係合格之作。配有咖啡$108粗身薯條，炸得剛好配有黑松露醬，可以問餐廳提供蛋黃醬，點薯條好食呀。半份薯條$28抵食

✨亞熱帶意大利薄餅配料有意大利辣肉腸片 菠蘿 蘑菇 馬蘇里拉芝士辣肉腸都幾辣下 蘑菇味幾出 芝士份量唔少 餅底鬆軟 邊位微脆 整體唔錯✨石榴陳醋烤嫩豬排骨豬排骨 味道酸酸甜甜 略嫌唔夠入味偏淡幸好另外有醬可以點肉質腍滑 唔使用刀切輕輕用叉拮已經離骨我自己比較鍾意豬肋骨口感係有咬口d✨招牌意大利芝士蛋糕賣相唔錯 事實上非常失望咖啡味偏淡 酒味濃 味道偏甜忌廉較稀身 手指餅佔比例過多 餅底過濕 輕輕一撳就出晒水 忌廉稀加上咁濕嘅餅底口感好差係我最近幾年食過最難食除咗Tiramisu差之外 食物可以整體味道都偏淡 份量都幾足環境普通擺枱太迫 店員好想將所有客人迫埋一齊坐我旁邊有張圓枱 其實個位兩個人都覺迫 店員竟然想比四個客人坐 經我計算 店員安排咗四組客人坐嗰個位但四組客人最後都係要求換位 最後都係冇人肯坐呢個亦係全餐飯最常見嘅問題 無論任何嘅位置都有客人要求調位因為無論咩座位都係比較窄 坐得好唔舒服另外枱比較細 佢哋餐碟比較大 放一碟已經冇位服務好普通 茶餐廳水平 以商場同餐廳定位 服務有好大進步空間價錢偏貴 以食物質素唔太值

於九龍塘又一城內的意大利餐廳，西式的裝潢、牆上的掛畫與童話式的大吊燈。不但令人恍如置身於外國高級餐廳內，亦使整體環境增添幾分浪漫情調。蕃茄意式肉丸意粉🍝大部分的菜式都有Regular/ 加大 的選擇，Regular份量都足夠二人食。這意粉好夠蕃茄味，應該用了很濃的茄膏。肉丸就正常味道～意大利海鮮飯🥘賣相比我想像中有點差距… 材料有蝦、青口、蜆肉、魚等。但這個”炒成一碟”的賣相真係有點失望…而這個都是用蕃茄醬拌意大利飯，連續兩碟都係蕃茄味～有點膩😅另外，每枱客人都贈有香草麵包籃子🥖 可沾橄欖油和黑醋食用～本以為係硬麵包，點知原來係軟軟的! 幾重香草味，不錯!

平時都少出省城食嘢😓，難得出去同朋友聚會就食下呢間嘢！總結來講非常失望！失望到要寫食評！我哋食晚餐入座時服務員態度已經一般，睇吓餐牌，有set Menu同單點，問waitress可唔可以混叫，怕影響discount。個肥waitress一句點解唔得？我同啲朋友當堂呆咗，因為我哋都係客氣說話有禮貌，但估唔到得到咁嘅態度回覆🙄最終我哋都係單點幾個菜，叫咗ribs 同意粉，總結來講啲主菜完全冇味，叫Waiter換樽水，boom一聲放喺枱面，咁嘅價錢，咁嘅服務質素，真心覺得唔值呢個價！之後叫咗個Tiramisu同雪糕新地，甜品過得去，中規中矩，但個雪糕有Brownie，個brownie甜到食唔到🙄呢間嘢唔會再食第二次，$100食佢都比多佢

以為到Teatime時間 諗住入去食嘢點知仲有半個鐘 嗰時仲係好飽仲諗住叫個甜品食其實人手都好充足 但係啲服務態度好似一般般 個芝士蛋糕超級大 食到好飽 間舖頭嘅裝飾係幾靚嘅 賞心悅目

今日同朋友慶祝生日, 我地揀左呢間餐廳, 因為交通方便, 而且之前食過覺得幾好。之前BOOK左台, 一去到就有位了!我地三個人點左個沙律, new york style pizza, seafood risotto, 仲有個tiramisu for bday cake.三樣都好大碟, 而且好好味, 由其係個new york pizza 同risotto 好足料! 絕對唔馬虎!朋友生日我地request左加蠟燭, 但原來早幾日打去request可以寫埋字happy birthday to xxx.埋單每人百幾蚊, 好抵!下次會再來!

Amaroni’s was famous for a large portion of Italian food many years ago. The portion becomes smaller but still quite filling. The place is cozy, with chandeliers, nice coloured paintings and the huge art work in the middle of the restaurant, it s perfect for family and friends to share an enjoyable meal. However, if you come alone, you will never be lonely, cos there is a thinker sitting on every tables to accompany you throughout the meal time. 🥗 Mulberry salad $135Couldn’t find mulberry, howev

星期日去開又一城行街, 晚飯時間行行下又來返我自己既飯堂, 呢度食左十幾年, 味道雖然有少少變下, 價錢反而無點大上落, 只係覺得會將貨就價, 份量係少左 D  !其實每次來酋不多都係叫返食開果 D , 以前呢度有個焗蟹好好食, 唔知係咪無咩人 order, 已經 cut 左好幾年 ! 所以依家就變左叫焗蝦, D 蝦好新鮮, 焗完出來都唔會 , 依然好爽好入味, 而且係剝哂殼, 啖啖肉 ! 火腿哈密瓜份量真係比以前少左 D , 不過 D 火腿都仍然咁好食, 咸度適中, 配埋香甜哈密瓜係絕配 ! 意粉就不過不失啦 ! 

昨日同家姐晚飯，約咗呢間餐廳，book 咗6:00，無遲到準時攞位，滿心期待，但最後極度失望！侍應服務態度已經超差，有個阿嬸侍應仲不段吹我哋話得個半鐘要準時交枱，仲要驚死隔離枱聽唔到，講到勁大聲一點都唔似高級餐廳風格，我以為自己去咗大排檔囉。食物更加不濟，pizza 係琳pat pat，蕯莉亞都好食過佢，羊架冇羊味，波士頓龍蝦意粉無味道，只有軟殻蟹小食比較有味道同脆啲。好彩用openrice book 枱有8折，唔係又貴又唔好食仲有超差服務態度真係冇下次！

之前見到店面咁grand又咁靚，已經想試好耐啦。今次終於試到啦，但真係好失望。首先，一坐底，水同杯都無畀，仲要連餐具都拎漏咗一set畀我哋🙁以依個價錢唔應該畀咁差嘅服務。餐單方面，款式都算多嘅。2個人叫咗2個set。餐湯係自家製嘅忌廉湯配埋一塊細細硬餐包，沾上湯汁其實幾好食😋朱古力奶昔推介指數🌟🌟🌟🌟朱古力味濃郁，奶昔都夠順滑。夏天飲簡直透心涼👍🏻👍🏻👍🏻主菜新鮮盲曹魚配粒意粉同香蒜西蘭花推介指數🌟之前未食過盲曹魚，今次試咗發現口感同三文魚差唔多，無乜特別。整體味道較淡，好似完全無落過調味料，麻麻😖可能太過健康接受唔到意大利香腸芝士烤餅推介指數🌟🌟普通。餡料唔多，沾埋醬汁會濃味d🙈甜品招牌意大利芝士蛋糕推介指數🌟🌟🌟賣相扣分😀勁似就咁切完畀你就算，同餐單副圖岀入好大。味道方面，酒味重，口感順滑，稍為較甜👎🏻

又一城在我生命當中算是一個新的商場，回想在我求學階段時又一城剛剛新建的商場，不經不覺已經是上世紀的事，當初我以為是為城大已設，當時的感覺非常似太古廣場的luxury.商場依舊的格局，但商店已改頭換臉不少，在我少年時代Italian 菜餐是非常流行出現在香港的飲食介當中，香港人非常喜歡食pizza, 意大利粉，salami 等等。可以在香港這餐廳做到今時今日的確是不惹笑的傳奇，在今時今日去到真係懷舊一番，味道依舊，食物依舊，價錢比以前來説是大眾化了，但也沒有失去當年的luxury 的感覺。食過的朋友可以再來食返舊的味道，未來過的朋友一定約朋友最小食一次，試一試意大利的味道。

肥姑姐飲食推介 - 蛋汁煙肉意粉carbonara話說今日月經到，個肚好似攪拌機咁，仲要頭暈，放左工死下死下咁去左食d comfort food 安慰下個肚，於是去左Amaroni's New York Italian Restaurant & Café 食cabonara，點知個意粉超乎我想像嘅好味同埋材料非常豐富。Amaroni's New York Italian Restaurant & Café (又一城)Add.: Shop 32, LG1, Festival Walk, 80 Tat Chee Avenue, Kowloon Tong地址：香港九龍塘達之路80號又一城商場LG1層32號舖Tel.: 226588181）環境衛生九龍塘又一城嘅Amaroni’s重新裝修咗之後地方光猛咗好多，依舊係好寬敞（目測應該可以坐到60至70人），多咗好多植物同埋其他擺設好適合打卡。另外餐廳設有酒吧，有一位bar tender同時兼任收銀員的職責，就算平時下午食嘢都可以點杯Cocktail飲，今日食飯都見到有唔少人點Cocktail！2）食物質素其實我兩個月前都嚟過呢間餐廳食蕃茄肉醬千層

今日同一班同事出去食lunch 係繁忙時間都算易攞位嘅餐廳我哋有九個人都安排到位置俾我哋自成一角 當然因為限聚令要分枱 分3張枱 叫咗個芝士雞肉意粉 佢lunch set 會包沙律或者湯仲有餐飲 但佢個餐有啲細份大食啲都可能會唔夠飽五點幾可能會肚餓如果當月生日會有甜品送我哋加埋有四位同事生日但佢都係送一份甜品 失望🥲同埋侍應落單都有啲混亂

呢間嘅舖面裝飾好好呀好靚，然之後就吸引咗我入去。啲意粉幾好食，下午茶就更加抵，品質都幾好，如果啲意粉再炒得多啲餸，乾啲，就會更加好啦。記得以前啦有多啲菜式啦，就好似有啲日式嘅冷烏冬。