Alva House

營業中

休息中

因為今次係呢間酒店入住，所以book埋佢哋個自助晚餐，嚟之前上網見到好多評價都話唔好食，都有少少擔心，但係嚟到之後覺得真係冇網上面講得咁差，所以決心要幫佢哋寫食評平反🤣凍盤有龍蝦，龍蝦係冰鮮嘅，所以肉質比較韌，食半隻就已經夠，但係龍蝦蟹鉗個肉質好嫩，食咗四五隻！最好食嘅係長腳蟹，鹹鹹地又鮮甜，都食咗兩轉！生蠔係最多人排隊嘅，每次每人限攞兩隻，佢哋會幫你洗乾淨先至再俾你，因為平時自己都好少食生蠔，但係呢間嘅生蠔我覺得都OK，好鮮甜👍🏻刺身類其實種類唔多，質素都一般般，食一轉就夠！另外串燒類佢個種類都好多，最難忘嘅就係佢嘅燒雞髀菇，食落去多汁到以為自己食緊帶子！另外有一隻中湯叫做川貝海底椰燉湯，好清甜好好飲，見到基本上每枱都會拎嚟飲！甜品嘅種類都好多，每一款攞完嘅話佢哋都會refill返第二款新嘅款出嚟，雪糕係Häagen-Dazs，都有好多特別口味可以試吓！

好後悔去咗依間酒店食自助餐，折咗都要成$700一位，絕對唔值，痛恨自己做咗傻仔🙄先講海鮮：龍蝦又乾又硬，長腳蟹極鹹，麵包蟹長期只得啲身，翡翠螺得雪味，生蠔又奀又腥刺身：帶子和希靈魚都好食，但帶子好快已經冇得拎，吞拿魚淡而無味得雪味熱食：件件天婦羅都着咗件厚綿立咁！串燒明明燒燶咗都照放出嚟，燒得最好是粟米，但食完先見到個串燒師傅同一對藍色手套走天涯，倒垃圾又係佢，清潔又係佢，之後燒嘢整嘢食又係同一對手套，好嘔心囉🤮🤬🤬鐵板和牛粒又硬又靭，羊架鴨肝鵝肝通通欠奉！最大鑊係7點半已經唔出嘢食，要問先配給一兩件俾你，終於乞求到兩細件片皮鴨，是好食的皮香肉嫩唔會好肥，完全明白乜叫少食多滋味！好在都仲有魚蛋粉和生滾粥就任叫唔嬲，豬腳薑多多都有囉！可以填飽你個肚！甜品：有較多選擇，拿破崙切餅和黑森林蛋糕都好食，榴槤甜品唔覺有果肉似用香精，各款果凍啫喱淡而無味，不吃也罷😒服務：全間餐廳都有好多職員，但大多都掛住傾偈沒有服務可言，笑容欠奉黑口黑面，門口職員有位短曲髮帶眼鏡女職員十問九唔應，答你都嫌費事，這是酒店嗎？？？

想食生蠔、龍蝦、麵包蟹、蟹腳？呢到幫到你、幫到你☺️聞說這間自助餐一直好 full、很難訂位，甚至要提早個幾月才訂到。可能太多人吃過，少咗人訂枱，員工突發半價優惠，謝謝友人安排這餐。今期以「泰」做主題，再加推和牛鐵板燒、老火燉湯、蟹腳，時間由1800-2130，正價$728+10 %再可加$188 任飲香檳/紅白酒。凍盤：龍蝦、生蠔、螺、蜆、麵包蟹、青口、蝦、蟹腳、蟹鉗、壽司、刺身、沙律、煙三文魚、風乾火腿。*生蠔每次限2隻，即開即沖水十秒，等候耐d；*海鮮感覺雪耐左、無乜鮮味、蟹鉗有d怪味、生蠔比較瘦；*刺身不過不失。四款湯：中、西、燉湯及冬蔭公。*冬蔭公足料也夠味。熱盤：泰式食品*冬蔭功、辣椒膏炒蟹、烤魚、蠔仔餅、黃咖喱雞、菠蘿海鮮炒飯、船麵、串燒(雞翼、蔬菜、牛、豬)、炸天婦羅、燒牛肉、片皮鴨、海南雞、滷水鵝/旦、薑醋、意大利飯、粟米魚、蔬菜、青口、牛尾、燒乳豬、粥檔、Pizza。甜品：甜品約二十多款左右、炸榴連波、鮮奶雪耳桃膠、 芒果椰汁糯米飯、泰式沙冰、H 雪糕、自家製意大利雪糕、生果、芝士。*甜品有4-5款榴連，榴連波、自家制榴連雪糕、榴連奶凍… 好濃味，正。*

好耐冇食lunch buffet，記得呢間係一間好味性價比高嘅自助餐，所以再嚟同之前一樣，佢嘅食物款式可以話幾乎完全冇轉過，不過本來就冇乜所謂，因為最緊要佢本身款式都足夠，而且食物絕大部份款都好味因為疫情，依家坐為舒服好多，兩個人都有一張唔會好迫嘅枱不過整體食物質素好似下降咗少少，或者係我對佢期望太高 haha 因為之前覺得佢係非常完美！出名嘅招牌乳鴿一嚟啲人未入晒在已經俾人領晒，我急急忙影一張相 然後佢就消失咗😹不過其實最後都好容易拎，因為佢不斷refill，可惜個質素好似一般，肉好乾，其實燒鴨都有少少呢個問題，但係燒鴨又好味好多喎豬腳薑就有少少失望，今次嘅蛋試咗三粒都覺得非常之硬，但係佢又唔似係問得好耐好入味嗰種，所以唔知點解而且豬腳薑嘅味都有少少出入，唔知係咩問題，但係就唔好食當然都唔會難食啦海鮮質素我覺得keep到唔錯，刺身嘅質素亦都OK，但係硬係覺得嗰個鐵刺身嘅嬸嬸好似發緊夢咁，講完即刻唔記得咗我要咩，同埋好似呆呆滯滯串燒就長期都好窿，燒茄子嘅話幾乎係好難搵到冇咩黑邊嘅不過唔緊要啦滷水豆腐就同之前每一次一樣好好味皮蛋鹹蛋唔知點解會冇乜味燒牛肉第一次拎OK，第二次拎就好似擦子膠

放暑假又和朋友一起去吃自助餐！如果沙田區就二話不說揀選這間。因為中午款式很多選擇，慢慢坐是相約聚舊好地方。這間餐廳在酒店一樓，三份之二地方都是落地大玻璃望到窗外，陽光很充足好舒服。排隊入坐時看見門口位置甜品放滿玻璃櫃很吸引，轉角還有張枱放著看到心心眼。餐飲有任飲橙果茶、咖啡、檸檬水等任君選擇。而喜歡來這裡吃自助餐的原因是很少酒店午餐有生蠔吃，冷盤還有龍蝦鉗、青口、蝦同蜆。熱薰也是很多選擇，有我至愛豬腳薑，燒味都是很吸引，燒鴨、油雞、叉燒、燒肉，還有沙田特產乳鴿。每次來都要吃個夠！哈哈沙田雞粥這裡都可以吃得到，炸物也相當出色炸蝦、炸蠔、炸蕃薯、餃子、天婦羅秋葵、南瓜、冬菇等，串燒有車厘茄、豬肉串、豬軟骨、仲有雞皮串，炸得很鬆脆。吃完已經很飽肚但仍未吃甜品，那就要出動另一個胃啦！仲有雪糕有幾款口味任選添。

感謝老細周年聚餐，請全世界去帝逸食自助餐。聽聞都幾難Book，而且價錢唔平，真開心。準時入座，獲安排係窗邊位，非常光猛舒服。一入門口就一排甜品櫃好吸引，行入少少就有凍海鮮櫃，仲有生蠔。之後就日式串燒，東南亞美食等。入面就主要係各式熱盆。先拎幾款刺身、凍盆，樣樣都幾新鮮。三文魚相當鮮甜。生蠔都要排一陣隊，即開生蠔都幾大隻，相當甜，食左幾轉。熱盆選擇都好多，特別推介燒牛肉，都幾腍，幾夠牛味。仲有日式串燒。一向食自助餐都主攻甜品部，選擇實在好多，小杯奶凍類特別好食，抹茶蛋糕都印象深刻。最後仲有迷你杯Haagen Dazs。整體算相當唔錯，所以價錢應該都唔平，如果有優惠可以再試。

Don’t download the Royal app. $100 welcome coupon couldn’t use for breakfast anymore (July still can)- they changed their policy! Cheap class hotel! Foods are really bad for a 3 stars hotel standard! Location too far nothing to do surrounding! Don’t waste your time and money!

第一次嚟Alva House就係專登入嚟食自助餐，平日晚市人流唔多，冇坐滿嘅情況。生蠔好新鮮，即開即食，不過每次只可取2隻。其他冷盤海鮮質素一般，不過可以回本！你喺度都係貪選擇較多，多國菜buffet一定係佢No.1🤣

依間的自助餐口碑都幾好，好多人去食，所以訂位都要預早2個星期以上。咁岩有朋友入面做，有員工優惠，所以就山長水遠咁去食。最出色係生豪，見到員工係即開竹，好新鮮。長腳蟹就麻麻地，鞋得熟食中片皮鴨都好好食，整體來講唔錯。

表姨大喜日子👰‍♀️又可以繼續食好西🥳去左逸帝酒店Alva House食自助餐食物款式都係嗰d啦刺身壽司熱食燒物甜品不過我覺得算多，最重要係岩食❣️刺身壽司可以，三文魚同吞拿魚新鮮，厚度適中，肉質嫰冇乜筋生蠔細隻但處理得幾乾淨熱食種類幾多，喜歡咖喱但老公話似日×咖喱味🤣燒牛肉呀羊肉嗰d就一般喇，韌同埋冇乜味道串燒好受歡迎，雞皮好食👍一放出黎總會冇晒包一杯飲品，可揀橙汁蘋果汁zero水吧都有檸檬紅茶，熱紅茶，檸檬片，咖啡選擇甜品就不過不失👌，特別深印象應該係意大利雪糕同突然推出黎嘅雪糕蛋糕，朱古力味濃但又唔太甜，雪糕質感好，軟硬適中，夠滑。唔想比自己食咁多🤭，如果唔係應該會失控

今次特登過海和家人來試吓，大感失望，七位消費 $1600 （HSBC 咭已有15%discount)，但服務及食物質素一般，絕對不值收呢個價！😤🙄😪黑松露手撕雞半隻$298- 冇雞味雖然已下很多黑松露醬，但冇乜味亦不看香😕點心拼四件收$128 ， 唔可以講係好食🙁

好耐之前有聽過其他人話Alva嘅自助餐唔錯~今日一試,完全係開了我的眼界！自問都係一個幾喜歡吃自助餐,而且又大食嘅人~但我喺呢度完全食唔飽,因為真係無乜嘢好食...先嚟當然係去排下生蠔排下魚生壽司~可能因為第一轉,所以都排成起碼10分鐘,不過睇到都覺得好一般...希靈魚正正常常,但鯛魚有點霉又有筋...生蠔又瘦又無味,食咗一round已經無再去拎了...然後試下啲沙律~正正常常嘢,感覺都算新鮮~熟食款式唔多,個燒牛肉可以一試~然後佢中間位置仲有啲炸嘢,天婦羅同埋串燒嘅攤位,但基本上永遠都係吉嘅...個廚師仲要話: 唔好排啦,有排都未整好~雖然唔係話態度差,但嚟食自助餐,連熱食咁基本都唔識先整定要翻熱?有真係咁追求啲嘢一定要新鮮即製即放入客人個碟嗎?我好好運咁拎過一次炸魚,味道係唔錯(起碼係所有熟食中最正常),難怪常常有人喺攤位附近徘徊等出爐~最後去到甜品~無錯,係有好多款嘅選擇,仲有一大櫃嘅蛋糕仔,但...又真係無一款吸引我!於我而言,自助餐嘅靈魂係甜品,就算唔係多款或款款都正,最起碼俾一兩款我會想無限encore嘅嘢~但sorry,真係無...我第一次拎已經唔太拎得落手,因為如圖中放

先講凍野蟹 蝦 青口 全部霉嘅刺身可以溶雪溶到變到暖嘅正宗連三文魚都可以難食Ham個啲可以全部擺到有異味沙律連沙律醬都無放係到反觀擺成十幾支醋同油俾你落而家我係食油定食沙律？天婦羅炸物個啲炸都未炸好就放岀黎俾人拎仲有所有肉類食物全部唔係凍哂就係味道差到爆熟食仲勁 整個揚州炒飯就當一味甜品就好啲 多選擇食包相對穩陣我比較喜歡食佢舊方包 好有家的味道 好似我平時屋企買嘉頓烘下個啲咁全個buffet最掂就係haagen-dazs個雪糕櫃員工全部晦氣到爆呢間野真係食到人父親節真快樂

一年會籍係呢個月完結食最後一擊buffet 🤣食反個lunch buffet12:00-14:30 一定可以慢慢食D 蠔越嚟越細隻👎🏻同埋冇咩味道今日d 大蟹鉗又ok好鮮味🦀🦀😋😋蝦冇咩未乳鴿必食😋燒牛肉都可以唔太食生野可以叫佢燒一燒👍🏻今日二個湯都好好飲😋😋中湯：粉葛湯夏天啱晒去濕西湯：蕃茄湯甜品最好味品種多😋最驚喜燒味檔服務員值得贊佢見我男友望望吓乳鴿果個位置當時係冇晒佢專登炸一隻夾咗半隻拎過嚟真係估唔到咁細心服務👍🏻👍🏻👍🏻

慶祝屋企人生日聽講呢間自助餐好受歡迎又好難訂所以一早訂嚟試吓當一去到跟著個帶位姐姐行入餐廳時其實都幾振奮 因為好似幾多嘢食咁每個counter都幾企理生蠔係即開嘅 幾高質唔會太瘦 師傅洗得乾淨 唔會太咸有日式櫃檯包括串燒及天婦羅紫薯天婦羅最出色串燒種類繁多 雞皮串燒好味海鮮選擇唔太多 啲蝦好細隻龍蝦鉗幾鮮甜意粉檔個姐姐好helpful自選配料同意粉 味道唔錯魚生普普通通 冇咩特別熱食中規中矩 種類繁多但味道唔太突出第一次嚟應該會幾OK嘅但係未必會再想去第二次因為唔係特別好吸引乳鴿都好食嘅 仲有豬腳薑啲嘢都幾地道甜品選擇都多嘅不過成餐飯最唔好嘅經歷就係催場可能一round接一round嘅原因訂咗11:30 入座時話自助餐到1:4512:30已經嚟埋單 喺12:30-1:45之間大概嚟提咗五次自助餐到1:45其實會唔會多咗呢？