Add Some Thai Restaurant

營業中

休息中

今日第一次去觀塘嘅工廈食lunch，一心想試吓呢間泰國菜，果然冇失望👍🏻食物質素一流👍🏻👍🏻環境闊落，服務態度好好。食物推介：(I)假日二人餐 （好似$208）1）椰汁雞湯：滑滑海南雞加清新椰汁👍🏻👍🏻2）小食拼盤：炸春卷出色👍🏻👍🏻燒雞串juicy😋😋 泰式木瓜沙律夠精緻👌🏻👌🏻燒車厘茄菠蘿夠清新👍🏻3）豬手飯：豬味濃😋😋(II) 兒童餐（好似$50）抵食👍🏻

第一次寫食評 真係唔寫唔得！一入到去 有個店員帶位 很有禮友善 裝飾都好靚 所以都幾期待 到落單個陣係第個店員 落落下 無啦啦發脾氣離開 仲要踢凳 踢櫃 扔筆扔簿扔餐牌 但係其他店員完全無阻止 咁鬼躁狂 嚇到我地一行四人即刻走 野都唔食 極度失望利申 成個過程真係正常落單 完全無為難佢

星期日同老友去觀塘食泰菜，之前幫襯過夜晚，感覺幾好食，於是再去試下午餐。晏晝去都算光猛舒服點左個假日二人餐，吾算貴，份量大小食拼盤春卷脆，蝦餅厚肉彈牙，串燒不過不失，肉大，但燒得乾，吾夠肉汁之餘，沙嗲醬吾夠香，無乜味主食叫左個豬手飯，好大份鹵水味濃，豬手稔，但啲原粒胡椒黏住豬手，有時不慎咬到都麻煩。個飯仲面炒肉碎、香口，送飯一流冬陰公湯夠香濃，吾錯但上餐次序就怪啲，上左個豬手飯先上湯同小食。員工有禮貌、抵讚

觀塘嘅工廠大廈真係好多好野食，今次lunch揀左依間泰國餐廳，地方寬敞，裝修以木為主, 幾有泰國風情。食物方面，我試左招牌泰式無骨海南雞飯，油飯嘅分量夠大，有好多雞件，淡淡肉，好入味，點埋個泰式醬更加惹味，蝦片脆卜卜，送飯幾好丫，連埋湯同飲品都係$80, 值得一試呀。

五一長假期最後一天星期日，約了好姊妹食泰菜！我倆叫了假日二人套餐，要冬蔭公及豬手飯！雖然冬蔭公不太正宗，少了泰式香料的複雜嘅味道，但好足料，兩隻蝦.3隻蛽，小隻八爪魚仔，蕃茄仔待應遞上二人份泰式六小食，好大份，似外面下午茶的high tea set 🤓有2款木瓜沙律及水果沙律，烤雞翠肉瓜串燒，菠蘿蕃茄串燒，脆卜卜春卷加啖啖肉彈牙厚蝦餅豬手飯好入味，份量好大，足2人分量，旁邊的肉碎太乾身，沒有肉及泰式香草香味。每人百零蚊就可以食到咁多嘢，好抵！

之前一直都覺得係工廈嘅食肆唔錯，今日黎試下又真係無失望～雖然假日佢嘅選擇唔多，但價錢尚算ok兩個人叫左個二人餐加多塊菜同兩串豬肉串，份量都適中，啱我地兩個女仕食有多人，三個人可能都夠食😋小食拼盤個蝦餅都幾大件，比我係出面食個啲較大，個雞同豬肉串我係無諗到咁大舊，以為係出面食開個種蚊之size~個菠蘿炒飯可本來叫走蝦但最後都黎左三隻，唔知係咪講左走海鮮 所以個飯真係得蝦同魷魚仔😆但整體黎講算係一間唔錯嘅食肆

話說我要去觀塘d工廈買d寵物用品🐶🐱所以夜晚就係觀塘度解決～其實觀塘都好多嘢食！今晚我地實在好想食泰國嘢啦～就係open rice搵到lee間試下！～見都咁多好評～以為應該都5錯吧～點知中左少少伏～😂😂😂佢好方便～其實就係駱駝漆大廈入面～入到去環境5錯～d位夠開揚～坐得舒服～係聚會ge好地方！～但問題出係d野食度⋯🤦🏻‍♀️🤦🏻‍♀️我地叫左個2人餐～其實價錢都好抵食！～份量都ok多～但真係味道出事😂😂😂🌟泰式鮮蝦柚子沙律首先讚下d汁係酸甜ok ge但柚子好苦😫每一啖夾住d柚子同菜食就覺得好苦😭d蝦完全5新鮮～d肉「淋bear bear」😵連d番茄仔都5甜嫁😭😭😭🌟紐西蘭牛柳串+車厘茄波羅串+海鮮春卷+蝦餅牛柳串係好味嘅！（唯一我覺得好味ge嘢🥰）d牛5鞋！可惜5熱～如果熱辣辣會好好味！春卷同蝦餅都不過不失！可惜都係5太熱～應該一早整定再拎出黎～🌟冬陰功湯好食失望lee個得個死辣⋯d蝦又係5夠新鮮～但入面有蜆！都好大粒！但當晚我飲完肚5舒服可能味精太多好大粒啊d蜆肉！～🌟酥炸軟殼蟹配黃咖喱配手抓餅哇5得掂咸過咸濕伯父啊😂😂😂😂d手抓餅又太濕～一d都5香口～搞咩啊😭😭😭🌟馬拉盞炒通菜當我滿心

好耐冇出街搵食，今晚嚟到駱駝漆大廈嘅Add some thai restaurant食泰國菜。 一入門口已經準備咗先消毒酒精搓手液，非常細心。酸辣鳳爪雜菜沙律 店員好快就拎咗沙律上枱，鳳爪好入味，好大碟，非常抵食。黃咖喱蛋炒軟殼蟹一上枱就聞到好香，估唔到佢分咗六個碗裝，每個碗入邊都有軟殼蟹同一塊多士仔。 軟殼蟹剛剛乍起配埋黃咖喱加蛋，簡直一流。手抓餅因為黃咖喱蛋實在太好食，所以追加左兩件手抓餅，用嚟點咖喱食。 沙嗲雞肉串加曼谷手打蝦餅 有意外驚喜，沙嗲雞肉串嘅雞肉笑得好香，估唔到中間配埋翠玉瓜，好好味，好抵食。至於蝦餅，不過不失，合乎水準。海鮮菠蘿炒飯 上面鋪滿了海鮮，配料充足，配埋酸酸甜甜嘅炒飯，食泰國菜必點椰青 當然都唔少得椰青啦下次會再嚟食，add some thai!!

午餐選擇通常都是碟頭飯，但假日都想來點不同的，但太多選擇，人又有太多要求，而且太想快點醫肚仔，就來個泰菜，我真是太識揀，就選二人套餐。先來的是冬陰功海鮮湯，湯裏面的餡料很豐富，有蝦，墨魚仔，大蜆，辣辣的使人非常開胃。再來全個架上的，架上的食物包括柚子菠蘿沙律，油子木瓜沙律，燒菠蘿粒車厘茄(菠蘿沒有渣，好吃)，炭燒雞肉串(雞肉軟滑可口)，自家製手打蝦餅(爽口彈牙，蝦肉味道突出)，蔬菜長春卷(蔬菜吸了油份，沒有肥膩的感覺)。再來的是招牌菠蘿海鮮炒飯，炒飯上面的肉鬆甜甜的是我最喜愛的，海鮮有蝦，墨魚仔，還有青口，炒飯內有菠蘿肉，甜甜酸酸使人非常開胃。飲品點了檸檬水(酸酸的使人再開胃點)及泰式咖啡(味道濃郁)。味道: 泰好味環境: 寬敞服務: 尚可衛生: 尚可抵食: 價錢適中

我和朋友去完 apm行完街，之後去左食泰菜！來了駱駝漆大廈1座食。泰菜！叫做add sone thai, 餐廳名幾得意。 餐廳環境幾大好闊落！ 好似去左泰國咁咁，有泰國風情！先食個小食拼盤份量都幾多！有炸蝦餅，春捲，炸蝦片，單骨雞翼，豬頸肉，酸辣鳳爪沙律，種類都幾多！真係大包圍。蝦餅炸到脆卜卜咬口非常之彈牙，炸蝦片唔算油膩，都幾香！單骨雞翼炸到鬆脆，雞肉非常的juicy. 鳳爪我最鍾意嘅，酸酸辣辣咁樣！非常之開胃。鹹蛋黃酥炸海蝦配泰式炒金邊粉，份量都幾多！有鹹蛋黃加持，令到海蝦非常之香！咬落去aftertaste非常之強，肉質非常q彈，好新鮮！炒金邊粉辣辣地，非常之彈牙爽口。因為辣辣地非常之開胃！叫咗半隻泰式無骨海南雞， 雞味幾濃郁非常潤滑，配上泰式醬汁更加野味無窮。即整嘅咖哩肉碎配焗法式蒜蓉包，蒜蓉包甘香鬆脆！ 賠償黃咖哩一齊食令到整體非常惹味濃郁。整體覺得 add some thai呢間泰國餐廳好食又有heart!! 幾鐘意呢度既情調和感覺

我選擇朋友至愛食泰菜,就來到 Add Some Thai Restaurant來慶祝她生日晚飯。  這Add Some Thai Restaurant 位於官塘工廠大廈樓上。 這店裝修走著泰式現代風格,環境寬闊又悠閒舒適。***食其他食物前先食清爽開胃前菜 【泰國金柚海蝦雜菜沙律】 $88 這沙律好開胃美味, 海蝦都幾大隻又新鮮爽口, 加埋酸甜柚子及什菜令味道好清新,充滿泰式風情！**【黃咖哩咸蛋軟殼蟹(三隻) 配法式蒜蓉包】 $188 這菜好別緻,分左六小盤方便食用,  每盤有半隻軟殼蟹及蒜蓉包。 軟殼蟹炸得金黃色香脆咸香可口,配搭黃咖哩蛋炒, 更添滑溜及蛋香,好吃到極了！ 餘下醬汁不會浪費有多士配來食。 濃味的泰式黃咖哩好香惹味,更襯托出了軟殼蟹的鮮美。**【泰式辣椒膏炒蜆】  $88 泰式炒蜆通常是大大隻的蜆,蜆肉入口肥美鮮味, 配辣椒膏同炒,有微微辣帶甜勁惹味,回味無窮。**【A.S.T.串燒拼盤】  $158 這串燒拼盤大堆頭十分豐富,有豬,雞,牛柳串燒, 仲有菠蘿車厘串及香燒白菌串及泰式炸蝦片。 牛柳串燒質感頗有咬感,有濃濃 牛味,啖啖肉好Juciy; 雞肉串

朋友係觀塘返工， 所以知道好多觀塘隱世工廈美食， 今次就去到佢介紹嘅泰國菜館「Add Some Thai Restaurant」～ 裝潢以木系為主，簡樸舒適。 想一次過試晒所有小食或多人分享， 叫個小食拼盤、串燒拼盤就啱晒啦！😏 AST小食拼盤（$148） 價錢合理，仲包左6款小食， 份量3-4個人分享都得，都幾抵食， 有自家製經典泰式手打蝦餅、春卷、泰式炸蝦片、酥炸一支骨雞翼、炭燒豬頸肉、迷你無骨酸辣鳳爪沙律， 小編最欣賞手打蝦餅和酸辣鳳爪， 酸辣鳳爪好入味，爽脆又惹味， 蝦餅外皮炸得香脆，口感爽彈，又微微滲透蝦嘅鮮味。 🌟推薦❗️泰式無骨海南雞（半隻）（$128） 雖然係例牌，但係都幾大份， 仲要係雞髀🍗位，正！ 肉質厚肉嫩滑，值得一試！😏 🌟推薦❗️酥炸軟殼蟹配金邊粉（$118） 平時軟殼蟹金邊粉都只係得一隻軟殼蟹， 但呢到係有兩隻架！ 軟殼蟹炸得香脆可口，都幾厚肉， 炒金邊粉酸甜度適中，不錯吃！ 🌟推薦❗️原隻海蝦雜錦海鮮冬蔭功（$92） 冬蔭功原鍋上陣，材料好足， 除左蝦之外，仲有好多海鮮如青口、魷魚等， 味

放左工係觀塘區食泰菜，搵到呢間網友推介。一心一意諗住工廠區唔駛等位，點知去到要等，好在間餐廳夠大間，等左一陣已經有台。推薦菜式:黃咖哩咸蛋軟殼蟹，有六個小碗一份份咁上，甜甜地嘅咖哩配上咸蛋黃，別有一番風味。兩個人食有少少漏，不過超滿足。每碗都有一塊細蒜蓉包，俾你一口一碗，好細心。手打蝦餅爽口彈牙，外脆內熱，醬汁唔係食開嘅酸辣醬，有驚喜啊沙爹豬肉串燒，可以兩串咁叫，最岩想試食多款菜式嘅人。佢嘅串燒同一般串燒唔同，肉較大舊仲夾埋脆肉瓜黎燒，食落唔會舊舊肉太肥膩。唔錯唔錯 👍香茅檸檬薏米水都推薦，唔太甜，香茅味夠出，又fresh又解油膩。

公司剛搬到觀塘，知道工廈好多出色餐廳，同事推介，一試愛上牆上用上七彩鮮艷顏色的碟做裝飾，很特別工廠大廈地方很大，所以座位很闊落，坐得舒適先叫飲品，龍眼冰，椰青龍眼冰足料夠大杯椰青亦很鮮甜酥炸一支骨雞翼， 夠香口入味馬拉盞通菜， 火候剛剛好火腿肉碎生菜, 用上Parma Han 夠特別，fusion 新口味海南雞 - 味道有少少淡，如果濃少少會比較好招牌黃金鹹蛋鮮海蝦超級出色，鹹蛋黃味配鮮蝦， 好惹味，一食愛上每碟餸菜都很出色尤其是招牌黃金鹹蛋鮮蝦，二人食咗五餸+兩杯飲品每人都只係$300, 真係值得再黎

今晚放工就朋友去觀塘食飯，心血來潮想睇平波鞋，當然要去駱駝漆大廈望望先，望完有心水，價錢ok，但完來沒有尺碼，唉！唯有改變購買欲望為食，這裡絕對大把選擇！但比較怕要等升降機，望吓op 嘅推介，係一座有唔錯嘅選擇，就係咁選了這裡，主打食泰式口味，餐廳地方大，環境寬敞，味道唔錯，性價比都幾高，座位舒適，裝修亦好有泰式嘅感覺！最緊要係望主餐牌有齊喜愛嘅泰式食品，點了個AST小食拼盤，拼盤上有彈牙爽口嘅泰式蝦餅、香口嘅單骨雞翼、爽口燒豬頸肉、香脆春卷、十分入味嘅泰式酸辣鳳爪，同埋脆脆炸蝦片，夠晒大堆頭。泰國金柚海蝦雜菜沙律，柚子肉充滿水份，入口香甜，海蝦肉質爽口彈牙，加埋個泰式酸汁入口十分配合美味！沙嗲牛柳粒串，用了入口肉質幼嫩嘅紐西蘭牛柳，燒到啱啱好，啖啖肉還充滿肉汁，配埋沙嗲醬入口真係夠晒香滑惹味！加埋個酥炸軟殼蟹配金邊粉，大大隻酥炸香脆軟殼蟹，入口香脆，一啲都唔覺油膩，加埋炒得煙韌彈牙嘅金邊粉，十分好味！飲品點了杯strawberry banana smoothies，兩種生果口味互相產生雙重口感，粉紅顏色，入口感覺得到香蕉味道同士多啤梨嘅酸甜！當然最後要食埋個椰汁芒果糯米飯配是日雪糕，