影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
食家推介
雖然Cafe位於水車館街的巷子裏，但附近交通也很方便。坐位唔多，但枱與枱之間空間夠坐得舒服，仲有樓梯可以上一層。老闆娘好親切友善，店員也很有禮，感覺很溫馨有少少Home feel 💕午餐包黑咖啡/ 茶，也可以補錢叫其他飲品。✨主菜：✨🧡香辣欖油鮮茄海蝦扁意粉🧡海蝦有5 隻咁多肉質爽口彈牙，用橄欖油炒香過的意粉吃起來帶微微的辣。🧡鮮菠菜蟹肉蕃茄醬寬條麵🧡蟹肉份量好多，還有我好喜歡吃的菠菜，蕃茄醬汁酸甜適中，寬條麵質也煮得剛好，每條麵都掛滿汁，食落去好豐富。✨Drinks:✨🔹榛子鮮奶咖啡 ☕️🔹黑咖啡 ☕️**套餐附送的黑咖啡仲可以免費添飲**✨甜品：✨💛提拉米蘇牛角窩夫配雪糕💛甜品上枱先知原來呢個提拉米蘇係好似意式甜品Affogato 咁，Espresso 濃縮咖啡+雪糕 一齊食冰火交融，感受到甜苦平衡的味道，牛角窩夫焗得好香好脆。老闆娘真係好親切友善，會同客人傾下計，又問下我地啲食物啱唔啱口味，要唔要添飲咖啡。呢度食物真的不錯，價錢也合理，值得再來。
繼續閱讀
餐廳環境寫意簡潔，午市有西式lunch set，晚市有主菜、飯意粉、dinner set 。店舖有2層，今次坐地面一層 。小店打理，但食物質素佳，擺盤有心思，食物足料 。主食可以加錢升級做set，今日餐湯菇菌意式湯配麵包 。菇味非常濃郁及濃稠，打碎後仲有微粒，令口感更豐富，而麵包一咬，有陣蜜糖味，有驚喜 。另外再加set，沙律醋提味，特別在於灑有松子仁，更香口，芝士鹹香惹味 。主菜紐西蘭一級肉眼($168)，超大塊肉眼扒，配以薯條及煎翠玉瓜 。翠玉瓜煎完都爆汁，薯條食完冇熱氣既感覺，亦唔油膩 。香煎後邊邊位帶有少少焦脆，肉厚多汁，五成熟剛剛好，食完好有飽足感 。燒汁另上更貼心，鍾意淋上去食/自己蘸醬又得 。黑松露牛肝菌意大利飯($108)，尼個飯不得了，大碟之餘，啖啖都係菇味及黑松露味 ，愈食愈上癮 。意大利飯濕潤稠密，超香黑松露味 。飽住個肚都想繼續食～甜品香蕉焦糖牛角窩夫配雪糕，打卡一流 。切開窩夫好驚喜，超級脆 ，同焦糖食絕配 。香蕉、藍莓新鮮，必點甜品～餐後飲果茶，蘋果檸檬玫瑰果茶，加錢升級 。先焗3分鐘左右，意想不到，第一啖帶檸檬淡酸味，清新解膩 。之後有陣陣玫瑰花香味 ，估唔到同檸檬片既味道會夾 。跟餐玫瑰普洱茶，普洱濃郁，帶有玫瑰花味，鍾意飲濃茶既人，值得一試 。整體，難得可以慢慢嘆西餐，完全唔會趕，令食客可以慢慢享受食物及環境 。食物美味，而且飲品選擇多，多款果茶 。跟餐茶飲亦有提供，讚 。
繼續閱讀
#pb食在元朗 #pbcafe系列 元朗自然風巷仔咖啡店☕️今次介紹嘅呢間元朗cafe係2014年開業 不過一直都冇留意佢🤪 佢位於水車館街一條巷仔入面 位置比較隱蔽👍🏻 店內外裝修以木系、自然風為主 店內唔大 只有5-6張枱🥰 .Lunch Set有9款選擇 有沙律、意粉等😋 價錢$78-$108不等 包一杯熱黑咖啡 / 熱柚子茶 黑咖啡仲可以免費添飲👍🏻 轉其他特飲就原價減$8🤪🔹海蝦田園沙律菜🥗海蝦有微微煎過 幾香、幾好食😋 沙律汁調配幾清新 酸酸甜甜 幾開胃👍🏻🔹紅酒鴨胸香草扁意粉🍝對個鴨胸好失望👎🏻 佢煎到過哂火 一上枱就已經見到好乾身 食落好鞋 冇哂鴨胸肉嘅脂肪感🥲 我見隔離枱個碟鴨胸仲要少少粉紅色肉質 可能係我唔好彩🥹 香草意粉幾好 落左大量香草 食落好濃味😋🔹香煎雞扒炒滑蛋配牛角窩夫🧇正常發揮 唔太驚喜🤪 牛角窩夫唔算特別酥脆🥹🔹日本抹茶鮮奶🍵呢杯飲品我等左30分鐘先上枱 等到我想轉其他飲品🫠 抹茶口感唔夠滑 飲落好鞋🥲 整體奶味偏重 唔太飲到抹茶味😕 呢杯飲品仲要另加$35 真係好失望👎🏻.整體✨ 呢間元朗cafe 2014年已經開業 佢位於水車館街一條巷仔入面 位置比較隱蔽🤪 店內外裝修以自然風為主 食物選擇唔算多 而且質素一般😕 去完一次就算了🥲87 Coffee (元朗)元朗水車館街66號錦榮大廈地下5號舖#pb支持黃店💛
繼續閱讀
大家好今晚到了位於元朗搵食今次來既餐廳係87 coffee 食晚餐這個店在又新街行入去既行仔入面並不起眼店既裝修幾靚 食物既質數都幾高我就點左兩份晚餐這裏的晚餐可以加$15 追加餐湯及餐包今日既餐湯係粟米湯這個湯都好Creamy見到真係好多火腿粒和粟米配埋好鬆軟而且比較深色比較多麥果一種既餐包主菜香煎比目魚配帶子(薯條及時菜) 比目魚既皮煎得好香脆魚肉仲好嫩滑伴碟既小蕃茄都幾甜幾好味唔太酸薯條都係煎果一種外面煎到金黃色仲有少少調味帶子有兩粒都係外面煎香裏面仲係刺身狀態質感比較軟滑另一個主菜蟹籽蟹肉忌廉扁意粉都好高質首先成個意粉整很好靚整個意粉唔多見到蟹肉但可以食到意粉汁係充足蟹肉既味道仲好creamy應該蟹肉己經混和在比較杰既汁裏面而個麵都混合左比較多菇菌同芝士所以整個麵都幾好味飲品方面我點左凍咖啡和凍檸茶都好正常仲有就係呢度如果點黑咖啡係可以無限添飲總括呢間店食物質數同環境都係唔錯
繼續閱讀
元朗係一個連巷仔都充滿美食餐廳嘅地方，今日捐窿捐罅，帶大家嚟到元朗站附近的西餐！🌟香脆巴馬火腿松露忌廉闊條麵 $88闊條麵食落煙靭，每一條都掛滿濃郁的松露忌廉汁；而香脆巴馬火腿與平時的不同，咬落像是混合味道的精華，鹹香味十足，配搭意粉為整體口感更添層次。🌟忌廉意大利飯 配 紐西蘭肉眼 $118呢個價錢一次過食到risotto 同肉眼真係唔話得！肉眼做到想要嘅7成，咬落軟身肉味濃，底層的意大利飯也絕不馬虎，加上忌廉/翠肉瓜製成，口感豐富同時味道濃郁。☕️ 榛子朱古力 拉花好靚好靚！朱古力味濃，帶微微榛子味。☕️ 凍咖啡咖啡選用偏酸的咖啡豆，如果叫熱咖啡唔單止唔洗加錢，仲可以免費續杯！
繼續閱讀