影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
週末同朋友去咗元朗87coffee試佢哋嘅Dinner Set，係一個令人放鬆嘅體驗！餐廳環境雅致，燈光柔和，帶點文青風，服務員態度親切又專業，畀人感覺好舒服，係一個同朋友輕鬆聚會嘅好地方。好快我地就落左兩個dinner set 前菜嘅跟餐沙律新鮮得來配搭得宜，雜菜爽脆，醬汁清爽，食落好開胃。南瓜忌廉湯更加係亮點，濃郁嘅南瓜香味同忌廉嘅滑順完美融合，配上軟熟嘅餐包，暖胃又滿足，令人一啖接一啖。主菜方面，法國紅酒全鴨胸香草醬扁意粉真是一個驚喜！鴨胸新鮮嫩滑，煎得外皮香脆，內裡粉嫩多汁，唔係醃製到剩低死咸味嘅鴨胸香草醬帶點香料香，配上彈牙嘅扁意粉，味道層次豐富，絕對係高質之選。香煎石斑魚柳配北海道帆立貝同樣出色，石斑魚柳煎得金黃酥脆，魚肉鮮嫩，帆立貝肥美多汁，入口即化，配菜仲有清甜嘅蔬菜，完美平衡咗整體味道。飲品方面，熱焦糖薑汁Latte好有特色，焦糖甜香同薑汁嘅微辣好match，飲落暖笠笠；熱Matcha Latte抹茶味濃郁，奶香順滑，係一個完美嘅ending。可能係南瓜忌廉湯嘅份量稍為少咗啲，飲完有啲意猶未盡。不過整體嚟講，87coffee嘅Dinner Set無論係味道、賣相定係環境都好有水準，性價比高，絕對值得一試!
繼續閱讀
元朗食肆雖然好多，但係要找到好食的西餐廳，通常價錢都會比較貴，呢間雖然位置不是太顯眼，餐廳亦較為細（不過好似有兩層），但係食物質素相當高，而且價錢合理，唔曬$200可以鋸到扒，甚至可以有成隻烤雞食，呢個價錢都算好化算吧。雖然有套餐食，$500有找，內容都好豐富，不過今晚沒有叫套餐，而是散嗌咗以下食物：香煎焗牛油密糖春雞蟹肉蟹籽扁意粉另外加了餐湯麵包以及一個cheese cake先講隻煎焗春雞，size一啲都唔細，兩個人非常夠食，春雞煎焗得金黃色，肉質仍保持水份及鮮嫩，吸收了香料味的烤雞，加上甜甜辣辣的密糖醬汁，非常好味，配上粗身薯條好香脆，再加上新鮮嘅沙律菜賣相好精美，非常有睇頭！蟹肉蟹籽扁意粉：呢個意粉的特色是比較濕潤，醬汁調校得好入味，每啖意粉都可以食到蟹籽卜卜脆嘅口感，意粉的配料其實並不多，但意粉的質感卻是煮得很好味！特別一提的是這裏的柚子茶，相信是我飲過最好的一杯柚子茶，此處的柚子茶加了百香果（估計有加了茶包或茶葉的成份），故此飲落口有一陣陣百香果嘅香味，味道亦不會太甜、太酸，柚子味本身並不重，但各樣嘢加埋嘅配搭，混合成呢杯柚子茶可以話係恰到好處！👍👍這是一間非常用心製作的小型餐廳，價錢公道，食物質素優質，非常值得繼續支持及幫襯！💪💪
繼續閱讀
主菜叫咗法式寶雲蘇焗羊架羊架揀咗七成熟，羊架厚肉多汁，塗上芥末再沾上麵包糠去焗，所以食落有少許芥末嘅辛辣，配菜有焗薯仔、翠肉瓜、番茄同埋茄子🍴晚餐本身會包熱檸茶或者柚子茶，今次轉咗飲桂花鮮奶咖啡，咖啡面頭灑上桂花作點綴，雖然咖啡味依然係主導，但係飲落都會有桂花嘅陣陣清香，而且仲有桂花喺入面，幾特別，值得一試☕️餐湯同埋沙律菜係要另外加錢嘅，今日餐湯係番茄湯，味道非常濃郁，真係𢳂到有番茄蓉，而且跟湯嘅餐包都意外地好好食，外層微脆而裡面非常鬆軟～自家製嘅日本芝士餅做緊優惠🧀
繼續閱讀
麻雀雖小 五臟俱全 ～ 估唔到係條小巷入面都有間咁出色既cafe 🩷係巷仔既關係～唔算有太多人經過～私隱度高👍🏻裝修主打一個休閑風～ 舒服到好似自己屋企咁😆欣賞有好多綠色植物～令人好放鬆LUNCH時間黎都有好多選擇😜可以單點亦可以轉套餐煙三文魚牛油果沙律 $56好抵食🥹有幾多舊牛果油同煙三文魚加埋芝麻醬同沙律菜好清新👍🏻做前菜好正加$20 有餐湯👍🏻是日餐湯係薯仔忌廉湯 食到一粒粒既薯仔蓉好香濃既薯仔味之外又有啲咬口 無咁單調大盤子全日早餐 $138有好香蛋味既炒蛋👍🏻配埋好鬆脆既牛角包waffle 好味！！仲有炒蘑菇、蕃茄、薯粒、煙三文魚、ham等等 ～好豐富🩷食完一個都夠飽～明太子墨魚仔櫻花蝦闊條麵 $98除左明太子醬之外 仲有滿滿既芝士碎同櫻花蝦超足料！！闊條麵十分掛汁～每一啖有醬汁包住😋墨魚仔夠哂爽口彈牙～如果再入味少少會更出色👍🏻野飲揀左 蘋果檸檬玫瑰果茶養生人士必飲～成壺咁上有排飲😆見得到既真材實料～凍 髒髒咖啡漸層好靚 打卡一流🤩
繼續閱讀
啱啱個weekend係元朗四圍行下搵嘢食發現左呢間高質西餐廳！.Dinner set 有好正既洋蔥湯加芝士脆包 足料！.我本身係勁鍾意食美式燒豬肋骨 見到呢度有即刻二話不說即點！佢係配咗薯條 即叫即整 薯條非常香脆熱辣辣美式豬肋骨味道唔會太喊 醬汁啱啱好 跟住骨位切就好易 豬肋骨好軟腍 份量適中 另外配咗熱柚子茶正好可以中和一下.另外叫咗蟹籽蟹肉意粉 意粉帶點韌勁 唔會煮到太腍 蟹籽同蟹肉都好豐富 意粉掛汁 成個意粉連埋啲料撈勻一齊食好好味！算係最近食過最好味嘅蟹籽蟹肉意粉 鍾意佢唔會太鹹 唔會食兩啖就膩.餐廳店員都好熱情好nice 之後一定會二訪！
繼續閱讀