7E咖喱王

營業中

休息中

早前網上興起黃色購物圈，希望志同道合嘅人可以係同一個圈子到消費，互惠互利。其中一個地方就係係尖沙咀嘅重興大廈啦。老實講，我以前真係好少機會接觸，不過機會難得，就同朋友黎到呢到幾岀名嘅7E咖哩王啦。一黎先講下杯野飲先，係香料拉茶，同平時岀面飲嘅奶茶唔同，無乜茶味，唔會澀口，反而就好重香料味，偏向花香果實嘅感覺，配埋d濃味油膩嘅咖哩食物就好夾，好解膩啦！另外，講下個薄餅，係蒜香薄餅黎，就咁食己經好香好夠味，咬落唔會好乾身，十分岀色。至於，牛肉咖哩質地就比較稠身，而且肉嘅分量一d都唔孤寒，d肉重多過d汁！不過同香港嘅咖哩牛腩就唔係咁似，唔係個種入口唔洗咬嘅口感，反而d肉食到一絲絲嘅，幾特別。總體而言，都係相當唔錯嘅！

很清楚記得差不多10年前已經光顧過7E咖喱王，當時還是學生，要走入重慶大廈都需要不少勇氣。當年吃完的感想是排除萬難吃到一頓美味的異國風味咖喱，可惜當年一個吃不得辣的朋友吃完很辣就沒再光顧了，今天難得中午有空經過，就進去緬懷一下。最近社會的事令香港人都熟悉和放心了重慶大廈，走進去也能自然地慢慢找到上E座的升降機。店內都是香港人在光顧，和以前昏昏暗暗的佈置比起來，今天的環境更舒適了。燈火通明，乾淨舒適，還有旋律悅耳的印度歌曲。長得很像張繼聰的店長很親切地用流利的英語安排坐下。他的英文真的很好，令我這個港燦都十分慚愧XD座位是西餐的擺設。有叉和羹，感覺有點不好意思用手吃了。因為筆者喜歡吃雞，就選了鑊仔雞。想起當年朋友的事，麻煩了店長控制一下辣度。店長當然爽快地答應了。等咖喱的時候先喝杯印度特色茶，瑪薩拉茶底的香味獨特，有點像甘草的味道，雖然是凍飲也能喝出茶味及奶味，雖沒有香港人引以為傲的茶記奶茶那麼滑，但也不失為一杯好飲品。先嘗嘗味道，留一點在一會解辣。然後咖喱和烤餅便是無需多說的絕配，當然叫一份。各種基本款式的Naan都只是27元，而且有4大塊，不怕吃不飽。筆者選了蒜茸味，香噴噴的，咖喱還

之前網上掀起過重慶大廈爆買日活動，個時我唔係好得閒，參與唔到，有d可惜，因為重慶大廈一路都係一個好有特色嘅地方，聽講佢嘅咖哩非常岀色，今次終於有機會試下！黎到7E咖哩王嘅門口，佢係寫住淨係招待會員，所以都有d驚，會唔會唔做自己生意，好彩入到去d店員都好nice，重要識講廣東話，個心即時定返曬。店面裝修幾復古，似我細個去d冰室嘅風格，有d畫掛係牆，d枱枱櫈櫈係起角嘅膠面方枱，如果你同我一樣有返d年紀，對呢d野應該都會幾有親切感。哈哈講返d野食先，今次最令我意外嘅係牛肉咖哩，因為我食第一舊嘅時候，一啖就食曬，以為佢會好似港式d咖哩牛腩一樣炆到好淋，點知食落去好有咬口，所以以為唔好食，後來朋友同我講，呢d牛肉應該撕做細舊先放入口，咁先食到入面嘅香料味，咁做左之後果然大有不同，食到入面唔同香料嘅味道，層次感十足！真係大開眼界。下次有機會一定會再黎試下！

今天提前放工，正好過來重慶大廈吃咖喱🍛上一進來這裏都是5、6年前的事情了。還記得當時怕怕的，好像很危險⚠️哈哈，其實這裡很安全，而且讓我感覺到去了外國，特別有異域風情第一次過來7E，才發現離我公司很近，今後可以多來。因為今天這一餐真是完全出乎預期的好吃😋愛上印度菜了，都想嫁去印度🇮🇳（開玩笑😝）咖喱雞🐔具體的名字記不起來了，我也是聽朋友推薦的，據說是這裡的熱門菜，雞肉很鮮嫩多汁，又入味，醬汁鮮美獨特，口感清爽潤滑，一點都不油膩。配上蔥油餅，真是超級好吃😋最近好幾天都吃印度菜，味道都不錯👍最喜歡就是把餅裹上醬汁，一口下去，醬汁鮮美的汁沁入柔軟細膩的麵餅裡面，這是全世界通用的吃法了。

今次係第二次食，本身諗住上openrice訂枱，因為有８折，但係ｂｏｏｋ唔到於是直接ｗａｌｋｉｎ我１２點正上到去，一個客都冇，我同侍應講ｂｏｏｋ唔到枱，佢話照俾個８折我今次點咗2個餅，分別係牛油烤麥餅同埋烤麥餅，主菜係咖哩牛腩，牛油烤麥餅有３片，偏油，烤麥餅只有２片，冇咁油，有麥味牛腩好韌

12:30去到，可能時間尚早客人不多，侍應識廣東話同英文，叫咗特式香料雞$86同埋烤餅$24(未折價錢)，好快就上車，特式香料雞的蕃茄味好濃唔辣，雞的份量偏少，烤餅比較薄身，一份有三片建議openrice訂枱有8折埋單，否則只有9折

咖哩王真係超受歡迎 好慶幸當日自己6:30就到 唔洗排隊入🥺入到去點左個羊肉咖哩 雖然冇得揀辣度 但個人覺得佢應該係配合港人口味為主 所以都係微辣 咖哩真係好香 羊都冇咩羶味 但真係細份左啲😂佢啲羊肉好多都好大舊骨 都咩羊肉食 之後我地再加左個原味烤餅 啲烤餅好大塊 同埋烤得幾香 口感幾煙韌 再沾埋咖哩食真係一流 最後仲叫左個雞咖哩炒飯 碟炒飯炒得好香 啲飯粒粒分明 啲雞都幾好食 冇咩雪味 不過總結黎講 啲野都係好細份 所以要叫多少少先可以share食🥺

重慶大廈咖喱餐廳多，綜合網上同報章資訊，今晚就實測一下鼎鼎大名的「7E咖喱王」。喺𨋢口大堂已經大排長龍，起碼等左五轉𨋢先至上到去7樓，眼見好多手足見到人龍過剩，就選擇放棄。小弟一輪思緒掙扎過後，等左足足大半鐘頭有多，終於入席！廬山真貌一揭，餐廳裏充斥着香噴噴嘅印度薄餅以及咖喱香料味道，職員熱情有禮地招呼點菜。作為餓底，必然想懲罰一下貪婪嘅五臟廟。隨便點了「特色香料雞」、「咖喱牛腩」，以及「牛油薄餅」一客香氣撲鼻嘅餸菜大概15分鐘左右送上面前，當打算隨便撕開薄餅一角點上咖喱，發覺薄餅溫度不足之餘，薄餅手感亦都頗為堅硬；而特色香料雞以及咖喱牛腩的溫度亦不熱，像是放了很久着涼了的感覺。撇除溫度問題，香料雞以及咖喱牛腩嘅味道其實係非常之好味。但是薄餅就欠缺左牛油香味，好似普通薄餅一樣味道總括而言我覺得有點明大於實，價錢來講都會同出邊嘅印度菜差唔多。最後：不完美，可接受，不割！—————————— 食物質素：6/10 環境衛生：6.5/10 舒適度：6/10 服務：8/10 性價比：6.5/10 總評分：6.6/10 ——————————

重慶大廈真是好多外地美食的呀！今次決定來一試咖喱～由印度廚師烹調的特色香料雞真是超好吃，不是一般很辣的咖喱，而是很香甜的蕃茄味，再加上不同香料的咖喱，重口味，但不會太辣，好易入口！之後再分開點了一份芝士薄餅，薄餅不是面上有芝士，反而是餅裡面有芝士！好特別，加咖喱一齊食是一流的呀～結帳時，職員還給了優惠，很友善，值得來一試～

我地一行八人去食，哩排比較多人，就算book咗位都要等成個鐘🤢（實際上等咗2個幾鐘）唔建議多人去食，店家無留位概念......首先講講啲Curry，我地嗌咗Lamp Chicken Pea（無晒牛）咖哩香料足😛味道正宗、配料多樣。無辣度揀，但唔算辣，反而係有少少麻。比起其他印度咖哩舖，哩間算係上流之選😍一人份量～$80咖哩價錢合理👍🏿性價比高 值得瘋狂食（其實同樣質素嘅印度咖哩，都要百幾蚊）然後就係烤餅 Nann😍7E賣點就係即烤Nann我地主要係嗌牛油麥餅同普通烤餅，亦有嗌芝士烤餅、薯仔烤餅。牛油麥餅偏薄同實身，唔似普通Nann咁鬆脆，個人建議用嚟包餸食，無咁易跌晒出嚟。Nann就 不過不失啦，唔夠厚身，勝在即焗。芝士&薯仔都好食！全部配咖哩都勁夾，唔使擔心🤤價錢方面 亦係合理，但真係有啲細塊，可能係個烤爐唔夠大。數塊Nann ~$25比起其他舖頭，中流👍🏿但有誠意跟住係我全晚最期待嘅Cheese spinach😛好食... 但芝士質素一般，食落同菠菜蓉有啲唔夾，可能因為我無趁熱食啦😂菠菜蓉撈香料同芝士，點餅食一流👍🏿但略嫌稀身，扣一扣分。～$80中流👍🏿同期望有啲落差炒飯方面，其實

香港有一個地方居住了很多少數族裔，係一個神秘嘅地方，對於我來講係一個美食的天堂。今次介紹嘅地方，正正係尖沙咀嘅重慶大廈，當中最出名嘅就係食咖喱。特別最出名的就是這一間位於7樓的店舖，但老實說已經很多年冇再去食，今次再食可能明顯比以前更加高人氣，味道相反確有所下降，有一種酸溜溜令人失望的感覺，但整體來說仍是出色的。可以一嘗正宗的口味，但奈何地方狹窄及服務一般，來之前記住要先三思一下。推薦：咖喱羊肉及牛腩

為咗懲罰撐香港人嘅南亞手足，去咗幫襯呢個南亞菜！好彩用咗openrice訂櫈枱，坐低冇耐就爆場，食完發現條隊排到𨋢口都企滿，可能大家最排爭相懲罰手足Mixed Grill（以上價錢係印象中，未fc）熱辣辣上櫈，有雞、魚、羊，味道有香料不錯，口感都算嫩，但份量有啲少，適合兩個人食。圖下 原味咖哩雞好香口，唔會太辣，有傳統印度味，雞肉可以再嫩啲，可以再多啲，但味道搭夠圖右 原味簿餅算煙韌，但冇特別出色，後尾再點咗芝士簿餅，少少鹹鹹地幾好味！下次再食可直接叫芝士味最後計咗openrice八折優惠，連加一，3個人大約食咗$410，覺得算合理價錢，可再覆桌

好耐之前曾經食過呢間咖哩，今次舊地重遊就試一試仲可唔可以保持到當初既水準，今次同朋友2人同行一早6點就去食晚飯。前菜係印度烤餅烤得薄而脆味道鹹鹹地。印度菜大多以濃味為主，印度咖哩當然係必試今次先試特色香料雞，雖然都係以咖哩為主但同平時感覺唔同既係咖啡呈橙紅色內裏混合左奶製品既配料，味道濃而不辣質感濃郁.食到中間有少少口乾就點左之前係到飲過既印度芒果乳酪味道同我以前飲既一樣口感好香滑，另外原果乳酪同樣濃滑。朋友偏好牛肉所以另點左咖哩牛腩，牛腩煮得夠淋得黎帶唔好好乾內裏仲有少少油份，咖哩比起香料雞較辣沾上印度烤餅淡化辣味。印度菜入面我最鍾意既小食必定係咖哩角，咖哩角大大粒三角形內裏充咖哩香咬落唔油又香脆。

朋友帶路食咖哩，第一次黎重慶大廈，感覺有d似今宵大廈feel, 好正上到黎一入到去都幾多香港人同外國人，要講英文點餐，餐牌有圖，一目了然無咩溝通障礙坐低會送烤餅，咬口好脆，帶點胡椒味。枱面有水可以自己倒，幾方便薄餅就叫左芝士nann，入面d芝士係一粒粒超重咸香味味道好香，食落咸咸地，d芝士係一粒粒擺入面，所以唔會有拉絲效果但個味同口感都好正, 入口好鬆軟，唔太油，好軟口感好特別，好食叫左個雞肉咖哩，唔記得邊款咖哩，但係偏甜辣而辣度好容易接受。雞肉幾大塊，雞肉易咬亦滑，重點個咖哩真係好味。烤雞真係炸炸聲上枱好熱，好香，香料味唔會太重，雞肉入口都軟嫩另外叫左lasi，我記憶中好似係乳酪既一種，但口感好特別又似奶又似果汁，酸酸甜甜咁唔錯，個人偏向鐘意白色呢杯，酸乳味比較出，朋友就鐘愛芒果味口味帶點微甜同果味出D。埋單價錢係尖沙咀黎講算相宜，地點都就腳，整體食物亦都唔錯。

重慶大廈雖然位於尖沙咀既中心但由細到丈都未入過去今日終於獻出我既第1次.入抬雖然覺得自己格格不入但其實無想像中咁可怕.上到樓感覺大部份都係賓館形式但與眾不同係呢到有間印度菜餐廳,入到去見到位港籍既叔叔好有親切感咁叫我同朋友隨便坐,拎餐牌比我地既時間又好細心咁不介紹下印度既特色菜同呢到受歡迎既菜式.薯仔牛肉咖哩角炸得好脆而且一d都唔油膩得黎仲好乾身,內裏牛肉好香咖哩味濃而不濁.咖哩牛腩意外地味道唔辣入口斷香印式香料味道牛腩十分軟淋香牛味而且連咖哩食好入味.特色香料雞呢個係餐廳最受歡迎既食品,望落好有creamy既感覺橙色,食落有陣奶及牛油香味加上咖哩令味道無咁辣而且入口較香滑,用雞肉做主角好match如果用紅肉既話感覺會化淡左香料既味道而且變得濁.蒜蓉烤餅香麵粉味咬落好煙靭又唔會好乾,加上蒜蓉更香再配上咖哩汁十分完美.