7E咖喱王

營業中

休息中

早前網上興起黃色購物圈，希望志同道合嘅人可以係同一個圈子到消費，互惠互利。其中一個地方就係係尖沙咀嘅重興大廈啦。老實講，我以前真係好少機會接觸，不過機會難得，就同朋友黎到呢到幾岀名嘅7E咖哩王啦。一黎先講下杯野飲先，係香料拉茶，同平時岀面飲嘅奶茶唔同，無乜茶味，唔會澀口，反而就好重香料味，偏向花香果實嘅感覺，配埋d濃味油膩嘅咖哩食物就好夾，好解膩啦！另外，講下個薄餅，係蒜香薄餅黎，就咁食己經好香好夠味，咬落唔會好乾身，十分岀色。至於，牛肉咖哩質地就比較稠身，而且肉嘅分量一d都唔孤寒，d肉重多過d汁！不過同香港嘅咖哩牛腩就唔係咁似，唔係個種入口唔洗咬嘅口感，反而d肉食到一絲絲嘅，幾特別。總體而言，都係相當唔錯嘅！