影片
以上資料只供參考, 請與餐廳確認詳情
去年曾在openrice 發佈過這間餐廳的食評，我對這間餐廳評價好高，農曆新年過後再次寫下第二篇對這間餐廳的食評由於（222餐廳-營業時間至每日晚上8：00）許多時夜收工都未能趕得切去光顧，今晚早了回來天水圍就同太太再次光顧這間餐廳，心裡想著會否又有驚喜呢？會不會因為農曆年前廚師離職而影响了食物質素。今晚同太太叫了兩道小菜客飯套餐，葱油雞半隻（98元）和梅菜扣肉（88元） 每份套餐包一碗白飯 + 一碗靚湯 + 一杯熱飲 （凍飲+3元）今次影了餐牌給大家看。（餐牌每隔一段時間都會變動）----菜干豬骨湯😋-未飲已聞到好香菜干味道，湯不太濃不淡，一飲就知道不會是不斷加水的例湯，好飲----葱油雞半隻😋-若親眼看過就知道好大碟❤️味道方面雞皮好滑嫰，顏色好黃好靚，食入口一點都不覺得肥，雞皮薄皮與肉之間沒有厚厚黃油，雞肉整體來說都好滑，連雞胸肉都不會覺得「鞋」，只覺得厚肉部份有點不夠滑，證明掌握的時間剛剛好真的要讚，而喜歡食雞皮的我只能給高分，因為真是好好食😋。----梅菜扣肉😋-梅菜扣肉不咸聞到有梅菜香味，扣肉有層次感，肉質半肥瘦， 每件扣肉大小適中，食入口不會感到肥膩，碟內滿是精華不見有蒸煮的倒汗水影响肉質。----有沒有其他驚喜？❤️有，唔知是否自己一直沒察覺還是餐廳老闆新添置了咖啡機，今晚太太點了一杯熱檸茶，而我看到其他食客叫了一杯熱咖啡，我自己又跟著點了一杯即磨熱咖啡。咖啡是用即磨咖啡豆機冲的，而餐廳所用的是三花黑白淡奶，其實望著杯咖啡都會覺得唔太差，一飲入口咖啡有齊苦甜香澀四種味❤️，咖啡味道注滿在口腔內，真是好好飲 （建議不要落糖），飲完咖啡後，咖啡餘香留在口中15分鐘都不散。（即磨熱咖啡不用加錢）----總結： 我覺得這間餐廳是天水圍最好味的餐廳👍，亦是香港其中一間最好的餐廳之一👍。 （我覺得主要原因是老闆對食物品質好高要求）今晚店內都好多食客，相信有其他區內食客都見到我在影相知道我不是打手😁 自己是元朗天水圍居民，有間咁好質素的餐廳在天水圍區內，心裡想是要同大家分享的。#222餐廳 #222restaurant #天水圍 #元朗 #好味 #葱油雞 #菜干湯
繼續閱讀
平時假期好難搵到位泊車🚗，呢間餐廳門口仲可以泊車！食物質素幾好！份量亦都夠大！今日食咗蜜糖蒜香一字骨、無骨海南雞飯、肉醬意粉，全部質素都好好，一字骨好入味，海南雞飯亦都好滑，肉質彈牙，肉醬意粉都係誠意之作，係即叫即焗！餐廳座位舒服！另外最近見到社交平台介紹食物嘅種類好似多左好多 期待更多新菜式推出👏🏻好似有鰻魚蛋包飯，推薦大家假期可以過嚟感受休閒嘅感覺！希望餐廳可以擴展，令到空間大啲！多啲添置戶外嘅座位！🙌🏻🙌🏻
繼續閱讀
#吃貨心柔日誌 🍽️ 屏山222餐廳平時都幾鍾意食港式餐廳或者冰室😝今次第一次嚟到屏山222餐廳早餐都幾大份，我哋叫咗一份早餐share食😅一大一細來講，分量剛剛好👍🏻早餐C🔸沙嗲牛肉公仔麵 配 腸仔蛋多士我係沙嗲牛肉控，基本上一間餐廳餐牌，如果有沙嗲牛肉，我一定會order🤣公仔麵比較淋，沙嗲牛肉同外面餐廳入貨不同，通常外面餐廳好多醬比較重口味呢度比較清淡，唔會太辣太刺激❗️有個好處就係小朋友都食到😝至於份「腸仔蛋多士」就由心柔食😅心柔好鍾意麵包類食物🥪🥯🍞🫓🥖🥐所有麵包，多士，三文治都鍾意食😂所以份多士配腸仔蛋，佢食得好開心😂對於四歲半嘅小朋友嚟講，早餐份量已經好飽😅臨近午飯時間，見到有幾台客都係order咖喱飯❗️賣相好好👍🏻仲好大碟😆下次都試下先🤔📍222餐廳天水圍聚星路222號地舖（天水圍西鐵站旁）
繼續閱讀
呢日和同事去天水圍做嘢，同事帶我去天水圍西鐵站附近1間隱世餐廳。佢話食過味道唔錯，一直都好回味。入到去，環境和服務令人感覺舒服，餐牌有中式和西式可以選擇，價錢都抵食。我哋揀咗2個午市套餐，是日餐湯係紅青蘿蔔粟米豬骨湯，湯底清甜，最緊要係碗湯夠熱，又飲得出冇味精，飲咗唔會口渴。主菜揀咗無骨海南雞飯($68)，海南雞已去骨，色澤金黃，雞嫩肉厚，平時都好驚食雞皮，這間沒有多餘嘅皮下脂肪，食落仲好Q彈。而個油飯有雞油蒜香茅嘅味道，配上各款醬汁送飯一流。而另一個主菜我就揀咗菠菜忌廉汁烤雞意粉($68)，菠菜忌廉汁香濃惹味，意粉煮到軟硬適中，出菜前將雞扒切開一條條給我哋方便食用，好窩心呀！餐茶叫咗熱咖啡同熱奶茶，2樣都好飲。📍222餐廳天水圍聚星路222號地舖
繼續閱讀
芝士焗肉醬意粉 $40呢個價錢係下午茶先有，肉醬份量鋪滿曬，芝士量都好多，勁拉絲，食落口同半肥瘦既肉碎好夾，意粉都好夠女仔食，意粉口感唔會淋🤓爽口無骨海南雞飯 $68無骨海南雞呢個價唔算貴，雞肉幾滑，雞皮亦都非常香！亦都係用黃薑飯跟配醬汁都好齊！非常正宗！留意呢個係套餐價！包凍飲同埋例湯！佢個例湯小編都係非常鍾意飲，因為飲得出冇落味精，飲完唔會口渴，大大嚿豬骨非常足料！而檸檬茶，佢哋用兩片檸檬兩片青檸黎整！口味幾特別幾有特色！小編非常推介！簡簡單單嘅午餐，但係非常有記憶點！配 青紅蘿蔔湯凍檸茶凍檸水
繼續閱讀