18樓雞煲火鍋專門店

營業中

休息中

朋友就黎生日，要同佢預祝一下。知佢鐘意食雞煲又至愛打邊爐，見到openrice介紹呢間18樓雞煲火鍋專門店，真係啱晒佢啦，又有雞煲，又可以火鍋，正！位於旺角創興廣場18樓全層，地方好大，夠晒闊落。因為朋友唔食辣，所以揀左個唔辣嘅雞煲。個雞煲一上枱已經飄來陣陣濃烈香味，雞好滑，好入味，仲有大量嘅紫洋蔥，十分惹味，真係好想有碗白飯一齊食。火鍋配料款色極多，又新鮮。我鐘意食嘅好多都有齊，尤魚，芝士腸，魚皮餃，魚角，海蝦，墨丸……。墨丸好彈牙，仲有花膠，又厚又大塊。最讚係個脆肉脘，真係好爽脆。雪花肥牛，紋理，色澤都好靚。小食有小蘇肉，炸魚皮，最開心係有蝦片。飲品任飲，而且都多選擇，飲品雪櫃有3大個，一個係樽裝飲品，另一個係罐裝，仲有個係冬瓜茶和我至愛嘅桂花烏龍茶。佢啲菜都係一盤盤放起雪櫃，感覺好乾淨。最失敗係竟然忘記食軟雪糕😥,唯有下次再食。

今日同朋友在旺角揀左呢間真係在18樓既雞煲，雞煲既雞肉量唔少，好野味。跟住加湯再食火鍋，種類都有很多，當中最值回票價有特級肥牛、滋補花膠、海中蝦、脆脘片，另外值得一提，就係餐廳自家制既冬瓜茶及烏龍茶，食飽後可幫助消化。

閒日晚上去左位於mong kok創興廣場18樓既18樓雞煲。佢係雞煲之後打邊爐任食形式。我地2個人叫左個精選美國雪花肥牛套餐每位208。當個雞煲上枱時已經聞到好香好野味既感覺，雞煲有不同辣度揀，我地揀左微辣。雞煲中既雞件份量適中夠晒2個人食宜家雞既肉質都好滑。食完雞煲後，我地就加湯打邊爐。當然我地叫左美國雪花肥牛，牛既色澤都好靚，食落去口感非常好，又唔會好漏既感覺。除左牛肉外，有豬肉，羊肉，同數十款邊lo 配料。 除此之外，仲有海鮮(魚片, 脆骨腩, 是日海鮮係蟶子，海蝦 ，魷魚，牛栢葉) 。值得一提係個 墨魚滑 都好好食。飲品方面係， 凍櫃放喺餐廳唔同 地方， 自助形式自取，款式多達數十款， 我就比較鍾意飲冬瓜茶 冬瓜茶唔會太甜 ，啱曬打邊爐飲啦。整體嚟講，食物質素 ，幾好環境唔錯， 食物嘅款式嘅都非常多。

同朋友約咗星期四晚6:30pm食飯，上網見到呢間18樓雞煲邊爐幾抵食就揀咗呢間。佢哋有三個套餐可以揀，我哋今次就揀咗A餐！環境好寬敞，冷氣足夠，坐喺度幾舒服。準備入座嘅時候，店員會問你雞煲係食咩辣度，一坐低無耐雞煲就會上嚟啦！個雞煲好香而且好多件雞肉，我仲見到有雞翼同雞髀添啊，肉質彈牙唔會柴！味道方面， 我哋揀咗小辣，辣度都幾適中，少少辣得來又香又麻，但又唔會辣到食唔到嘅程度，都幾惹味㗎！食完個雞煲就可以加個湯打邊爐，邊爐有好多配料選擇，千其唔好以為A餐就冇乜嘢好食呀！A餐可以揀嘅牛肉就係兩款，包括有雪花肥牛同埋特級肥牛。個人就比較喜歡雪花肥牛，因為嗰個紋理幾靚，仲好重牛肉味。除咗牛肉，仲有幾樣都好深印象，大家可以去試下！即炸響鈴：同平時食開嘅響鈴唔一樣，呢個會脆啲鬆啲，而且好大件。墨魚滑：口感仲有啲墨魚粒既質感，好鮮好彈牙。海蝦：好新鮮好彈牙，口感唔係梅既！！其實其他海鮮都幾好，蜆都好新鮮好乾淨。炸芋頭：My favorite! 炸完再淥好粉好綿！甜品時間！雪糕機可以自己DIY，呢個係雲呢拿味同埋芒果味，仲可以加啲爆珠波波同杯芽麥片（好似係甘叫法？！）

🥢 又到每個月糧尾嘅時候，但如果又想慰勞下自己打個邊爐任食，今次介紹旺角18樓雞煲火鍋，最平人均唔過$250 👍🏻 餐廳環境係創興廣場全層，夠曬寬躺，一行入餐廳已經聞到陣陣麻辣雞煲香，而且專門揀18樓咁好意頭，一定發發發！就算係揀最平嘅A餐，配料都起碼有30款選擇，絕對抵食食得飽！ ✨ 麻辣雞煲 小辣雞煲麻辣味好濃一開蓋已經聞到好香，雞件斬嘅大細適中，成隻雞好入味，啖啖肉都好惹味好過癮，辣度適中，雞肉嫩，就算炒耐少少都唔會太快變老 ✨ 火鍋配料餐廳會提供清湯比食客自己加湯落個煲，食完雞煲就可以開始打邊爐啦，配料選擇好多，牛肉豬肉有幾款選擇，質素可以接受，雪花肥牛片有驚喜，啲雪花紋出乎意料地幾靚，以放題質素黎講算係值回票價，響鈴超級巨型索曬湯，墨魚滑彈牙仲有墨魚肉咬下添 ✨ 小食 飲品 甜品小食主打台灣特色，有各種台式炸物，都係即叫即炸。飲品方面選擇有好多，有打邊爐一定要有嘅可口可樂，仲有冷泡茶，最啱解膩。最後甜品仲有兩款軟雪糕清新一下，有雲呢拿同芒果味，兩款雪糕質地都算滑幾企身，味道都幾出唔會太甜，最緊要唔會好似水咁淡，讚！

個名好特別🤣兩間分店都係位於18樓😳 係OpenRice 有好多好評，今次去開旺角就試一試🙌🏼精選美國雪花肥牛套餐A $208/ppl出邊有啲調味料可以自己配搭，包括豉油、生蒜、辣椒和蔥粒等雞煲（小辣）一入坐就會詢問要幾多辣，嚟到店員會幫你炒兩炒，就可以即刻食喇！少辣剛剛好，惹味得黎又唔會太辣。調味係偏向濃味～雞件也十分多肉，肉質都唔嚡口👍🏼食完雞煲就可以自己加湯打邊爐（湯一早已經擺咗一瓶係枱面，加完之後再想要就要自己出去攞啦）。✨海洋類（手機落單）：🐟脆鯇片、🐟鮮脆鯇骨腩、白鱔片、🦐中海蝦、是日海鮮係大蜆和🦑魷魚鬚。重部都好新鮮！！！脆鯇片和鮮脆鯇骨腩爽口實肉，⚠️不過要小心有少少碎嘅魚骨！白鱔片比較淋滑，🦐中海蝦肉質十分鮮甜爽彈，🦑魷魚鬚也唔韌。大蜆亦鮮甜冇沙，另外估唔到熟咗都咁大粒😳太好食不斷encore 大蜆😳肉類（手機落單）：✨特別推薦🐮雪花肥牛，油脂分布平均，有牛味👍🏼 特級肥牛油脂則較多，滑牛肉、牛栢葉也不過不失。🐑羊肉羶味不濃，肉質也ok!丸類（手機落單）：蟹子墨魚滑、芝心丸、牛丸、芝士腸也是大路水準。🥗蔬菜類（部份手機落單，部份出面自取）：金菇、芋絲、萵筍、冬菇、蘿蔔、

第一次食雞煲火鍋🍲好在早去到，越食越多人排隊微辣的雞煲，能吃辣可以多一些辣，本身雞肉都好嫩滑，上煲後要煮一陣先更好入味，份量大概半隻雞，每舊都係肉第一次食唔知有調味區，為左保持味道唯有少少湯底咁加落食火鍋，好在雞煲味道都足夠，可能因為人多，火鍋料轉得快，食材都好新鮮。生菜同娃娃菜放雪櫃自助，仲有好幾個雪櫃的飲品無限供應旺區來講，性價比係真高，兩個小時都足夠時間食，但係唔夠時間吹水哈哈哈可以再去～

今日終於嚟到呢間人氣非常之高嘅，18樓雞煲放題啦‼️我諗佢出名抵食，同埋份量多就一啲都唔陌生啦今日小編就嚟試試佢嘅究竟🙈🙈🙈頭先一入到餐廳啦，其實佢已經有三個餐俾你揀，咁我哋呢就揀咗第一個餐即係A!呢個餐雖然係最平，但我覺得份量已經好足夠啦，所以我同朋友都食到非常之飽🤣🤣🤣🤣🤣頭先一坐落去呢，佢已經準備咗一個預設嘅雞煲份量俾你，咁所以呢你唔需要叫任何嘢佢已經會拎一個雞煲出嚟🥰🥰🥰🥰雞煲來講，我絕對係一個專家佢呢度嘅雞煲非常之濃郁好食🥰🥰🥰同埋佢嗰啲雞件都非常之大嚿好滑口佢呢度仲有其他台式小食可以食，例如台式香腸同埋鹽酥雞等等佢呢度竟然仲有啤酒飲真係非常之抵食呀

黎到旺角行街後，朋友話今日想食雞煲，推薦18樓雞煲火鍋專門店，又抵又好味，咁就試下la，叫左個最平嘅A餐，但都好多野食 雞煲可揀辣度，揀左少辣個醬汁都好夠味，，雞肉份量都幾多，食落少少辣又惹味食完呢煲雞，就用手機落其他打邊爐食物，加湯入煲開始準備火鍋之後我們各自去拎飲品，飲品種類有好多，一般汽水，檸檬茶，自家茶飲， 支裝茶等等，我最欣賞是自家製冷泡茶， 我選了桂花烏龍，清新又無糖，仲有冬瓜茶同茉莉綠茶，下次試下先！外面自助區還有醬料區和各種蔬菜任拎，非常貼心火鍋配料終於到了，食過好食值得再叫的有蟹子墨魚滑、滋補花膠，特級肥牛、紐西蘭羊肉，芝士豆腐 ,特別推薦花膠，大大件，滿滿骨膠原，好抵 ，墨魚滑爽口彈牙，好美味海鮮方面，我們叫了鯇魚片，蝦 和是日海鮮，今天的是日海鮮是蜆 好欣賞d蜆，又新鮮又大隻，同埋無沙，叫左好幾轉！另外，還有很多熟食選擇，黃金芋圓球同黑椒台灣香腸都唔錯。食到好滿足，性價比確係高，又多一間值得encore 食店，提一提我們六點多去就好快有位，等到7點多就好多人，早d去唔駛等咁耐

今日收工約了同事食飯，一個想食雞煲，一個想打邊爐，咁啱搵到尼間18樓雞煲火鍋專門店，雞煲加打邊爐！從店名就知雞煲是主打，我哋的雞煲點了中辣，雞煲的醬汁略略帶甜，甜中帶少少辣，幾惹味。雞煲煮一陣就味道飄香，令人忍不住即刻動筷。雞肉入口十分嫩滑，濃郁的醬汁包著雞件，全部完完整整，沒有碎骨影響口感。咁次中辣都唔錯，下次再試試大辣！吃完雞煲後可以加湯水轉做打邊爐，打邊爐加的湯汁顏色濃白。火鍋配料十分齊全，掃二維碼就可以下單。每碟份量較少，所以兩個人就可以試好多種類啦。火鍋配料有雪花肥牛，羊肉，魚類，丸類，蔬菜等等。滑牛肉抵讚，肉質非常滑嫩。特別值得一提的是丸類產品，牛丸和豬肚豬肉丸好彈牙，咬落有汁水，遠超其他火鍋店水平！熟食小菜都好多種類，有小蘇肉，台灣鴨血，剛炸好的地瓜丸子，脆卜卜的蝦片同魚皮，樣樣試一啲已經飽曬！飲料種類亦好多，仲有帶有好得意的樽子的鮮泡茶，有桂花烏龍，感覺十分清新，配搭火鍋解渴解膩。食完再來份雪糕，加滴自己鍾意的配料。今晚的晚餐perfect，十分愜意。

同朋友兩個經開旺角諗住食雞煲就醒起之前有個朋友推介過呢間雞煲唔錯 所以就揀咗呢間去食入到餐廳發現餐廳都幾光猛座位都非常闊落環境來講非常舒服而餐廳佈置方面都用咗唔少心機都有幾多特色位同朋友嗌咗個中辣嘅雞煲味道唔算太辣但係非常之惹味雞件都大大嚿 份量兩個人來講都算充足肉類嘅選擇質素都唔錯有豬肉羊肉同埋牛肉肉質每款都唔錯 絕對唔係hea你嘅質素個人嚟講覺得個羊肉都幾好 作為羊肉嘅愛好者都嗌左唔少整體嘢食嘅選擇都好多應有盡有海鮮類個人覺得個蝦質素都唔錯唔會食落好梅 感覺都新鮮嘅而且餐廳飲品嘅選擇都好多除咗有基本嘅飲品之外都有額外嘅冷泡茶打邊爐飲 係幾唔錯嘅配搭除咗打邊爐嘢食之外都可以嗌炸物選擇唔算多但係質素唔錯個人嚟講幾鍾意佢個薯波鍾意食呢類嘢食嘅嚟到都不妨嗌多少少試吓另外餐廳嘅服務都不錯我哋啲嘢一食完有空碟 佢哋都即刻收拾呢個非常值得一讚另外餐廳仲有甜品供應個人嚟講覺得原味乳酪雪糕比較好鍾意芒果味嘅朋友都可以試吓嘅旺角有好多雞煲選擇 如果想乾淨企理又坐得舒服嘅話呢間餐廳呀可以係其中一個唔錯嘅選擇

好耐冇食過雞煲，呢間雞煲火鍋兩小時任食真係幾抵食，環境好闊落同乾淨，裝修好有香港地道大牌檔特色👏🏼醬料，蔬菜，甜品，飲品都係自助形式，任拎唔嬲🤪🤣🔻主角雞煲🥰怕辣嘅我地揀咗微辣，雞肉好滑好入味🤤最鍾意食埋佢啲紫洋蔥，好正👏🏼🔻肉類用QR code 自助落單任叫🫶 佢地嘅雪花肥牛好均秤，薄切淥一陣就已經食得，肉質都唔錯！👍🔻其他火鍋配料都有好多選擇！平時打邊爐會食嘅都有齊👍🔻蝦都好新鮮🥰🔻打邊爐冇可能唔食魚皮同響鈴！超脆👍🔻非常欣賞佢地啲冷泡茶係一樽樽成個茶包浸住👍食到超飽真係要飲茶消滯🤪 呢間真係好抵食，雞煲正，火鍋配料都幾高質👍 下次會再嚟過😋

想食雞煲就會諗起呢間"18樓雞煲火鍋專門店"之前係荃灣食過又係開係18/F 🤣所以好易記得鍾意佢雞煲用人頭計算份量又可以自己再下單唔係焗限只食雞煲食完雞煲後加湯打邊爐火鍋配料真係有好多選擇亦有自家炮製火鍋料仲有即食小食自己用手機落單夠晒衛生旺角呢間裝修好有香港味道食起上嚟好有feel唔需要任何費用加入會員可即時獲得迎新優惠九折如果選B 或 C 餐可以任飲只定罐裝啤酒啱晒鍾意打邊爐飲啤酒嘅人除咗啤酒仲有自家制樽裝茶包茶有台灣韓國飲品更係唔少得汽水啦甜品有軟雪糕(綠茶味及雲呢拿味）綠茶味好濃綠茶粉絲真係要食又有軟雪糕加配配料 雞煲可選擇(大，中，小辣）先食晒d 雞先加湯後可以打邊爐自家制響鈴卷就咁食都得自家制醬爆豆卜自家制豆腐脆脆魚蛋好似長洲大魚蛋咁大😱肥牛都有二款選擇

最近好想食雞煲，朋友推薦我黎呢間食，知道呢間係熱門餐廳，我哋都提早食晚餐，630就到左餐廳門口，當時仲有少量座位，一坐低無耐，已經滿座，果然係熱門餐廳！我哋先食雞煲，之後先打邊爐！雞煲入邊嘅雞肉好嫩口，唔會嚡十十，雞煲嘅醬汁好惹味，超好味呀！食唔停！之後我哋就加水打邊爐，佢嘅選擇都幾多，仲有是日海鮮，是日海鮮係蜆，我哋即刻心心眼，仲要超大粒，我哋嗌咗好多轉🥰更加少不免嘅就係食肉啦，肉嘅質素都令我哋好驚喜，我哋原本諗住今日少肉多菜，見到啲肉咁好味，我哋都忍唔住食多幾碟😋😋嘢飲 我哋就飲咗冬瓜茶同埋茉莉花茶，如果鍾意少甜嘅人可以飲茉莉花茶，如果鍾意甜啲嘅人可以飲冬瓜茶，當然仲有其他選擇，我哋淨係試過呢兩款茶都覺得好好飲👍🏻

因為原本訂咗位嘅餐廳突然停電，見呢間評價好似唔錯，就諗住試下........未入座已經叫你個半鐘還枱，我認為唔夠時間食，店員就話個半鐘平啲，不過最後我地都決定比多少少食2個鐘，但食物質素好一般，雞煲少辣完全無辣味，職員放低雞煲攪幾吓乜都無講就走開咗，轉頭另一個職員埋嚟話我地唔可以開大火，話會燶會痴底，但我地樓根本無掂過個爐，全晚落咗3次單，只有第一次送齊，其餘兩次叫牛肉，兩次都無嚟，同職員講完，話會補送，結果都係無送嚟，當晚全場無滿座，2小時一夠鐘職員即刻話夠鐘，然後企係你枱邊等你，食緊個舊粟米都要放低，真係沒下次！