18樓雞煲火鍋專門店

營業中

休息中

風雨交加嘅晚上想同朋友食雞煲打邊爐，旺角嘅18樓雞煲地點方便就腳，就揀咗佢。好彩我哋七點就到咗，嗰個時間人唔算多，但到我哋走嘅時候八點幾九點就比較多人，要等位。任食雞煲火鍋來講，有冇冷泡茶對我來講都幾緊要，因為本身嘢食已經比較油膩高卡，如果嘢飲可以清爽少少，平衡返就非常好啦。呢度嘅冷泡茶有兩種口味嘅選擇，桂花烏龍同茉莉綠茶，兩隻我都有試，唔錯。唔知係咪返工壓力大，會更加想食啲辣嘅嘢食，重慶辣雞煲就係最好嘅選擇了。呢度仲有一樣嘢幾抵讚，就係食物嘅份量一次唔會上太多，好多都係兩粒兩粒咁上，咁就唔洗做大嘥鬼啦，唔浪費食物先係a real foodie!其實我哋仲叫咗滑牛肉、肥牛、富足、蓮藕、萵筍、聖子、粟米等嘢食，只不過掛住食咩都冇影到🤣最後毫無意外地捧住個肚走~滿足！

今晚到旺角與朋友食雞煲，好耐冇食雞煲，所以今晚一嚐口腹，我們黎到旺角呢間好出名嘅雞煲。佢嘅雞炒得好香，同埋好新鮮，材料豐富，份量好多，好好味！熱辣辣食得好和味。仲有好好味嘅冬瓜茶，唔會好甜，味道啱啱好，好新鮮，好清爽，好適合夏天飲用。同埋佢係用QR code落單，非常之先進。打邊爐必食嘅響鈴，好大嚿，好趣。花膠好大件，又新鮮，顏色又靚，睇到係上等靚貨，值得食！墨魚丸，芝心丸，蟹柳條，全部都好新鮮。鯇魚魚腩，非常新鮮美味。是日海鮮，象拔蚌，新鮮美味，值得一試。黑豚肉都好新鮮，顏色都好靚，用嚟打邊爐係一流嘅。肥牛都好美味，又好新鮮，色澤都好靚。睇得出係用料新鮮上盛。魚皮餃同台灣香腸都值得一食，非常好味。

等左咁耐，終於有夜晚堂食喇！所以今晚就要同朋友擦餐飽，滿足返個肚嘅需要，我哋就揀左食雞煲放題。呢間雞煲地方好大，全層都係佢。裝修用左七八十年代老香港做背景，懷舊有特色。環境都幾乾淨，坐得都舒服。飲品任飲出去自取，除左罐裝汽水同埋樽裝無氣飲品外，仲有自家製冬瓜茶同桂花烏龍茶。呢度自家製桂花烏龍茶無糖，冬瓜茶又唔太甜，幾好。我哋叫左個小辣雞煲，唔知係咪太耐無食辣，入口已經覺得辣味十足，好惹味。雞整得好入味，但又唔會太咸。一句講晒：正👍！！！食完雞煲，我哋就叫職員幫我哋換左個清湯煲打邊爐。呢度用qr code落單，種類都多架，我哋樣樣都叫d，每樣嘢份量剛好，一人一份，可以食多d唔同嘢食。肉類：雪花肥牛比較瘦，幾靚，又唔韌喎；滑牛肉就比較厚身，好有口感；頂級梅頭豬肉切切薄薄，容易熟，入口滑滑。海鮮類：是日海鮮係蟶子，唔算太細粒，甜甜帶鮮味；海中蝦size正常，蝦肉爽口，兩款海鮮都幾新鮮。炸物類：趣趣炸蝦片真係好脆；自家製響鈴卷同炸魚皮都好大舊，大塊，唔會碎碎咁，同樣脆脆；忌廉芝士煙肉薯波熱辣辣，好有薯仔炸香果種味道。丸類：墨魚滑、魚腐、炸魚片頭同埋魚皮餃各款質素都唔錯。菇類：金菇比平時食開嘅粗

近排疫情緩和，加埋防水疫措施又放鬆返，約佐朋友一齊去食晚市，湊下熱鬧🤣🤣朋友話想食雞煲，而我自己想打邊爐，於是揀佐呢間兩樣都有既雞煲專門店一享飽福😋😋由於我地都算早，去到，等佐職員們幾分鐘既安排，就入得座！入到去環境好特別好有特色，個裝修係類似舊式街市，foodcourt咁，有舊香港既味道😂等佐10分鐘左右，首先黎既係雞煲，跟推介指示，落佐2吋既上湯黎繼續煲住食，果然好入味！雞肉味道都好嫩，另外一提，有唔同辣度揀😋👍🏻👍🏻適合食唔同辣度既朋友。其他打邊爐料可以scan QR code order。特別介紹牛肉同豬腩片，薄切得黎味道一流，亦都好新鮮！至於樓面都有少量既食物自助攞，野飲，菜，雪糕！😋順帶一題佢地既自家製冬瓜茶絕對係number 1，少少淡，但係打邊爐岩曬！👍🏻👍🏻

食完雞煲之後，食埋個火鍋，簡直係雙重享受😍雞煲有唔辣、微辣、中辣、大辣選擇，我揀咗小辣，都已經非常惹味😋雞嘅部份算係厚肉嫩滑～好味道打邊爐嘅醬料當然都係自己調配，乾淨企理😌除咗熱茶之外,仲有冷泡茶同埋一般市售飲品可以選擇，種類都幾多👍🏻有大量蔬菜任攞唔嬲，而且夠晒凍同新鮮用app落單，一目了然，非常方便👍🏻食物種類非常多,有牛肉、豬肉、雞肉、海鮮、丸、蔬菜、熟食～可以講係，要乜有乜😆雪花牛肉一啲都唔覺得過肥，脂肪分布頗均勻，切得頗為薄，可以慢慢嘆，唔會易食滯食品都以少量為一份，可以食多幾樣唔同種類，非常貼心響鈴同魚皮都非常香脆，可能因為流量大，感覺非常新鮮當中以花膠嘅厚度同size頗為驚艷，估唔到任食都會有呢個質素,係必點item😆乳酪雪糕有兩個口味,一個係原味，另一個係朱古力味，有呢個甜品，絕對可以為呢一餐劃上完美嘅句號😊

近排做gym 既時候成日聞到好香既雞煲味，原來樓上新開左間雞煲店，有日終於忍唔住就上左去試下店入面既裝修都幾有心思，香港懷舊主題仲要d 位都幾闊落！ 我之前去開個d 都好人貼人咁好鬼迫餐廳主要有3個套餐，咁今次我地就揀左個套餐A，價錢已包雞煲同打邊爐(雪花同特級肥牛）。 一入去職員會問你雞煲要咩辣，雞煲都幾足料，雞塊啖啖肉，夠晒惹味。 飲料方面選擇都多，不過呢個套餐就唔包有酒精飲品，如果想飮就要另外買。食完雞煲就自己落湯，過一陣d 火煱材料就黎齊晒！ 種類都幾多食完晒個火鍋同雞煲，個肚已經脹到成個氣球咁，但都要頂住試埋佢個甜品 呢個乳酪雪糕不得了，本人好鐘意食乳酪，貪個酸酸地夠開胃，呢個乳酪雪糕個質地比得上mama，大家記住幾飽都要留肚試下

一年四季都要食雞煲, 特別係天氣涼左, 更加要食得密d❗ 創興既18樓雞煲放題係之前食過幾中意既一間。坐低後好店員好快就會送上雞煲, 本身已熟所以炒番熱佢就食得! 雞煲醬味道夠濃夠香, 叫左少辣覺得下次可以挑戰中辣, 相信會更惹味雞肉質感算嫩滑, 而且骨肉均勻, 食落都夠滿足❗加湯打邊爐可以qr code落單, 佢既上菜速度都好快而且我地今晚都無溜單情況, 上菜既食物望落都係乾淨衛生, 好似肉類咁唔會有一大灘血水既情況出現。特別推介依度既海蝦, 好新鮮彈牙, encore之選!出面自助區有菜, 飲品同雪糕區, 菜櫃全部包好一份份雪住好衛生, 值得一讚。而飲品仲有自家茶飲, 解膩一流

天氣咁凍同朋友聚會最啱就係打邊爐，今次驚朋友推介去咗呢間位於創興18樓雞煲。佢同傳統嘅雞煲一樣食完雞煲就可以加湯任飲任食😆你選擇唔同時段同唔同肉類都會有唔同嘅價錢😆就算叫最便宜嘅餐都有一大堆任食嘅配料俾你揀😆而且呢度有啲幾特別嘅熟食，有地瓜球芝士忌廉煙肉薯波，好似又有啲台式咁😂一次過滿足你好多美食嘅願望😂而且呢間嘅海鮮都係任食，試過啲貝殼類都冇沙處理得算幾乾淨，$200左右任食火鍋、海鮮及雪糕，性價比真係好高👍環境方面佢行少少復古嘅風格好似香港舊式戲院有霓虹燈所裝飾每個角落📺湯底方面一開始雞煲嘅時候都幾香濃，係加湯後味道會淡啲，需要沾醬汁嚟食。整體嚟講都影響唔大😂值得一試！

🐥18樓雞煲🐥餐廳以懷舊裝修，感覺似置身鬧市街頭，有不同店鋪又有五光十色既招牌，座位大多係大卡位，坐得舒服又有私隱入座前店員先問雞煲要邊款牛，又問埋辣度，我地選普通牛餐，少辣雞煲一坐低已有雞煲，速度超快，雞煲十分足料，洋蔥、蒜頭、青蔥、辣椒等，加上自家秘製麻辣醬，勁香！醬汁惹味又濃郁，雞肉嫩。枱上備有一壺豬骨湯，方便自行加入雞煲做湯底！配料用qr code 落單，款式算多，牛有雪花牛及特線肥牛，打邊爐最好既響鈴、魚皮、午餐肉都有，又有嵩荀、准生，更有蝦和蜆，夠晒豐富飲品和蔬菜類自取，乾淨整齊有各式罐裝汽水，小膠樽裝鴻福堂飲品，又有自家製冷泡茶同冬瓜茶甜品有自助軟雪糕，原來係乳酪，朋友話幾好味店員服務很好，問牛係邊款，雖然送餐店員唔知，但問左人之後下次送餐時講返，差唔多到兩小時又提先埋單免加收費用，幾貼心，抵讚

記錄一下 2021嘅最後一餐，男朋友話食得豐富啲，想食雞煲～平時佢食開呢間，今次帶我去試😋門口有sofa俾等候嘅客人坐，可以GULU拎飛。幾中意全卡位設計，坐得舒服啲，環境都幾舒服乾淨。裝修好吸引到我，懷舊風設計好得意😹有啲失望雞煲無得refill🥲 BB辣都好濃味的確唔洗點䜴油，不過我覺得太鹹🌝唯有食多啲邊爐啦～ 用手機QR code落單，上菜好快好快收碟都好快👍🏼我哋叫嗰set係有海鮮食，啲蝦幾新鮮!除咗菜，飲品，醬油，雪糕，其他食物都係order先送到，唔係放晒出嚟比人夾，感覺衛生啲😻幾中意呢間，可以encore👏🏼

冬天咁凍，一定係食雞煲同打邊爐嘅季節，呢間餐廳同時兩樣嘢都做到，梗係一定要去食。揀左1730時段去食😆就係貪佢唔使咁多人，因為7:30離開嘅時候樓下已經多人到爆😆好鍾意有卡位坐，另外裝修都不錯。有超多唔同品種嘅飲品揀，除咗呢個櫃亦有其他自製嘅茶同其他飲品，比我想像中多，印象不錯。雞煲來了👍🏻👍🏻 雞煲汁醬不錯，香味濃郁，亦有少少麻嘅感覺，略嫌雞肉唔係太入味，但係雞肉亦都非常之滑。👍🏻👍🏻👍🏻食完雞煲，就喺到火鍋，火鍋配料呢間餐廳質素都真係幾好，海鮮好新鮮，牛肉亦非常嫩滑！唔會好鞋口。我都叫完又叫 ！

只能講句可以填飽個肚但是亳無質素可言嘅雞煲火鍋，環境可以，因為大部分是卡位，啱晒香港人。味道吾好有要求，大部分食物是無味道，而且是食完雞煲後在原本的雞煲上再加上湯繼續火鍋，要轉個新湯底需要另外收費，現在市面上有好多間差不多價位嘅雞煲火鍋店是不需要加錢，另外出一個新嘅火鍋湯底俾你繼續打邊爐。食物質素吾得，飲品選擇吾夠多，有部分服務員服務態度良好（應該是新員工）反而好似是做得耐嘅員工的服務態度就不太理想了，餐廳就算外面無客人等位，夠鐘都一定要你還枱。呢間無下次，no good

天氣開始轉涼，我同男友又食雞煲打邊爐啦！今次仲要係任食添，食完再減啦😂18樓雞煲顧名思義就係係18樓啦，荃灣果間我幾年前都去過，印象中係好受歡迎要等位，今次黎旺角店都唔例外，一出𨋢已經見到好多人等位啦。不過為左食雞煲我地等下都無所謂嘅。我地今次食最平嘅套餐A $188 雖然係最平嘅餐，但都有好多野食雞煲(中辣) 好味啊😋雞煲醬非常惹味, 雞ge份量非常之多，我地兩個share黎食，好似食極都仲有咁haha海中蝦正啊👍🏻👍🏻估唔到最平ge A餐都有海鮮任食，鍾意食海鮮ge建議主攻蝦，叫左2 round所有蝦ge肉質都係彈牙。水魷/爽脆墨魚鬚/是日海鮮/牛柏葉自家製響鈴卷雪花肥牛 / 特級肥牛呢個價錢其實我地對牛嘅質素都無咩好大期望，反正我地覺得食海鮮仲抵，仲低脂啲😁各款菜各款丸/烏冬雪糕打完熱辣辣嘅邊爐唔少得食番透心涼嘅雪糕桂魚烏龍/台灣冬瓜茶兩款都唔錯啊。瓜茶茶唔會好甜，烏龍就夠晒refreshing, 最arm食完惹味嘅雞煲清新下味蕾再擦過

朋友介紹18雞煲火鍋專門店，話食過抵食又好味，食物品種又多。18樓雞煲又真係係18樓，都幾搞笑。成個場好大好多枱，地方闊落，未夠六點半已經爆滿，認真誇張。場內裝修懷舊復古，仲有好多打咭位。雞煲連火鍋任飲任食兩小時，時間充足。我哋叫咗個小辣雞煲，大約五分鐘職員送來雞煲幫我哋撈幾撈就食得。雞件份量都唔少，醃得好入味，雖然小辣都會越食越辣，味道偏重味但好惹味。食晒雞件倒入湯就開始打邊爐，菜係自己係凍櫃攞，其他係掃QR code落單。菜都有3-4款，飲品有除咗罐裝汽水，仲有自家製冷泡茶。肉類有牛，豬雞，海鮮有脆肉鯇，蝦，鱔片同是日海鮮，其他都係打邊爐有嘅食材，仲有雪糕同乳酪，款式林林總總。啲嘢食都好新鮮。二百蚊左右有咁多嘢食，仲要任飲任食，而且上菜又快，抵啦！

天氣開始轉涼，呢啲日子就最啱打個暖笠笠嘅邊爐啦呢到有分ABC三個套餐，我同朋友只係叫左套餐A$188一位。唔同套餐有唔同嘅肉類選擇，套餐A有兩種牛肉選擇，係雪花肥牛同特級肥牛。安排入座之後，店員好快為你呈上雞煲。雞煲已經是先煮熟，所以已經食得。食雞煲當然係睇吓佢嘅秘製醬汁夠唔夠入味，我地揀左少辣。秘製醬汁超級夠惹味，少少辣已經可以帶出雞既味道，唔會俾人種感覺淨係食緊醬料。雖然係二人份量，但雞件都幾多而且厚肉。食完雞當然要到湯繼續邊爐啦，枱面一早有放咗一壺湯底，同scan QR code 去點野食。食物嘅種類都幾多，肉類、丸類、海鮮類同小食等。我哋都叫咗唔同嘢食，當中覺得有驚喜嘅係鮮腐竹，係超香豆味㗎，而且好大片，我哋仲叫左兩round 添另外響鈴同炸魚皮都係必須要嗌，享年係即叫即炸，兩者都吸收晒湯底精華，更加好味！最後肉類當然唔少得㗎啦，即使湯底濃郁都唔能夠蓋過牛嘅味道，我哋總共都叫咗四五次！打邊爐邊點可少得野飲同甜品呢，嘢飲除咗有台式嘅茶類選擇之外，亦有解熱嘅涼茶同可樂等。甜品就可以自己唧雪糕，我哋唧左朱古力同雲呢拿味，好滿足