18樓雞煲火鍋專門店

營業中

休息中

「18樓雞煲火鍋」有兩間分店，分別位於旺角和荃灣，兩間都在18樓，可能因此而命名，讓客人容易記得。今日和朋友來到旺角店，一出電梯，見到鋪面光猛又乾淨，等位地方又寬闊，頓時加分。任飲任食火鍋有三款套餐，可因應客人的喜好，食早場晚上7點前埋單最抵。先來一鍋香噴噴的雞煲，雞肉嫩滑皮薄，味道調得好好，加熱一陣好快食得，怪不得那麼多人慕名而來食這雞煲。食完雞煲後，加上清湯就能打邊爐了，清湯加入雞煲內的醬汁，已經很夠味，清湯唔夠可以自取。超大塊的花膠，正肉類和蔬菜類很新鮮，也有很多選擇，另一方面，用手機落完order 後，很快就送來，速度非常之快，欣賞飲品種類超多選擇，最欣賞是有自家製的洛神花茶和桂花烏龍茶，很多人飲最後食杯雪糕，滿足晒

之前食過荃灣店，已經覺得好抵食重開晚市今次就朋友黎旺角店大家既中間位，地點方便食完歸家未夠6點半左右到，已經見到好多人食緊我地唔飲啤酒，平平地要咗A餐，經濟實惠之選加入會員仲有迎新優惠，全單9折雞煲要少辣，入到去坐低，雞煲9秒9就到咗菜同飲品喺雪櫃自己揀，飲品選擇好多，仲有自家製樽裝茶有姐姐來幫我地炒咗幾吓，搞掂我地自己消毒雙手除口罩搞掂晒，岩岩好可以食雞煲雞依舊好食，唔會林林莓莓的，大大件啖啖肉，入味, 少辣, 味道惹味一邊食一邊睇落單打邊爐料又係有速度! 好快黎到就食完雞煲加湯打邊爐肥牛好新鮮，叫咗3,4轉，碟碟都係新鮮，唔會出現瘀色脆鯇腩、海中蝦亦新鮮，唔會莓，脆鯇腩爽口朋友見到有肥鵝腸，好少打邊爐地方有鵝腸，所以叫咗碟黎試，讚另外我覺得鮮淮山好好食，好爽脆而其他打邊爐料都唔錯，乾淨企理新鮮最後當然唔少得甜品，有原味同綠茶味各樣一杯超滿足(個肚)一餐!除咗食物新鮮之外，上菜速度同店員積極收碟亦值得一讚，次次食都好忙忙忙呀....呀! 分店亦同樣CP值高完全係一個價錢滿足三個願望

旺角創興18樓雞煲🐔book左6點半，上到去已經滿左一半人，差唔多7點就開始爆場嚕。我地叫左小辣雞煲，雞煲惹味得黎有小小甜，唔會死咸好濃味。份量又唔會太多，唔會質飽你個肚，建議細食既朋友可以拎個碗仔夾開啲雞，咁就唔怕食唔到邊爐啦。出面有兩個雪櫃放凍飲，亦有啲自家制冬瓜茶同，茉莉花綠茶同桂花烏龍茶等等。同時雪櫃都有啲菜比你自己拎。今次我食左A餐，有雪花肥牛同特級肥牛，佢個app有好多野食，豬牛羊雞都有，亦有小小熟食。而且有時日海鮮，我個日去就係小蟶子。我就每樣試左啲，推介雪花肥牛，羊肉片，白鱔片，脆肉鯇，即炸響鈴同大汗小酥肉，個小酥肉我地仲叫左3次。差唔多飽就出去吱雪糕，有原味乳酪同抹茶味，有啲芒果爆珠同椰果可以比你加落去，乳酪味雪糕都好好食。餐廳既裝修係懷舊香港feel，都好有特色。店員上菜同收碟都好快，而且都有禮貌。冷氣亦都夠，唔洗怕個身好大陣味。

總會有啲時候特別想食重口味嘅嘢，放工途徑旺角，心思思決定去食雞煲，等自己放肆下，享受又香又辣嘅濃味晚餐。18樓雞煲都係市場打滾好多年，之前朋友介紹過，今次就試下佢。是日只要有肉就開心，所以揀咗個A餐，先雞煲，後邊爐，只需人頭$208，絕對係性價比之選。上到去見到環境都身心舒暢，冇油煙味，裝修又靚，好多港式招牌同霓虹燈，估唔到內裏咁新潮！先講主角，呢到嘅雞煲果然名不虛傳！醬汁今次叫咗小辣，食落確實唔算太辣，反而有點甜味，味道會越煮越濃。最值得讚，佢啲雞肉全部都好嫩滑，又無冰鮮味，上枱幾分鐘就食得～重點係冇碎骨，可以放心大啖食。全程使用QR code落單，估唔到選擇都唔少，海鮮方面有齊蝦、魚、甲殼類。特別推薦：脆脘片同鱔片夠新鮮爽脆；鮮甜蟶子，呢個價錢可以任食已經夠抵，仲要味道不錯，有番咁上下肉地。另外隨餐附送嘅牛肉同豚肉都好好味，唔騷無怪味解凍得好，係每次上檯份量比較少但放心可以重複叫～除此之外仲有小食㗎～最後特別要讚自助區，飲品用心，特別鍾意自家製嘅桂花烏龍同冬瓜茶，清新又唔甜；蔬菜款式夠多元，總有一款啱你；最後提提大家一定要去雪糕機自己吱雪糕呀！有抹茶同朱古力味，一樣咁軟滑香濃，加埋

好耐冇食過雞煲，今日同事放工即係話去，咁就諗住去返之前都幾出名嘅18樓雞煲，咁我哋就揀返個基本嘅A餐我好鍾意佢呢度嘅環境，裝修係用7.80年代嘅風格，好適合我呢啲鍾意懷舊嘅人，我仲影咗幾張相可以Instagram 打卡我哋六點幾就上咗去，所以都唔使等位一坐低就會問你想要咩辣到嘅雞煲，我哋揀咗中辣，之後就用QR code落單佢嘅飲品種類都好多，有冷泡茶、各款汽水果汁，亦都有罐裝涼茶，仲有自家製嘅冬瓜茶 10分鐘左右個雞煲就到，全部雞都好入味，而且越食越辣好惹味，加埋啲洋蔥好足料🔥之後有叫到雪花肥牛，肥瘦適中唔會太油膩另外丸類都好多選擇，墨魚滑好值得推介，都幾爽口彈牙最後仲有個自助甜品嘅位置，可以自己整乳酪呢個價錢可以食到咁多嘢，真係算唔錯

帶媽咪黎試試雞煲打邊爐🍲 揀左A餐 💰208/1人如果想食蠔or多款肉可以B C餐，不過我哋兩位女士覺得A餐都好夠食！👌🏻 因為都有埋海鮮可以叫，208包海鮮黎講十分抵食啦😌唔食得辣，而且想之後個湯底鮮d，所以叫左唔辣雞煲🐔記得第一輪係食左雞先，如果唔係加左水d汁就無味～ 個醬汁甜甜地，我哋都食得好滋味😋 夾起埋有汁既雞件就正式打邊爐！出面有自助櫃拎飲品同菜，因為個日我黎m唔飲得凍野，就問職員拎未雪藏既飲品🍹 佢哋都好好人幫我係新貨度拆出嚟🙏🏻 除左自助區有菜，QR code 下單區都有蔬菜，例如萵荀、秋葵、南瓜、冬瓜等等。海鮮類推薦: 串蝦、鱔片、蟶子、蝦滑，好新鮮，同媽咪都有encore。蟶子第一次見係最平既餐有得任食👍🏻 而且都幾飽滿，但當然要注意唔好滾太耐⚠️ 鱔片夠爽口💯 但一份得幾片😂 所以不斷keep住下單！-總括然言，晚巿💰208食到雞煲，同有海鮮既任食邊爐係好抵💯 無論同屋企人同朋友食都係一個好選擇👍🏻-人均消費:💰229 (已加一）-餐廳: 18樓雞煲火鍋專門店 地址: 旺角彌敦道593-601號創興廣場18樓

好耐冇食過雞煲今日就同爸爸去食雞順便去滾下滾下首先要讚下呢間雞煲上菜真係上得好快上到嚟已經聞到好香雞煲嘅味道雞煲食落去滑但有啲醬汁啱啱黐住惹味之選另外一讚雞煲嘅份量都岩晒兩個人嘅份量之後肚仲可以有位食其他任食嘅邊爐我地食好簡單a餐但係款式真係好鬼死多單牛都分雪花牛.肥牛.滑牛我覺得雪花牛肉就會有牛味啲肥牛就會有口感啲滑牛就真滑身不過三款都好新鮮另外佢嘅五花藍真係一層一層打邊爐岩曬羊肉薄薄一片輕輕一滾就可以而且仲唔會有羊嘅臊味海鮮方面除咗蝦白鱔片之外仲是日海鮮蝦絕對唔會梅鱔片有光澤是日海鮮係小蟶子輕輕一滾好有鮮味簡單叫咗唔同嘅蔬菜但加埋本身有雞煲醬汁同埋火鍋湯蔬菜吸收左嘅湯嘅味道好好食😋依度嘅裝修係類似80年度香港味道爸爸就覺得個氣氛好好視覺同味道好唔錯

有朋友推介18樓雞煲 黎到先揀雞煲辣道、再揀套餐 ABCA 美國雪花牛B安格斯牛C澳洲和牛揀B或者C仲有啤酒任飲添同朋友黎啤啤佢都抵呀除咗雞煲同牛之外電子落單都仲有好多食物選揀牛肉 豬肉 雞肉 海鮮 丸類 蔬菜類 粉麵類講得出都有咁濟飲品方面 唔飲啤酒都仲有汽水 茶 果汁都有調味料都有 唔使額外加錢 未點好既雞煲已經黎到 仲可以即刻食 叫左小辣 味道岩岩好 份量適中 食落唔鞋口 之後就可以直接加湯打邊爐 岩岩食完肉 叫左海鮮先 不得不讚 所以食材都幾新鮮 特別蝦🦐爽口 脆肉鯇脆口 最後先叫牛肉 豬肉 黎到有驚喜 有雪花 幾嫩口 我諗叫套餐 B C 既肉都會幾高質呢到係兩小時任飲任食 絕對有時間慢慢食最後仲可以食個甜品收尾

大半年前食過荃灣分店，覺得價錢相宜幾抵食，於是今次就試下第二間分店，一次過食勻雞煲同邊爐。雞煲嗌咗小辣，分量兩個人食都幾多，幾濃味，下次可以嗌中辣！我哋嗌咗A餐，有兩款肥牛揀。食落去唔太韌，又冇咩肥膏，唔呃秤又唔會令到成個湯飄浮住肥油。仲有得任食羊肉！作為牛肉愛好者，唔少得嗌返碟牛栢葉。上次食嘅時候已經覺得幾大嚿幾易撈，又爽口，今次再食水準仲喺度！呢度嘅墨魚滑幾彈牙幾正，真係有墨魚味而唔係膠味。呢度嘅其中一個吸引之處係有得喺小食類別揀麻辣鴨血，不足嘅地方係上桌嘅時候已經唔係幾夠熱，要掉入個煲度翻熱，但翻熱完之後食又冇咗浸麻辣汁嘅味，有啲可惜。食完正餐之後再拎咗啲雪糕嚟食，有乳酪味同朱古力味，食完之後透心涼～肥務方面，啲staff收碗碗碟碟都好快，有效率！

好耐之前成日食過荃灣店，今次就為左就fd黎到旺角食，原來仲方便過荃灣！今次2位黎食，食左最basic嘅A餐已經包左雞煲同任食肥牛邊爐！食物質素keep到，仲係好高質，雞煲夠濃味！雪花肥牛油花靚，唔會太肥。亦有得任食蝦同白鱔呢啲較貴嘅食材，性價比高！而且仲有是日海鮮推介，今日係蟶子仔，以前曾經有鮑魚仔！認真抵食！最值得一讚係佢地keep住有人走黎收走吉嘅碟，變相坐得好舒服，唔洗比啲吉碟霸哂啲位。加上佢分量做得好好，每份都唔多，岩哂二人行，甚或叫啲得一個人想食嘅嘢食都唔怕食唔哂，咁就唔會浪費又滿足到鐘意咩都食下嘅我。最後，仲有軟雪糕為呢餐畫上一個完美啲句號!

聽朋友講 18樓雞煲火鍋專門店係創興出名的雞煲今日就同同事放工黎食 可以慢慢食120分鐘店鋪地方很寬敞 有很多的座位俾人入座 而且整間店鋪好有"香港"的感覺 用了我們小時候熟悉的街市 戲院名稱來作裝飾令人感覺這是屬於香港人的雞煲我地選左A餐$208 有2款牛肉可以在任食的選擇中一黎已經上雞煲 D雞餣得好出色 非常入味 之後就放豬骨湯打邊爐用QR code 可以點食物 款式都有幾多 又有D熟食特別推介: 牛 (特選同雪花肥牛都好食，好有牛味而且我鐘意夠薄)響令 (大大件好正)花膠(大件而且口感好 有增加骨膠原的感覺)墨魚滑 (好有墨魚味, 推介)蝦(未去到好新鮮識郁，但係都好食)雲耳 (爽口，而且好夾雞煲打邊爐)另外，蔬菜，飲品，調味料都係在枱任拎，桂花烏龍茶係我最鐘意的飲品，清香消滯。最後，有自助雪糕BAR，用個朱古力雪糕作為尾聲。呢個價錢可以同朋友慢慢邊傾邊食，食物質素又唔錯，真係幾抵。

近期好鍾意同朋友去食雞煲 門口餐牌寫了三種價位的套餐 由$208至$288不等 6點半入座 8點半離座位 可以坐足2個鐘 於18樓可居高臨下看夜景 佈置有點老香港味道 食物選擇好多 價錢公道合理 餐廳環境潔淨 地下好乾淨 坐得舒服 有興趣食嘅一定要來試吓呢間☺️入到去雞煲簡左辣度先 坐底QR掃碼落單 首先食雞煲 兩個人大約有半隻雞 雞件嘅肉質好嫩滑 而且雞味好重 又麻又香 洋蔥同芫茜夠多 雞煲汁又濃 愈食愈辣🙈之後就加湯打邊爐 有好多食物揀 海鮮有脆鯇片 海中蝦 白鱔片 水魷魚 牛肉有雪花肥牛 特級肥牛 鮮牛 脂肪比例好均勻 仲有午餐肉 黑椒牛丸 台灣腸 豆腐 粟米 鴨血 羊肉 豬肉。。。 蔬菜櫃仲有新鮮時令蔬菜俾你任揀任食 飲品提供自家製冷泡茶、碳酸和清熱飲品 甜品有乳酪雪糕😆

終於開翻堂食啦 好耐都無食過雞煲 🐔趁呢兩日天氣涼涼地 就約朋友黎食雞煲係openrice search 見到呢間d裝修都幾特別 係以舊式戲院為主題所以就決定同朋友試下呢間我地大概6點幾7點去到 平日黎講都算多人 等左5-10分鐘就安排到座位比我地餐廳裝修都好有60 70 年代風味 環境都好乾淨同闊落 而且大部分都係卡位 坐得幾舒服雞煲有辣度可以選擇 我地就揀左小辣雞煲好快就上到黎， 好香同份量都幾多下小辣唔算好辣，鍾意食辣嘅可以挑戰中/大辣雞煲最加分嘅地方係雞煲醬汁好濃 同埋落左好多芫茜好惹味啲雞都好厚肉同好滑👍餐廳有分A，B，C三個套餐B同C套餐都有啤酒任飲🍺如果鍾意飲酒嘅話揀呢兩個set會抵d我地就揀左A套餐 食物選擇都好多除左雪花肥牛同特級肥牛 仲有羊肉，海鮮，丸類，菇類，菜類等等落order都係用電話掃QR code order飲品就出面自己拎，推薦佢地嘅冬瓜茶 解膩又唔會太甜牛肉都有厚度 同埋夠肥美 唔會好鞋👍海鮮方面 材料都好新鮮 脆鯇魚片好好食 好有鮮味同口感好彈牙 好食到encore左幾次丸類推薦墨魚丸 好彈牙同埋食落好多粒粒墨魚肉 好好食最後就食左乳酪雪糕 都係自助

一直都好鍾意18樓雞煲，平價任食雞煲火鍋但係會有好新鮮既海鮮同牛肉🤟首先最重要既當然係雞煲❤️ 醬汁非常惹味，雞塊亦都夠入味，麻辣既味道好開胃，可以揀大中小同唔辣，我就叫左小辣，一開始食唔係太重味，但後來第一次加咗湯之後越煲越辣🔥湯壺全部擺咗喺一個櫃檯度可以自己攞，非常方便👍我哋揀嘅係A餐，肉方面主要係可以叫豬肉、雞肉、牛腩、普通肥牛同埋極上牛肉，最出色嘅係極上牛肉，油脂唔會太多又分佈得好平均，忍唔住一直encore 😋其中一個最鍾意18樓嘅點就係好多海鮮嘅選擇，而且全部都好新鮮，除咗蝦魚鱔等等，仲會有是日海鮮，我哋個日既是日海鮮係聖子，好難得放題火鍋會有😍最後食下菜（好似健康啲😂）再食埋個雪糕，佢哋有乳酪雪糕‼️仲要係好重嘅乳酪味，完美的結束🔚

香港人一年四季都鍾意打邊爐食雞煲😂今日朋友約咗我嚟到旺角創興食雞煲，原來呢一棟大廈都有幾多打邊爐嘅舖頭！上到18樓發覺人氣好高，仲要今日只係星期二都咁多人！好犀利！一坐低落單就揀咗小辣嘅雞煲，然後冇幾耐個雞煲就會上枱，雞煲好香，有麻味，仲有大量嘅芫荽同埋蔥超級惹味！雞肉亦好滑！另外可以係電話落單叫其他配料，同埋出去拎飲品同埋蔬菜🥬蔬菜嘅款式都幾多，有油麥菜、菜心，電話落單都幾多嘢揀，除咗普通嘅牛肉、丸，仲有海鮮同埋脆肉鯇、墨魚滑。食到飽仲可以自己出去唧雪糕，係乳酪雪糕嚟，可以解油膩酸酸may may好開胃！佢