影片
港鐵中環站 D2 出口, 步行約8分鐘
繼續閱讀
營業時間
今日營業
17:00 - 00:00
星期一至四
17:00 - 00:00
星期五至六
17:00 - 01:00
星期日
17:00 - 00:00
以上資料只供參考, 請與餐廳確認詳情
影片
相片
+37
🇭🇰001 Bar ·Cocktail Set Menu Trio $158佢地依家同大館個展覽有個合作 3杯cocktails都只係的$158 超抵 而且佢🤑佢每一杯都有個故仔 女仔推介4號 門徒 佢用個針筒加果汁比喻毒品 好易入口🍹另外3號Stolen Emerald係講緊龍虎風雲入面被偷走嘅綠寶石 中間粒冰係鑽石型 超有心思 飲落有微微苦瓜同埋蘋果 苦甜苦甜好有層次💎另外567三杯就係比較濃啲嘅 特別推介7號掃毒 佢係有齊whisky gin rum 超正🥃·DUCK BREAST WITH CAULIFLOWERRICE $138 l GRILLED CHEESE SANDWICH $138 l TENDER SQUID $148 l BONELESS FRIED CHICKEN $128除左cocktail 好好飲之外 佢嘢食都好有驚喜 全部都好好味🤤佢個鴨胸椰菜花飯整到好似fine dining咁 個鴨胸煮到啱啱好 超嫩 椰菜花飯嘅口感都好好🦆另外芝士三文治 佢係用咗厚啲 鬆軟啲嘅麵包 夾埋中間好鹹香嘅芝士 好滿足🧀八爪魚都超香 超惹味🐙最後個炸雞都好juicy 全部都好滿意 我哋一定會再嚟🤩🤩·#rbyeat#rby甜品飲品#rby中環·📍中環荷李活道10號大館10&13座監獄長樓及C倉1樓101號舖
繼續閱讀
中環大館內擁有10年歷史嘅香港元祖級第一代speakeasy隱藏酒吧!由中央走住大館里再走過11&12大樓左轉上一層長樓梯見到C倉13座牌推入玻璃門就到.見到一道漆黑色大門唔好猶豫,真直接㩒門鐘就會進入001 bar.門內嘅001吧好似走進另一個世界咁,寧靜舒服,帶住慢活氣息.最值得一提係0p1 bar每賣出一杯酒就會捐贈$50予愛護動物協會,令品嚐佢地特色cocktail變得更有意義.每晚5-8pm仲有welcome snack!EARL GREY MARTEANI 店內最iconic嘅signature cocktail以Earl Grey-infused Gin 配搭檸檬。糖。蛋白入口清新又帶絲滑感 同時充滿伯爵茶獨特柑橘香氣LOVE POTION好適合愛口味較strong嘅我帶住朱古力及泰茶香 但又帶點微清爽感杯邊加上辣椒粉作點綴 令味道更有層次001 SLIDERS迷你但極足料嘅burger 充滿肉汁嘅牛肉漢堡再配上半溶車打芝士。生菜。蕃茄簡單但滿足DUCK BREAST WITH CAULIFLOWER RICE 估唔到001 bar food menu內小食同主食都咁出色鴨胸好嫩腍而且juicy椰菜花飯充滿香料香氣 健康但不單調CRAB TART WITH WHITE WINE JELLY滿滿蟹肉嘅蟹肉撻 配上白酒啫哩味道鮮甜又清新GOLDEN SEARED FOIE GRAS ON CIABATTA大片鵝肝配上意大利拖鞋麵包多士鵝肝前得金黃充滿油香 滿足
繼續閱讀
「如果⋯要我喺呢個大館監倉加上一個刑期，我希望會係一萬年⋯」今日俾小編發現咗大館入面有一間非常隱蔽嘅酒吧，佢出面睇入去係一個監倉咁，但只要你撳鐘仔就會有人開門。然後發現入面簡直係另一個世界，係一間非常有格調嘅酒吧。001 其實係本地元老級隱藏酒吧，屹立喺中環嘉咸街多年，有唔少忠實擁躉。近排搬遷咗去活化大館，隱藏喺前監獄長樓及 C 倉嘅一道神秘門後，只要你願意踏出一步，入去一定充滿驚喜。入面環境比較黑，每張枱可能只有一個細細嘅枱燈，折射出星光般嘅光線，非常有情調。最光嘅地方莫過於調酒師後面嘅酒櫃，成行成列嘅酒，標誌着佢哋歷史同多元化嘅選擇。調酒師亦都喺呢度嘅標誌之一，除咗餐牌嘅選擇，你亦都可以講你嘅要求，佢可以創造出唔同嘅飲品。我哋就試咗佢哋新舊鋪嘅標誌性Cocktail。Earl Grey MartiniEARL GREY-INFUSED GIN | LEMON | SUGAR |EGG WHITE酒香裡透出伯爵茶嘅清雅，入口有泡沫層輕輕包住，味道清新、茶香突出，飲落微甜又唔膩，夏天飲超爽。整體來講，夠特別、唔易醉，好容易一飲愛上！Spicy Osman HighballTEA CHEÂTEAU OSMANTHUS OOLONG | LOS ARCOS TEQUILA | GRAPEFRUIT | YUZU JAM |CITRUS HOT SAUCE | LIME | SODA調酒師喺杯邊到整咗啲鹽，所以會先感受到少少鹹味，之後會飲到柑橘嘅清新果酸，餘韻慢慢滲出桂花烏龍嘅香氣。成杯cocktail感覺好清新，層好豐富，酒感亦都唔會太重。Welcome Snacks而家五至八點都會送welcome snacks，係煙三文魚多士同雞皮餃子。本身對送嘅食物都冇乜期待，但三文魚多士確實有驚喜，因為佢仲額外加咗cream cheese，奶香同煙熏味非常之夾。雞皮餃子味道唔算好特別，但勝在即叫即整，雞皮外脆餡料內軟，送酒一流。Grilled cheese sandwich 呢個三文治看似簡單，但係其實隱藏着佢哋對食物嘅要求同細緻。麵包先煎後焗，為求令佢嘅質地可以外脆內軟，入面選用咗gruyere cheese，份量大方，可以瘋狂拉絲，鹹香味十足。Slow cooked Duck Breast Cauliflower rice店員又講到明佢哋嘅椰菜花飯係自己刨出嚟，口感比我之前食過嘅更加細緻同均勻。而且經過蘑菇同蒜炒過，完全去除咗浸草青味，仲幾惹味。鴨胸經慢煮，肉質非常軟腍。會食到佢經唔同香料醃製，有種五香嘅感覺，最後仲有少少橙皮嘅清新。一間酒吧嘅主食，估唔到都咁有驚喜。Buffalo Wings水牛城雞翼，據說都係佢哋之前舖頭嘅招牌菜，雞翼大大隻，醬汁比較辣，酸度冇咁高。如果怕太辣，可以配佢哋嘅藍芝士醬，多咗陣發酵、牛奶同鹹香嘅味道，令到成件事冇咁刺激，層次仲豐富咗。
繼續閱讀
今次去左呢間位於大館一個相當隱蔽位置(要穿過Dragonfly), 因為冇得卜既關係, 所去到都要排大概30分鐘先入到去🙃 因為入面既位唔多, 所以我地入到去都要係企位一陣先有得坐, 不過呢度既雞尾酒都幾特別既😚EARL GREY MARTEANI 🍸 ($158)用左伯爵茶入饌Gin酒既呢杯雞尾酒茶味幾突出清爽, 再加入檸檬, 糖, 蛋白, 酸酸地幾易入口😎GUADALUPE🫧 ($158)Los Siete Misterios Mezcal加入石榴, 西柚, 可爾必思, 味道酸酸地帶點西柚既香氣幾特別, 酒底都幾濃郁😙WHAT WE DO IN THE SHADOWS🍵 ($158)蘇格蘭威士忌做基底配上抹茶兩者好夾, 完美融入彼此, 但係又冇影響到大家既原味😍呢度雖然隱蔽, 但係都無阻大家黎潮聖, 不過如果要排太耐我又覺得唔值得, 始終排隊個位都係幾熱🥵
繼續閱讀
星期六同朋友慶祝生日，食完飯喺附近所以走來大管，要問咗幾個保安先搵到入口😅一入到去職員都同我地講限時90分鐘 ，都搵左咁耐同埋見冇乜人所以都照入去Total 叫咗三杯Cocktail + Springbank 8YO neatSmoked Nernogi Corpse Reviver No.2 Trinity Old Fashioned 叫完第二杯冇幾耐就有職員走來同我地講時間差唔多 ，跟住隔咗好短時間就比張單我地冇幾耐又有職員好禮貌地同我地講時間差唔多，杯嘢飲都仲未飲晒，我地起身走人（ 21:40坐低- 23:03就走咗 都唔算錯過咗鐘啦 ） 佢地仲話下次平日嚟到就唔會限時 😅 平日要返工都係星期五六先出嚟飲吓嘢輕鬆吓啫 飲酒都限時坐得冇咁舒服 仲要嗰日咁啱後面兩台客好嘈，勁大聲講嘢同大笑😅 裝修係幾靚 ，但野飲普通，朋友仲話個廁所好污糟🤮，搞到我唔敢去 所以唔會再有下次
繼續閱讀