龍門樓 - 志蓮素齋

營業中

休息中

一行八人食生日宴選了食志蓮素齋，已經是第四次來這裡食齋，覺得服務質素好左，7:30pm入座時還有好多人，先來拼盤開胃菜都幾，最喜愛菠蘿咕嚕麥纖和銀棯醬茄子，賣相出色和好味道，其他各樣菜都不過不失，特別是甜品都👍🏻👍🏻👍🏻，每個人平均消費要$150，但不用茶錢和加一服務費，大家不妨試試！

今日有朋自遠方來... 到新蒲崗探我, 我當然一心想搵個雅緻啲嘅地方同佢食lunch啦， 苦思之下，決定去志蓮淨苑內嘅龍門樓， 聽個名就覺得佢應該係高級野， 而且最近食左咁多肥膩野， 承機食下素清下腸胃先😁。其實我係第一次嚟志蓮淨苑，原來真係好靚喎， 唔怪之得之前成日聽啲龍友入去影相啦。佢成個庭園嘅設計好日式， 有一下以為自己返左我家鄉京都添呀！難得有機會， 所以我就食完飯自己抽左少少時間逛左一圈😊嚟到志蓮素齋呢間高級素菜館有咩食呢🤔！不過跟住高層又使咩擔心呢，實有好野食嘅。坐低先嚟個菊香西藏金頂菇燉湯潤一潤喉先， 金頂菇本身香味濃郁又鮮甜，質感爽脆含豐富食用纖維，加埋腰果， 個素湯鮮味無比😋。之後嚟個三小碟：醬燒菌、甘香扎蹄、紫甘藍醋粉皮， 前兩款做得不油不膩，而個粉皮用左甘藍醋，酸酸甜甜咁有啲似柚子鮮味，我好鍾意呀！翡翠百福袋，顧名思意，我同高層朋友都要賺多啲💰賺多啲💰呀😁🤣，食到尾段點左個主食豉油皇炒麵， 點知竟然係全餐最強差人意嘅一味，佢仲要係廚師推介添噃🙄，好彩個甜品腰果桃膠露，同招牌陳皮紅豆沙都好好味啫，唔係就唔夠完滿喇！唔記得講，菜館有兩個大窗，窗外有水車瀑布景， 超正架

朋友話想食清淡少少，咁就不如食齋啦。上網搵咗好多齋舖，最後揀咗志蓮淨苑，貪佢環境寧靜舒適 ，感覺特別啲，別有一番風味。要預早訂座，六點鐘入座，限食個半鐘。我哋叫咗個二人餐，有七道餸同埋一個甜品都幾豐富呀酥炸丹松拼酥炸海苔卷田蔬百合鮮黃耳鳳眼果赤膠耳花菜菌煲珍菌百寶羹香麻羊肚耳青瓜花苗松露芙蓉扎芝士橄欖醬白靈菇陳皮松茸菌蒸飯香麻海苔麵筋整體上每道菜嘅味道都唔錯，二人分量其實係非常多，三個人食二人餐絕對冇問題！

一个話要食素立即諗起鑽石山一出mtr就到嘅呢間公園內的素食店。。。開初，有啲擔心好貴，因為星期六預佢冇set lunch！始終只係食晏，唔係預好多budget食好豪。。。點知去到，原來假日都有set食！不過係限量！好彩我地佢剛開門就去到🤣 真係早起雀仔有嘢食！兩種，$120/$150 per head分別四道或五道菜唔好以為set就質素差，整定哂。。。出來上菜時都熱都暖的。。。。最緊要係雖然兩个人都要三百几食得飽！但真係好味！一d都唔覺食素dry！食完，明飯都唔洗點食😂

今天四人在志蓮浄苑閑遊，中午在南園蓮池食齋，指定每位$120的中午套餐。這裡地方整潔，員工人手足夠！坐位也算舒適！上菜，先來一碗明火靚湯，內容有地衣，腐竹，淆成，頗鮮甜！再來是節瓜炆赤膠耳，味道很清很淡，而且份量真的不多，好像兩人份量給我們四人用！跟著上來是酥炸黃油菌也不知是什麼來的，送進口便是，炸一團粉包著一枝什麼菇菌，淡味，賣相欠佳，個人不喜歡這個菜！再來是三絲腐皮卷，這個菜比較啱我一些，有些鮮甜口感，每人有兩個，算夠份量！外觀也頗精美吸引！其實也像酒樓的點心鮮竹卷，不過這裡吃的是素！再上來是七彩孢子菌有芽菜作主配以蟲草花，唐芹菜，青紅西椒絲等等炒埋一碟，都算好味！每人一碗白飯或清粥！清清淡淡，平時常吃葷，今次可算簡單而健康的素材午餐！

食得肉多間中也需要吃點素食🤣🤣今日同朋友去了志蓮淨苑的志蓮素齋吃過午餐😁😁我們兩人來一個四季平安套餐套餐內有Today's Soup 蓮藕花生湯，湯得清甜。餸方面以菇類為主， 蔬菜很新鮮，麥纖當作咕嚕肉 味道很入味，而且與真肉味道很相似🍗， 🍍菠蘿多超甜。飯裡加上粗米更健康，甜品是時令水果，水果都非常新鮮。整體上四餸一湯，飯或粥任君選擇，甜品為時令生果，價錢略為貴了一點，但其實素食都可以好精彩。😉😉

相約媽媽行下志蓮淨苑， 中午到龍門樓食齋！ 今次好幸運唔使等位一入到去就安排了座位給我們 今次我哋叫咗五福拼盤， 松露忌廉燴手擀麵， 酥炸海苔卷， 酥炸芝士卷， 蓮蓉壽桃。五福拼盤入面有紅菜頭沙律，醬燒麵筋，麻辣青瓜花苗，柚子醋粉皮，醬燒菌。 我最鍾意紅菜頭沙律同埋麻辣青瓜花苗， 紅菜頭沙律入口好清新， 麻辣青瓜有少少辣味， 入口爽脆酥炸海苔卷 & 酥炸芝士卷， 香口鬆脆而不油膩！松露忌廉燴手擀麵， 好香松露嘅味道配合埋忌廉好creamy我們叫了蓮蓉壽桃做甜品， 蓮蓉餡好香不算太甜， 細細個啱啱好

大概十日前(5月7日)嚟過龍門樓食嘢，當時覺得食物都唔錯、幾好食， 所以就決定訂(5月19日)下午1:30同其他外國回來嘅親戚一齊嚟食飯。 龍滿樓整間只係得一張大枱， 所以我哋當日食完即刻就訂咗位， 驚遲啲定位就冇咗張大枱。 但係到5月19日當日， 1點20分所謂嘅女經理就突然打電話嚟話:「我哋幫你哋轉咗兩張枱坐。」 我當時真係非常憤怒、驚訝， 我覺得點解明明我哋早啲訂做就喺驚冇咗張大枱，點解個女經理突然間可以自把自為將我哋分成兩張枱。我同個經理喺電話理論，佢仲話:「 當日(5月7日)個同事同你哋講話有張大枱， 個同事唔係我嚟㗎喎， 唔關我事。」 我直情超燥底，我同佢講:「我而家係講緊你間公司，唔係針對今日係邊個員工！」我叫佢點都要畀番返張大枱畀我， 經理最尾都有比返張大枱畀我，但係我哋一上到去，佢就比面色我哋睇😠😡仲要串串貢咁同我哋講嘢！一大班人去食飯梗係想要張大合照 但係唔知個經理係咪不妥我哋，佢同我哋講話呢度唔畀影團體相，話係法師嘅規矩但係轉頭隔離枱又係一大班人喺裏面影團體相 個經理又冇叫佢哋唔畀影相喎， 唔知閃咗去邊。隔離枱影團體相一次仲要不停咁旭嚟旭去我哋柜只係擺一個360

一行十四人 為外國回來嘅親戚送行 因家人有人食素 就揀左呢度⋯ 點知食到一肚氣！👎🏼👎🏼👎🏼訂枱： 因為知道大枱唔多 一早book 定 居然到當日 十分鐘前才通知要分開兩張枱 我地當然唔接受 最後又話有大枱 上到去 一位黑衫嘅經理已經俾面色我地睇 又拋下一句「你鍾意喇」乜野我鍾意喇 我訂左枱 係你無端端改我個booking!🤬🤬食：食物大部分都好油同咸 不太適合老人家 分量少 比較好嘅只有豉油王炒麵⋯⋯ 😡價錢： 貴 每位最低消費$120 以咁嘅食物質素同服務 絕對唔值！呢度可以話只啱遊客去俾佢劏！👎🏼👎🏼👎🏼題外話：因為係family gathering影合照係必然嘅事 又係果位黑衫「經理」居然喝止我地影相 話唔可以 話「法師」唔俾 我問邊度寫唔俾影 佢話樓下有寫 當時已經一肚火 無再同佢糾纏 只想盡快食完走人⋯ 但係我想話 二樓無貼唔俾影相嘅告示 只有地下餐廳一層先有囉⋯ 😡🤬

姐妹約食飯終於有d新主意了，這間素菜餐廳，位於志蓮淨苑的公園裏面，要行得幾入下，園裡面很寧靜，果然係佛門清淨地。我地今次人數不少，所以點左幾多野下。首先來個五福拼盤， 包括紅菜頭沙律，醬燒菌，醬燒麵根，柚子醋粉皮，麻辣青瓜花苗， 當中最突出既係麻辣青瓜花苗，少少芥辣味青瓜苗幼得來好爽脆； 紅菜頭沙律口感好得意，紅菜頭切得很細， 加埋d醬好creamy；柚子醋粉皮酸酸的，只係粉皮比較容易斷，醬燒菌和醬燒麵根也不錯。由於帶左兩個小朋友，所以叫左兩個飽肚既松露忌廉燴手擀麵，一上台就聞到濃濃的松露味， 手擀麵厚度剛剛好，做法好似西式義大利麵，小朋友好鍾意食。珍菌八寶羹，好似碗仔翅做法， d菌好爽口。酥炸海苔丹松， 應該都係一種菌類，酥炸皮很薄，丹松不太多水，點埋黑醋一起食，好開胃，小朋友追住食。菠蘿咕嚕花菜菌， 酸酸甜甜的，又係仿咕嚕肉做法。仲叫埋個蓮蓉壽包，蓮蓉餡不甜，包很韌，好食飲品也很特別，紫薇吐豔係由士多啤梨，香蕉，乳酪混合打成，顏色好pink, 味道酸酸的，不太稀，好飲夕照丹霞係由甘筍，蘋果，橙混合，很清甜。柑橘青檸特飲，就是蘇打類飲品，幾fresh.尼一餐新牌特色素菜，好清新，下次

齋菜味道和室內環境都很不錯。設在人工瀑布後面，齋菜不油味道剛剛好，追求三低人士的好地方，普洱茶亦非常清純。今次主要推介三味:<五福拼盤>分別有紅菜頭沙律、醬燒菌、醬燒麵根、柚子醋粉皮及麻辣青瓜花苗紅菜頭沙律為健康之首|醬燒菌吸晒醬汁的味又香又好咬|柚子醋粉皮為醒胃之作|麻辣青瓜花苗中的微辣微麻加上芝麻油香。 一定要食!<翡翠百福袋>裡面盛了多種切得幼細的菇，配上蠔油汁，清淡不失有味道。<腰果桃膠露>是不錯的甜品，香而不過甜。

Great food, great setting, I wish it was closer to my home. If you think vegan food is bland, I highly recommend you visit this place to change your mind. I’ve been there several times already and was always very impressed with the quality of food, its presentation, and the taste. They use very little spices and condiments, working with the taste of the ingredients to wow your senses. I will be back soon!

跟母亲做大寿，早早订了龙门楼，选了这个500元1位的套餐。价格稍贵但是味道很好，算是物有所值的。冷盘：香芒粉皮沙律，椰糖鲜百合（百合应该是稍为过一下水就用椰糖来凉拌，口感及味道都很新鲜），孜然脆粒（鲍珍菇），胡麻酱赤胶菌香草坚果将茄子，碧映香丝菌（小黄瓜）1，摩利菌炖汤，羊肚菌，杞子，桂圆肉，腰果，炖出来的汤非常鲜甜👍2，黄耳珍宝煲，大斋煲，云耳黄耳，甜竹，花菜3，芝士蘑菇卷 拼 玲珑八宝卷4，旭日初升，红椒汁焗豆腐，非常滚烫由焗炉拿出来，红色的红椒汁很香红，辣椒的味道5，碧绿单枞羊兔耳，碧绿-鲜榨菜，单枞菌清香无比，羊兔耳，所有好味道都渗在其中，炖得非常腍。6，红杞蒸寿球菌，放了很多姜丝去蒸，好味7，香草石菌备长炭麵，红椒黄椒青椒，一些鲜菌炆日本备长炭面，面很乾身味道一流👍8，麒麟金甲，杏鲍菇夹著青红椒来蒸，酸甜口味，很爽口。9，百子千孙，一个大寿桃裏面盖着很多小寿桃，寓意吉祥，百子千孙糖水：30年陈皮红豆沙，陈皮味道不浓甜品：莲蓉酥，南瓜布甸，布甸味道非常不错。服务方面，开始稍有不如意，反映后有改善，主要是第一个服务员十回九不知，只是识笑，无语。口渴指数:2级~（口喝指数，由一级到

由鑽石山廣塲步行不用5分鐘，可直達志蓮淨苑，苑內難找到一所素食店。一坐下先來一壺熱茶，清清腸胃。細看店內，有很多不同國藉的人也是座上客，看來這店有它吸引之處。下午茶開始，點了金菇素苗餃，只得3隻，價錢要$35。但皮薄有口感，內有菜和筍絲。再點了一碟松菌炆燒伊麵，賣相似一般酒家，沒有特别，味道一般，但價錢則貴得要命$98，這是非一般下午茶。餐牌內還有其他食物及飲品可供選擇，飲品橙汁需加$25。雖然價錢昂貴，但環境清幽，不妨找三五知已在此作聚腳點吧

我個人印象中香港嘅素食都係停留在7、80 年代逢初一、十五去齋舖食碟”油淋淋”嘅羅漢齋炒麵果種膚淺嘅想法，因為朋友圈子大都是食肉獸一族，平時茹素係天荒夜談。。。 但隨著年齡嘅增長，越來越覺得需要小肉多菜嚟保持身體健健康康。。。經茹素嘅朋友介紹、這𥚃食物主張低油、鹽、糖、無味精、低膽固醇的烹調方法，非常適合平常小菜多肉嘅香港人，讓身體可以休息一下。～ 田蔬百合鮮黃耳鮮黃耳含豐富果膠、再配合瓜段、鮮百合等配料的一個小炒。入口爽脆清新又夠熱，好味道！～ 香煎蘿葡糕個人覺得油咗小小同無一D蘿葡味都沒有。。。希望師傅可以花些功夫做得好DD ～ 一般。。。～ 麵醬紫蘇炆香芋煲芋頭非常之”粉”滑、小量麵醬加上南乳汁同紫蘇嘅芡汁出奇地夾，送白飯妙品 ～ 好味道！～ 腰果桃膠露小小甜、有腰果嘅幽香、糊身夠滑~ 可以！2 個人胃量不多，期待下次再試其它嘅菜式！