龍門樓 - 志蓮素齋

營業中

休息中

去得志蓮靜苑行程一定係拜佛食齋啦🤣今日帶老爺奶奶一齊參觀下志蓮靜苑佢哋開心到不得了😎龍門樓窗邊位睇到瀑布㗎真係有環境有質素🤓牛肝菌炒飯：好香口 粒粒分明鹽焗竹根：味道偏咸 要送飯 第一次食竹根🤪香酥脆奶卷：呢味好食🤤甜甜哋鮮茨實煮南瓜淮山：奶奶好鍾意食鮮茨實 真係幾彈牙都係第一次食鳳眼果赤膠花菜菌煲：鳳眼果都係第一次食似食緊栗子 🌰 又唔錯喎松露忌廉燴手擀麵：多汁 好香黑松露味～麵條似刀削麵一定一定要訂枱呀！多人到爆6個人食$900幾蚊唔錯啦🤪注意：入座1小15分就要還枱執枱好積極 食得會比較急

位於志蓮淨苑內，樓高3層，是一間全素食的茶室。朋友說這裡有好些街外比較難找到的食材，當然要試下。這個香麻羊肚耳青瓜花苗就是其一，羊肚耳和青瓜花苗都未食過，羊肚耳有點似雲耳，很爽口，青瓜花苗也是鮮嫩，加上少少麻味，是很好的一道前菜。.香煎蘿蔔糕都一定要食，雖然沒有臘肉，但味道更清新，比一般酒樓出品的更精彩。.另外點了腰仁三菇粥和酥炸海苔卷，外表普通所以忘了影相，不過都是很出色的。.香港好味的素食中菜餐廳不多，這間是要 bookmark 再來訪的❤️

屋企人生日想搵一個地方靜靜哋食晚飯，而且唔太多人最後決定食齋咁選擇就收窄咗好多啦你因為基本上如果喺九龍區食齋嘅話，我哋都會選擇去鑽石山。因為呢度又方便泊車，又近荷里活商場。今日三個大人嗌咗一湯、四餸、一個甜品。埋單大概三百幾蚊一位雖然價錢有少少貴，但係坐得舒服又好食。特別推介就係今次第一次食嘅薑醋，雖然入邊只係番薯加薑加醋，但係真係好似食緊人地生仔派嘅薑醋咁而且仍然都係覺得佢嘅小黃瓜🥒前菜好好食，真係好想自己買返屋企食。黑松露炒飯就比較炒的乾身同硬，如果鍾意食淋啲嘅飯嘅人可能就未必咁好食。我食完都有少少胃痛。如果老人家嘅話可能都係叫粥食會好啲。

自從第一次去南蓮園池,就覺得佢嘅齋店好靚,因為外面會見到大瀑布~另一半想食齋,所以今年就同佢嚟呢度試下🎂不過嚟到好可惜,因為園入面好多地方都圍起晒維修緊🚧…連呢度外邊嘅水車同瀑布都係!😭😭😭因為有幾款小食都想試,所以點咗呢個五福拼盤~入面有紅菜頭沙律,醬燒菌,紫甘藍醋粉皮,風味碧玉,香麻海苔麵根,我最鍾意係個粉皮同埋青瓜花🏵粉皮一入口嘅感覺有啲奇特,酸酸地又有啲陳皮嘅甘味,但食多幾片就停唔到口😂而呢個小小嘅青瓜花真係好特別🥒,食落有少少麻麻地嘅感覺,好有趣嘅口感~酥炸海苔卷係喜歡炸物嘅朋友必試,炸粉比較薄,而入面有啲蔬菜餡🥕可以叫半例係隱藏menu的,本來諗住八件太多唔想叫,但有四件裝就試下啦!香煎蘿蔔糕係我覺得最一般嘅菜式,比較油得嚟又太nup,唔係煎得香脆嘅感覺~一向都喜歡食伊麵,呢個松菌炆燒伊麵唔油,而且超多菇菌🍄🍄!佢嘅菇類都好香,唔係平時食到有口感無味道嘅貨色~佢呢度仲有個松菌menu,佢啲菌類湯真係好吸引,下次有機會一定要試下~平時去飲茶都好喜歡點薑汁黑糖千層糕,呢度嘅千層糕又係比較nup身,平時啲千層糕可以好輕易搣開一層層,但呢個比較難分開...但係薑汁味超濃,如果怕辣嘅

舞茸蒸飯：面頭淡黃色一粒粒正方形嗰啲係腐乳， 幾特別，又唔會好咸，唔係平時係超市買到的腐乳嘅味道。味道適中剛好，淡淡地反而可以吃到食材本身的原汁原味。加上有啲薑絲，增添香氣又能驅寒。舞茸份量好多，飯都多 食哂成碗好飽。

大家去之前記得要打電話去餐廳預約，因為都幾多人去食㗎，白行一趟就唔好啦。菠羅咕嚕麥纖：決定叫呢個餸之前，心想菠蘿咕嚕應該都冇咩特別，都是咕嚕的味道。餸到了後，食咗第一啖麥纖，反應係眼前一亮、增大咗對眼。 估唔到可以咁突出，麥纖口感好豐富，外脆內軟，完全好似食緊咕嚕肉咁。醬汁無論杰度和味道都做得剛好，食到最後都不會覺得好滯 吃不下去，食完個人係好舒服嘅飽。紅豆沙：不得了！真係好沙，一流，好耐冇食過咁好質素嘅紅豆沙。甜度又適宜，唔會過甜 不漏，食晒成碗冇難度。

A great place for small group (2-4) of veggie lovers to gather and taste the cuisine.  I tried their lucky veggie snack Plata, Fried egg with truffles, Turnip cake, spicy mushroom, veggie dumplings and strawberry milkshake. The taste are very nice. The price is relatively high.

平時同朋友會上大佛到食素，但前排比較曬就避免去山上直晒又少冷氣嘅地方。剛好搵到市區都有好靚嘅地方同素食，大家住係九龍咁多年都未去過，梗係要去行下啦。.去嘅時候南蓮園池同水車都保固維修工程中，無辦法欣賞到，整體外部環境都好清幽。當日係平日約12:15左右去到，唔洗等就入座。其實我第一次黎，真係唔好當我知規矩，洗唔洗拎飛其實都可以講聲，同埋唔好當人知間舖點樣掃code，入座時明顯啲員工嘅禮貌同態度欠奉。.內部環境日系雅致，聲浪略大。我地坐近門口，但位置都依然感覺舒適。.先點多人推介嘅五福拼盤（細），BB青瓜特別好食開胃，微微花椒紅油，唔食辣嘅都一樣啱食；紅菜頭沙律營養豐富，味道剛好，汁醬唔會過多；醋粉皮唔會太酸，清爽開胃；最後菇菌同麵筋就相比之下略為失色，無咁開胃，但整體味道都唔錯。.朋友居然話好耐無食蘿蔔糕。素嘅蘿蔔糕我真係少食，平時多數有臘味調味就偏咸甜。佢呢個蘿蔔糕係食得出清甜，唔會太重口，唔算多油，又唔太膩，幾好。.另一推介菜式係菠蘿咕嚕麥纖，食落絕對有驚喜！酸甜適中，偏甜多一點，開胃好食，麥纖有咬口，又香，比起平時肉食係更加驚艷。.其實仲細嘅石菌炒飯，不過忘記影相。石菌炒飯啲飯都

那天星期日，跟兩位好姊妹，我們一行3人走到鑽石山南蓮園池 <龍門樓 - 志蓮素齋> 食午餐！這裡佔地兩層，由於電話訂枱 full booking， 中午 12:00 開，她們二人先到步等位！我們被安排到2樓！入座起計 1小時15分鐘每人最低消費 $120不設加一服務費及茶錢以綠油油的環境下享用中菜，的確令人心曠神怡！陳皮陳村粉 $75本身陳村粉加入惹味油潤的欖菜及豉油，令淡而無味的陳村粉大大提升口味；加入陳皮，多一種獨特的甘味，未必人人可以接受！ 我覺得兩者都夾得來！是日靚湯：冬瓜豆腐湯 $25有熟透至半透明狀態的冬瓜粒、嫩滑的豆腐粒...等，湯水整體口味清淡！

環境 ❙ 堅靚 成個志蓮淨苑可以俾你影兩輯寫真集😆餐廳外面有個瀑布場景 夜晚去睇唔到啲乜 但日頭去一定超級靚 所以我建議可以坐window sit💕服務 ❙ 職員多 唔會扮睇你唔到 不過事緣我地第二次order等左半個幾鐘都未有 所以吹吹單 點知職員話截左單 但我地半個幾鐘前落架喎？😅最後擾攘左一陣 有位職員承認落漏我地張單 btw 職員態度都有善✐ ✎ ✐ ✎ ✐ ✎ ✐ ✎⍥ 五福拼盤（小）😋最好食係紅菜頭沙律、醬燒菌、香麻海苔麵筋、風味碧玉。其次係紫甘藍醋粉皮比較普通，總體我地都好喜歡呢個拼盤🤤推～⍥ 鹽焗竹根賣相同茄子有九成似😅原來係竹根，偏薯既質地，同茄子口感差天共地，要ko一碗飯係無難度，我就嫌佢重口味又油左啲😕⍥ 酥炸栗香南瓜拼酥炸海苔卷好似成碟蟲咁😂熱辣辣炸起，香脆又鬆化，腰果形果個係南瓜食起上黎似天婦羅🤣海苔卷似腐皮卷岩我多啲，有得雙拼就岩晒貪心既小豬，即係我🥹⍥ 松菌炆燒伊麵呢個伊麵好食！！菇菇、芽菜、紅蘿蔔絲配料絕不吝嗇，炒得好香唔太油🤪我食左好多呀！！⍥ 腰果桃膠露云云堅果中，我最愛就係腰果😙無得唔試啦～陣陣腰果香，以我理解 露 應該偏杰身，而呢到就偏稀

未食已經cancel booking.痴線 confirm booking都可以奪命追魂call打3次冇聽都仲係咁打，瞓緊覺都比佢摷醒，識唔識留vm? 打黎粗聲粗氣咁好似怪緊你做乜唔聽電話「呢到餐廳打黎！」 即刻cut佢線，然後再打黎「呢到餐廳打黎！」餐廳打黎係上帝唔通？態度未去食已經咁差，服務質素就更加唔想知！

上個月黎食完一次 覺得佢的陳皮普洱茶好正 所以今日同屋企人又諗住食多次 點知今次就出事！ 今次一行八人星期日食 餐廳俾左1 樓用廳區整體野食質素冇咩問題 薑汁千層糕都幾好食 薑味甚濃但係點解 飲黎飲去都飲唔到招牌陳皮普洱茶 於是問下侍應 點知態度勁一般 話淨係地下個層先有 對於點解唔供應埋一樓係冇解釋 一句唔清楚就打發 再查詢就回答冇人手落樓下拎 但其實當時一樓只有4 圍枱的人客 員工亦都冇好忙的情況出現如果係本住想飲陳皮普洱茶的朋友預約時候都係記得要book坐地下 同埋預左要接受一般服務態度 以人均二百蚊一個人黎講 有待商榷

又貴又唔好食，啲阿姐又惡，啲人個個燥底， 問少少嘢就立即罵人，難食到爆完全不值這個價錢。 啲嘢食上得又慢，坐位又逼又窄,食物水平跟我在茶餐廳吃的素菜一模一樣， 但價錢就貴好幾倍， 所以我覺得一生人吃一次就夠了！

平日工作壓力大，今次就同男友帶埋媽媽去志蓮淨園洗滌下心靈，食下齋素放鬆下心情(影下相咁)咁大個人第一次食齋，上網見食評都唔錯，但衰在服務態度太差，都真係冇講錯既，真係差😂一日分幾個時段入場，我地book左12:00pm，未夠鐘已經有人係出面排緊隊，準時放人入場～設有最低消費$120.我地叫左一個是日套餐＋兩個單點。由於本人對齋菜完全冇認識，食左D咩都唔係太知，所以覺得好有趣，對食物又多左認識。以前覺得食齋會好多油，但呢度全部食物都偏清淡同少油，而且用料都好特別，都係個新嘗試身為食肉獸既我當然唔會食第二次啦，不過今次醉翁之意不在食，主要同媽媽閒遊一下，瀑布底下午餐，望下花草美景，掃走負能量

志蓮淨苑同荷里活商場只係一條馬路之隔，所以交通好方便，幾步既路程就可以遠離市區，今次嗌左個2人set同埋一碟小菜同點心，嗌set就可以試多啲唔同既小菜。🐒精選二人套餐B 💰$600❎是日素羹✅松露芙蓉(炸黑松露腐皮卷)✅香麻青瓜苗羊肚耳✅千絲黃油卷拼香酥脆鮮奶✅松仁子蘿球莖(咕嚕菇球🤣)❎牛油香草窩灼座頭菇❎藜麥松露露荀炒飯👉🏻因為都好多樣，所以就咁用✅❎表示推薦程度啦，野食味道普遍偏淡，食物質素都一般，試過就夠。🐒藕藤榆耳💰$98係除左松仁子蘿球莖(咕嚕菇球)外我最鍾意既一味，好特別既一款菜(爽口既)，都有少少酸既涼拌，好開胃。🐒金菇菜苗餃💰$43應該求其一間酒樓好食過佢….🤣。如果遠離煩囂，但又唔想去到好遠嘅話，我都推薦大家可以黎志蓮淨苑呢度洗滌一下自己既心靈，但食物方面就見仁見智啦😇