龍門樓 - 志蓮素齋

營業中

休息中

若要到龍門樓吃點素菜，必須經過南蓮園池，園池在不同時間都散發着不同的禪意。今天我倆在黃昏後到龍門樓晚飯，當踏進南蓮園池已感到寧靜和清涼，加上園林建築和燈光效果，令人心情愉快。慢步若10分鐘已到達龍門樓，可能在晚上七點前，仍有數張飯桌可供選擇。我們坐下來，店員便奉上陳皮普洱茶，茶味香濃，一般食肆供應的茶很難媲美。我們點選舞茸蒸飯、甘香扎蹄、菠蘿咕嚕麥纖，飯後加一客薑汁黑糖千層糕。每道菜都相隔一段時間，我們可以慢慢品嘗之餘，也可以細心感受四周環境，傾吓偈。我們非常滿意店員的殷勤服務態度，同時亦影響我們對食物的好壞判斷。以人均消費$150算是合理。食物中規中矩。我倆都滿意今晚的晚飯。菠蘿咕嚕麥纖選用新鮮菠蘿，加上酸甜咕嚕汁，開胃😄甘香扎蹄味淡，容易咀嚼。熱騰騰的舞茸蒸飯，加上舞茸的獨特香味，也不錯。飯後甜品薑汁黑糖千層糕的薑汁略多，有點過辣，甜味適中。

朋友提議喺呢度晚膳。2023年年頭試過午市嚟，都好似係同一個餐牌，菜式不變。夜晚嚟人跡罕至，清靜💆🏻，酒樓入面的食客亦唔會大聲高談闊論，係一個幾舒適的聚餐地點。點咗五福拼盤（中），是日靚火例湯-西洋菜湯），主食有猴頭菇芋頭煲、菠蘿咕嚕麥纖、福果赤膠花菜菌煲，另外有上海菜雲吞（6隻），甜品係壽包同腰果桃膠露。五福拼盤（中）🍱：有齊5款前菜，份量一般，比較有印象係紅菜頭沙律，原型食物，亦幾清新西洋菜湯🥣：湯料（西洋菜、腰果）都多，冇味精，唔鹹，似住家湯水猴頭菇芋頭煲🍄：唔係好記得個名，呢個菜唔喺餐牌入面，個煲係南乳底，味道唔會好濃烈，芋頭好腍，猴頭菇就冇乜味，不過不失菠蘿咕嚕麥纖🍍：造型似咕嚕肉，麥纖我唔係好清楚係乜嚟，但我對呢個菜興趣不大，只係試咗作為配菜的醃蘿蔔同菠蘿，有啲重口味福果赤膠花菜菌煲🍲：材料算係豐富，味道一般上海菜雲吞🥟（6隻）：清清哋，幾好食；雲吞幾大隻，有飽肚感，作為替代飯麵的選擇之一，唔錯👍🏻壽包：冇試，但賣相唔錯腰果桃膠露🥄：細碗，腰果露幾滑，但果仁味唔太突出，唔太甜，以中式甜品嚟講，感覺輕怡（而且佢真係好細碗下~），食曬成碗都冇罪惡感

這次是我第一次寫食評，食物味道及質量一般，價錢實在偏貴，按人頭計算最低消費，點餐時沒有跟客人表示，結帳時才跟顧客說，態度平淡的只說一句餐牌有寫，然後表明兩個一米以上兒童按成人計算。湊齊80字。200字才可以差評。

去咗一間素食店，話說佢哋嘅香煎蘿蔔糕真係係一絕，就係呢啲細細啖啖嘅小食。首先我要大讚下蘿蔔糕個香氣，啲蘿蔔糕係鍋中香煎，啲香味真係瞬間填滿整個餐廳。冇錯，一啖入口，我就彷如身處於一個香料的仙境，迷迷糊糊中又唔知被啲什麼神秘嘢包圍。啲素食店真係有佢哋嘅獨門手藝，唔係因為冇肉就冇味，而係因為佢哋嘅用心。啲蘿蔔糕唔單止係素食者嘅選擇，我覺得就算唔食素嘅人一試難忘嘅美味。啲蘿蔔糕表面金黃酥脆，一食落去，脆脆嘅外皮係包著濕潤細緻嘅內餡。成件蘿蔔糕唔會太膩，反而有淡淡清香，食落真係令人心曠神怡。

素齋館，預先預約，每位最低消費$120，午餐時段分兩段時間。12點30分及1點30分。🍍菠蘿咕嚕麥纖（麥纖.鮮菠蘿.酸蘿蔔.青紅椒.糖醋）🌰松露芙蓉扎（鮮竹.黑松露醬）🫚腰仁三菇粥（石菌.舞茸.金菇.蘑菇.薑絲）🥕香煎蘿蔔糕（蘿蔔.冬菇.甘筍.粘米粉）總結：全部齋菜好味道，周邊環境好幽美。

朋友一直介紹這裡的齋菜，還說隨便點哪一樣都好味道，所以今日放工專程來嚐一嚐。由地鐵站走過來也很方便，沿路風景很舒服很清幽，讓疲累的身心可以放空一下，平靜下來。食物果然名不虛傳，就是隨便點也很不錯。1. 菠蘿咕嚕麥纖⭐️⭐️⭐️⭐️ 麥纖口感不俗，幾有咬口！2. 豆腐煲⭐️⭐️⭐️⭐️沒有大驚喜，但是味道是不錯的！3. 雲吞 ⭐️⭐️⭐️⭐️⭐️意料之外的好味，內裏薑粒很吊味，餡配搭不錯！4. 芝士蛋糕⭐️⭐️⭐️味道ok,但個人來說偏甜5. 合桃露桃膠⭐️⭐️⭐️⭐️⭐️點可以整得咁滑？好味道！推介一定會再來！👍🏻👍🏻👍🏻

經常來志蓮淨苑拜佛，有時也會光顧這裡的齋飯。選擇窗邊的位置坐下，可以看到外面的水瀑布，點一些素食小點心或是單人套餐，慢慢的靜下心來，品嚐齋飯的味道，也是一種修行🙏

同朋友們一行4人去左志蓮淨苑食素菜，叫左4人餐好抵食👍🏻想假日黎食就要早啲訂位🤗如意羹一大鍋，4個人食都好夠食😋廚師都好好，切到食物好幼細，口感好好😌炸奶卷好好食，外脆內軟👍🏻炸南瓜香甜好味道

位於南蓮園池裡面有一間好好味嘅素菜館，齋菜非常清淡，但係烹調方法好好，就算係炸嘅食物多唔會油膩!推介蒸飯套餐-是日素羮-丹荔菌蒸飯-時菜菠蘿麵嚕麥纖上湯舞茸浸青瓜苗全部都精心調配，好好味，喺可以不停回訪嘅素菜餐廳。

早前同公司同事一齊去食齋。龍門樓唔單止環境優美，而且嘢食好味，賣相又好好。我哋平時都好少食齋，嚟左之後就改變了對食齋嘅睇法。因為唔單止賣相靚，而且好好食。今次仲係餐廳度身訂造，所以很出色

預約12點食午餐。來到已經人山人海。好在有預約。點了一人套餐。有明火靚湯 、是日前菜。胡椒繡球煮勝瓜-繡球菌嫩滑爽脆，勝瓜清甜爽口冇渣。側耳鮮竹蒸飯-竹筍切粒和飯一起蒸熟，每一口都有竹筍的清香。整個人都refresh 了。另外還選了:松茸砂窩粥- 砂窩粥份量很大，煮得很綿軟滑的。四個人食，每人一小碗。松茸丹荔鮮竹蒸飯-松茸賦予了米飯濃郁的香氣，丹荔的甜味與鮮竹的脆嫩相輔相成，營造出有層次的美味。菌蓉腐皮香煎蘿蔔糕-每一口都有菜料，還有淡淡薑汁味。感受到廚房對每道菜式都是用心製作，一絲不苟。黃油金粉燴豆腐- 豆腐柔軟豐潤，黃油金粉，令這道菜增添華麗感和視覺的吸引力。藕苗炒黃油菌-藕苗爽脆，藕苗是比較少見的食材。配上黃油菌清爽美味且平衡。15年陳皮紅豆沙-每一口都有陳皮香，吃得出是花了時間心思用時間煮，一點也沒取巧。有趣發現，差不多每道菜都有薑。

每次去九龍灣志蓮淨苑…都會去呢一間素食館度食嘢…坦白講，一啲都唔平但係次次都高朋滿座😅😅😅睇餐牌食物食材，雖然係幾精緻…不過真係幾貴以前佢有呢一個嘅素食午餐一人前…起碼有四個小菜仔…雖然細細碟但係都好精緻…但係依家一人錢要$178而且小菜少了好多…我就覺得唔係好抵食所以我決定散叫我叫咗個普通嘅星洲炒米….冇乜特別，不過好大碟另外叫咗一個芝士香草卷…都幾好，味脆卜卜…有起絲添一個人閒閒哋食都要$200 以上架…不過都叫做坐得舒服嘅

位置處於"南蓮園池"内的餐廳"志蓮素齋"，周遭環境一流，沿途行就像被多款特式樹木，小橋流水包圍著，使人心境非常愉悦，更有不小外籍遊客慕名而來--- 五福拼盤 (小) --- $160紅菜頭沙律醬燒菌紫金藍醋粉皮風味碧玉香麻海苔麵根--- 香麻羊肚耳青瓜花苗(半份) --- $68羊肚耳青瓜花苗花椒辣醬--- 地衣牛肝菌白玉炒飯 (半份) --- $98地衣藻牛肝菌白玉菇鲜竹松子白飯--- 自選兩款炸物(每款四件) --- $120左: 酥炸海笞卷腐皮冬菇水根馬蹄海笞右: 香酥奶脆卷麵包牛奶糖

🌷🌷🌷結婚周年慶，一定要食餐好嘅素食來慶祝🎊🎊🎊 仲要地方濶落，客人人數比較少，可以享受一個寧靜晚餐的環境 🌷🌷🌷自從去咗新蒲崗返工，非常開心周圍有咁多素食餐廳。好自然就會揀志蓮素齋之龍門樓😘😘收工行過去，途經黃昏時份嘅志蓮淨園，景色優美怡人，在繁囂鬧市中的綠洲，一舒日間工作的無形壓力 😆😆😆 每棵羅漢松也花上心思及時間做修剪，十分齊整，自然是拍攝熱點 👍🏻👍🏻來到龍門樓，敵不過它的小瀑布設計，好像進入了小山洞中吃晚飯 😄看到其他食評，點咗啲熱門菜式：五福拼盤1）紅菜頭沙律2）醬燒菌3）紫甘藍醋粉皮4）風味碧玉5）香麻海苔麵根合掌瓜紅腰豆湯翡翠百福袋 2件菠蘿咕嚕麥纖香草芝士卷 4件招牌陳皮紅豆沙吃得好開心好滿足😌下次吃啲我喜歡的食物 😆😆

說來慚愧，咁大個女先第一次去志蓮淨苑，但去完就明白點解會係旅遊景點。除咗到佛寺參拜之外，仲可以參觀大型嘅仿唐建築群打卡影相，更加有齋菜食😛不過由於見到志蓮素齋門口貼出請勿拍攝嘅告示，所以入餐廳就冇再影相，只有文字記述～容許我今個Post圖文不符🙈▫️五福拼盤　小$160有紅菜頭沙律、醬燒菌、紫甘藍醋粉皮、風味碧玉同香麻海苔麵根，調味大多係酸微微好開胃，全部都幾好食！最有驚喜係風味碧玉，原來係青瓜苗，第一次食覺得個口感幾得意😳有啲似變咗絲瓜（？！）未食過都值得試吓！▫️酥炸海苔卷拼香草芝士卷　$120雙拼每款各有4件，海苔卷似炸過嘅脆皮腐皮卷，芝士卷口感比較油膩，味道亦淡，冇乜芝士味🫠▫️地衣牛肝菌白玉炒飯　例$148估唔到素炒飯都可以咁香！啲飯粒粒分明，雖然唔算太乾身，但混合松子、菇菌同瓜粒口感豐富，份量亦夠兩個人食😎總結！餐廳環境靜雅，望住出面嘅水車磨坊好似置身水廉洞咁。雖然價錢略貴，但係係洗滌心靈之選，值得嚟參觀時順道一試！⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆喜歡以上内容歡迎到IG👉🏻gowithkaki睇更多分享🫶🏻🫶🏻🫶🏻