龍門樓 - 志蓮素齋

營業中

休息中

服務不知所謂6點坐低，7點開始直接行埋黎叫你食快D，7:10同你講你未夠min charge, 叫你嗌多碟7:13碟餸送到，繼續叫你食快D，話我地張枱景好D，好多人等。(但前提係我地由book枱，到入座都冇話要坐呢張特別靚景枱)7:20已經收碗筷收完筷子先問你仲食唔食，點食？用手食？7:25我地行出餐廳，得2個人等緊一張枱。(咩叫"好多人？)重申：明白要尊重個半鐘還枱原則，條街好多餐廳都係咁，但你咁樣催人食飯....不可一。不可再

想食素茶，南蓮園池內的龍門樓絕對是一好選擇。因為是假期，一早打電話去預約，已經無枱。在荷李活廣場睇完戲，過嚟碰碰運氣，竟然樓上還有一張枱，實在興奮。樓上沒有機會看到水車，但亦窗明几淨，有古畫裝飾，同樣坐得舒服。由於有最低消費，每人$120，我們叫了一個點心，一個餸及麵。金菇菜苗餃（$40）樣子可愛，看似是三條小魚張開口。菜餃的水晶片厚薄適中，不會太厚令人覺得只食到粉團。本來以為齋點心味道是淡淡的，但這個餡料加有金菇丶豆苗及其他蔬菜，還有麻油吊味，不單止食到菜的鮮甜，還很香口，好味。😋😋😋碧玉如意角（$95）是用鮮腐竹包著餡料成一角型，餡料有杏鮑菇丶馬蹄丶西芹丶紅蘿蔔... 等，食落爽口。鮮腐竹皮有很香的豆味，非一般貨色。加埋西蘭花及素𧐢油汁做獻，同樣好好味，絕對是必叫之選。👍🏻👍🏻👍🏻松菌炆燒伊麵（$105）整法類近乾燒伊麵，以素蠔油炒。它的特色是有松茸菇丶紅蘿蔔絲及唐芹，食落口感豐富。因有大量蔬菜，味道一點也不油膩，可以食一大碗。😄😄😄總結而言，龍門樓是食素的好地方。

呢日同屋企人去志蓮南苑食齋.. 去咗好多次, 次次都覺得好正... 今次我哋一行四人, 佢哋安排我哋坐瀑布下面, 好正, 但會坐到好眼瞓, 唔知係咪比D水攪到我哋”禪”咗...我們眼濶肚窄, 叫咗2個一人餐, 同D單點咗一D必吃items... 叫得太多, 最後要帶走.. 佢哋個外賣盒要5蚊個, 要小心小心叫嘢.. 食齋唔可以食唔晒🥶佢哋有好多餐, 份量都好大.. 我哋叫咗最平嗰個, 有前菜, 炸南瓜, 如意餃+西蘭花, 例湯, 同埋當日例飯或麵.. (睜下圖就知有幾多)另外叫果D, 除咗個豆腐煲同個飯, 其他真係必吃... 我哋次次都叫! 個黑松露餃成日都冇, 所以真係睇吓好唔好彩啦!

位於鑽石山閙市中的一個寧靜景點，景色古色古香，欣賞景色之餘；場內仲有一間好出色的龍門樓。今日正好正月十五，品嚐一下齋菜，應節之餘仲可以清清腸胃。當日點咗一個名為「四季平安」的一品鍋，其實係猴頭菇丶麵根丶豆抱丶馬蹄丶竹蔗丶枝竹炆蘿蔔，效果極似羊腩煲，味道確實唔錯。另外點了金菇菜苗餃丶酥炸海苔卷丶香酥脆奶卷丶豉油王炒麵及甜品。點心精美，炸物絕不油膩，但甜品就略為偏淡。享咁舒適嘅環境下享用一餐齋菜，真係賞心樂事。

是次是為家中長輩慶祝生日，訂了1:30的次輪午膳。為確保有位，已早兩天訂座，果然想去的日子已滿，幸好訂到翌日補祝也能預留窗邊位。前菜五福併盤顏色豐富味道也各有特色，是最推廌必點菜式。酥炸海苔卷和牛奶卷可選擇雙併，可一次過品嚐兩種味。這道菜炸得出色，沒有半點油，餡料也很好味！翡翠百福袋也不錯，只是其中一件食到有粒沙。吃到手幹麵已有點飽和漏，但味道是可以的。壽桃是標準味道，不會太甜也新鮮。因為有窗邊美景相伴，大家都覺得物有所值。

今天想找有特色的地方吃飯，找到了這間隱藏在有香港小京都⛩之稱的志蓮淨苑內的素食—龍門樓。志蓮素齋。沿路不論建築物還是園藝景色也古色古香，置身其中完全不像在香港鬧市。其中經過一間茶居也很有特色，但可惜當天沒有營業。走到南蓮園池的盡頭，終於到達今天午飯的地方🥰🥰這裡不同時段也設有不同的最低消費，午餐每人最低消費是$120。是日餐單❣️五福拼盤(小)（圖1）上枱時已經很吸引，小份對兩人來說剛剛好🥰🥰不會覺得不夠喉或吃剩。。紅菜頭沙律。紅菜頭切成絲，減輕了我不喜歡的草青味👍🏻酸味被黃豆沙律醬的甜味平衡，非常開胃而且豆香味十足👍🏻👍🏻👍🏻👍🏻。醬燒菌。就是燒汁雞髀菇😛😛正常味道但也很好吃！。紫甘藍醋粉皮。味道也是酸酸的，是加了柚子醋，但反而我認為像果皮的味道😂😂配上少少青瓜絲很清新🤗🤗。風味碧玉。我是第一次吃青瓜花苗，非常爽口，好想買回去自己煮😃😃😃味道微辣，帶少少麻香，但不會令舌頭發麻，很喜歡😋😋醬汁有少少甜味吊味，整碟帶來很大驚喜🤗🤗。香麻海苔麵根。就是切了片的齋鴨腎，但我嚐不到麻辣的味道。石菌炒飯（圖2）炒飯不油膩，飯粒炒的分明。黑色的點點就是石菌，配上雲耳絲和沙葛粒，菌味香濃而且煙韌好味😋

闊別好友一年，相約午膳為佢慶祝生日，佢想食素所以訂咗龍門樓食齋，順便帶佢參觀下南蓮園池及志蓮淨苑。約左12點第一輪午膳， 1:15pm就要交枱，兩個人食下傾下都夠時間首先點咗個五福拼盤紅菜頭沙律～將紅菜頭切得幼細刀功一流，紫甘藍醋粉皮～用綠豆做成粉皮拌以柚子醋感覺清新，風味碧玉就是BB青瓜花啊、還有醬燒菌及香麻海苔麵根～醬油煮的蘑菇及麵根沒有什麼特別朋友想食粥暖暖胃所以點了個腰仁三菇粥粥底加入打成糊嘅腰果再配上石菌舞茸金菇蘑菇烹煮，口感好香好綿再點了兩件翡翠百福袋油炸腐皮做成福袋，將馬蹄金菇紅椒薯粒切得細細裝滿福袋拌以西蘭花，咬一口感覺滿滿幸福，質感味道yummy 加追了一個時令銀棯醬茄子銀棯醬炒茄子＆麥纖，但我食唔出銀棯醬同普通醬油有乜分别，而麥纖有點硬餐廳大約1點就會幫你埋單還打了9折，1:15前我們也識趣離座讓餐廳準備1:30第二輪午膳。我們再繼續參觀志蓮淨苑嘅唐風建築

奶奶同姑奶係喜歡素食的人，今次行山她們帶我去了龍門樓。我本身不是吃素的，但這𥚃的素食真的令我眼前一亮，完全令我對素食有大大改觀！五色拼盤，每樣小食都各有特色。有咸有甜有酸，好開胃冬蟲草扒菜心，茨做得夠多好夠味，雖然菜心略嫌有d太林。素版薑醋，好正，完全好似食緊真薑醋咁，甜酸度控制得好好。另外，服務都唔錯。之前屋企人話都想試下素食，今次搵到間咁好味既餐廳 ，下次可以帶爸爸媽媽去試下老人家而家無咁中意食肉

龍門樓位於鑽石山鬧市，是城市人整頓心靈的好地方，讓我們可以在繁囂之中得到歇息，並在心靈和智慧上得到啓發。走進南蓮園池，聽見禪修的音樂，使城市人放慢腳步，沉澱思緒。龍門樓的外觀別致，擁有中國文化的特式。一邊與朋友聚餐閒聊，一邊欣賞大自然的美景，令人身人舒暢。另外，普洱茶都非常幼滑而濃厚。炸物非常可口，亦不油膩。值得推介，美味之選：香酥脆奶卷、酥炸海苔卷。飯麵方面：有fusion特性：黑松露白汁麵。Perfect. 令人一試難忘。翡翠百福袋：賣相吸引、但味道一般，相對比較平凡。

去鑽石山大多只去荷里活廣場食飯行下街, 真的是一次也沒有去過南蓮園池和志蓮靜苑看到很多人都會去志蓮素齋飯就一早打電話去BOOK假日食午餐其實他們逢週末都有下午茶時段, 每位都是$120-150, 都係食圍餐的假日的中午飯當然會比平日/下午茶時段貴少少先講一下南蓮園池, 其實係地鐵站行過去不算很遠而且亦有指示, 很清楚, 而餐廳是位於南蓮園池幾乎盡頭坦白講, 一行入去就好像迷宮一樣, 全部都是草木同大型石頭而更令我出奇的是假日原來這裡也聚集了很多外傭的確, 這裡的環境確是很美, 簡直不覺得自己係香港的市區言歸正傳, 餐廳對我第一次去來說, 真的算很僻, 入園後一直去右方向行如果看到一條瀑布, 就行對了, 因為餐廳地下層可以觀望到瀑布景餐廳是有3層 (地下, 一樓和二樓) 我們吃第二輪午膳 1:30pm店員叫了我們上二樓雅座, 有樓梯/LIFT 到二樓整體室內的座位都好寬敞, 我們一行4人點了四人套餐 ($998 免加一)茶分面就是普洱, 我想應該無其他選擇, 不過可以解一下齋菜的膩好多齋菜都是第一次吃, 感覺很特別和有新鮮感而且每道菜都好好食, 整體非常滿意, 因為下午3點/3點半 (不

忙裏偷閑，今日有兩小時午餐，於是即刻飛車嚟到志蓮淨苑食素菜今次食咗一個豐富嘅一人餐再加多一窩松茸砂窩粥，份量絕對足夠二人食！而每位消費依然係$120 一位午餐，所以絕對夠！其實價錢都係其次，因為佢哋主要都係捐助苑內，呢個世外桃源嘅地方，令你心曠神怡！每一道菜都悉心去做，其中最喜愛迷你青瓜花，非常爽口，成日都好想搵吓邊度有得買黎自己煮而第一次試千絲黃油卷拼酥炸海苔卷，不太油膩，並且非常香口！至於松茸砂鍋粥，我每一次嚟到都一定會叫，因為粥軟綿綿又滑，仲有好重松茸嘅味道，消滯而且可以令身體暖笠笠！時間許可我一定會嚟呢度食素菜！

我公司附近正藉係志蓮淨苑....所以當我感到壓力嘅時候....我自己都會走過來行吓因為呢度有好大個花園又有一個大魚池...當你行得攰攰地嘅時候就可以去志蓮素齋食餐飯首先我叫咗個紅菜頭沙律呢個沙律凍冰冰好啱夏天食再嚟叫咗個富貴包外面係鮮竹...裏面係一粒粒嘅蔬菜粒冬菇粒食落去煙煙銀銀都幾好味而且今日買單仲有九折添其實佢都會有一啲套餐推介不過我覺得冇以前咁抵食....所以都係散叫好因為以前一個一人套餐$150已經有五個餸但係依家一人餐$150可能只有兩至三個餸所以都係散叫好

今天週六不用上班，因為想去参觀志蓮静苑，所以顺道去嘗試一下這裡的素菜。可能疫情影响，今天客人很少，我们2人點了一個午餐和一個蒸飯餐，份量一般，但味道不錯。點心是南瓜角和春卷，竹笙素羹，丹松菇炒瓜，則耳鲜竹蒸飯，白粥，海苔湯，2人份量刚刚好，埋单$255，論環境，服務，味道，性價比都比坊間的假素菜店好得多。

越來越多年輕鍾意食齋，想搵個環境安靜舒適嘅地方享用製作精緻嘅齋菜，我會推薦志蓮素齋 - 龍門樓。龍門樓位於南蓮園池東北角，非常清幽寧靜，係令繁忙嘅都市人可以遠離煩囂嘅好地方。我地四個女仔叫左七道餸菜，有賣相好繽紛嘅五福拼盤、黃耳金粉羹、酥炸春卷、碧玉如意角、石菌豆腐煲、石菌炒飯、松露忌廉燴手擀麵。五福拼盤嘅紅菜頭沙律同紫甘藍醋粉皮顏色好特別，作為帶酸味嘅頭盤佢地非常開胃。呢款湯羹非常好味，唔會太咸太傑。炸春卷可以揀兩隻味，我地揀左海苔同芝士，芝士卷好香芝士味。最推薦係呢個松露忌廉燴手擀麵，麵汁夠juicy，松露味好香，麵又有咬口，似中式意粉。服務員又有禮貌，整體用餐經歷好滿意，食物又好食，過時過節我準備會再帶Daddy Mummy試下。

藉著假期，到處走走，老公提議去志蓮淨院行吓，順道食齋。志蓮淨院與南蓮園池相連，景色優美，有圖為證。齋菜館位於南蓮園池，午飯有套餐及單點，本來我地想叫套餐，點知已賣晒。最後選了石菌豆腐煲（$125）丶 白靈扒時蔬（$ 95）及香煎蘿蔔糕（$40）。這裡有一特色，就是免收茶芥。雖然茶是免費，卻很香醇。👏🏻👏🏻👏🏻蘿蔔糕因為是齋，沒有加入蝦米和臘腸，但因有紅蘿蔔及不同的菇，更能感覺到白蘿蔔的清甜，好味！😋😋😋石菌豆腐煲一望已很吸引，尤其是喜歡吃豆腐的。炸豆腐外皮很薄，豆腐很滑溜，石菌很香，加埋紅椒丶芫茜及其漿汁，好味兼十分之好送飯。👍🏻👍🏻🙏🏻最后上檯的是白靈扒時蔬，這個菜望落ok，食落認真麻麻。首先西蘭花太硬，白靈菰味道略淡，加上汁太少，食落好似生𡁻西蘭花咁。不合格！👎🏻👎🏻👎🏻 雖然如此，整體來說，我仍俾它好評，因頭兩項好食。最後，七月份有意外驚喜，就是全單九折。