龍門樓 - 志蓮素齋

營業中

休息中

對於有啲人黎講，無肉食會覺得唔飽，食完無滿足嘅感覺。不過對於我黎講，一餐半餐素食，清清地係接受到嘅，而且食完成個套餐，我想講份量好足，夠哂飽肚，款式算多元化，推介家庭樂或帶外國朋友來試。父親節一行五人，午市order左個4人套餐，套餐亦可因應客人需要加份量，例如炸物、「福袋」加錢加多個。野食出餐算幾快，一黎兩個前菜同湯，其中一個前菜就比較重口味，我諗大家睇相會估到係邊道菜式，幾多胡麻醬下如果醬係另外上應該會好啲！接住嘅菜式，個人都幾鍾意食，豆腐好滑！荀炒得爽甜，「福袋」裡面好多料，好好味之後掛住食，所以無影到炸物、炒飯同埋生果，炸物我都幾中意，外面係腐皮油炸，內面又係好多一絲絲嘅材料，其實感覺係「福袋」嘅炸版；炒飯粒粒分明，又係好足料，主要有好香嘅菇同松子；至於生果呢，可以俾多啲就好嗱，我覺得起碼每人最少可以食到4份生果。最後埋單，拎飛可以免費泊停車場！PS. 每人設有最低消費，午餐$120，下午茶$50，晚餐$150，基本上order套餐就過（午餐）！

今日特別訂了志蓮的龍門樓同媽媽慶祝生日, 比了張窗邊枱位置寬落, 坐得比較舒服, 但對住瀑布睇唔到出面園境, 眼見其他如2人多數要搭枱.叫了個4人套餐 $688 /8個餸, 另加壽包, 都算抵食.川香豆扎, 味道平庸但豆香味濃.一碟賣相平平無奇的醬燒菌, 菌肉爽口, 醬汁味道帶點甜香, 我同細佬都特別喜歡.芙蓉銀耳羹, 調味略厭多了點胡椒.金孢繡球豆腐煲, 金針爽肥, 但相比芡汁味道無特別.翡翠百福袋, 西蘭花太生吸收唔到芡汁味, 但福袋賣相有意頭, 豆卜皮包住什菜口感豐富, 剛好更吸收汁料味道.碧玉淮山丹松菌, 露荀爽嫩, 丹松菌香, 個人對淮山不太有興趣, 但整體比人感覺清新健康的食材.炸海苔卷及栗香金瓜, 香口食物總要有, 這款亦炸得香脆可口, 南爪夠甜.牛肝菌白肉炒飯, 食到尾可能已經飽飽地, 無咩食慾, 不過炒飯都夠乾身, 係味淡了點, 喜歡松子增加口感.媽媽生日當然有壽包最令人寫意係食完可欣賞志蓮靜院的鳥語花香, 小橋流水, 心情特別舒暢放鬆, 有很多遊客亦特別到此一遊, 身為香港人都係第一次來, 實在有點遲.

今日一行6人＋一個bb入去呢間拍緊烏繩食店食下午茶，行到門口比人截住，話而家得下午茶，得D糕點同飲品，冇問題吖，我哋4點幾去都係食下午茶㗎啦。坐底一陣又走埋嚟話呢樣冇果樣又冇乜乜物物，下午茶餐牌已經選擇不多，仲要有最低消費，我哋都冇問題。大家諗好晒叫乜嘅時候，我就攞出為bb準備好嘅蘋果比佢食，點知又有人走埋嚟，同我講佢哋唔比人食外來食物！bb食物都唔得？虧佢好爽快咁答得出：係！我哋唔歡迎外來食物！乜料？第一次去D咁嘅餐廳！唔該你個餐牌冇bb食物供應，下午茶時間又唔比bb喺度食蘋果，叫bb食乜？D咁嘅餐廳真係好過份。我哋即刻起身走人，差在未拍枱！行多2步去隔離間cafe好過！人哋又冇最低消費，又經濟，又比我bb食蘋果，重點係一入去已經見到差不多坐無虛席，絕對明白點解呢間cafe仔都受歡迎過你呢間冇人性嘅食店。

第一次嚟食，好在有訂位，去到即入座樣樣都想試下，左諗右諗，都係叫個餐可以試多幾味芙蓉銀耳羹，金孢繡球菌豆腐煲，翡翠百福袋都無甚特別川香扎豆扎 - 有少少麻辣，頗醒胃醬燒菌 - 有啲失望，非常甜口又凍 碧玉淮山丹松菌 - 鮮淮山好少酥炸海苔卷拼酥炸栗香金瓜- 炸物算係較出色，火候剛好，個海苔卷炸得酥香牛肝菌白玉炒飯 - 原本比較期待嘅一味，但埋枱時已經聞到一陣油味，食落都好油後記：原本滿有期望，但頗失望，通常打得芡嘅都差唔多味道，有幾味菜食味冇分別，可能真係蠢咗叫餐，散叫就可以叫啲比較唔同食味嘅菜式，而味道真係清淡；環境就真係冇得彈非常乾淨，日頭去小橋流水咁；服務亦好好，挽回不少分數

要重新調節新年期間大吃大喝的日子，今天約友人食素順便遊覽南蓮園池。第一次踏足南蓮園池感覺是一個難得在鬧市區内一個小綠洲；有人造的小橋流水亭台樓閣感覺舒適。走了一個圈後，準備去龍門樓開餐，由於星期六分兩時段；我們選了早場6點至7:15分，時間冇多，選了一個2人餐想吃的款式算是樣樣有啲。好快已經有得食，先來冷盤醬燒菌和川香扎豆扎，我比較喜歡醬燒菌因為調味的汁及口感比較好；相對川香扎豆扎就非常普通。再來是芙蓉銀耳𡙡，應該下了些胡椒粉吧，吃完有些暖胃感覺。好快再放上枱是金孢繡球菌豆腐煲，味道不錯，如果馬上送上飯來相配就較理想。繼續來是碧玉淮山丹松菌，第一次食呢種丹松菌，樣子可愛生鮮淮山爽脆好味道。主角翡翠百福袋是必食推介，把紅蘿蔔絲，腐皮絲，木耳絲等包在一個一個腐皮袋內，口感豐富好有心思。終於來了飯是牛肝菌白玉炒飯，份量不少味道濃郁但絕不油膩。已經好飽，最後來了酥炸海苔卷拼酥炸栗金香瓜，鬆脆可口，真的好滿足。因為要7:15分要還枱，我們忙著不停地吃，突然侍應通知last order；好彩我早前已經知道這裡有腰果露想試試，所以二話不說就點來試。雖然我們已經好飽，但總有位置留給甜品，再加上最近潮食

有客人自澳洲來，一家大細都是素食者，於是便一早訂位於志蓮靜苑內吃齋菜，順便帶他們參觀一下廟宇。外國朋友對香港的印象都是繁華都市，得知原來香港的鬧市中有這麼一個寜靜的地方，實屬難得。席間，我們除 business talk 外，亦談及很多因為言語不通已鬧出的笑話。就在前一天，酒店介紹了一間素食餐廳給他們，那所餐廳善於烹調齋口不齌心的菜式，如素牛肉、叉燒等... 對於尊重生命的他們來說，這類素食，他們是接受不了的。好在我訂了這𥚃...我們點了這裡的6人餐($1,200)，另外加了一客紅菜頭沙律。不知道他們是否客氣，整晚對食物都讚不絕口，希望他們滿意吧！泠盤好有水準，我至愛的紅菜頭沙律跟上次一樣的鮮甜，外國朋友也 surprise 可以做得出這 fusion 的味道。滷水豆腐味厚濃郁，滷水冬菇椗爽爽的口感，外國朋友覺得好新鮮。金粉黄耳羹是我的推介，黄耳超級香，個羹的質地稀稠適中，有好香的胡椒味。雲耳栗子煲是整晚較濃味的一味餸，材料豐富。雲耳好有咬口，此煲加了栗子，份外爽甜。炸南瓜及香草芝士春卷最受小朋友愛載。這味麵醬煎菇味道平凡了一點，有些少油膩。珊瑚繡球燴豆腐質地爽滑，菌味濃郁，整體上味道

志蓮淨苑好近我屋企,入面既南蓮園池有間食齋既地方叫'志蓮素齋',晚飯都已經食過幾次,今日同好姊妹一齊去食lunch .12:00開始入座,我地11:45到,門口人山人海咁,勁多人!攞咗飛,佢安排咗訂位先入座,然後就嗌飛,好快就有位了!翡翠百福袋,係豆腐皮包住馬蹄,金菇,紅椒同薯仔,加個獻汁,呢個好好食,佢塞到個豆腐皮脹卜卜咁,有爽口既馬蹄,金菇又切到細細條咁,紅椒見到,但個味一d都唔搶,薯仔係切絲,成個好好味,佢有兩件同4件叫,下次要叫4件先!金菇菜苗餃,呢個就同一般酒樓既菜苗餃分別不大,下次可以skip .甘香扎蹄,呢個係腐皮卷,好濃醬油味,但今日咸咗少少.星洲炒米,無乜特別,係平時既星洲炒米走叉燒韮黃洋蔥蛋同少油版本,都好香咖哩味既,佢有d蛋既物體,但食唔出係乜黎.呢度係食環境同服務,有最低消費,抵唔抵食就見仁見智啦!

從美國回港渡假的姨姨請我們來龍門樓吃齋，一行14人預訂一圍精緻齋菜。這是我第一次來志蓮淨苑，這裡美得不像在香港。沿路走到盡頭便是龍門樓，是我們今晚吃齋的地方。龍門樓的門面有座瀑布，十分壯觀，預訂齋菜的雅座設於2樓，私隱度十足。頭盤有三款，川香豆扎賣相好似鵝肝，味道有點像滷水，不錯。紅菜頭沙律好好吃，紅菜頭好嫩，沙律醬微酸，是十分開胃的頭盤。醬燒雙拼是素叉燒併菇菌，菇菌爽身，素叉燒沒坊間般腍，整體上前菜都十分清新怡人。金粉黄耳羹是我的推介，黄耳超級香，個羹的質地稀稠適中，有好香的胡椒味。香草百靈球莖煲是整晚較濃味的一味餸，材料豐富。百靈球莖好有咬口，此煲加了馬蹄，份外爽甜。金醬露筍炒丹松比較普通，露筍好嫩，丹松帶著一種好濃烈的菇味。珊瑚繡球燴豆腐是我的第2推介，珊瑚菌望落好似花膠，食落質地好滑，菌味濃郁。豆腐好滑，冬蟲草花好肥好粗，整體上味道及口感都好balanced。炸南瓜釀了些粟米然後油炸，有點像在吃天婦羅，南瓜有點粉不特別甜，味道一般；香草芝士春卷的餡料有點像在吃沙律菜，素芝士我是第一次吃，味道偏啖。翡翠百福袋小巧可愛，麵筋內釀了些菇及齋，大家都很喜歡。舞茸上湯菜心，舞茸好香，菜心

一行十人 決定要清清腸胃 晚餐選擇食齋。龍門樓我食過三次 大部分的餸菜都不錯。但特別推介的是素菜包 餡料有薑的香味 整個包好軟熟。另外必食的是咕嚕麥纖 每次必食。酸甜度恰到好處 清新醒胃 讚👍🏻👍🏻不過喜歡食傳統齋菜的朋友可能會失望 因為龍門樓是比較新派的齋菜。

Every time I visit the Chi Lin Nunnery, I always have a look at the restaurant's menu wondering when I would have a go at it. Although a bit expensive, the food was ok. As all proceeds go towards the management and conservation of the Nan Lian Garden I guess it is alright. To begin, we ordered the $110 Afternoon Tea Set which comprised of 3 pieces of savoury pastries and 1 fresh fruit juice. The curry puffs and the vegetable pie I found lacked flavour. I think sweet pastry would have tasted bett

The last time I tried this was in 2011 because someone shared it with me.Mooncakes for the eldery by Chi Lin 2011http://www.openrice.com/zh/hongkong/review/%E9%91%BD%E7%9F%B3%E5%B1%B1-%E5%BF%97%E8%93%AE%E8%AD%B7%E7%90%86%E5%AE%89%E8%80%81%E9%99%A2%E5%B0%8F%E9%A3%9F%E5%BA%97/2195495?con=rvwThis year, my colleagues shared it with me and it was the red bean and orange peel flavour.It was delicious because it was not too sweet with a strong orange peel taste and the mooncake was gone in a flash henc

尋日趁有人生日就去左龍門樓食飯.一入到去就感覺到好乾淨!好舒服.我地叫左個菠蘿蜜餞,松子炒飯,南瓜湯同Cheesecake.呢幾樣都係令姐強烈推薦0既.反正冇食過呢間就順下佢意,膽粗粗叫左先.(可惜後尾食完先記得影 )價錢未到好抵食,不過勝在樣樣中上質素.又唔油,份量岩岩好.你知啦食素好怕成口油,又肥又難食.菠蘿蜜餞: 蜜餞個樣真係幾似生炒骨,酸甜度岩岩好.D 汁可以輕輕掛係蜜餞上面唔會一Pet pet.(其實個汁真係好考功夫嫁!)松子炒飯:呢碟個松子份量好多又好香!好多酒樓D 松子炒飯都係假嫁!(得幾粒松子係面就話自己叫松子炒飯收你舊幾水!)呢個起碼係啖啖都有松子粒.唔會怕蝕先.南瓜湯:唔錯啦,不過無咩特別Cheesecake: 呢到0既CHEESECAKE　又幾好食啵!實的!又好滑~餅底厚度岩岩好,唔會好似食餅乾咁Overall ,400 蚊咁0既質素算係咁啦,好多地方都做唔到.(同地方同餐具真係乾淨!我好怕污污糟糟,食都食得唔安落)

想請伯母食飯，我終於等到機會一試志蓮淨苑嘅龍門樓。呢度勝在環境一流，乾淨雅致，淨齋嚟講味道算唔錯，同男友帶伯母嚟一定唔失禮，淨係研究啲齋用咩煮都大把嘢傾。不過呢度嘅齋菜份量有啲細碟，同價錢都唔平，請伯母嚟一次半次都可接受嘅.....自己再嚟就大可不必了！餐廳藏於瀑布之中▼ 餐前注意 ▼1. 下午好多人等，記得預早訂位。2. 午市訂位分兩輪：11:30am /1:15pm3. 午市人均最低消費$1204. 午市有lunch set 5. 唔收茶錢，冇加一, thx Buddha!▼ 珊瑚繡球浸鮮淮山 ($85) ▼好味，珊瑚繡球個樣有啲似煲湯的雪花，但texture同味道唔似。淮山鮮爽，個汁好夾，就是感覺很fresh，未食過的一碟新菜式。▼ 香葉咖哩卷 ($118/ 8件) ▼究竟佢係用咩扮肉ge呢？味道其實就是平時飲茶的春卷，但有咖哩味。味道OK，但除返開差唔多要$15件，去酒樓食普通春卷好過。▼ 欒樨餅 ($35/3件) ▼從未聽／見過，唔食未必有機會再食，當然要試試。入口味道很薄荷很草，但又有少少甜味。只能講味道好特別，但好味就稱唔上嘞。「欒樨」嘅學名叫「闊苞菊」，相傳以前每逄浴佛

朋友T媽咪喺加拿大黎左香港，我地就同佢飲茶喇揀左去南蓮池食素LEE度真係好靚，真係鬧市中的一點寧靜原來好多人來架，幸好一早BOOK定位LEE度有最低消費架，每人HKD120等齊人就可以開餐了五福拼盤(大)紅菜頭沙律~~~味道好好，好FRESH，一點菜腥味都冇，佢個醬汁係用左黃豆沙律醬，酸酸地的醬燒菌~~~菇菇好有菇味，質感"UN""UN"地好有咬口，味道好柚子醋粉皮~~~酸酸地好醒胃，不過粉皮有點碎風味昆布~~~又是一個健康又好味的前菜醬燒麵根~~~麵根一點都唔油，麵根吸收哂醬汁，好味！扎蹄~~~咬下的感覺真係好似食緊肉，味道剛好紫菜腐皮卷~~~炸得好香脆，唔油，中間有層紫菜，好香芝士菇菇春卷~~~第一口咬下食到香蕉味，以為有香蕉，原來係冇的，餡料係菇同芝士，好味！咕嚕乜乜~~~個汁好醒胃，酸酸甜甜，個千層腐皮真係好有層次感，一口咬下有汁"必"出來，令這件腐皮好似肥豬肉咁豆腐干菇菇炒菜菜~~~雖然材料只係非常的簡單，但味道做得好好黑松露闊麵~~~一個西式煮法中式材料的菜式，個人覺得麻麻地，因為個麵條同個汁唔太夾好好味炒飯~~~個飯炒得好乾身，味道好好壽包~~細細個，蓮蓉餡，唔會好甜，包

依晚去左"志蓮靜園 - 志蓮素齋"食素~之前有去過影相不過另一半未去過..所以早d去公園行下~行陣先食晚餐^^booking full晒~所以5:40pm去到素菜館等派籌6:00開始入座..但7:15pm要交檯~假期要做2輪生意加上公園9:00pm關門~7:30pm入座都係食到9:00pm但閒日就無時限~而最低消費:$150/位我地點個"沙薑羊肚耳球莖煲"($135)食材有薑,筍,冬菇,馬蹄,烤麩,西芹,羊肚菇等醬汁夠濃稠..食材好入味~味道唔錯..好惹味"香葉咖哩卷"($85)春卷香脆可口~餡料清爽..咖哩味極淡"七彩金孢豉油皇炒麵"($98)豉油皇比預期淺色~炒麵口感較乾..但勝在少油份量好多~整體食物都唔錯~食店唔算好大但好光猛乾淨~服務都好唔錯呢