龍邦燒味小廚茶餐廳

營業中

休息中

太肚餓，係上環食個快餅，簡簡單單黎個燒味飯最好。龍邦係上環都出曬名架啦，晚飯時間人多都要等位，好彩我一個人，唔使得等，即刻叫個叉燒燒肉飯，熱o水。店員好快手，轉眼個飯同野飲就上左枱。叉燒半肥瘦，蜜汁入曬味，必推。燒肉又係必食既，個皮脆到不得了，絕對唔係間間都做到。真心推介。

the location is very convenient on the edge of central. Based on the location, the price is definitely value for money and the portion is surprisingly big! I ordered takeaway and the portions are just as big as they are dining in. $40HKD lunch deal, you also get a free drink from healthworks. You have the option to ad $5 for a drink of your choice. the taste : good! The roast pork was not fatty at all or chewy. It was soft and perfectly roasted. The cut was thick and good. The chicken was tende

每天的星期一至五中午的龍邦燒味小廚都勁多人等位或者排隊等外賣，每次食我都會叫外賣。因為食過一次叉燒燒鴨飯，所以知道這間的燒味真的很不錯，所以今次就想試吓叫叉燒瀨粉。我在12:40打電話叫外賣，之後1點落到鋪頭拎外買，等了大約5分鐘便有得攞了，叉燒瀨粉是分開兩個發泡膠盒，一盒是瀨粉再配叉燒，而另一盒是瀨粉的湯，我叫了半肥瘦叉燒，叉燒算係肥美，而且入口鬆軟，我把湯倒進瀨粉裡，發泡膠盒竟然穿了個細孔，湯從窿裏流出來，食到我真的很狼狽需要用膠紙來黐住個細孔再進食。不過整體來講食物質素是OK的，不過我建議如果叉燒瀨粉（$38）都係堂食會比較好。

朋友話上環有間好正嘅燒味餐廳 尤其是啲叉燒 梗係要去試吓啦🤤講真嗰啲餐廳集團 根本做唔到港式燒味嘅神髓😂我同朋友兩個人大約一點鐘去到 見到個門口真係嚇一嚇 有成20幾個人喺度 心諗唔係啩 我lunchtime到兩點咋喎😨 好彩原來大部份人都係買外賣 所以我哋等左5分鐘到就已經入到去啦鋪頭入面地方唔算細 都有成6、70個位 但係一如好多傳統嘅港式餐廳 坐得比較逼 好彩我同朋友都分到一邊卡位食埋個港式裝修先😂講咁多 最重要都係碟燒味飯🙊 我叫左叉燒燒鴨 連埋杯凍飲＄53應該係個人技術嘅問題 我覺得燒味好難影得好fancy😂😂😂 但係真心係幾正嘅 啲叉燒半肥瘦 好香 有燶邊 又有蜜汁燒嘅甜味😚 啲燒鴨唔會瘦到鞋烚烚 有肉汁 但又冇成pat肥膏連住塊皮想問叔叔拎碟姜蓉 (朋友叫油雞就本身有）佢仲好搞笑咁拎咗兩碟比我 話好事成雙啊😂😂 最後施施然食完再搭叮叮返中環 都仲趕得切 疏乎😙

今日lunch time叫左個乳豬三寶飯，其實63蚊連凍飲係上環黎講價錢的確是十分吸引！ 但係價錢實惠吾代表食物質素可以差。可能你會跟我說「一分錢一分貨」或者「人地賺你幾廿蚊吾好要求多多」呢d說話，但我可以同你講，當你睇到佢遞上個碟乳豬三寶飯後 你會同我有同樣的反應。 叫了個乳豬拼燒鴨同叉燒飯，個侍應一遞上枱，我即時既反應係黑人問號？？？？點解碟飯有一pat黑色發菜既？再睇真d，原來吾係發菜，係燒鴨既皮！個d皮被燒至完全薰黑，而個侍應姐姐可能當天視力不佳未有發現問題。希望未來既日子老闆能夠好好正視一下員工眼睛的健康，否則便只有是客人們的肚皮受苦了。 除此以外，茶餐廳過份嘈吵，幾位員工同一時間在客人旁邊用極高分貝既聲線叫囂，成個環境又窄又嘈，令打工仔一天緊張的心情變得更為緊張。 總括而言，雖然員工質素極差，但食物味道是可以的，但不建議在lunch hour堂食。

同朋友吹開水佢話中環三聯書局隔離嗰間燒味好食就係好食不過真係有啲貴喎, 身為地膽嘅我就即管幫佢搵吓有冇第二間好啲架啦, 吖又比我搵倒喎, 呢間龍邦我食過幾次, 都係叫我常叫嘅义切鷄走翼走色加個例,佢D味道真係好鬼似三聯隔離嗰間, 义燒腍雞滑就連薑蓉外觀味道都好似, 又係有個龍字, 真係懷疑佢地係咪有啲關係.... 雙併送例湯$51, 係算平過嗰間, 但係要行多兩步,當做運動啦! 都算係呢區其中一間可以嘅選擇. 註.. 燒肉燒鵝我未試過, 呢兩味先至係嗰間嘅鎮店之寶, 即管下次等我試埋呢間先

又到了午飯的時間，上環的美食實在太多，因此選擇也很多！但我認為要試那一區的美食，燒味當然是重要的一環，同僚介紹之下我們今天就去了這間"龍邦燒味小廚荼餐廳"。因為我們習慣兩點才吃午餐的關係，基本上也沒什麼需要等候時間；但即使如此，這個時間餐廳人流也不算少呢!好，來看看有什麼好吃的...由於本來就是衝著我最喜愛的燒鵝而來，所以餐牌上無論有的是什麼，我還是點了燒鵝拼燒排骨飯！飯來到的時候發現竟然是燒鵝脾，雖然賣相不是十分精美，但份量跟性價比來說這也算是真的不錯！燒鵝跟酸梅醬從來都是最完美的配搭，美中不足的是醬汁沒有給太多(當然我相信問到的一定會給)，燒鵝帶有點油香，燒鵝皮還是脆的，肉質跟入口感覺整體來說不錯；燒排骨則未發掘到過人之處，表現不錯不失吧！同事A的單拼燒鵝飯比起雙拼飯...感覺總欠了些什麼的...哈哈同事B的叉燒拼燻蹄 + 瀨粉叉燒有豐富的蜜汁而且肉質挺嫰，燻蹄就...還可以吧。感覺瀨粉上幾條菜的賣相影響了他的味道，不過友人對他的評價是正面的，味道尚算可以！這次午餐整體感覺不錯，個人認為可以再次光顧！

經過附近 見到幾多人買 又要加餸 不如試下呢間啦  試下外賣燒鴨 味道普通  D肉略生..粉紅色既...一家人打開個盒 準備起快 見到大家都停左一停畢竟咁粉紅既鴨 第一次遇到 大家有D遲疑左一陴

今日無飯帶，一枝公出去食又覺悶，於是搵埋個同事（咁橋又無帶飯）一齊gogogo 💪🏿呢間聽講叉燒係出名既，但午市門面一向勁多人，啲人通常買外賣返去食。不過今次勁好彩，唔使等即刻有得入👍🏿上菜非常快，落單唔使半分鐘已經有飯送到。先試個叉燒，的確係正喎！顏色鮮豔唔在講，食落唔覺乾身，咬落都幾淋，尤其半肥瘦果幾舊特別好食！至於燒腩仔呢，除左卜卜脆之外都無其他形容詞了。燒鴨好靚仔，食落肉質唔算鞋，屬中上水準。食食下見到對面枱有叫燒鵝脾飯，好似仲正咁喎！下次黎一定要叫呢個！

自從對上次係龍邦食粉果陣見到人地碟靚靚燒味，一直都想黎親自試下今日同事話想食燒味，即刻諗到呢間，由於太多人，所以買飯盒算。。。但係，唔好以為燒味飯盒好頹！呢度既燒味飯盒絕對好過出面好多堂食燒味多多聲我叫左個燒排骨叉燒雙併飯賣相見唔見到D色澤幾自然，同埋一睇就知係新鮮出爐，5係放左好耐，乾爭爭果d。見到d燒得咁靚既燒味仲唔食指大動咩味道燒排骨可能係因為瘦肉較多，略硬，跟軟骨既肉好食D叉燒不得了，係肥叉！！肥而不膩果種，燒得勁香，D油香出晒黎滲落d飯到簡直食完升仙其他雖然菜心一條，但並唔求其，有水準。飲品可揀例湯或是日紙包飲品X1價錢39元正

波兰朋友想吃中国菜，找到这家餐厅我觉得味道一般般，中午时间人很多，外边排了一圈人，我以为是在排队，其实是在等外卖，其实不用等位，直接进去就好。我俩一开始对面坐，还没坐下，就听服务员说“坐边”我想了半天没明白，后来才理解是要我俩坐在一边。。两人桌，最后居然拼桌可以坐死人。。不过也可能是因此不用等位。点了四宝饭，原来没有尝试过，其实就是一堆内脏，味道一般般，下次还是老实点叉烧饭吧服务员不会说英文，普通话说得不错，我第一次意识到茶餐厅的服务员不会英文

近排，成日都想喺呢頭附近搵間有好味早餐A嘅茶記，但仍未搵到。有時，真心想幫襯小店，但唔係間間小店爭氣，有時真係無奈地要返去食大快活。好似龍邦咁，個火腿通粉d湯只係僅僅暖暖哋，而且d通粉根本未煮透，全完唔過心，粒粒硬嘣嘣，𡁻到牙都軟埋！煎蛋又係，只係暖暖哋，似係煎定，如唔係，即係煎好咗一段時間都冇人攞過嚟！不過，好在唔油，加返d分。凍檸茶都係離哂譜！明明叫咗小冰，但出到嚟三份二杯都係冰，咁如果我冇叫小冰，咪成杯都係冰，真係痴線！原來今時今日自從商品說明條例生效左之後，仍然有咁多餐廳仲係話自己賣緊鮑魚，如果第日俾人投訴真係唔好問點解！仲有，呢度有個短髮侍應阿姐，嘩！把聲真係嘈到拆天，由坐低食早餐，佢就一路不停鬧自己個同事，鬧到我食完個早餐都仲未鬧完，仲要講之前其他客人嘅是非，佢唔煩，我都俾佢煩死啊！！

中午lunch行去食燒味飯聽聞呢間出名黑面+串嘴🙈 但去到侍應又會打下招呼，又會笑笑口，其實服務都唔係好差者！試左個叉燒海哲瀨粉叉燒好夠味，蜜汁份量岩岩好又唔會乾身，肥瘦岩岩好！唔會要咬到牙都軟！海哲都唔錯，夠爽口！但瀨粉就麻麻啦，湯好淡口，個粉又唔係彈牙...（下次要叫飯！）但下次一定會再黎試四寶飯，見同事果碟好似好正😂

番上環做野，順便食埋慢先走。見到龍邦環境唔錯，就決定食個茶記啦。叫左個牛腩飯食牛腩既份量非常之多，而且腩肉、軟骨、牛筋樣樣都齊哂真係好開心。主角牛腩炆得好入吸，每一口都有類似柱候醬個種香味爆出黎而且已經炆到林哂，用筷子已經可以撒開，好易入口，又有牛肉個種香味。真係好正宗既港式茶記牛腩飯最鐘意係有好多軟骨林林地又帶有咬口的啫喱狀，香料既味道已經完成滲透牛肉同軟骨，但一咬落去又有軟骨自身既甜味真係好正！

After following BBQ pork in many famous restaurants. I just stop by and give it a try without expectation. Turns out this was the good BBQ pork for the whole trip. Worth to try and will definitely come back again.