龍邦燒味小廚茶餐廳

營業中

休息中

食4寶飯，問佢拎薑蓉，5比你都5緊要，仲要串到爆，以後5會再去。話說貪方便，就去LEE 間買外賣。之前試過食菜遠牛肉河，好難食，無味。今次又貪方便，又出事。外賣叫個4寶飯，$40，走果時問佢拎薑蓉。我:個男員工就話: 我;男員工黑面;只係要求少少調味料，D員工駛5駛黑哂口面呀。間野5算乾淨，成日見佢呼呼喝喝D客人。我深明5係要求你好好既服務，但吳可以係喝人，無禮貌同黑面。貼錢買難受，以後5會再幫襯。

初次來到呢間餐廳，見到好旺場，仲10個有9個食燒味飯，應該係招牌菜！咁就簡係試下啦，叫個最貴既雞脾四寶飯，仲可以選擇油雞/切雞/燒鴨👍🏻其餘2寶又可以自己選擇，唔使下下買啲員工係咩四寶，仲有1寶就緊係咸蛋啦！餐牌清晰！我就選擇左燒鴨，紅腸，燒肉。燒鴨皮脆肉嫩，不錯！可惜燒肉太肥，唔係好食到！紅腸就不過不失！

突然好想食佢既燒豬骨，就午餐去買個外賣食下先燒豬骨叉燒飯，配例湯（$49）:即刻食啖燒豬骨先，點解咁架😖點解咁架，好大陣豬蘇味呀，食唔到，又燒得太濃👎，好彩叉燒又淋，味道都不錯。例湯可能太熱入碗，好大陣膠味😞整體來說，飯餸份量係多既，就咁食叉燒飯其實都ok既

因為屋企裝修，搬咗去家姐度，做咗上環之友，所以認識到龍邦，因為係家姐個飯堂，起碼一個禮拜有兩三次係度食，雖然佢都唔需要人哋寫食評都已經超好生意，但係作為飯堂之一嘅一定要寫下支持下～佢話試過lunchtime遲咗少少打電話黎叫定個餐，打成四十幾個電話都唔通，所以如果要叫定中午飯最好11點半好打黎啦～呢度個老闆娘同啲侍應個個都超快手，斬叉燒pack飯盒超快，食晏時間真係大排長龍～冇辦法啦因為呢度嘅燒味真係好吸引，可以包中湯或者餐飲，我特別鍾意佢哋個中湯冇味精，叉燒油肥瘦適中，好好味！！ 燒肉平時都有叫都好香口好脆～除咗燒味之外，佢哋的小菜，常餐都好好味～常餐特別鍾意叫佢哋㗎午餐肉，切得好厚，同埋鮑魚絲好味，個蛋奄列都係好好味，好大塊～食物有質素，價錢合理，同埋啲職員服務好好同勤力，難怪咁旺場～

In a lunch time there's always a long line for taking away. I tried BBQ pork rice once then I'm crazy about its taste! BBQ pork here is very sweetened I think. Second time I tried BBQ pork with over-easy eggs as eat in. I prefer without eggs cus it's too mild for me to mix with sweetened parks. Anyway I come here frequently to take away my lunch! Cus a pork rice including a bowl of soup only cost 37HKD! Yummy.

一到lunch 就會出現人龍的燒味店~ 因為佢的燒味飯大件又抵食!自選雙拼燒味飯送飲品或例湯只需 HK$39, 向上環區真係幾抵!佢的燒味份量, 飯量同葱油量都十分充足除左份量, 質量都很高: 飯很軟熟 , 燒味夠入味性價比高, 好過好多大型連鎖店的燒味飯多多聲

每次午市總是大排長龍，聽聞此家的燒味飯不錯，如果想要食，就要耐心等候一下。雙拼飯$39，送免費例湯。是次選擇了油雞燒鴨飯，相對於附近的有運燒味，本人覺得這間更合口味。雞肉肉質細嫩，入口香甜，口感油而不膩。鴨肉皮香脆，肉質一點也不老，還帶有香味。不過例湯就差到極點，和水一般，淡而油膩。

早餐已經唔好食又比其他茶餐廳貴，D麵未熟就上比客，奄列又燶到爆，驚死你唔生cancer。出錯餐之餘會同你講！"你個餐比人食左喎" 重要態度超差!! 貼錢買難受，以後都唔會幫襯!!

食碟叉燒燒肉飯啲燒肉又瘦又有燶味啲皮全部甩曬既叉燒又普通服務又差同枱對情侶話轉枱回應係"你咪自己搬"寫張單俾我散叫走黎收我套餐價問佢仲要話"你個係餐，頭先問你，你話唔飲之嘛，我都未試過唔係收呢個價"雖然飲埋只係差$1，但一路都冇諗過飲野，而且態度衰到咁真係$1都唔想俾多佢

上次話臨走見這裏有自家制燒味，要回來一試，今日終於來試了這店的燒味，叉雞瀨配凍檸檬茶小冰小甜，結果凍檸檬茶小冰小甜上來與上次一樣，無小冰無小甜，而個叉雞瀨就做到餸與粉分開上，算是有點心思，瀨粉也保持上次吃到的水準，滑而有咬口，但燒味就有點失望，切雞還算不錯，入口雞肉夠嫩，雞皮香甜，但叉燒就實在過瘦，入口偏鞋，略嫌不夠淋，蜜味也不足，不過在上環區要近五十元吃一碗燒味粉，個人就認為價錢太高了。

路過上環，看似燒味賣相不俗，決定餐廳進食午餐。叫了切雞及叉燒雙拼飯，友人叫了是日午餐梅菜蒸鯇魚飯。 燒味飯先上，切雞味道及嫩滑度不錯，叉燒肉質太老。惟友人點的蒸魚飯遲遲未來，追單後，餐廳伺應態度相當惡劣，反而指責客人。蒸魚最後等了25分鐘以上才來，當然味道亦不會是令人期盼的滋味。

公司搬寫字樓，去到上環都要搵食，幾位同事行到這店門前，感覺不差，就入內一試，我要了一碗牛腩瀨跟一杯凍檸茶。落單時對樓面店員說凍檸茶要少冰少甜，結果是對牛彈琴，上來的凍檸茶完全是普通冰普通甜，幸好牛腩瀨還算可以，牛腩除了過瘦一點外，味道尚可接受，也炆得夠淋，有噬口之餘亦不會韌，湯底味道濃郁，瀨粉在一般的茶餐廳已是少有，在這裏碰上，就一定要試，結果也不差，軟硬適中，有咬口又夠滑。差不多食完時，見店員從內部拿着一盤盤的叉燒和白切雞山出來，才知這店有自己燒臘工場，下次可試一下他們的燒臘。

公司老闆在開年時買過這裡的燒鵝請大家吃，猶記得味道實在不錯! 老闆說下次不吃燒鵝，還可以吃潮州粉麵啊! 由於剛剛前一天看完牙醫，牙齒一直酸酸軟軟的，燒味只怕咬不開了，今次只好吃潮州粉麵了!以電話落單，選了雙拼(魚旦及水餃)米粉，$32，5分鐘便可自取!魚旦共有3粒!質感軟身(特別適合牙齒酸軟的我)，魚味重，是我喜歡吃的潮州魚旦!配粉麵的話，潮州魚旦比起一般咖哩魚旦更相配!魚旦的大小，大概是一粒可以咬兩口!魚旦更有小小咸味，不會淡而無味!水餃共兩粒，內有鮮蝦一隻及木耳絲，爽口彈牙，味道不會有雪藏味道!還有菜心一條，沒有沙泥，不過對我而言，當日的牙齒實在咬不開，平日的話，應該剛剛好!由於湯水及米粉分開包裝，十分方便，因此不怕米粉因長時間浸泡，會軟到不行的煩惱!湯水很明顯有色素，因為顏色十分深色，但入口味道是平日的味精水味道，因此都OK吧!

上個月中放工經過上環文咸東街，見到有間新燒味茶餐廳 <龍邦燒味小廚荼餐廳> 開業！  順便拿張單張看看！ 翌日中午前來幫襯！  供應： 早餐 $18 ~ $30 (7:00am ~ 11:30am)、中西式炒粉、麵、飯套餐 $38 ~ $42 、下午茶餐 $16 ~ $33 (2:30pm ~ 6:00pm)、燒味飯套餐 $32 ~ $38 、另有：三寶、四寶飯、特色燒味飯 $32 ~ $88、  三文治 $13 ~ $35、飯 $34 ~ $55、粉麵 $28 ~ $38、飲品 $10 ~ $19 等。當然！不少得各式燒味！  應有盡有！ 對我來說，三寶、四寶飯，實在太豐富嘞！  單併/ 雙併已經足夠有餘！甚至飽到放工！ 剛剛開業關係，店內一片混亂！  就算買外賣，收銀員阿姐完全沒有記熟餐牌上的價錢，在我付款前仍問店經理或負責人，叉燒乳豬飯收幾錢？  此外，外賣及堂食排隊付款的食客在店內都集中一條隊！弄到餐廳通道很迫夾！  收銀員阿姐更叫我幫她遞單給燒味部！ 純粹斬料應該很快！可是，有不少人等外賣！等上大約 10 分鐘，已經比預期快！ 叉燒