龍圖閣海鮮飯店

營業中

休息中

收工後跟行家交換近況，疫情下竟驅使他離開多年舒適圈，裸辭後不足一個月就過了一個更大的魚塘。這餐飯，完全感受到何謂「輕舟已過萬重山」。最近 L 突然想喝不同類型的清酒，於是應這個 SEAFOOD LOVES SAKE 的活動到這酒家來一個特別的快樂時光。行家選的芝士焗新鮮魷魚，平常吃的芝士焗龍蝦就較多，想不到焗魷魚都是一個不錯的配搭。魷魚嫩滑，加上新鮮沒有腥味。芝士的香滑又沒有飽膩的感覺。附送一杯燦然纯米吟醸，融合花果和大米的味道，入口回甘，辛口平衡。將口腔內芝士及魷魚脂肪感，連罪惡感都一掃而空。L 選的是椒鹽白飯魚，附送一杯純米大吟釀，於釀造的過程中，假如酒米並沒有被研磨得很精緻，會保留了許多蛋白質，這些蛋白讓酒帶有米的原來味道，所以純米等級的清酒通常擁有較豐富口味。配合搶味的椒鹽白飯魚當然最夾。意猶未盡，再點了一碟百花煎肉餅，平常蒸肉餅就吃得多，煎肉餅原來都幾正，外層香脆內裡軟熟。另外再叫了碟有錢佬炒飯，行家笑說雖然還未做到真正的有錢佬但一嘗這碟炒飯都不錯，粒粒分明，材料簡單但配搭得宜，領略到有錢人藏富於飯。（故意沒有放相，值得一試）

坐低好快就叫咗嘢食，之後等咗一個鐘都只係上咗一個咕嚕肉！ 問咗幾次，最後發現原來送錯咗去隔離枱。其實送錯咗唔緊要，即刻幫我哋整返啦！一等再等，再等咗半鐘上第二個菜！本身叫炒芥蘭，等咗個半鐘話冇！跟住轉咗做菜心，只係炒個菜都等勁耐！之後啲菜都係上得好慢，其實我哋總共多人叫咗六個餸....個所謂前菜豬手，都唔知食咗第幾個餸先嚟！最後差唔多兩個鐘先上齊晒啲菜！肚餓到真係等到人都癲！食物質素非常普通，follow up 勁差，等咁耐真係唔會再嚟！

相約一班「同學」8人相聚，搵地方食飯有難度。龍圖閣是D類食肆，每枱最多可以12人，堂食又可至凌晨2時，慶幸「同學」們有2/3已接種第一劑疫苗，可以同枱冇膠板聚餐👍閩南籠仔蒸花蟹糯米飯：熱辣辣一大籠上枱，好吸睛，花蟹新鮮甜美，糯米飯又香又煙靱，正😄金莎椒鹽中國薯條（新鮮白飯魚）：白飯魚炸得唔油膩但超香脆，食唔停口😍不過唔覺有咸蛋王土匪雞翼：小插曲，以為係土匪雞，原來係土匪雞翼🤣同譚仔唔係好同，紅辣椒味較重，都好惹味沙嗲牛魔王炒芥蘭：沙嗲牛個汁冇得輸，又濃又惹味👍百花馬友蝦膠煎肉餅：一放低聞到馬友味勁香，同平時食開油&肥既肉餅好唔同，彈牙又香口，伴飯送酒一流😋鹽焗通菜：瓦煲上，香噴噴熱辣辣🔥海皇翠塘蒸豆腐：以為溝淡d叫豆腐菜水，食落原來係蒸蛋白，蛋白超幼滑，媲美真豆腐🤩有錢佬炒飯： 因為菜名神秘得意而點，原來似瑤柱蛋白炒飯，加d海鮮椒鹽九肚魚： 香口野做得係出色，椒鹽香口，外肥內滑😋1菠蘿咕嚕大蝦🍤球： 酸甜開胃，菠蘿似用鮮菠蘿，蝦球大大粒又彈牙🥰脆皮炸子雞（半隻）：最正係脆皮！豉油王炒麵：炒得夠乾身，夠鍋氣！

突如其來嘅消息，呢餐除咗係 #好朋友 嘅 #生日飯，亦都係為咗另一位 #送別 嘅 #聚會👉🏻👈🏻 為咗大家可以暢所欲言，朋友特登揀咗間 #中菜館 #龍圖閣海鮮飯店，等大家唔使就住就住😉 按照慣例，我哋每人負責點一個餸🤤 我就揀咗個即燒嘅 #黑毛豬叉燒，雖然要等30分鐘，不過邊食邊等，我OK 㗎😉餐牌上嘅菜式都要以 #傳統中式 為主，其中一款 #金沙椒鹽白飯魚， 係幾有風味嘅，不過啲 #鹹蛋黃 真係少咗啲，好難食得出個味道🤤 馳名嘅 #蒜香雞 都可以嘅，不過啲雞肉唔夠嫩滑、食落去唔係咁juicy囉😅 #馬友鹹魚蝦膠煎肉餅 係幾香口嘅，#胡椒鹹菜大蜆湯 略為鹹咗啲… 都係碟 #帶子桂花蚌炒西蘭花 比較高質… 或者係我口味比較古怪啦😅不過餐廳就真係有啲唔守規矩，眼見佢哋夾硬將兩張六人枱拍埋，中間又無遮無擋… 似乎係想走法律罅😮‍💨 加上餐廳內圍空氣唔夠流通，一重又一重嘅屏風阻擋視線，成餐飯感覺非常侷促🤪 Hmm… 其實食物、環境係點都係其次，大家本來都只係為咗高高興興住埋食一餐… 希望大家都幸福❤️

今午相公很想嘗嘗這間酒樓，便專誠走上去用膳。我倆點了韭黃蝦仁炒蛋飯，味道不錯。再來馬友鹹魚土魷蒸肉餅另上白飯一碟，微微鹹的馬友魚放在肉餅裡，頗有家鄉感。用了紅蘿蔔青蘿蔔粟米豬肉等材料作例湯，頗清熱。

媒體推介此店食物好有家常感，今午特和太座試試👏👏午市以套餐主打奉送例湯白飯，我們選了一餸一碟頭飯先上例湯亦足料清甜韮黃蝦仁炒蛋飯韮黃味香蝦仁亦爽口飯底足夠馬友鹹魚土魷蒸肉餅，淋了豉油頗鹹一些，肉餅合格有嚼感，附加白飯一大碟沒錯，真的好家常午飯一頓

好滿足而又性價比極高嘅一餐🤩龍圖閣交通極方便，尖東站P3出口一出，轉右就係，連馬路都唔使過。上菜快，所有菜式都好勁有鑊氣，超級推介嘅係🥘百花煎肉餅同⚪️鹹蛋黃脆瓜帶子。個肉餅我哋仲encore咗一次添😋食完晒，仲有雪耳糖水送😍🐟椒鹽九肚魚$108 - 鬆脆惹味🐷菠蘿生炒骨$108🐮中式洋蔥牛柳$118 - 牛柳勁入味🦑韮王西芹鮮魷$128 - 材料新鮮， 西芹配魷魚，兩樣都好脆，好夾🥬金銀蛋浸菠菜$108⚪️鹹蛋黃脆瓜帶子$158 - 啱啱見到，搵緊啲帶子喺邊😂一食之下，原來帶子同蛋黃都可以咁夾😆🥘百花煎肉餅$148 - 其中一個極度推薦嘅菜，香煎鬆脆😋⚪️手打百花丸$188

好多時經過尖沙咀都唔會入去帝后廣場，原因就係呢個商場好嗡耷,今次是朋友邀約第一次，我都覺得係奶奶地嘢，炒聖子真係唔多掂，啲聖子非常唔新鮮，我一定炒得好食過佢，咁即叫佢換過第二樣菜，胡椒湯大蜆，應該是全晚最好食嘅菜式，其他醉雞鍋都可以，味道適中，不過如果酒濃返啲就最好，羊腩煲都算過得去，不過我主要食枝竹和菜多啲，羊就麻麻地；鴨舌我就覺得比較辣，唔係太多人頂得住，其他嘢食都係一般，唔多講，至於招呼尚算好，因為無咩客嘛，數埋得4，5枱。總括來說，我下次唔會再去。

這家餐廳是我在尖沙咀其中一間最常聚餐的地方, 除了位置方便, 其多種類的海鮮食材和煮法, 以及價格相直, 也減輕了很多選擇的煩惱. 這次午饍則以小菜為主, 雖說大家年紀也不少, 但點的菜色也是香口和油膩為主. 這裏除了海鮮外, 其煎炸小菜也做得相當出色, 像是金沙雞和椒鹽鮮魷, 外面卡滋卡滋, 但內裏依然保持濕潤的口感, 早餐吃少一點, 午餐吃多一點也不會覺得內疚. 海鮮則點了蒜蓉粉絲蒸蟶子, 這也是我每次必點的, 蟶子分量十足, 用最基本的方法帶出牠的鮮味, 只是今次有點過了火喉, 口感有點過熟, 失色了. 最後的鹹蛋芥菜龍躉球泡飯, 鹹蛋切成片狀, 比起碎狀口感更實在. 鹹香加上龍躉的鮮味, 樸實無華的原味, 簡單而令人喜歡.

老闆是否真心熱情，客人一定感受得到，親自到每一台問好，用盡一切方法令客人開心、盡興，即此一念，便足以讓我地感到朋友的「揪感心」，更勝鮑魚排翅。其實，香港有質素的地道海鮮餐廳多的是，但令人樂而忘返的招待不是太多，謝謝龍圖閣老闆Martin 的招待✌👍👍

Martin was an excellent host and his chefs cooked us some wonderful food. Whether you want to eat out for a special occasion, business meeting or lunch I’d highly recommend this restaurant. We ate a spicy beef dish, fish, clams, chicken, and crab. Everything was cooked to perfection. 10/10 from me.

一早預訂左間有卡拉ok既房 點知早一日double confirm 時先話俾我知間房double booking 仲要明明係我book先 仲要我讓！ 最後叫我去第二度 咁樣既服務以後唔駛旨意再去 十萬個嬲

海鮮傳統的菜色，講的就是新鮮和精準的時間，這晚店家除了蟹略為煮久了一點點外，其餘的都是非常平均的。特別想說一下蟶子的醬汁有點不一樣，有點更吸引更上癮的味道，可我說不出來。炸白飯魚好好吃，酥脆不油膩，沾點醋層次又提升了，難怪是店家其中一個招牌。煎肉餅也挺好的，味道口感沒得挑剔，就肥肉小一點，整體油膩度減一點點就滿分了。漏了說說，前菜的豆乾也是不錯的#FOODPORN #QueenBeoly #HKfood #foodblog #yum #food #foodie #QueenBeoly_MidDine #hkfoodie

同朋友食生日飯，去咗呢度食中菜。呢個炸白飯魚好香口、好夠脆，大人小朋友都好鍾意食。呢個炸蝦丸係Menu入面推介版面好多，所以叫梨試吓，真係幾好食蝦肉夠彈牙😋朋友叫嘅煎肉餅，原本以為冇乜特別，但原來都幾好食，煎得好香口👍🏻滷水牛展唔算鹹，都幾好味，但係麻油落得幾多下，幸好我係麻油怪😅蒜香雞賣相唔錯，味道都幾好，啲雞幾滑。呢個松露蒸蛋我最鍾意，蛋蒸得好滑，底下嘅松露味好香、好夠味👍🏻👍🏻😋呢個炒牛肉就一般般，炒得香但係咸咗啲。呢個蒸豆腐都唔錯豆腐夠滑，上面蝦滑味道不錯，清清淡淡，我都幾鍾意😋海鮮炒飯鹹咗少少，飯亦略嫌硬咗啲。呢個糖水清甜滋潤，相當唔錯。壽包道應該度度地方都差唔多，呢個亦不過不失，但係甩晒皮咁樣都上枱，真係好肉酸☹️好彩壽星仔唔介意☹️☹️☹️

今次係朋友帶過黎試一試呢間中菜，因為知道呢度可以自帶酒水，而免開瓶費，所以朋友好有心地一早訂定兩杯紅酒過黎開。呢度唔算好大，建議大家訂定位先好過黎，小食、小炒、海鮮一應俱全，有少少大排檔既感覺。今日試左唔少菜色，點左皮蛋、椒鹽九肚魚、XO醬炒西蘭花桂妃蚌花枝片、酥炸蠔仔、蒜香雞、糯米飯、牛展、醉雞翼。皮蛋同XO醬炒西蘭花桂妃蚌花枝片好有驚喜；酥炸蠔仔同蠔餅唔一樣，少左蛋，炸粉亦都無咁多。最差係醉雞翼，酒味太濃，直情係濃到苦。