鼎王麻辣鍋 (金巴利道) (已結業)

近年麻辣火鍋大行其道, 台式火鍋也佔一席位, 位於尖沙咀金巴利道嘅鼎王麻辣鍋, 店舖闊落, 木傢俬更顯古雅。卡位闊落, 餐桌櫃桶有紙巾和濕紙巾, 還有叉電設備, 夠曬細心。小辣麻辣鍋湯底, 足料兼惹味。鴨血是一大賣點, 厚厚鴨血幼滑煙韌有嚼勁, 而且吸收上湯精華, 甚為可口, 還可隨意添加。牛拼盤有四款手切鮮肉, 牛頸脊, 封門柳, 牛邊抓和牛黃喉, 全部都是優質食材, 美味可口。牛舌薄切於湯鍋中淥幾下, 七成熟度是最適合, 牛舌入口後, 有一股嫩脆彈牙嘅口感, 令人回味。肉丸拼盤有牛筋丸, 手工蝦丸, 手工花枝丸和豬骨濃汁貢丸, 肉質鮮甜又彈牙。還有日本豚肉和新鮮菜盤, 咁美味嘅食材, 加上任添嘅香味白飯, 真係既暢快又滿足。

👧🏻😋👅🍽✨麻辣鴨血冇得彈😍-鼎王麻辣鍋 🇭🇰 尖沙咀金巴利道26號地下5號舖 🇭🇰-🏮裝修古色古香, 店員有禮, 制服整齊🏮一入座奉上蜜桃紅茶; 出面有醬料同珍珠飯任裝🏮只有兩個出色招牌湯底, 已經好足夠; 店員好主動加湯同料, 仲會關心下你個湯底夠唔夠辣-🍲 鴛鴦鍋: 鼎王麻辣鍋 + 酸菜白肉鍋 $78 / 位💯麻辣鍋可選辣度; 酸菜白肉鍋可選酸度; 90分鐘無限添加鴨血, 豆腐同酸菜💯鴨血超級厚切, 質地彈滑, 同個麻辣湯非常夾💯兩個湯都好濃郁, 但香料味道天然, 唔會太刺激; 食完都唔會好口渴-🐚 桂花蚌 $198✨桂花蚌即係海參筋, 非常珍貴但呢度$200份量好多好抵食! ✨質感爽脆彈牙, 同時又超滑, 無論用麻辣湯定酸菜湯都唔影響佢既鮮味!- 🦀 一品蟹滑膏 $108💯蟹肉滑食到絲絲蟹肉, 本身醃味唔太重, 突顯蟹肉鮮味, 同埋可以夾到濃郁湯底-🫘 濃香豆皮4個 $68✨台灣直送, 似平時港式邊爐食既響鈴, 但豆味更濃✨落湯浸一浸保留脆既口感同時又索左D湯-👅 牛舌 $108💯呢款牛舌比較少油份, 所以冇咁腍, 但肉味都重-🐖 廣章豬肉卷 $68✨似扎肉既豬肉卷, 少少鹹香

前幾日同朋友行街落雨涼涼地，想食d熱既野，經過見到依間邊爐就行左去試太肚餓既關係，我地叫左個精選套餐$796/2位，包左鴛鴦鍋、上選牛小排、精選滷拼盤（滷大腸、滷牛肚、滷豬肚）手工制瑤柱滑、綜合餃（蛋餃、魚皮餃）、日本帝王蟹棒、稻庭烏冬、濃香豆皮、蔬菜盤另外再叫左老油條、招牌手工三色滑（蝦滑、蟹滑、瑤柱滑）湯底雖然選擇得兩個，分別係麻辣鍋&酸菜白肉鍋，但的確係非常出色，可以揀酸度 同辣度，麻辣鍋有豆腐同台灣直送既鴨血，鴨血非常野味，口感好q彈，味道仲好足，而酸菜切到一條條，易咬味道好，酸酸地好開胃，最加分係鴨血、豆腐、酸菜都係任添😍😍總括黎講 我同朋友都係最鍾意老油條、招牌手工三色滑（蝦滑、蟹滑、瑤柱滑）同埋豆皮

無去台灣幾年，掛住台灣嘅味道。上網搵到呢間台灣過江龍好似幾吸引，最正係可以90分鐘內無限fill湯料，麻辣鍋加鴨血同豆腐，酸菜鍋就加酸菜。 鼎王麻辣 (小辣) + 酸菜白肉(中酸)湯底我哋揀咗鴛鴦鍋，一次過試晒兩隻唔同嘅湯底。麻辣鴨血同豆腐上枱個陣已經好入味，又厚切，愈滾愈香口。店員介紹鴨血仲係台灣直送。酸菜切絲，容易入口，滾完麻辣鍋食返啖酸菜可以解辣同膩。日本黑豚腩肉腩肉肥瘦分明，擺盤仲好靚，輕輕滾幾下已經索飽晒湯汁，大滿足。牛舌原來全部肉類擺盤都幾用心，牛舌嘅牛味香濃，夠晒爽脆，幾秒就食得。台灣直送老油條麻辣湯底配油炸鬼，正，最鍾意係滾幾下就起，外淋內脆又爆汁。不倒翁拉麵有咁惹味嘅湯底，真係忍唔住想淥返個麵，啲面簡直係吸晒所有精華。

鼎王麻辣鍋 (金巴利道) (尖沙咀)尖沙咀金巴利道26號地下5號舖鼎王麻辣鍋 + 酸菜白肉鍋（鴛鴦鍋），有小、中、大、特調4個辣度可以選擇，而酸菜白肉鍋亦可以有小、中、大3個酸度可以選擇，用上多種天然中式香料，味道天然！鼎王麻辣鍋 + 酸菜白肉鍋（鴛鴦鍋），有小、中、大、特調4個辣度可以選擇，而酸菜白肉鍋亦可以有小、中、大3個酸度可以選擇，用上多種天然中式香料，味道天然！90分鐘內無限添加鴨血及豆腐（鼎王麻辣鍋），而酸菜白肉鍋則可以添加酸菜台灣直送濃香豆皮散發出濃郁的黃豆香氣，口感柔軟紮實，入口後豆香四溢。玫瑰蜜桃果茶色澤淡雅，微微粉紅色，散發著玫瑰和蜜桃的香氣，喝起來清新怡人，口感醇厚，帶有淡淡的果香和花香，讓人心情舒暢。精選海鮮拼盤，帶子，大蝦，扇貝，生蠔。新鮮美味，口感鮮嫩彈牙，散發著海水的清香，讓人垂涎欲滴。竹笙質地爽脆，口感清新，散發著淡淡的竹香，富含纖維和營養，讓人感受到自然的味道。鵝腸質地緊實，散發著濃郁的鵝肉香氣，口感柔嫩帶有嚼勁，讓人回味無窮。

之前去左台灣旅行，行程緊湊，一直想試鼎王麻辣鍋，但無機會。前幾日先發現香港都有開分店，咁一定要試下！係尖沙咀站B出口行過去，大約3分鐘度，但原來間店顯示G樓，唔係地面的，要搭LIFT上一層！入到店內，見到裝潢好中國風，氣派好勁，小朋友都忍唔住話呢度好靚。座位好寬敞，坐得好舒服！見到好多人都同父母來，應該慶祝母親節。店員細心分紹環境，仲提示座位有叉電功能，好窩心的設計！茶香，服務唔錯。我地揀左鴛鴦鍋鼎王麻辣鍋(小辣)和酸菜白肉鍋(小酸)，一次過試下兩種味道，無限添加鴨血及豆腐及添加酸菜。配料好多，味道剛好，唔會太辣及太酸，一個香，一個開胃！湯底都好正，料足無味精夠味，唔使醬料都得。鴨血好爽，好正。酸菜都幾好食，份量足。見到好多人都叫招牌手工三色滑（蝦滑、蟹滑、搖柱滑），原來係台灣直送，仲有老油條、濃香豆皮都係！但我俾新優惠吸引左，試左最新優惠︰肉類孖寶優惠。此優惠選擇都幾多，有六份肉︰A類(手切牛頸脊，日本A4和牛、手切封門柳，B類(日本黑豚肩肉、御選小羔羊、日本黑豚腩肉)，我地揀左日本A4和牛，因為獨家日本鹿兒島直送，另外揀左御選小羔羊。和牛肉切成薄片，油脂分佈均勻， 入口即溶，口感滑

👀好耐無打邊爐，今日決定去打個邊爐，呢間麻辣鍋店一入去好有中式特色。🥣湯底我揀左鴛鴦鍋（麻辣鍋 + 酸菜白肉鍋），麻辣鍋有四種唔同嘅辣度選擇，而酸菜就有唔同嘅酸度選擇🤤仲有90分鐘內無限添鴨血同埋豆腐係for鼎王麻辣鍋，而酸菜白肉鍋就可以任添酸菜，而且所有嘅湯底都係用多種天然嘅中式香料，味道天然而且好味😋 ▶️麻辣鍋嘅鴨血由台灣直送，非常大件同厚係香港必食鴨血之一，簡直係鴨血的天花板，口感彈滑，再配搭麻辣鍋，有種去左台灣嘅感覺❤️▶️酸菜白肉鍋的酸菜切成幼條狀，口感極佳，酸菜配上腐乳汁，簡直一流 店鋪推薦幾種火鍋材料：台灣直送老油條、濃香豆皮、招牌手工三色滑（蝦滑、蟹滑、搖柱滑）👍 我覺得牛小排拼雞髀肉都要叫，牛小排肥瘦均勻，色澤鮮豔，食落有牛味😋 雞髀肉鮮嫩😆距出面仲有白飯同唔同嘅醬汁可以添置，所以牛肉撈飯都幾jeng😋

前排先食完無老鍋，嗰種台灣火鍋癮又起，於是就試另一個近年進駐香港嘅另一品牌，鼎王。記得之前喺康城嗰邊都食過一次，嗰陣時個感覺麻麻，不過至少那件鴨血同埋麻辣嘅味道，都算有台灣九成嘅水準，而且價錢都唔算太離地。今次下晝過嚟，發現左幾個優惠，首先先講呢個二人餐，鴛煮鍋係常識，麻辣當然豆腐鴨血都90分鐘內任你加，至於酸菜白肉又係食到你叫停為止，上選牛小排，精選滷拼盤有滷大腸、滷牛肚、滷豬肚 ，自家製手工瑤柱滑，綜合餃有香滑蛋餃6隻、魚皮餃6隻，日本帝王蟹棒，稻庭烏冬濃香豆皮，鮮甜蔬菜盤，寫到寫到手軟咁多嘢食先至係$796兩位，而其實個餐分分鐘可以到三至四個人食，不過要六點前買單，如果約朋友星期六日週末食lunch係一個好好嘅選擇，完全係趕上平時喺台灣日頭先會打邊爐嘅節奏。當日四個人食，我加多左個豚肉就已經夠食，出邊仲要有白飯任裝，可以話係一班朋友聚腳嘅好地方。如果你兩個人比較細食，一至五有啲更加平嘅套餐，$188兩位有肉有丸有菜有麵，當然鍋底另計，但係都刷新火鍋一個新平價嘅認知。當然其實呢間餐廳仲做咗好多優惠，例如經OpenRice訂座有55折，星期一至五晚上六點前免最低消費，再加上非繁忙時間

其實小妹細細個就聽過呢間餐廳🤭喺台灣食過幾次 覺得幾出色但旅行嗰陣總有啲顧忌所以即使好鍾意食鴨血都係驚食完麻辣鍋會肚屙每次都叫其他湯底 有啲美中不足咁知佢殺到嚟香港 一於試試佢！壺茶個味好特別成枱人都嗡唔出係咩茶最後襯店員擺低嘢嗰陣問佢原來係台灣嗰邊過嚟嘅水蜜桃紅茶😂唔怪之得有啲甜甜哋啦出邊有自助醬料區比較特別嘅係麻辣沾醬同酸莱沾醬一個酸醋味係for麻辣鍋另一個係用台灣腐乳醬調製 for酸菜白肉鍋另外值得一讚係佢張枱有USB頭！！！好貼心 一路十下十下 仲可以一路叉住電唔怕打卡打到無晒電📸鍋底 $78@ 🙆🏿‍♀️鼎王麻辣鍋有大、中、小同特辣揀鴨血同豆腐都可以無限refill(我懷疑湯底部分 佢蝕比我哋🫢)佢啲鴨血好好食 台灣直送之餘 仲好厚好滑而酸菜白肉鍋有大、中、小酸揀酸菜切成絲狀 越熬越入味而且亦都可以無限refill㗎牛拼盤 (4人份) $488 🙆🏿‍♀️店員放低時有逐個介紹亦都有講明因為係師傅手切比較厚身少少🤏所以紅色嘅肉要淥18-20秒而牛黃喉 (即係白色) 就10秒左右就ok喇(以下次序由左至右)手切牛邊爪比較肥美 中間一大嚿肥膏 食落肉味香濃 充滿油脂感手切牛黃喉好快就食

來自台灣既鼎王，招牌麻辣鴨血絕對係鴨血屆大哥，而且免費無限添加，絕對值回票價✨麻辣湯底，採用牛油，蘋果，及多種香料炮製，充滿着麻辣鮮香，完美湯底加入任何食材打邊爐，冇得輸啦🤤聰明既大家🤭一定要點鴛鴦鍋，配埋台式酸菜白肉鍋，即刻去左台灣一轉既感覺🥩上選牛小排 $338 牛小排係肋脊部位，平時運動量較少，所以油花分布比較平均同事肉質好結實，絕對值得點⭐️而且員工擺放得非常靚，最適合打卡啦📸🦐招牌手工三色滑 $168 (蝦滑、蟹滑、瑤柱滑) 台灣直送食材，鮮味大牙之餘，仲可以食蝦粒同埋瑤柱絲，足料爆餡✨ 至於其他蔬菜都非常新鮮，亦都清洗得乾乾淨淨，人均消費大約400💰無論環境，員工服務，食材都令人非常之滿意⭐️⭐️⭐️⭐️⭐️#尖沙咀美食 #香港餐廳 #香港火鍋 #鼎王 #鼎王麻辣鍋 #香港打邊爐 #打邊爐 #火鍋 #麻辣鍋 #鴨血 #牛小排 #蝦滑 #尖沙咀 #香港必食

1)我同老公叫左鴛鴦煱，一次過兩種享受。酸菜白肉鍋同麻辣香鍋💗佢嘅酸菜並唔係我哋食開嗰啲咸酸菜，而係切左絲嘅大白菜和娃娃菜，我又覺得好好，唔使食醃製嘢，蔬菜就健康啲。鴨血我老公都想試吓，食落口感彈滑，每件切件都非常厚，我自己就鐘意豆腐，大大件又入味。2）招牌手工三色滑（蝦滑、蟹滑膏、瑤柱滑)每款都彈牙，真材實料。3）牛拼盤🌹手切牛頸脊，肉質鮮嫩爽滑。🌹手切封門柳，肉質鬆軟，不易變韌。🌹手切牛邊爪，脂肪肥美，肉味香濃。🌹手切牛黃喉，一般為主動脈，又稱心管，特點就是爽脆4)牛白肉我望一眼覺得好肥膩，只係錯覺嚟，佢實則口感係爽脆,而且勒勁十足。5)招牌冰鎭烏梅汁原汁原味烏梅汁，酸甜開胃又解膩，食火鍋飲就一流。

今日同朋友黎到每月一聚嘅日子👯‍♀️當然就要搵個舒適嘅環境用餐🧚一入到門口古色古香 🪨🛖靠入口右邊仲有個茶水自助位🍵應該係諗住大多嘅時候 供客人飲用而職員嘅服務態度都十分好 會主動適時提供協助 係香港好耐無點遇過呢啲員工👍👍👍話分兩頭講番啲食物先😋🍴湯底 鴛鴦鍋 $78 1位 計人頭👉麻辣鍋 入面原來已經內置左好多鴨血同豆腐 仲要係可以無限添加 真係就咁食個鍋都夠飽而鴨血同豆腐都唔會hea出 2樣都好入味好好吃👉酸菜白肉鍋 大量菜 薯粉 仲有幾片白肉辣度酸度都可以自己揀 今次揀左小辣同小酸中意食重口味或者辣嘅朋友仔可以叫中度起🤣🍴牛小排配去骨雞脾肉 $208 牛肉新鮮 雞脾肉嫰滑 呢個拼盤岩想食少少肉 但又唔想叫咁大盤嘅人喇🍴日本廣島蠔 $108 10隻呢個抵食 冰底上菜 仲有雕花配飾蠔唔腥仲keep到好有蠔味 推推🍴彈牙墨魚棒 $68 6條確實好彈牙 好似腐皮包住啲墨魚滑咁 🍴牛骨濃汁牛丸 $58 不過不失 無想像中咁多汁🍴醬料自助 2款醬汁👉麻辣沾醬 (酸醋味) 👉酸菜沾醬(腐乳味)除左2款已調好嘅醬汁外 仲有蔥同芫荽任拎2個醬汁都分別配番不同火鍋湯底食用 更可以提升食物嘅鮮味🤤仲送

鼎王 係台灣就出晒名，依家開到來香港，立刻約埋朋友一齊去食！ 店內火鍋湯底主要是酸菜白鍋和麻辣鍋兩種，我地就叫左鴛鴦鍋（$78位），兩款都有無限添食 鴨血、豆腐及酸菜。兩款湯底都有特制既醬，麻辣鍋 有麻辣沾醬 （以醋及豉油製成，可以中和麻辣，而且開胃） 鴨血豆腐，嫩滑惹味，店員自動幫我地添加左幾次酸菜白鍋有酸菜沾醬（以麻醬及腐乳製成）腐乳醬點酸菜，味道非常夾，麻香十足。兩款湯底，我更喜歡酸菜白鍋，酸菜點腐乳可以食到一碗飯（店內白飯任裝）我地4個人叫左3款肉，招牌手工三色滑、濃香豆皮（台灣直送）、牛骨濃汁牛丸、日本黑豚手工丸。推薦手砌牛頸脊，油香滿瀉，牛肉味香濃推薦招牌手工三色滑，三款滑 都爽口彈牙，材料足店員推薦既濃香豆皮，要煮3-5分鐘，除左厚身D，沒什麼特別可食可不食總括來講， 店員服務好好，佢自動自覺不停幫我嘅添加，不需叫，值得稱讚價錢是中價位$4xx/1位，不過食物質素高，所以都值得再去

聞說鼎王麻辣鍋好正， 要試試鴛鴦鍋～ 麻辣豬紅豆腐鍋酸菜白肉鍋豬紅豆腐酸菜白肉都可以免費不停加淨係食呢兩樣都已經可以食到好飽，係抵食嘅豬紅豆腐好入味。 牛小排拼去骨雞髀肉牛肉油花均勻，賣相好靚仔牛味重， 唔算入口即溶，但係都軟軟綿綿的炙燒芝士丸上面微微燒過，比平時食開嘅芝士丸靚好多，好吸睛。一咬下去，超多芝士漏曬出嚟，呢一個超級推介。 手工蝦丸台灣直送外貌唔係好靚，但係見到好多蝦肉，無混合其他豬肉麵粉等等，有微微胡椒味道， 好正。

今日放工同老公食佢至愛之一 麻辣鴨血,呢間之前朋友介紹再好耐 今次終於試一試佢🤓一入餐廳 裝修精緻 座位濶落 好有空間感 鴛鴦鍋 (麻辣鴨血 、酸菜白肉鍋）叫左小辣 小酸 麻辣鍋內有鴨血 豆腐 ,90分無限添加 🤩鴨血件件大件 滑滑 正, 豆腐吸晒麻辣汁🤤真係食到停唔到口酸菜白肉鍋的酸菜都係無限添加 呢三款都係台灣直送濃香豆皮 店員講解 淥3至5分鐘 豆味好濃 我淥左5分鐘覺得岩岩好 仲會有小小咬口 唔會淋曬三色滑 （瑤柱 蝦 蟹）真材實料 會見到瑤柱絲 同蝦肉 同埋瑤柱滑比較小見 可以一試排骨酥 初頭以為係即食 原來係要淥3-5分鐘 呢個幾特別 外皮吸左麻辣湯汁 肉質軟軟 好味 日本黑豚肩肉本身酸菜鍋入面都有白肉,因為唔夠喉🤣所以叫黑豚肉 因為酸菜加埋肉再點佢店員介紹嘅酸菜沾醬(腐乳味）真係一絕 好岩我口味呢間餐廳 食物,環境,質素,服務我都好滿意,一定會再回頭👍