鼎泰豐

營業中

休息中

高级上海台式点麺小館能做到跨國界連鎖兼擇下米芝蓮稱号，必然有她過人之處！關键在于管理，包括客户服务管理和食物质量管理。客服由你等位开始到離店，做到贴心但不失效率。等位時已給你看菜单兼点菜，坐下不久菜馬上奉上。你離坐時清洁服务员已在後面外理翻枱工作。食物質控就是產品從原料處理、擀皮、成型、完成，計算出每一個步驟所需要花的時間，對每一個流程做控管，並設有每十五分鐘負責抽查。而且店子厨房是半开放式。今天回訪，点了：1. 小籠包：皮薄饀正2. 香蔥撈麵：麻香加葱香，麵做到又爽又弹牙3.咸菜肉絲：簡單前菜，好味4.酸辣湯：酸辣度適中，口感丰富5.薺菜飽：皮薄鬆軟，饀料清新

鼎泰豐喺外國人嚟講可能真係好好味因為我坐低見到周圍都係外國人不過味道 比較清淡可能真係啱外國人食多啲老實講大部分嘅嘢食味道真係勁偏淡黃花魚冇咩魚味好似一pat有少少鹹味嘅魚乾 肉質有少少鞋鞋地口感唔好排骨陽春麵 其實我冇食到有骨可能啱返外國人唔鍾意喇骨嘅習慣麵質真係幾好好彈牙 可惜個排骨 賣相唔好 亦都唔似排骨囉紅油抄手唔夠辣 亦都好淡口但係勝在皮薄餡靚 其中有一塊爆開咗我亦都唔知發生咩事反而佢個酸辣雞夠曬辣小籠包皮薄餡靚都係淡味咗服務一流

這裡其實係我飯堂，好多時晚餐唔知食咩就會來這裡；今日好想食小籠湯包，瞓醒就來食個early lunch，這裡開11:30，未夠鐘門口已企滿人，我哋仲以為要等好耐，原來只係未夠鐘未放人入去唧！小籠湯包只在假日中午供應，平時冇得食㗎！一籠有12小粒，跟一碗蛋絲湯，食時放入去浸一浸，清清淡淡，好似食緊細細粒嘅蒸餃子咁。每次必叫蝦肉煎餃，最難得係唔油膩，未食過嘅一定要試吓！我哋仲叫咗以下食物，炒飯來到時我哋已8成飽，仲想留肚食芝麻包，所以排骨蛋炒飯打包，今晚果餐唔洗煩喇！

星期六夜晚六點半都未需要等位，但由於進餐時間限定是一個半小時，我們便等齊人才進入餐廳。餐廳都貫徹台灣的服務週到作風，袋放好後職員細心用布蓋著。我們當然叫了小龍包，很多肉汁，保持應有水準，皮也不易穿，很好吃。另外叫了菜肉餃，味道不錯，但如果想要多汁的，還是吃小龍包吧。另外叫了兩個麵，一個擔擔麵，一個紅燒牛肉麵，兩個都只是很輕微辣，擔擔麵很香，紅燒牛肉麵就好像很重味精另外我們還叫了兩個冷盤，都好精緻，味道正常。有牛展、牛脷、牛肚

其實香港既鼎泰豐我好少食, 我諗3次內, 因為始終覺得無論服務, 食物都唔夠台灣既好不過有外地黎既朋友睇到旅遊書介紹 話可唔可以帶佢黎食呀好啦盡香港人好客之道精神帶佢黎食叫左馬蘭頭, 好大碟 2個人就太多喇不過味道都唔錯原盅雞湯麵呢個反而比左驚喜我又幾濃雞湯味, 可能係燉湯既關係, 零舍入味, 麵質幼滑到重頭戲啦, 小籠包皮唔算我食過最薄, 但勝在多汁, 每人3粒岩岩好, 多人既話一籠係唔夠既反正每次黎都會叫, 但係唔會抱太大期望既一個菜

周日放假去試鼎泰豐，先前去台灣每次都去食正宗台灣小籠包，次次排長龍！香港鼎泰豐原來也是排長龍的，今日早上11時半已經要取飛等枱，此店有很多分店，香港島在銅鑼灣，另外尖沙咀和沙田新城市廣場也有。香港也可以吃到台灣地道小籠包、紅燒牛肉湯麵、醬汁黃花魚等。今日當然一定要叫小籠包啦，另外也想吃上海粗炒，噢可惜這裏沒有的。餐牌看見很多不同的類別的拌麵，例如台式擔擔拌麵、炸醬拌麵，另外也有各種炒飯。不過平日返工食得太多快餐炒飯，見到也怕怕！不過最欣賞是夏日炎炎吃涼菜，這裏涼菜種類多，有冰鎮涼瓜、涼拌黑木耳、台式四季豆和紹興醉雞樣樣也不錯的。看見好多外籍旅客都來，一定掂啦！

每次黎呢到都要等位，可能遊客區，加上呢間餐廳又真係好食。當然必要點佢地既小籠包啦，我每次黎都會點佢地原味小籠包，但今次就加左黑松露小籠包。窩貼貼埋油豆腐粉絲。原味小籠包 - 我覺得佢地一直都做得好好，皮薄多汁，夾起時又唔會散，湯既豬肉味好鮮甜。完全覺得一個人食一籠都唔夠。黑松露小籠包- 其實我覺得呢個無乜特色，聞香味淡，食既時候又唔覺得黑松露味好出。可點可不點。窩貼-個皮好薄，煎完又好脆，咬落去時蝦汁都會流出黎，好好味。油豆腐粉絲- 其實好少人會點呢個菜，但真係好好味，首先講佢既湯底係似用左蝦米同豬肉煲出黎咁，非常鮮甜，而油豆腐切到一片片，吸晒湯底，食落去既時候好淋好入味，粉絲食得出用同一個湯底黎煮開，所以每條粉絲都佔上湯，成件事都配合得好美味！

我經常到此用餐，過往其食品及服務挺好，亦不負其米芝蓮之列，但今次我對其食品及服務真反感。其知名小籠包品質已大不如前這麼美味，菜肉餛飩之肉餡又乾又“鞋”，真不值這價格。最令我憤怒，我本可用餐90分鐘，就算早已用完餐稍作休息，我亦打算早45分鐘結帳，經理竟然假裝來確定我有否要結帳，以暗示要我早點離開，再者眼看侍應亦不太忙碌，其服務態度亦較之前差，如此對待顧客及其高價格，我絕不會再光顧，甚至其全線。簡直不知所謂！！！！

鼎泰豐馳名中外不是第一天的事情，時至今天，依然不少外國遊客光顧。來到鼎泰豐當然要點它的招牌小籠包，不然就不算來過鼎泰豐。小籠包整體來說小巧可愛，皮薄渾圓，令人食指大動。輕咬一口，湯汁外流，若隱若現的豬肉餡料，比例處理得很好。豬肉的鮮甜，淡淡的蔥花帶出香氣，配合美味的湯汁吃一流。蝦肉煎餃也挺不錯，外皮煎得酥脆，亦是飽滿十足，一副好吃的模樣。我們開始心急了，想蝦肉探出頭來。蝦肉煎餃與小籠包不同之處，在於煎餃皮吃起來厚實有彈性。金黃的餃皮，緊緊包裹著豬肉與蝦肉。蝦肉又嫩又脆，蝦味十足，豬肉與蝦肉交纏起舞，美妙滋味。台式擔擔撈麵比預期的失望，它的麵過於軟腍，而且不少過於零碎，夾的時候不方便。醬汁看似濃稠，卻沒甚麼味道，是眾多食物中最不好吃。我與友人均不推薦大家吃台式四季豆，它有點生硬之餘，也是淡而無味，最不足的是四季豆不夠溫熱度，甚至有點冰冷。鼎泰豐另一招牌非紅燒牛肉湯麵莫屬。這裡的牛肉麵價錢不便宜，但是它絕對值回票價。牛筋燉得軟嫩卻不會爛爛的，口感極佳，牛肉比我想像中更嫩口，蠻意外的。牛肉湯頭滿醇厚的，牛肉味濃厚且沒多餘油脂，我喜歡得很，幾乎把湯喝光。麵亦非常彈牙，不比牛肉與湯遜色，尤其一口

等位的形式、座椅、佈置及招呼都同台灣正店一樣，惟獨價錢絕對不一様，香港價格昂貴得多了！招牌的小籠包子，保持正店的水準，但畧嫌不夠熱，烤夫味道普通，失望的菜式-紅油菜肉抄手，抄手外皮又硬又不熱，菜肉都很堅實，似未煑透！紅油汁畧帶甜，不甚辛辣！

Lunch: (1) 烤麩 (marinated bean curd) - solid cold dish with good flavour; (2) jellyfish w radish - good proportion of jellyfish and radish; (3) 蒜香粉皮肉 (pork slices w garlic and green bean noodles) - not my favourite, the pork tasted like pig; (4) soup dumplings - awesome with thin skin and a bunch of soup inside; (5) 菜肉餃 (pork and veg dumplings) - nice but not as good as the soup dumplings. OVERALL - decent. SUGGEST - soup dumplings. How I rate: awesome > decent > meh > terrible

日本朋友岀親街都話想食鼎泰豐雖然價錢不便宜，但質素絕對有保證一口一個小籠包，每一口都是豐富的肉汁，鮮味無比朋友話想飲湯，叫左一盅雞湯，雞湯好好飲，但略嫌湯渣太多，始終湯水先係重點醉雞係我至愛，最中意飲入哂味又不會苦既醉雞酸菜肉絲太失望，酸菜無酸味，肉又無味道，失望至極涼拌木耳食唔停口，不會過酸，好開胃呀！仲有蝦煎餃，朋友介紹必食！認真一流，凍左都有肉汁流岀問你死未

鼎泰豐喺香港有幾間分店，但是質素都有參差。本人覺得銅鑼灣店最好吃，呢一間亦喺最多人，今天下午再去惠顧等左十分鐘就有位啦相信大家對於鼎泰豐小籠湯包，非常熟悉不過，仍然好想介紹下小籠包皮好薄、皮煙靭，而豬肉餡料好腍，好香，小籠包內上湯鮮甜美味，加埋薑絲，少許香醋，絕配紹興醉雞，花雕酒香濃，即是飲一口，正雞肉未能吸收到酒味，可能烹調時間未夠希望下一次會好吃哟

First dinner in Hong Kong and it was a success! Very nice people to help us understand how to eat dim sum.

今日中午我們去咗銅鑼灣怡和街嘅「鼎泰豐」食中午飯！我們叫咗什錦豆乾絲係用豆乾絲、海帶絲同芽菜撈埋一齊食，口感好爽脆！涼拌黑木耳好爽口嫩滑，配上酸酸嘅鎮江醋，相當醒胃！冰鎮涼瓜嘅味道好清甜清新，食落之後就會慢慢滲透出涼瓜嘅甘甜味！酒糟鴨舌好爽脆，酒嘅味道唔會好濃烈，感覺好清香！蘿蔔絲拌海蜇皮清甜嘅蘿蔔絲撈埋爽口嘅海蜇一齊食，令到口感都幾豐富！香干馬蘭頭係用多種材料剁碎晒撈埋一齊，味道都幾特別，最重要係無草青味！乾煸四季豆唔會好乾身！台式酸辣湯嘅味味酸酸辣辣，材料好豐富！小籠包嘅皮好煙韌薄身，唔會好容易裂開溜晒入面嘅湯汁出嚟，湯汁嘅味道好鮮味，肉質亦幾軟滑！蔥花蛋炒飯炒得粒粒分明，但就油膩咗啲，鷄蛋嘅味道好香濃！油炸排骨湯麵嘅麵質比較腍身，唔係好彈牙，排骨嘅肉質好鬆化，肉汁都幾多！菜肉餛飩湯嘅都幾煙煙韌韌，菜肉嘅味道都幾清香！甜品：赤豆鬆糕嘅感覺係熱辣辣嘅雲片糕包著香滑紅豆蓉咁，味道唔會過甜！