點一龍 (如心廣場一期)

營業中

休息中

在家附近的非一般茶樓除左傳統點心，仲有好多特色點心可以選擇 very yummy~!!!仲可以係openrice上訂檯，非常方便，食滿$300仲有以儲埋asia miles添👍🏻👍🏻👍🏻食物質素方面都很好，點心出籠既熱又新鮮點左我至愛嘅馬拉糕，又甜又鬆 🍰💯每日2:30-9:30有點心放題，限食2小時，星期一至五仲有折扣優惠$188任食兩個鐘點心，其實都幾抵，下次可以一試👍🏻👍🏻👍🏻

依家天氣入夜後還是有點風，男友話想食點心但我又想食飯，所以就點選了如心廣場內的點一龍食晚膳店內有消毒設備，令食客十分安心點心紙選擇十分多，除了點心外還有煲仔飯補肺燉湯餐廳特別推出補肺滋潤湯，令食客在現時環境也增加抵抗力，湯十分滋潤，材料也是滿滿的十分暖身暖胃栗子雞煲仔飯熱辣辣的煲仔飯，加了鼓油，還有我最愛的飯焦，雞肉滑嫩栗子帶甜，十分鮮味薑蓉炒芥蘭芥蘭一點也不老，好嫩沒有渣，選材絕不馬虎蜜汁叉燒腸粉腸粉皮簿，腸粉配叉燒個人十分喜愛，一口接一口翡翠石班蒸餃絕不簡單我蒸餃，每件蒸餃也有一大件的石班，魚肉嫩滑，絕對值得一試原汁原味西瓜糕原汁西瓜汁造成的西瓜糕，很清甜令人透心涼環境服務也十分滿意，期待下次再來

呢間野平時就咁散叫已經貴佢而家做點心放題，就緊係要嚟食夠本。平均一個人食4至5樣野已經回本入座即送 燕窩蛋撻，瑞士雞翼蛋撻蛋香幾濃，燕窩都鋪好多喺面，食落幾鬆雞翼就瑞士汁偏淡，d肉幾彈 都ok普遍呢度既野都唔鹹，醬汁偏向唔夠味而甜品類都應該迎合左潮流，唔太甜整體嚟講野食質素一般般D餃類，腸粉，蘿蔔糕都太厚粉喇個人推介呢度個 楊枝金露，蛋煎糯米雞，海蝦春卷，流沙奶皇包雖然佢做任食，但份量唔欺場，而上菜速度都快，亦冇漏單情況。看似落單紙選擇唔多，其實都係平時飲茶既野，記著食得晒先好嗌。

荃灣西多了幾棟新商場，所以呢排同朋友都多咗去荃灣西覓食。而是晚就我哋就去咗如心商場地下嘅點一龍食點心，點一龍裝潢時尚型格，入面還有不少包廂座位，私隱度高，特別適合我們姊妹淘傾密偈！點心選擇多樣化，當中仲有唔少餐廳自創嘅特色點心，所以都心大心細咗一段時間先揀好！原隻鮑魚雞粒酥店內招牌，當然要一試！原隻鮑魚仔放在撻皮上，除咗賣相霸氣呃like之外，味道亦唔錯，曲奇撻皮鬆化，鮑魚肉質彈牙爽口，淋上鮑魚汁，鮮味十足！一人一隻，間中豪氣一下都唔係好過份姐！避風塘糯米蟹避風塘糯米蟹造型維肖維妙，非常可愛，外皮炸得金黃，入面原來是炒香咗嘅糯米飯，不過個人就覺得『避風塘』嘅風味唔夠，加點辣會更加貼題！龍蝦湯三皇餃中西合璧嘅一道點心！蝦餃餡料飽滿，蝦肉新鮮彈牙，浸喺濃郁creamy嘅龍蝦湯內，更添鮮味！雪影金腿叉燒包叉燒包同平時食到嘅有少少唔同，呢度嘅反而有啲似墨西哥包，不過換咗係叉燒餡。雪影叉燒包外層酥化，內裡叉燒唔會太肥，不過上桌時溫度就有D攤涼咗，稍為影響口感。結帳後，經理表示因為新開張，服務尚有改進空間，所以竟然送上合桃酥！即時印象分大加！

點一龍於星期一至日 2:30pm-9:30pm 有點心放題供應，食2小時，每位@188！星期一至五光顧2-3位有9折4-6位有8折7-10位有7折人數越多，折扣越多！我打過電話來問問題及訂座，接電話的女士，都好好又有禮貌。今日星期六2:30pm來食點心放題每位$188 + 10% = $206.80仲有每位送一個燕窩蛋撻、每位一隻瑞士雞中翼、每枱一壺入口法國高級花茶點心大部分都好好味，個人特別喜歡：蝦餃、燒賣、鳳爪、牛柏葉、杏仁茶、奶黃流沙包、春卷、芝麻小卷、雪影金腿义燒包以下呢幾款，做得比較差：蛋煎糯米雞、牛肉球、排骨、腸粉

位於荃灣的點一龍，是一間主打點心的粵菜館。跟傳統的酒家截然不同的是，點一籠的點心款式繁多，有傳統口味，也有新穎口味，難怪吸引大量年輕顧客。餐廳裝修簡約時尚，以紅色為主調，形造中菜餐廳氣氛。因為疫情關係，最近推出仼食點心和點心買三送一丶小菜買二送一優惠，全場爆滿，幸好有訂座，才不用等位啦。雖然主售點心，但同樣有小菜和煲仔飯供應，跟家人親戚相聚也很適合哦。而且菜單更有標明素菜，形合客人需求呀。雪影金腿叉燒包 $36招牌點心之一，雪山包皮酥脆香甜，呈上時微暖，包子鬆軟可口，叉燒餡多一點會更滿足呀!脆網皮海皇腸粉 $59腸粉有四種口味，當中以這個脆網腸粉口感最豐富。香脆的網皮丶彈牙的蝦仁丶滑軟的腸粉，沾上醬油更好食。原隻鮑魚雞粒酥 $55/件養顏燕窩墶 $35/件鮑魚酥和燕窩墶的價格不便宜，但原粒鮑魚和大量燕窩，也是頗吸引的。鮑魚彈牙，墶皮鬆化，味道不錯。斑蘭欖仁馬拉糕 $33這裡的馬拉糕非黑糖味，而是斑蘭味，斑蘭味道很特出，加上欖仁，增加口感。生磨芝麻小卷 $33甜品選擇甚多，而芝麻卷是傳統點心之一，就試一試吧。芝麻味道不夠濃，如果濃一點更好哦。

高質點心放題，拍拖或聚餐都一流！環境坐得好舒服，慢慢嘆茶😋平時去酒樓飲茶，想食得夠多款式嘅點心，一定要叫夠一大班朋友或者親戚，咁先食得多款食得開心。但而家興起好多點心放題嘅餐廳， 兩個人都可以叫好多細份量點心淺嚐！而”點一龍”係其中幾出名，點心高質，環境舒服，價錢適宜，非常推薦👍🏻👍🏻👍🏻佢嘅點心放題有指定時段，每位都係$188左右。呢個價錢包左超過30款點心，傳統嘅蝦餃燒賣包點飯麵甜點，而且質素都認真唔錯，用料新鮮，即叫即蒸！份量就每籠三粒。蝦餃、鮮蝦菜苗餃同燒賣都必食！腸粉皮薄餡靚～當然餐廳亦都不乏十分具特色嘅點心！點心放題套餐就已經送你兩客特色點心，有養顏燕窩蛋撻，的確幾有心意～仲有一客瑞士汁雞中翼。不錯呢！任食點心當中有兩個特別推薦嘅，就係奶皇流沙包同埋雪影金腿叉燒包，流沙包熱辣辣，流心餡真係非常流行🤤雪影叉燒包，非常驚喜！酥皮超脆帶小小點，包底軟熟，外脆內軟而且叉燒餡超重手，完全喜出望外！🤩🤩炸物既大蝦春卷都極有誠意，入面既蝦大大隻又彈牙，春卷即叫即炸不馬虎，又唔油膩，好過一般酒樓好多！另外仲試左店鋪自家製既合桃酥，好食😚最後甜點都有，有芝麻卷、揚滋金露、杏仁茶、桂花糕等等。

在家工作了好一陣子，這天晚上和家人外出吃飯，抖抖氣。近近地來到了如心廣場的點一籠。因為肺炎，晚市的人真的很少，成大間嘅只有兩台客，不過侍應的態度也很好，感覺很親切。 餐廳清潔很好，提供了消毒搓手液給顧客。而且正在做優惠，堂食買二送一，點心類質買三送一！ 因為一排沒有出街食飯，所以我們都點了不少野食！點心新鮮熱辣，翡翠石斑蒸餃，石斑肉大大塊好肉厚。菜苗餃入面有瑤柱和彈牙的鮮蝦！我最愛的燒賣也食到啖啖蝦肉，口感大滿足！避風塘糯米蟹造型十分可愛，咬開入面係煙韌的糯米，鹹鹹地甜甜地。 老媽點了豉汁帶子蒸豆腐和北菇紅棗雞煲仔飯。豆腐很滑，而且帶子厚厚一塊鋪面，做得很有質素。煲仔飯的雞肉份量不少，而且肉質也嫩，雖然飯焦感不是很重，但飯粒粒分明，不錯！ 豪一點點了燕窩蛋撻和鮑魚雞粒酥！燕窩的份量很多，蛋撻皮也鬆化！鮑魚雖然細細粒，但爽口彈牙。 最後飲埋侍應推介的時令抗疫湯水，清甜潤肺，好滿足。當全城都人心惶惶時，其實好多餐廳仍繼續做好清潔措施，為懶得煮飯嘅香港人，提供服務！所以要多多支持佢地呀。

放題點心種類不多，小小的，平常酒樓或，點心店.....也多數有，但這店的，很多的味道，聞到好香，吃一口便覺好味！連平常的蘿蔔糕都好好味！如用這店單點價錢，我一人吃量，應五百了，但放題平了一半！

吃點心，不再是酒樓的專利。很怕酒樓的嘈吵與人多，又想念點心的滋味，近年開了很多點心專門店，是不錯的選擇。如心廣場新開不久，這晚與好友到激安朝聖，順便到了附近晚餐。生意難做的情況下，食店要生存，不同優惠是必須的，點一龍也不例外。除了點心，亦提供不同小菜，更有煲仔飯選擇。2個人胃口不大，想試煲仔飯，所以決定配小菜，點心留待下次再試。. 飯前先來一碗燉湯，夠熱之餘也相當足料加入了肉類的燉湯最怕油膩，但這盅不油味道濃濃的，一人份量至岩胃口不大的我。當晚有優惠，燉湯買一送一，平均二十多元就有一盅。. 驚喜的煲仔飯😍飯焦跟茶餐廳一樣出色，滑🐔香滑不肥，肉質軟稔，栗子量也不少，沒有碎開一粒粒，幾乎完好無缺。我覺得不下鼓油味道已相當出色，價錢不算貴，還更覺得衛生安全。煲仔飯還配有一碟清菜另上，清甜新鮮，讚👍. 朋友胃口不大，但又想試點心，所以只點了一個燕窩蛋撻感覺相當高貴，味道也不錯，新鮮蛋香。. 沒有再點其他點心，點了菜心炒雜菌菜心沒有炒過老，配上雜菌，是素食者之選😉。. 這小店環境絕對比酒樓舒適，食物不會因為小店而變得小菜沒有鑊氣，價錢茶位也當然比較親民，現在堂食小菜買二送一，更是相當經濟。

最近疫情同市差，好多人唔敢出去食. 餐廳多左好多優惠, 之前bookmark 一間點一龍就做緊堂食點心買3送1, 小菜買2送1. 外賣就更抵, 所以同朋友去試下點心同飯菜本身都唔貴, 而選擇亦蠻多,依家有折就更抵食龍蝦湯三皇餃，其實係蝦餃但加上龍蝦湯.龍蝦湯帶點龍蝦味又有d creamy. 蝦餃本身都ok, 餡蝦肉爽彈幾香，皮唔會好厚避風塘糯米蟹，比個名吸引左，但原來即係炸糯米包. 雖然個樣幾cute, 不過覺得唔太值😂 麻麻地炸包呢樣野黑蟹子小籠包幾小巧可愛，咬開中間有湯汁，皮唔算好薄，不過不失杞子鮮蝦燒賣，覺得蝦餃好食d脆網皮海皇腸粉，其實係蝦腸，不過多層脆脆，類似油炸鬼係腸皮之下，多層香脆口感蠻不錯潤腸臘腸蛋黃煲仔飯，煲仔飯最夾而又邪惡既選擇 - 潤腸臘腸🤣兩腸都好香，油潤夠味，mix 埋咸蛋黃係絕配組合. 飯乾身都唔錯，只係唔知點解我呢鍋唔係好夠熱無咩飯焦. 但離開時見到人地個煲好多飯焦係底班蘭馬拉糕，班蘭味淡淡。馬拉糕幾鬆軟有彈性，唔會太甜勁大碗，呢碗碎牛榨菜粥先$54 夠幾個人share粥好綿密，隨粥仲有碟蔥同油炸鬼送. 味道比較清，幾健康感覺最後甜品蛋白杏仁茶，還不錯.

呢間位於荃灣既點一龍主打係中式既酒樓美食例如點心等等即使到晚市都係照有的鮮茄雞絲蝦仁飯炒飯來講3樣食材既份量都唔少炒到岩岩好既味道特別係蝦仁超香口同好濃濃的蝦味份量都唔少，一個炒飯可以分到有4碗飯當紅炸子雞炸子雞係一般既酒樓都唔係常有既菜式而呢度炸得超正外皮係脆卜卜，而入面係超嫩滑肉是厚厚的，肉連著皮吃皮就像是紙一樣的香脆可口杞子鮮蝦燒賣燒賣係我既最愛，呢個仲加左杞子同鮮蝦成個層次出哂黎杞子健康又甘香，而鮮蝦爽甜又彈牙！

相比起普通既飲茶地方呢度會更乾淨同高級既感覺一人一台係呢度既特式即使而家呢D咁危險既日子 都可以放心入去食晶瑩海蝦餃食蝦餃最幸福的就是蝦的size超大的一只而且皮厚度適中，吃落又幾有口感帶子蒸豆腐呢道係必食推薦帶子同豆腐一齊蒸，帶子既味道被豆腐吸收哂鮮味出哂黎而且豆腐係超嫩滑，用快子都夾唔起黑蟹子小籠包小籠包加上黑松露蟹子成個味道再升左一個層次奶皇流沙包超juicy的奶皇包入面既奶皇多到滿瀉必需要熱辣辣即食先係最好味！

雖然日日要帶住個口罩 但飯始終要食既 同屋企人去左如心廣場食專門造點心中菜既點一龍有別於茶樓 呢度既茶 選擇較多 除左有平日最專統既普洱 鐵觀音 仲有比較少見既菊普 就連法國花茶都有得揀小妹唔執輸 叫左養顏既黑糖杞子胎菊花茶 自私飲媽咪見到有護肺既 甘荀海底椰湯 即刻order一人一盅 點心同小炒都做緊唔同優惠 我地點左4個點心 可以free一個既價錢避風塘糯米蟹 超有驚喜 除左蟹仔既賣相好得意 味道都好好外層既饅頭質地炸得非常鬆脆既 內層包住煙韌既糯米飯 口感好有新鮮感好好食薑蔥牛柏葉都好入味除左點心 小菜方面既質素都唔錯 叫左碟芥蘭炒帶子 份量頗大碟下 亦夠鑊氣媽咪無飯不歡 所以叫左個煎蛋牛肉餅煲仔飯畀佢食飯底好香 食到底仲有飯焦 食到勁飽

今晚同朋友第一次到呢間餐廳，覺得裝修好新，座位闊落，環境唔錯。打開餐牌，原來唔係只有點心，仲有飯麵小炒燉湯煲仔飯火鍋 .... 款式好多啊！我哋總共叫咗四個點心同一個煲仔飯：蜜汁叉燒腸粉，金黃鮮肉窩貼，薑葱牛柏葉，晶瑩海蝦餃，鴛鴦腸蛋黃煲仔飯 。比起普通酒樓，呢度嘅點心絕對係高水準 - 叉燒腸粉粉皮唔厚好滑，蜜汁叉燒唔肥好食；鮮肉窩貼煎得好靚，底部微微金黃，肉餡新鮮，呢個窩貼係我至愛；薑葱牛柏葉同晶瑩海蝦餃同樣出色，半透明嘅蝦餃皮夠薄夠軟，海蝦爽口彈牙兼有肉汁，好正！鴛鴦腸蛋黃煲仔飯，臘腸潤腸加鹹蛋黃，冇用臘肉咁肥膩，一打開煲蓋，香味撲鼻而來，落埋豉油撈一撈更香到不得了，我哋連飯焦都食埋，呢個煲仔飯係跟一碟菜心上的，份量足二人食。總括食物質素好，員工服務殷勤，環境佳，不失為一個親友聚脚飯局好地方。