點一龍 (如心廣場一期)

營業中

休息中

這家茶樓來過很多次,因為就是在公司附近,且食物質素高,所以光顧很多次了。這間茶樓沒有下午茶時段的,但會有套餐優惠或定期有不同的推廣(如之前有做點心買3送1)。是次叫了一份套餐及網脆腸粉。套餐很抵食,是次叫了乾炒牛河套餐。有配一杯飲品,桂花糕及菜心一碟。乾炒牛河炒得很有鑊氣,且份量多。而點心方面,只叫了一碟網脆腸粉。每每來到,這道點心是必選的。因為真的很好味,入面有大蝦的,而且外軟內脆,要趁熱食,最好味。這兒所有菜都是即叫即整,所以上菜時都是熱騰騰的,很好。

好耐冇去飲過茶，今日同爸媽終於可以一齊堂食飲返茶，嚟咗點一龍食咗好多款點心，最鍾意係蝦餃同埋小籠包。另外，個XO醬煙肉脆脆炒飯都好有驚喜，油炸鬼非常香脆，配合XO醬及煙肉嘅香，成個炒飯好惹味，飯粒亦炒得粒粒分明，唔錯唔錯。

龍蝦湯三皇餃龍蝦湯浸著兩顆蝦餃，橙橘色濃湯有香草點綴，貌似西餐雲吞湯，但除湯色似一般龍蝦湯之外，沒有龍蝦的咸鮮味，餃也沒有甚麼味道，皮算薄吧，龍蝦湯和餃都不突出，不對題。翠翡石斑蒸餃主角石斑竟然有點腥，而且蒸煮處理令石斑唔滑，餃除咗皮係綠色又係冇咩特別。杞子鮮蝦燒賣食到有蝦但好一般。晶瑩海蝦餃普通冇咩特別印象。薑蔥牛柏葉煮得清，唔會過咸，辣味清晰不嗆，細塊牛柏葉口感細緻，不錯。避風塘糯米蟹類似咸水角嘅炸物，包住糯米同肉碎，冇咩辣味。鳳爪排骨蒸飯器皿靚，冇咩味精感覺，合格。原汁原味西瓜糕果凍造型就係切開咗嘅西瓜🍉，好可愛，但食落比想像中嘅濃縮西汁差得遠（可能睇太多食評讚驚豔），配話梅粉都沒有太大幫助。可愛，一次足矣。

名過於實既點心，我成日行過見到poster，見到點心咁精緻，真係心思思，不過事緣有啲失望，同埋我唔係食佢嘅點心放題，只係單叫👆🏻可愛小錦鯉😼個賣相係唔錯嘅，但食落真係好普通嘅紅棗桂花糕，仲覺得有少少甜得滯👆🏻燕窩蛋撻😿又係個賣相呃到人，蛋撻唔熱，感覺同上面所謂燕窩完全可以分離，同埋真實嘅份量好細👆🏻瑤柱鮮蝦菜苗餃😿上次食完個好好味嘅菜苗餃，今次見到菜苗得幾條，個蝦手又唔算好新鮮👆🏻黑蟹子小籠包😿果皮蒸到咁就知整得太耐又太濕，而且果皮感覺好厚上面，小籠包仲要冇咩肉汁又唔鮮👆🏻避風塘糯米蟹😼呢個係幾得意嘅，入面糯米飯，出面又炸得好趣加避風塘嘅辣椒，感覺都幾新鮮👆🏻奶王流沙包😿食過真流沙包，然後覺得佢普通同奶皇包差唔多而且奶黃唔香濃，少少覺得淡味

雖然星期六.....疫情吧.....人不太多.....取了票極速入座.....服務員很親切有禮......每位送一燕窩蛋撻炸雞翼炸薯條.....我家小孩可開心了.....座位舒服......食物味道唔錯....比傳統酒樓更好.....三大人一BB吃了$620.....差不多吧.....現在飲茶頗貴......我這放題可吃個飽飽......應該吃了半打蝦餃呢.....食完不太口渴......味精不算太重.....好滿足的一餐.....正!

偶爾有次經過如心廣場見到這餐廳，好奇下入去試試，一看餐單發現點心款式雖然大眾化，價錢亦少貴，但味美，促使之後時常來光顧。疫情無阻飲茶，為了避開人流，選擇早上到餐廳品嘗點心，放鬆身心，好好嘆茶！黑蟹子小籠包$39🥢多汁，肉餡鮮味！海蝦脆春卷$39🥢外脆內爽，食到爽脆的蝦肉！鳳爪排骨蒸飯$50🥢有好多排骨，略嫌飯乾了一些。奶黃流沙包$33🥢要趁熱食，但要小心燙口！瑤柱鮮蝦菜苗餃$39🥢外皮薄，蝦同菜苗份量相若，味道好！醬皇蒸鳳爪$30🥢調味不錯，但鳳爪未夠入味。

多數都幫襯尖沙咀，難得來荃灣同長輩飲茶，所以推薦點一龍！先要讚一讚尖沙咀，服務好不在講，連嘢食都一流，無論放題同單點都唔錯！今日去左荃灣店，食物質素需要改進，個煲仔飯，飯焦唔脆，痴晒底！一開始飯都未食佢就上個甜點！個咕嚕肉係好食既，個個鯉魚桂花糕就有怪味，又硬，唔知雪左幾耐！雪山叉燒包個底都好硬，面又唔脆！鳳爪好咸，又硬！小龍包塊皮又厚又粉，菜苗餃一樣！唔熟咁款最後都要讚佢地既服務一如既往的好，但嘢食唔得！2個人埋單300幾絕對唔掂；無下次！

早幾星期已經打電話嚟確認有點心放題職員態度都喺好當日就試咗中午茶點心放題($188加一)首先要讚職員服務態度好上菜都快點心放題喺比單點選擇少不過都好足夠食另外汽水任飲不過只叫咗一次因為汽水太多氣食唔到太多嘢要留肚食點心放題餐牌上嘅點心如果喺單點餐牌上搵返幾錢每籠大概平均喺$40幾蚊當佢$200蚊一位平均每人食5籠就回本大家可以參考下最後就喺埋單果陣職員講放題喺無得儲Aisa miles兩蚊一分里數要單點先可以大家記得記得留意返

好耐無飲過茶，人多擠擁下比較擔心嘅話，會去一啲人派嘅中式點心餐館就比較穩陣🤔.呢一間點心店想介紹一下，下午茶時間推出咗一個「點心放題」，飲食指定點心每位都係💲1️⃣9️⃣8️⃣，大胃王啱晒😌。雖然上碟嘅賣相好普通亦唔算精美，但款款都幾好食，水準之上😏———————————————————————————🥢原隻鮑魚雞球粥💬真係有鮑魚，都幾足料，粥底夠棉滑，不錯😌.🥢燕窩蛋撻🥧💬曲奇皮蛋撻，上面滿載燕窩，絕對認真🤤.🥢黑蟹耔小籠湯包💬一籠有三粒，加上黑蟹耔點綴，皮薄多汁，幾好食😌.🥢瑤柱鮮蝦菜苗餃🥟💬蝦肉爽口彈牙，餃子都幾大隻，餡料十足😅

不過不失嘅點心，但坐得幾舒服，都係叫番一般嘅點心，但見佢個避風塘糯米蟹好得意忍唔住叫左，但有d失望，因為炸饅頭同個糯米餡唔係好夾，面且餡少，包有d油，但整體都幾好！

呢間野一向人手唔夠 服務一般 限聚令期間因為少客 招呼尚算可以 今日 限聚令放寬到四人 生意明顯恢復很多 即刻對我呢啲一個人食飯嘅客人黑面 首先喺門口等了良久都冇人招呼我跟住有位夥計勉強帶你埋枱 然後一句話都冇講 冇餐牌 冇擺位 冇介紹 即刻急急腳走開清潔隔離張枱 明明隔離張枱之前都冇執至少成5分鐘 唔知點解收咗個新客都唔招呼個新客 趕住執張一直都唔執嘅枱 我唔開心嘅地方係 明明見到佢之前招呼另一台新客非常殷勤 所以我先至要喺門口等咗幾分鐘都冇人理我 咁我以為佢哋招呼客人進步咗係咁周到 所以覺得OK啊 到招呼我嘅時候竟然係咁嘅情況 仲話唔滿意可以出返門口等 咁樣真係係好令人失望 但係喺限聚令嘅時候 我一個人去食嘅時候 服務態度係好啲嘅 所以話香港呢個社會 一個人食飯就係罪

今日同老公訓晏左起身決定直接出去食個brunch☺️好耐未試過放縱一下所以搵吓有冇啲咩抵食嘅放題或者任食自助餐跟住搵到呢間點一龍兩位或以上惠顧可以有八五折 都幾抵所以就嚟食啦之前去過尖沙咀嗰間食 味道都唔錯嘅但係嗰次第一次食 畫點心紙嘅時候傻豬豬地以為兩個人就全部都要寫2😂所以所有食物都嚟咗Double份量燒賣蝦餃叉燒包etc全部一嚟就係兩籠😂即係每款六個🤣嗰次之後食到怕咗而家事隔一年有多點心癮又起啦有過上一次嘅經驗除咗食物全部會寫返1之外😆粥粉麵飯我哋全部都唔叫住試勻晒啲點心先首先嚟嘅係每枱附送一客嘅瑞士汁雞翼雞翼好入味 唔會有雪味每人一隻都食得過-瑞士汁雞翼抵食不浪費quota指數:🤩🤩🤩(5個🤩為必食，1個🤩可以慳返唔洗食)之後嚟嘅係奶黃流沙包黑蟹子小籠包晶瑩海蝦餃-奶黃流沙包抵食不浪費quota指數:🤩🤩🤩個包都真係幾流心上枱亦都熱辣辣餡亦都算多 鍾意食奶黃流沙包嘅朋友仔可以叫一籠試吓-黑蟹子小籠包抵食不浪費quota指數:🤩🤩小籠包一夾就穿咗湯汁流晒出嚟雖然個肉同湯都幾鮮味但係蒸嘅時間就過咗龍-晶瑩海蝦餃抵食不浪費quota指數:🤩又係蒸嘅時間出咗問題成塊皮過冧基本上一夾就爛晒

點一龍 (荃灣)-輕鬆小分享～ 本來諗住同屋企人飲茶，點知見到間好抵食嘅點心放題，即係梗係去試吓啦！$188 就有得任食點心🤤 埋單連加一每人大約都係$200～-講吓嘢食先～ 當中點心任食有好多款選擇，每位都會送瑞士雞翼同埋燕窩蛋撻（冇得任食），但講真，反而呢兩款嘢食係最唔吸引😂 可能因為食點心放題嘅話每位都會送嘅食物，所以一早整定晒，雞翼可以話完全凍哂，蛋撻更加誇張，蛋同埋個撻係分開嘅，跟住蛋撻極度唔新鮮不在話下，撻皮勁冧，蛋漿不知所謂完全冇味，只係上面加咗少少燕窩就當好特別？不過係送嘅呢兩樣野唔吸引，其他點心都係好高質嘅！-任食點心選擇多，值得推介👍🏻 每一款都好新鮮，而且每款份量都好大😳 仲以為放題係會做迷你size 等你唔夠先至再嗌。聽店員所講，原來全部點心放題叫嘅點心都係同平時叫點心一樣嘅份量。-龍蝦湯麵🍜 龍蝦湯底味濃，而且好有鮮味，淨係飲佢個湯底都夠正！牛腩麵啲牛腩炆得好琳，食落去勁吸引，而且牛腩湯底好重牛腩味，亦都好清甜，兩碗面都係好值得推介，不過任食點心就唔好食咁多咁飽肚嘅carbohydrate 了😂 其他點心亦都好出色，小籠包皮薄餡靚而且亦都好多汁🤤 蝦餃燒賣不過

$188/位食點心聽落好似偏貴但其實都幾抵食因為呢間點心店本身價位算中上/上等所以其實一個人食到5-6籠點心已經圍返條數㗎啦大路啲蝦餃燒賣都有得揀飽肚嘅有粥有飯點心都係熱辣辣新鮮即蒸唔會焗咗好耐口感霉晒重送好香濃嘅法國花茶茶水凍咗會換過新嘅都可以揀罐裝嘢飲因為疫情關係啲侍應重好細心用紙巾抹乾淨罐口先代開侍應又有禮貌又細心食得好開心同埋啲卡位都專登封咗膠去做隔板喺防疫方面都算幾認真同盡心盡力我覺得無論食物質素、環境、衛生、服務態度都好令人滿意可能價位同一般酒樓比較算高少少所以間舖都少人而家呢個情況食得幾放心P.S. 原來7月1號開始無咗2人或以上再折嘅放題優惠不過喺book位嗰時有預早通知，好老實

之前成日聽人講話喺呢度食任食點心好抵，不過始終因為唔係食好多嘢、亦對任食興趣不大，所以寧願選擇散叫去試試呢度嘅點心係咪咁正。唔肯定呢度嘅開門時間，未夠10點去到坐底發覺冇冷氣，職員話要等到10點中央冷氣先會開動，所以都要等到大概10:15 分左右，成間食肆先至叫做有返番冷氣，如果大家想去可能10:30後較好。食物較為精緻，份量較小，價錢亦頗貴，取價拍得住同區酒店中菜廳：1. 杞子燒賣$39 - 味道不過不失2. 蝦餃$39 - 餡料充足，多蝦，味道正常3. 叉燒腸$52- 皮厚，微暖，叉燒偏瘦，味較淡4. 叉燒包$33 - 一般酒樓貨色，但較為迷你5. 蛋煎糯米雞$38- 內𥚃很乾身，個人唔係太喜歡6. 鳯瓜排骨飯$50- 呢個蒸飯係全餐最出色，用料豐富，熱辣辣有溫度又有味道7. 茶錢$12- 似一般酒樓茶葉質素，價錢合理百貨應百客，抵唔抵食見仁見智，不過呢度啲服務真係有待改善，全塲得幾台客，工作量應該唔辛苦，但兩位阿姐態度好一般，個人經驗，同區好多中下價酒樓招呼都好過呢度。