黑木亭居酒屋 (清風街) (已結業)

今日河馬仔同朋友一齊出去食好野，去咗間日式餐廳 - 黑木亭居酒屋🏮上次去完尖沙咀，今次就去試下天后呢間！餐廳環境好靚好有feel，啲野食都好靚好吸引😍帶子海膽青瓜卷 $188青瓜卷上有帶子同海膽，所以望落去勁靚勁吸引，所以就試下一啖食晒😆佢既帶子好厚肉好有質感，而且海膽又唔太腥，再加埋少少蔥花，味道更加濃郁🤤青瓜又可以為呢個卷帶來少少清新既感覺，整體嚟講都唔錯🤩免治雞肉棒 $58呢個免治雞肉棒咬落幾鬆，加埋上面有啲燒汁就更濃味。雞肉棒下面仲有生雞蛋🥚配埋生雞蛋一齊食，口感變得更滑。微微既雞蛋味令到雞肉棒既味道爽昇華😚海膽燒飯團 $88呢個海膽燒飯團嚟到既時候已經覺得好靚，因為上面有勁多海膽🤩佢既海膽又甜又香滑，同樣冇乜腥味。佢嘅燒飯團帶有少少鹹味，而外面既飯既質感偏為較硬，但又燒得啱啱好！因為飯團中間既飲都仲係偏向淋身，所以都幾好味😋沖繩黑糖燒菠蘿🍍 $38燒菠蘿嚟到已經覺得佢好靚好吸引，食落去嗰一啖已經覺得佢好清甜，口感唔錯，食完仲想繼續食。作為一個飯後甜品/小食真係唔錯😋忌廉球炸薯條 $68呢個薯條係即叫即整，所以嚟到係熱辣辣。薯條上面有好多忌廉勁吸引🤤佢既忌廉有少少似creamc

襯住呢排無咁忙 同朋友夾到時間黎呢間居酒屋吹下水 relax下🥰呢間離地鐵站好近 行幾分鐘就到❤️野食又好高質！🥗前菜先點左我至愛既「蟹將軍薯仔沙律」！幾好食～份量仲好多添！🍱主食個A5和牛海膽丼飯真係十分推介！每個飯會配個生蛋，撈埋啲和牛食，非常滑溜！和牛半生熟 牛味好出～飯又加左和牛汁！真係好好食！讚👍🏻🍢另外叫左好多款串燒試下🌟之前聽過朋友講過係台灣食「七里香」（即雞屁股）好好食係真架！今次係到叫既雞屁股燒到外層好脆，入口咬開即溶，好香既油脂係口腔🌝完全食唔停口🥹🌟羊架燒得好香，旁邊仲有啲醬，酸酸甜甜幾開胃又解膩！推介！🌟脆燒豆腐都有驚喜！落左啲醬汁燒到外層脆脆地，有種燒章魚燒既風味🥰🌟飲品都好用心，賣相好靚！蜜桃烏龍茶上面有隻熊仔勁可愛🐻洛神花梳打漸變色 勁靚❤️👍🏻整體黎講每道菜都幾好食食物款式都好多 可以再同朋友黎encore

同老公拍拖去間靚靚日本居酒屋浪漫吓💖 環境裝修都好有日本風🇯🇵，配埋音樂真係好似有個偽日本旅行🧳首先食咗個 帶子海膽青瓜卷🥒 每件都有新鮮嘅海膽同帶子，已經好吸引，食時有青瓜夾在飯中間，感覺清新開胃🤗之後就食幾款不同串燒: 🍢免治雞肉棒(原味) - 點個蛋漿食，肉質爽口🍳原味玉子燒 - 上面有大阪燒醬夠滋味🐷黑豚荔枝卷(鹽燒) - 用豚肉包住荔枝，中和油膩感覺🍡鹽燒白鱔 - 厚厚嘅白鱔肉，燒到外脆內軟，魚皮脆卜卜好好味🍍沖繩黑糖燒菠蘿 - 菠蘿鮮甜多汁，開胃醒神跟住試吓 海膽飯團🍙 ，廚師將整件飯團連海膽一併燒，食嘅時候海膽好似流心感覺咁，因為外面燒至脆面但又可以鎖住入面食材，再用紫菜包住食，增次感分明👍🏻最後食個 忌廉球炸薯條🍟 平時食薯條都係點茄汁，但呢個係撈埋好香嘅忌廉一齊食，我又差啲自己食晒成碟😅 🍑蜜桃烏龍熊茶一見到呢杯茶就見到一隻可愛嘅熊仔🐻”浸浴” 响上面，原來佢係一粒蜜桃味冰🧊，太kawaii 💖 女士打卡嘅good choice 📸 烏龍茶上面加咗玫瑰花瓣🌹，飲茶之餘都有陣花香😌🍹北海道芒果牛乳乳酸呢款芒果特飲配乳酸，味道酸酸甜甜好開胃，配上色彩繽紛棉花糖，色香味俱

其實Bookmark咗*黑木亭*好耐。出開天后當然要嘗一嘗👅。廚師推介Menu個個月唔同。七月份廚師推介超超超吸引🤩。有店舖招牌龍蝦八鮮木桶丼飯🦞。可惜下午茶食太飽。今次無緣食。唯有下次啦🤭。蜜桃烏龍熊茶🐻由烏龍茶底製成。頂頂添加了玫瑰花瓣🌹。散發陣陣🌹花香。打卡之選💥。蟹將軍薯仔沙律🥗薯仔沙律上鋪滿蟹籽同蟹肉。視覺與味覺大大提升✨。點選了六款串燒🔥最愛脆燒豆腐燒到皮脆內軟。灑滿木魚碎。食落更添層次😛。羊仔架肥瘦分間。蘸上芥茉籽超夾❣️。甘薯🍠滿滿牛油香。食唔停口🤪。沖繩黑糖燒菠蘿脆燒豆腐明太子雞腿肉法式羊仔架燒牛油甘薯雞股日本產A5和牛海膽丼🥣A5和牛輕輕炙過。釋出牛脂食落更香更滑。鵪鶉蛋令成碗丼飯更加完美❣️。

同朋友喺銅鑼灣行完街，想搵間坐得舒服靜靜地既居酒屋，飲下野 傾下計，朋友建議去天后黑木亭居酒屋, 餐廳裝修好似日本嘅居酒屋一樣, 有唔同種類嘅日本酒提供, 有一刻我感覺自己似去咗日本咁,天氣好熱, 我哋叫咗北海道芒果牛乳乳酸 $48同蜜桃烏龍熊茶 $58，兩杯外型都好特別，打卡一流蜜桃茶上面仲有一隻熊仔，另外叫左帶子海膽青瓜卷 $188海膽同帶子都好新鮮，配埋青瓜，咬落口爽爽地，夏天至岩免治雞肉棒（原味,芝士）$58有兩種口味選擇 分別係原味同芝士 雞肉味香濃點埋蛋黃日本燒汁 ，味道一流忌廉球炸薯條 $68芝士配薯條食得多，第一次忌廉球配條薯條，估唔到係咁夾，忌廉酸酸地好易入口又燒製黑豚荔枝卷(鹽燒,麻辣) $38有兩隻味揀 分別係鹽燒同麻辣 未試過麻辣就揀呢個 黑豚用炭燒得香脆可口 夾埋荔枝 酸酸甜甜 好易入口 再加上麻辣 味道好特別海膽飯團 $88紫菜包住用用炭燒燒到飯團表面好似飯焦咁 咬落口煙煙韌韌 鋪面既海膽一樣燒到好香 最後甜品叫左燒菠蘿，燒完出嚟既菠蘿 甜味更多突出

之前同老公都幫襯過呢間日本居酒屋，今次同閨蜜嚟食晚餐，佢唔太好刺身所以點左熟食，風采依然😋😋😋😋😋前菜叫左蟹將軍薯仔沙律🦀🦀🦀最上層有一絲絲既鮮味蟹肉，配上大小適中嘅薯仔，夾雜着爽脆蟹籽、蛋黃醬，認真清新。🤩小食叫左多款串燒🍡🍡🍡脆燒豆腐、明太子雞腿肉、雞股、法式羊仔架、燒牛油甘薯、沖繩黑糖燒菠蘿豆腐做到外脆內軟，外皮香脆，內裏軟而微彈，表面加了燒醬汁，甜甜鹹鹹的😋雞肉串，啖啖肉，嫩口多汁👍，雞股串，炸至金黃香酥，加了七味粉，增添美味😋，羊仔架做到恰巧恰當，加埋架芥末籽，帶出羊架嘅風味😍。燒甘薯、菠蘿,素食至愛，食落脆香鮮甜，入口香甜🤤。主食- A5和牛海膽丼🍱🍱🍱和牛輕輕炙燒後鋪於飯面上配以鵪鶉蛋，新鮮蛋黃汁配以特製的醬油，再加上空運到港的海膽，味道同口感都感到非常滿足😋😋😋😋北海道芒果牛乳乳酸星空系列設計的芒果特飲，濃濃的芒果味配乳酸，酸酸甜甜份外開胃👍👍👍蜜桃烏龍熊茶心機製作，非常可愛取自的熊仔蜜桃味冰，打卡必備🐻🐻🐻🐻🐻廚師精心炮製，服務員態度有善，值得推介嘅日本餐廳😊😊😊

見咁多好評，啲食物賣相吸引就book枱試下。7:30準時到達，真係爆滿，被帶位到bar 枱，迫住旁邊食客排排坐，都算了，但左邊對住廚房（見到好嘔心嘅廚房濕地），前面對住串燒同調飲品區另一個小廚房旁邊個垃圾桶，真係好不幸，全台坐滿人都唔使望有得轉枱，已經唔係walk in，待遇都咁差。最後只食左4樣野，松露碎吞拿魚腩魚卷（不推薦）、海膽他他（其他食評話好有和牛味，梗係啦全部都係頭頭尾尾一粒粒和牛肥膏）、蟹肉薯仔沙律（普通啦）、一板馬糞海膽（呢個ok既滿意既），食完那那林埋單走人，早知過對面打邊爐好過，都以後真係no 了，真心唔明白啲好食評點來的。

刺身，壽司，明太子飯團都好好食，有質素。不過A5和牛海膽他他就伏到爆炸😦😦😦😦😦😦眼見其他人啲’本月推介’都😦😦😦 千祈唔好試，食其他嘢😂🤣

興高采烈諗住食餐好嘅慶祝父親節，點知嚟到餐廳環境擠逼，侍應故作禮貌周周，除啤酒、魚生正常時間送到，其餘食物等足一個鐘先做超，仲不斷催促，點知串燒質素差勁，牛肋肉如同食鞋、豬肉咸過咸魚！刺身勉強可以食得吓…..等候食物時間超耐、職員只是不停講做緊，仍然只有繼續等或選擇起身離場！坐咗成個鐘，只係嚟咗兩樣食物，原全浪費人生！另外幾枱未等到點咗嘅食物，就埋單走人。父親節勁掃興！絕對不建議有下次，除非人生太得閒！

同朋友一樣好鍾意飲sake 於是就約一次飯聚係居酒屋入到去燈光昏暗 有日本居酒屋嘅視感壁紙都係日系和風式同埋啲杯杯碟碟 仲有富士山形仲有我好鍾意嘅日文歌聽食物方面嗌咗一個sukiyakiA5和牛入口即溶仲有壽司之後嗌左啲小食同串燒送我哋枝出羽櫻真係非常好嘅搭配！特別一提佢嘅串燒 真係好香呀喺近銅鑼灣嘅港島地段價錢都唔算貴重點係同朋友傾住計飲住咁chill嘅sake加埋部機慢慢斟 慢慢嘆飲幾耐都keep住咁冰埋單仲有平日88折真係超級滿足！

話說先上了菜，之後我哋只係(好有禮貌)問一問攞餐具，語氣好似好有禮貌答你，但實際就好不禮貌，佢話小姐呀⋯⋯我現在送梗菜，攞得邊樣比你⋯⋯實際上係得呢個所謂餐廳嘅阿頭(不過唔知係唔係老板)其餘員工都好好禮貌！！菜式方面，我之前食過一次都可以，今次原來走晒樣

叫左個大根牛舌飯外賣，打開見唔到大根，只有啲煮到爛既翠玉瓜，冇大根可以話我知，唔好煮啲垃圾出嚟。呢個外賣我等到30分鐘，趕時間真係唔好試，堂食仲快過你。之前試過堂食先返黎買外賣，冇諗過會咁，唔會再幫襯。

近期吃過最鬧心的一餐，餐廳男服務員態度有問題🤮。人都未入餐廳佢已經黑口黑面，講野句句帶刺，搞到我以為佢先係顧客。落單慢上菜慢不止，上菜的時候我地幫佢移開其他餐盤佢居然大聲鬧人叫我地唔好喐。。。成晚基本上叫唔到侍應，倒水收碟都係自己黎。最後壽司拼盤等左好耐，催菜既時侯一句道歉都無，仲叫我地無好心急，可能佢覺得自己好幽默😑有一說一，餐廳水準不錯，不過我就唔會再返黎受氣喇。我地六個人食左大約三千蚊，但係我無食飽。由於已經頂個服務員唔順，之後再去時左個鰻魚飯充飢。如果各位不幸同我一樣食唔飽，希慎12樓鰻魚飯好抵食🙃。

高質日式居酒屋天後真係好多餐廳，名有特色！呢間位於清風街的日式居酒屋，朋友介紹，好好食。鋪頭細細間，但好有日本的風味！同朋友兩個人叫左幾樣野，都吾錯！忌廉球炸薯條，幾特別的前菜，薯條點忌廉，未試過，好得意！另外叫左個三色刺身盛，呢個好讃！刺身好新鮮，有三種魚生，有三文魚，劍魚腩同油甘魚，全部厚切！好肥美又鮮甜！脆片牛油果蝦沙律，呢個都吾錯，牛油果肉加埋鮮蝦，好搭的味道！日本產A5和牛海膽飯，呢個味道一流！海膽好甜，日本和牛入口即溶，好好食，讚不絕口！🥰另外叫左兩杯特飲，打卡好得意，有個冰鎮熊仔係上面呢！呢間可以encore 😯😊

我之前都有去過尖沙咀呢間分店，因為太中意食，高質又好食，今次約在港島我都要食呢間😂🦀蟹甲羅燒 $98多士烘得脆卜卜、蟹膏味重唔會唔腥，蟹肉鮮甜，仲有飛魚子增加口感😍放上多士上面食超好食👍🏻-炸豆腐櫻花蝦 $68櫻花蝦又脆又香，炸豆腐外層炸得酥脆🤤內裡嫩滑配埋佢地自家制日式雞汁甜甜地好似燒汁咁好夾好上癮🥰-龍蝦八鮮木桶丼配鯛魚湯 $448呢個真係要encore再encore，咁大兜嚟講性價比真係好高！海膽超鮮甜🤤龍蝦仲幫我哋拆左身啲肉用左沙律醬撈埋好好食又啖啖肉，個鉗有埋工具比你拆，唔洗咁狼狽🤭店員仲好細心教我哋將啲餸放落碟，先趁熱整咗茶漬飯撈鯛魚湯先～熱辣辣又鮮甜😋佢啲魚生都好新鮮，呢個丼真係好多種類😍正呀！🐻蜜桃烏龍熊茶$58、北海道芒果牛乳乳酸 $48最可愛嘅熊茶，真係唔捨得飲😍😚芒果牛乳乳酸酸酸甜甜好岩女仔飲☺️