麻酸樂米線專門店 (已結業)

食厭左譚仔，就黎到麻酸樂試下呢度d米線點左個海洋之光米線，44蚊配料幾多有魚腐、蟹棒、墨魚丸、腐皮角、芽菜等米線唔算好多 不過夠爽滑 唔會太林湯底選擇好多有麻辣、蕃茄、清湯同金銀蛋芫茜等等我㨂左金銀蛋芫茜湯底芫茜香氣清新，令湯底味道香濃魚腐軟淋入味，一d都唔腥墨魚丸口感唔錯，彈牙爽口蟹棒質感幼滑，不過略嫌有少少鹹另外會附送熱綠茶一杯我鐘意佢唔算太甜雖然有少少澀但帶點清香

一個人食飯其實係會是但搵間食既咁最好最快就係食個米線算數 上個星期兩個人食過麻酸樂雞煲 感覺良好今日係馬鞍山咁有緣又見到佢就諗住入去食碗米線啦坐低睇下餐牌 又有米線又有大碗飯 選擇真係好多見到D肉燥飯其實都好吸引 但係最後都係揀碗熱野食下揀左個海洋之光米粉 鮮茄味菜榨菜湯底 跟餐送低糖綠茶 落單十分鐘左右黎齊曬 唔算慢可以接受碗米粉上枱夠熱 湯底好緊要 茄湯唔算好濃但夠味 值得一提既係D味菜 好開胃同夾個湯底 米粉岩岩好 唔會過淋發漲配料就有魚腐,蟹棒,腐皮角,墨魚丸最中意食魚腐同墨魚丸 魚腐唔腥, 墨魚丸彈牙有口感蟹棒就一般貨色 腐皮角偏鹹加埋D配菜 九菜牙菜呀 都夠食夠飽飲綠茶其實都幾怕D茶焗到澀口 但呢杯都唔算澀 微甜適中帶香 跟餐唔洗錢都幾好啦個人覺得整體質素唔錯見到之前既POST都有提過服務問題我今次去又幾好喎 有個醒目後生仔招呼D野又算係快黎 可能我好彩啦

剛於2015年10月6日晚上在馬鞍山分店與內子光顧了一客龍崗雞配米線套餐及一客肉燥豬扒大碗飯，大碗飯則不過不失，尚可接受；但該碟龍崗雞則完全不能接受，首先送來的一客雞，只見一堆雞骨加雞皮，一丁點肉也沒有，結果便向服務員要求更換。過了一會，服務員便換來另一客雞背及雞肋，並解釋所有龍崗雞均是這樣。結果，我們便只能對著那碟雞，輕輕說句“雞肋雞肋，食之無味，棄之可惜”。

夜晚時段諗住搵間唔洗點等位既地方依左個肚先啦，見泥間好似唔錯咁，地方又算大，咁就去自動㩒位機度入人數等睇號碼入位啦，我地都等左大概十五分鐘左右就有位，入到去睇佢啲餐牌內容，樣樣都好似好正，咁就叫個有機龍岡雞同酸辣紅薯粉試啦，果碟雞一嚟到，第一個反應就係少到咁，唔好彩既我配到碟骨多過肉既雞，雖然碟雞好食，好滑，好多汁，夠入味，但真係滿足唔到我個肚,個價錢唔公道囉，得果幾件雞,五隻手指數得曬喎， 幾好食都假，到碗粉喇，紅薯粉煮到啱啱好，唔會太硬唔會太軟，只可惜碗酸辣湯好淡，酸又唔係好酸，辣就連bb辣都未到，泥餐來講，個主角係落左碗米線度，隻龍岡雞就變左可有可無既，食左等於冇食。

今日去左馬鞍山果頭做野，見到有間米線鋪叫麻酸樂喎，咁因為本人好鍾意食米線一個禮拜唔食番幾餐都唔安樂，於是就決定食呢間了~見鋪頭出面都有幾個人等緊位，原本諗住去reception拎飛仔啦，點知原來要自己走去右手邊禁飛仔既，豬左大概等左5分鐘就入得(因為前面d人走哂唔等)，我一個人要搭枱坐張4人卡位，不過唔緊要張卡位都幾闊落，同對面個兩個客人一齊坐都唔會話好迫，入面環境幾好架幾闊落餐牌是咁的，都算好多野揀，有肉燥大碗飯、有機龍崗雞、自選米線、一d set好左配餸既米線同埋多款小食任君選擇，佢d一set set米線好似都幾吸引，我原來掙扎緊叫個招牌十式米線定金銀五寶米線好，不過因為我想試番茄湯底，而五寶米線係冇得轉湯底既，咁我就叫左個招牌十式米線啦~都好似好多料咁，乜都有~登登登登，落左單大概等左2個字先有野飲，等左3個字先有野食，又唔俾番張回單我，搞到我唔知佢到底有冇落到，又唔知佢有冇落錯個凍綠茶就係好普通既綠茶，有啲甘甘地，不過既然唔使加錢就算啦~碗米線望落好似好大碗咁，但夾黎睇下其實唔算多。識食米線一定係試左佢個湯底先，番茄湯...e係冇番茄味架喎，好淡口，我諗佢係用茄膏開出黎既，一d

今曰去搵呀姨食tea,等左一陣入到去肚餓七死就即叫野食啦，舉左勁耐手都冇人得閒應 啲錢個個去左門關同捧餐，寫單都冇人得！待應態度都算係咁，冇黑面，但唔夠人手真係要注意下，算！叫左八分鐘十分鍾左右，有人寫嘢 到叫左墨丸紅薯粉，凍綠茶。綠茶都算多冰，飲幾淡冇了。但個粉都一般啦。粉口感幾好，墨丸都大粒，不過不失，坐位算坐得舒服。價錢就三十元一個人，算係咁了 太餓就不去依間食了。

我地等左一陣就有枱，我order左自選米粉: 凍豆腐加手撕雞麻辣米粉，好大碗好好味，因為凍豆腐已經完全absorb哂個好味湯底，手撕雞都好滑！見到menu可以加$12(原價$24),加左杯(張相影得好靚的)芒果乳酪，勁失望，我唔飲太凍的，不不下不左1/3杯冰，再撈一撈先飲......好難飲呀......0乳酪的東西點可以叫做乳酪架😰,而且亦無芒果味，下次嗌返熱檸水lu....

早幾日去馬鞍山探朋友, 傾下傾下之後一齊去食下午茶, 我地去到馬鞍山廣場, 可能係我太耐無去馬鞍山, 宜家比起以前真係多左好多餐廳.經我朋友帶路行左個圈, 都有幾多唔同種類既餐廳, 但最後我地選擇左去 麻酸樂米線專門店 Marsino Expert Noodle 到食下午茶, 貪佢夠平民化. 以下就係 麻酸樂米線專門店 Marsino Expert Noodle 既下午茶餐牌喇一個餐有主食有小食有野飲都係$30幾蚊, 都叫抵食啦!我同朋友就叫左迷你手撕雞撈上海拉麵(跟麻香醬), 我就跟滷水雞翼, 佢就要拍青瓜雲耳, 飲凍綠茶雖然係迷你, 但食物份量都OK. 個麻香醬好香, 適合係夏日食番D好似佢咁香口既野, 手撕雞份量OK, 夠入味. 咁多個下午茶餐入面, 我推介食呢個!!!撈!撈!撈!撈!撈!撈!青瓜同雲耳都十分爽口, 而且個汁同D蒜好香好好食! 強烈推介!!!!!外觀好好, 但食落無咩味......綠茶味幾香, 適合仲夏消暑飲用.最後埋單一人都係$35, $40蚊都唔洗!哈哈!(此餐廳全日無需加一, 設最低消費$23位)

我喺大學如果有天地堂，間中都會嚟食佢個下午茶，$30左右包嘢飲、小食和米線。這次我就叫了冬蔭功海鮮米線，配2隻蒙古大漢雞翼和凍綠茶，$32。等左差唔多20分鐘都未上，但我都費事催，因為見對面的女士催杯熱綠茶都催足20分鐘，睇嚟催佢都冇咩用。先上的是雞翼，上錯滷水雞翼，但都算快換返畀我。蒙古大漢雞翼，根據以往經驗都知唔多大隻，但今次真係太過份。雞翼的長度跟牙籤一樣，雖然尚算皮脆，但肉一點也不嫩滑，而且雞翼炸得很深色，感覺要不炸油有問題，要不雞翼本身有問題。整體味道ok，但雞翼太細隻。然後是凍綠茶，沒甚麼好評的，一般水準吧。米線呢，說好的大蝦球到哪裡去了？翻來翻去都沒有。問侍應，她說沒蝦球了，給多了一隻蜆，若不ok可以換。蜆是最小的那款，又不是車厘蜆，你憑甚麼認為一粒蜆能代替一隻蝦球（鮮蝦球，彈牙半透明的那種）？起碼都畀多4、5粒蜆吧，1粒？Are you kidding me?整個米線本來最吸引的就是蝦球，冇左應該一開始就同客人講，而唔係先斬後奏。我沒耐性多等20分鐘，還要上課，只好作罷。米線湯底過辣，有韭菜、芽菜、蘿蔔、兩粒蜆（本來有一粒，另一粒是代替蝦球的）、腐竹和魚蛋角。腐竹入口質

以前食過呢間野，感覺麻麻所以好少來試今日做完GYM周圍都好多人，所以間間都拎左"飛"邊間快就食邊間結果麻酸樂快D 我今次就試左佢個暹邏風情青咖哩豬頸肉撈米粉+柚子白桃醋($48)青咖哩好濃好花惹味，又不太辣，用來送飯好岩，不過佢個餐係米粉豬頸肉薄薄地幾塊，都幾入味柚子白桃醋幾特別的組合，味道好好，可惜太重手，柚子太多，過甜，輕手D，會好味好多

未食過甘難食既米線，叫左一碗酸辣米線加杯凍飲，碗米線勁淡，冇酸冇辣，完全唔知自己食緊咩，d料好唔新鮮，仲要$49..朋友叫左個“有機龍崗雞米線“，d雞勁“鞋“，味道又差，個餐連野飲差唔多$50，一定冇下次，完。

第一次試呢到d米線，真係唔多得…叫左個米線配吉列豬扒跟千島醬。$23面加$12豬扒湯底係蕃茄祕製醬配咋菜嘩…個米線真係好難食囉好彩個豬扒係分開上米線嗅落有煙頭味，應該係咋菜味變左，好難食。最搞笑食落口就冇味，連蕃茄味都冇。個豬扒就炸得幾好食，熱辣辣，剛炸好，好脆口，配千島醬好味另外叫左個龍崗雞套餐，改左配飯$45跟野飲雞又係冇咩味，得8舊左右，麻麻地食Lunch時間超多人，侍應係用車仔運野食，人多擠迫，好易整到人佢地就咁放d熱野食係車到就行左去。如果有人唔覺意撞一撞車仔，好易會有意外，將米線d熱湯倒瀉去客人頭上。食到人擔驚受怕下次唔會去…埋單$80

為人師表，o係九龍塘番工，想食d立雜野都有難度，放工要篤串魚蛋，食碗魚蛋粉都可以話係妙想天開。所以星期六、日放假既時候，好野都唔洗食，平淡生活都已經好開心，食到碗普通粉面，稍為豐富既早餐都感覺富足，這是生活的精彩 11點3黎到，早餐牌岩岩被收起，見到前面入既人問個經理有無得叫埋，我地都唔執輸，問埋一份，哈哈，變左我地係最後落order 價錢抵d，多d野食，感覺滿足d.......要了腸仔、蛋、多士、蕃茄牛腩米線。米線湯底蓄茄味濃，飲落都好鮮甜。牛腩係連少少筋同皮膜既牛腩，食落肥肥地而且都算稔。平淡生活的快樂泉源可以很簡單!

已經不是第一次光顧了，每次來到都是獨古一味吃我至愛的米線 : 自選米線:湯底有5款，有次試過吃酸辣湯底小小辣，都辣到我飛起，又聽到隔離枱客人話次次加辣程度都不同… 所以之後都點鮮茄味菜榨菜湯底好了，麵底有4款選擇，我當然選了我至愛的米線啦~ 另外其他配料共有廿多款，每款加錢介乎$5、$6或$12，又可以加錢配冷熱飲品，不過之前試過熱華田淡如水 之後就不再加飲品了…***** 自選米線(一) *****   鮮茄味菜榨菜湯底米線+鴛鴦丸 $29  1.) 湯底配料有蕃茄醬、味菜榨菜、腐竹、芽菜，配料份量頗多很足夠，腐竹至少4,5片，是薄身帶硬的不是軟滑型，芽菜只有半爽脆狀可接受，味菜榨菜鹹味適中帶少少脆口，美中不足是吃不到切件蕃茄，可能蕃茄醬已溶入湯中，湯色帶橙，味道微酸，只找到少計細細粒蕃茄肉。 2.) 米線份量很足夠，雖然不是算十分滑，但還是帶少少彈牙，不會過熟太軟身，依然有咬口的。 3.) +$6要鴛鴦肉，即是粟米雞丸2粒 + 手打肉丸2粒，至在有餸加，粟米雞丸帶淡黃色，吃一半看是找不到粟米粒，不知跑到那裡去… 難度是加入粟米汁? 肉質結實但分不出是什麼肉類，只是吃

走地雞米線味道 : 米線ge質地幾好, 晤易爛, 有小小咬口. 個面同湯ge 味道麻麻地… 無咩風味, 好似普通辣ge茶記湯底, 有小小酸, d酸菜都無咩味. 不過腐皮就幾多. 個雞皮都算彈牙, 雞肉質地還可以. 麻辣味尚算ok.賣相 : 普通Overall: service幾好, waiter, waitress服務態度幾好, 環境ok la~ $45一個餐都算咁上下~