麻辣川米線

營業中

休息中

今日睇完戲好想食米線 突然諗起長沙灣麻辣川 好多人推薦。一坐低 睇餐牌 都係平常米線鋪有得揀既送撚左牛腩面根竹身。湯底好濃 個米線索晒湯底既味 面根竹身都係勁索汁 ，剩係食餸都食到成肚湯。牛腩連住少少肥膏 炆得好林 好入味 但得2舊 有點少 ，但真係好味唯有小食多滋味仲有叫左碟香草雞翼 。太多香草 ，焗得太耐好鞋 肉汁無晒 ，可惜另外叫左碟油菜 加腩汁 。岩d 鐘意食濃味既人 腩汁真係好濃 屋企好難做到 整體黎講份量多 價錢抵 同譚x 雲貴x 果d 唔同 可以黎試下呀

麻辣川 好幾年前食過 好中意食 因為佢嘅湯好清甜 好似有蘿蔔嘅甜味 我第一次食嘅只係清湯 米線份量大而加過咗好幾年 先食佢嘅酸辣😂我覺得好酸😂😂😂平時只食開麻辣 好少食酸 蜜汁豬頸肉 我就必食😋香口 加上檸檬汁 食咁多塊肉都唔覺漏

深水埗好食的米線越來越少呢半年內，福榮街間雲南小鍋米線執左、元州街間譚仔都譚左睇來生意難做！呢間麻辣川重生存到，一定要幫襯下先得！佢的招牌係大窩雞湯米線，聲稱不加味精，好似幾好喎。不過...我都係食自選米線了湯底有4種選擇：清雞湯/麻辣/麻酸辣/麻椒。雞湯無得選辣！其他辣就有豬的成份，再分6種辣度，好個人化呀打緊呢篇食評都再次流口水佢的餸都比出面有更多選擇，有d重好特別添。我次次都會點，例如：1）「藥材花雕酒浸糖心蛋」好香的酒味，食落好滑，重有杞子贈送添2）「鮮竹粒」粒狀好有口感，又索到好多湯底，放入口好juicy，好好味呀今次點左粟米、花雕糖心蛋、海帶絲、鮮竹粒。 糖心蛋🥚和鮮竹粒仍然係咁好味海帶絲份量好多。粟米就硬左少少，可能唔夠嫩。湯底選左最小的辣，for我就啱啱好。配菜有好多柞菜粒，好好味呀

幫襯左麻辣川超過10年。講真，以前真係好食好多，雞湯味濃厚，不過衣家都唔錯，只係冇以往咁正。食麻辣川好講彩數，有時會過咸，有時米線會太硬，但請你唔好放棄佢，要俾多幾次機會佢，因為如果佢一到水準嘅話，係好好好好好好食嘅！雞湯清甜，配合麻辣嘅味道，非常之夾，唔油膩，會令你忍唔住飲埋啲湯。米線剛剛好，唔會煮到太淋，亦都唔會過硬。推介食物：竹笙、麻辣牛腩、燒豬頸肉、麻辣雞翼評分（滿分10⭐️)：麻辣湯底：⭐️⭐️⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料：⭐️⭐️⭐️⭐️⭐️⭐️⭐️

都好多報導有提過麻辣川 咁啱係長沙灣就試吓先🤤 配料真係有好多選擇 多到眼花😅🍽麻酸辣羅白黑牛柏葉米線 $43🖐🏻黑牛柏葉夠爽口所以口感唔錯 另外羅白好甜 但係唔夠淋🖐🏻麻酸辣湯底揀咗小辣 我諗只係大概譚仔麻辣嘅二小辣 而且湯底偏酸 麻辣稍為有啲不足 不過佢優勝之處係食完唔會話好咸好膩

每次係深水埗整完指甲都會黎麻辣川，啱哂我毒食🤪呢度餸同湯底都好多款，任君選擇，食素食肉食內臟都得，我自己心水配搭就係肥牛竹笙麻酸辣小小辣👍🏻🔺米線計我話食米線最重要就緊係個米線同湯底啦☝🏻呢度米線我覺得幾滑幾好食，唔會好易斷，又唔會淋到呀婆都梅得爛，不過米線質感呢啲好睇個人口味嘅～ 同埋米線份量唔算多，我一個女仔食啱啱好～🔺湯底我自己就偏好食麻辣同酸既湯底，呢度既麻酸辣湯底完全係一次過滿足我兩個願望！個湯底應該係雞湯底，一啲都唔漏唔肥膩，不過麻方面就略嫌少左啲！🔺餸竹笙真係好啱配米線食，索哂啲湯，又好爽，不過呢度竹笙同譚仔食開既唔同，可能來貨唔同，麻辣川既竹笙有少少似豬皮個口感～ 至於雪花肥牛(餐牌上係咁寫架☝🏻)，雪花我就唔多見喇，不過唔算un，整體餸都唔算好多，味道就不過不失啦～🔺配菜配菜呢度有四款，唔需要既可以係紙仔刪左佢，芽菜韮菜就基本啦，另外仲有炸菜粒同酸菜粒，細細粒，我覺得都幾好食👌🏻

食左呢間米線幾年，雜誌成日推介之外，質素都仲keep到，我每月都會黎食。豆漿牛栢葉+豬軟骨+雞腎麻酸辣米線 不會太咸，加酸菜粒提昇左成碗麵的味道。牛栢葉好爽， 豬軟骨唔會太淋，雞腎普通。生根+豬大腸酸辣米線 生根大大舊，份量又多，豬腸夠林又不會有「押」味腐乳芥蘭

呢幾日天氣寒冷而且非常潮濕。最啱就係食辣嘢。一般嘅白飯我哋女仔驚太飽,而且又驚肥。食呢間餐廳嘅米線就啱啱好。當日打完排球特登走去食午飯。裏邊服務生態度一流招呼周到。最主要鄰近地鐵站以及排球場。對於識飲識食嘅我簡直覺得冇得彈。下次要帶爸爸媽媽過嚟食慶祝我生日。

中學曾經來到此店食了一碗雞湯米線一直都想再食多一次路經此地再食 已經味道有變價錢比以前貴了 叫一餸就要$32要用紙仔點野食 寫清楚就行了叫了雞肉米線 清雞湯配料雞肉好多 都還是一大埋不是一條條雞絲 而是雞肉塊仔米線過淋 好似糊了點記憶中雞湯底是清的 但今次食到好罐頭味 又假又咸湯底沒有以前那種清湯 變成了濃湯想食菜 由於沒有通菜 所以叫了蕃薯苗菜不是太好食 柱侯汁過咸不過$17細細碟 都算是抵以配料來說 此店應該勝過不少店但以米線鋪來說 這間店有點遜色

原本朋友打算帶我嚐一間歷史悠久的米線店，沒想到去到時已收爐，初八才啟市。我們均未吃午餐，唯有轉去附近的麻辣川米線吃米線，順道比較一下那間米線好吃。麻辣川米線每人只限點五款配料，所以我都「慎重考慮」吃甚麼好，因為蠻多配料想試。最後我選了豬軟骨，白蘿蔔，鮮黑柏葉，藥材花雕酒浸糖心蛋及滷金錢肚，湯底則挑麻酸辣小辣。朋友說這裡的份量等於另一間米線的一半，份量相對少，湯頭麻酸辣味道不太突出，點到即止。滷金錢肚挺不錯，彈牙入味，鮮黑柏葉爽口有咬勁。白蘿蔔煮得不夠軟腍，鮮甜度一般，豬軟骨骨多過肉，吃來有點空虛，藥材花雕酒浸糖心蛋雖有糖心效果，但完全沒有花雕酒味，只嚐到少許藥材味，十分失望。

成日見到上網有人推介咩咩麻辣，咩咩米線，講到好食到飛起咁。車，不外如是！但係，麻辣川，永遠唔會令我失望。蕃薯苗：雖然無咩特別，但勝在有家的味道，而且一般餐廳都無得食，所以次次都叫咁濟。配菜：種類多，豬臉，豬耳，雞腎片，黑柏葉，糖心蛋......50幾樣有排揀😚😚湯頭：（清雞湯、麻椒、酸辣、麻酸辣）今次我揀左麻椒小小辣，惹味，出色👍🏿米線：軟硬適中，唔會一夾即斷，有咬口夠煙韌😌食完辣完，舒服晒

米線是外鄉的食物，來到香港可謂發揚光大。各派各宗，只要有真功夫，便能落地生根，在飲食界佔一席位。 是夜放工後要上興趣班，吃一琬米線是快捷簡便的好選擇。興趣班附近有一間享負盛名的米線小店，好吧！就來體驗下這家米線的魔力。 六點左右入到店內，店中只有兩個服務姐姐及一兩個食客，頗為冷清。 內在環境一眼便看盡，是名乎其實的"小"店，但都很整潔。服務的姐姐不緊不慢，不算特别熱情。 點了麻酸辣雞絲米線，上菜雖然好似好大碗食物，但只是錯覺，米線分量偏少，如果食量大的人士極可能不够飽。 米線煮得不够稔，亦缺乏韌性，是略硬，脆及爽口的，處理得普普通通。 但暇不掩瑜，好戲總是在後頭。湯底是别樹一格，不會在其他米線店撞味，集麻，酸，辣於一身，雖三鼎而立但又互相融合，令人驚艷。 雞絲正確來說係雞肉片，用上雞髀肉，比較滑和彈牙，放湯前已經用黑椒醃過，無雪味之餘還增加了微辣的刺激，而且分量合理，是誠意之作。 隨米線奉送小量芽菜，韮菜，酸菜及炸菜粒，而雞肉上面那些粒粒，不是薑粒，是菜莆粒，係較為特別的配菜，較少在其它米線店找到，不錯！ 埋單三十四元，價格合理，而湯底又係獨無僅有，值得一試。順

麻辣川係我頭三位之選，之前中學有朋友介紹我食，一直食到依家都仲水準依然👍佢有兩間分店，今日去左長沙灣個間，店舖較細，因此會坐得較迫，尤其係lunch time時間🤦🏻‍♀️睇完餐牌配餸編號就可以寫落點單紙#麻酸辣滑雞絲米線 （中辣）$34米線個碗好特別😂04雞絲必叫！！！好滑！份量又多，雞用左黑椒醃，咸味岩岩好，一啲腥味都無🤤🤤湯底好濃味，麻&酸味岩岩好，係有種令人食上癮既感覺，米線唔會好靭🍜👍每次食到最後都想食多碗😳飲品方面，長沙灣分店只得枝裝飲品😕，葵芳分店先有奶茶咖啡☕️好味程度：😋😋😋😋😋（五分最高）

這家米線小店就在家的附近，平時經過也不太留意，早前於雜誌看到米線TOP 10 排行榜，這家小店榜上有名，於是今天就來試試。米線湯底有四款可選，我們選了一個雞湯，一個麻酸辣。雞湯底的米線選了豬潤，雞湯清甜，米線爽滑煙韌，豬潤新鮮。麻酸辣(小小辣)的選了腩肉，淺嚐少少辣，酸辣度適中，小小麻，下次應該可以考慮要中辣的。腩肉不太肥膩，芽菜，九菜等配料充足。小食也有很多款可以選擇。我們點了花雕雞翼，花雕糖心蛋，麻香雙牛。花雕糖心蛋，非常好吃，花雕味濃，糖心蛋煮得剛好，半熟的美味口感，流心嫰滑，濃濃的酒香令這款簡單的小食更有層次。烤燒花雕雞翼，雞翼烤得非常好，建議上枱時盡快食，雞翼外層烤得香脆，花雕味不算濃，雞翼入味。麻香雙牛，是黑柏葉+牛腩，黑柏葉爽口，牛腩軟嫩入味。特別的是這款小食不辣但有麻香，惹味非常。街坊小店，價錢非常大眾化。

食左豬軟骨韭菜餃酸辣米線湯底:叫左最小辣多酸，飲完唔口渴，辣辣地幾惹味，但酸得黎有小小啃，還是喜歡酸菜汁帶出的那種酸味米線:軟硬適中，不過分量少左啲豬軟骨:軟骨比較硬，肉比較瘦但入味韭菜餃:唔多掂，好大浸雪味