麻辣好滋味

好味清湯羊腩飯($78)哩間開左應該都有一年多，每次午餐同晚飯行過都幾多人，但因為近垃圾站，另外大部分系辣野，所以從來無幫襯過。哩排行過又見到有清湯羊腩飯，咁一定要試啦！味道(5分)- 通常午餐羊腩飯都系碟頭飯，跟幾條枝竹，哩度系足足一大碗，除左兩三舊蘿蔔，仲有6,7粒馬蹄，其他都是羊肉，真系多到食吾曬。- 侍應都好老實，話系冰鮮羊，但成隻，所以吾會只見到好似系超市賣的一粒粒齊齊整整羊腩，系自己斬。- 件件羊都帶皮，皮有彈力，肉吾鞋，唯一系如果真中意食羊，會覺得佢吾夠膻味。- 難得用清湯做，帶一點酸，幾易入口，- 腐乳吾系普通辣腐乳，有帶酸味，幾過癮。抵食(5分)-前一日經過大家樂，羊腩餐要$98,一粥麵要過百，雖然系餐，但無必要。-今日經過兩餸飯佳記都要$78。睇落d羊真系無得比。…查看更多

先唔講味道同環境, 靜係服務態度有問題都唔會再有下次!入門坐低睇完個晚飯菜單, 之後就搵個侍應落單, 佢去左收銀機搞左一輪, 無啦啦比左個QR又要我自己落單,  我食豆腐火腩飯, 餐牌價錢就寫$70, 轉粉麵要加$5,用佢個QR落單, 選豆腐火腩飯, 之後有個位要揀飯定麵, 唔揀係去唔到下一步, 咁我就揀飯, 唔知佢個系統入錯資料定點啦, 落左單之後變左$75, 豆腐火腩飯揀白飯要加+$5係咩玩法? 咁我就同侍應講話個價錢唔岩, 佢好似聽唔明咁, 事旦敷衍幾句就唔理我走去做其他野, 無幫我跟進, 之後廚房佬(可能係老闆)上菜比我, 我就同老闆講個價錢唔岩, 佢又問返個侍應, 依個時候侍應竟然用鬧人既語氣話返我轉頭, 話我做咩揀白飯,我打晒問號個價錢出錯係我問題? 心諗豆腐火腩飯唔揀白飯唔通揀薯菜呀? 我用正常語氣話"個QR落單一定要我揀飯或者粉麵先可以落單, 唔信你自己試下"之後個老闆就叫個侍應去收銀機搞搞佢, 個侍應黑晒面死死氣去處理張單,我都廢事同佢嘈, 食完比錢走人算, 去到櫃枱比錢, 個侍應收錢態度仲係目中無人, 所以我最終決定就係無下次…查看更多

年廿九（今年沒有年三十），公司放lunch，我諗住快食順便行花市，又見天氣少少凍，就入去食碗毛血旺紅薯粉，點知：1. 我同前面一位男士門口呆企咗一陣，個門口阿伯都冇安排座位。後來先有個廚房哥仔走出來示意我坐。2. 我點毛血旺，飯轉薯粉。點知有位兄台拎住毛血旺加碗白飯嚟，我話我點咗紅薯粉，個兄台就話喺毛血旺裏面。咁我開動啦，原來冇紅薯粉㗎囉！雖然哥仔話分開煮過一碗俾我，但真係用多咗我時間。3. 點餐時哥仔係話今日加價，我諗住快食，心諗是但啦，咁就話ok。埋單，門口阿伯（即係冇安排客人入座嗰位）話收$69.9！其實碗粉按佢餐牌冇加價時係$58。即係佢過節加價加咗百份之三十幾！而碗粉有幾好食呢？平心而論，正路囉。料呢？偏少。同場有位男士點酸菜魚，佢哋就擾擾攘攘講麻辣魚，時不時又夾雜啲問候人媽媽的粗口。大哥，你識過節加價，都唔好大時大節被客人聽到你哋互相問候吖！同埋你哋落單可唔可以認真啲？人手唔掂用科技啦！唔係個個客都有時間俾你哋出錯補救。你過節開工，難道客人唔係過節都走來幫襯你咩？真係唔會有回頭客！奉勸各位慎入！…查看更多

看著店內雞煲和烤魚盤上的美味令人難以抗拒。最終，我選擇了香辣烤清江魚，店員的熱情推薦讓我感到幸運，選擇了BB辣口味，每一口都充滿了誘人的滋味。🥰🥰環境舒適宜人，乾淨又企理，而且座位非常舒適，為整體用餐體驗加分不少。店內有很多啤酒的選擇，原來生力清啤的卡路里比較少很適合減肥的我🤝🤝期待下一次再來，品嚐店裡的雞煲，這次的美味體驗讓我對未來的用餐期待倍增，這樣的享受令人心生期待。大夥兒可以一起來，外賣也好像很吸引😂…查看更多

來荃灣探朋友，發現原來曹公坊呢邊有呢間川菜，而且見到呢度嘅午市套餐價錢相宜，可以同朋友一人叫一樣開心share，於是就入咗去間餐廳試下啦～酸菜魚飯💰HK$58呢到嘅酸菜魚同平時食開嘅好唔同，個顏色望落有啲似水煮魚，但食落又酸酸辣辣咁，魚片食落唔會腥，底下仲埋藏咗一啲寛粉，份量超多～鄉村小炒肉飯💰HK$50尖椒惹味，但尖椒份量超多，反而豬肉片份量偏少，而且炒得有得乾，口感較柴，唔推薦叫個小炒肉～…查看更多

在荃灣無意中搵到這間川菜館 主打地道四川菜 令我意外的是原來這裡的廚師是正宗四川人（嘩😳）菜單上的食物種類選擇多樣 價錢也非常親民 （如果我住這邊附近 這家一定會是我的飯堂）店內座位也有很多 午飯時間過去都接近滿座👏🏻最意外的是早上11點前 還有平常茶樓的蒸飯、一盅兩件 而且價錢也非常親民 下次一定要試試👍🏻·本來想試水煮魚 但同行的人都唔食辣 只好選了🐟金湯酸菜魚 小份［$188］嚴選了生魚片製作 魚質新鮮嫩滑 完全沒有魚骨 魚皮爽脆 點了個小份 但份量也是很多 湯底配料有酸菜外 還有Q 彈薯粉 ·🥔熗炒土豆絲［$68］(個人認為) 酸菜魚的最佳伴侶就是土豆絲了所以看到菜單有一定要點啦！土豆絲炒得非常好👍🏻不會太乾同時不會太濕 每條都很爽脆 少辣 非常惹味👍🏻·仲嗌左個紅燒肥腸飯［$50］午餐跟飯可添飯/可轉米線/紅薯粉/ 麵這個價錢真的非常抵食！大大一碟小炒 又有飯 而且還包了杯飲料👍🏻真的超級推薦！…查看更多

今日lunch去到荃灣香車街附近，見到呢度有川菜午市套餐，有酸菜魚，水煮魚，仲有肥腸，回鍋肉等其他小菜揀，每款可以自選配白飯，米線，紅薯粉同麵，價約由四十幾至五十幾元左右，餐廳唔算大，但員工工作態度幾好，同入到去即有位座，今日揀左水煮魚紅薯粉$58，另加凍檸茶$5水煮魚係用生魚片，魚片份量都超十幾片，食落幾滑，魚味算重，仲係啖啖肉同冇魚骨添，個湯辣度幾好，加上有唔少指天椒，紅薯粉算煙韌都好索湯，呢度lunch都算幾抵食！…查看更多

有鍾意食辣嘅朋友真幸福，今次到朋友帶我去揾食。呢間餐廳「麻辣好滋味」位於荃灣曹公坊，係香車街街市對面，餐廳好有大排檔風味，提供烤魚、川菜，及多款涼拌小食。《香辣烤青江魚》烤魚份量超大，選咗青江魚，因為冇咁多細骨，魚有先煎香，加爐再慢烤一會，吸收咗汁底更加好味。至於配料方面，精心配搭，包括有豆皮條、醃製過酸蘿蔔、豆腐、鴨血、大豆芽菜、炸黃豆、自家製魔芋等，非常豐富而且好食到不得了。《泡椒田雞》本身鍾意食田雞嘅我，因為覺得用泡椒煮比較少食同幾得意，所以決定試吓。泡椒味酸酸辣辣，田雞肉嫩，整體味道香濃，十分惹味。加埋支冰凍啤酒，食下傾下，不亦樂乎。吾飲啤酒，亦可飲加多寶降降火。除了烤魚，餐廳仲有提供特色清湯牛腩煲及羊腩煲，並配備火鍋配料供選擇。老闆娘及店員都很招呼周到，介紹餐廳招牌及撚手菜。主廚空閒時亦會同客人傾下計交流，十分親切。…查看更多

今日嚟到荃灣行街， #OpenRice search到呢間新開嘅川菜餐廳，膽粗粗去咗試下，又ok窩😝食左酸菜魚紅薯粉 $58order左BB辣，問咗店員係用咩魚，原來係用咗生魚片，生魚片切得好薄，但又唔會一夾就散開，肉嘅質感都算爽口，唔係淋嘅質地，冇骨而且又唔腥👍🏻而且酸味適中同辣味 好平均可以配飯、米線、麵或者紅薯粉，小編就揀咗紅薯粉，感覺食辣嘢就一定要食紅薯粉🤣有冇朋友仔都覺得食辣嘢一定要配紅薯粉？🧏🏻‍♀️薯粉都好煙靭，又唔會一夾就散，nice🫰🏻夫妻肺片 $68咁為食 梗係要叫多個小食啦，店員推介左我食呢款，嚟到見到 嚇親我，超大碟，呢個價錢咁嘅份量邊度搵😝 一般都係用牛嘅肺、心、舌製作而成，切成片狀，易咬、又入味，個底仲有好多青瓜絲豆漿食完辣嘢梗係要飲返啲甜野🤣…查看更多

荃灣站📍麻辣好滋味-天氣轉涼最好就食返個羊腩煲🐏上星期去酒樓食羊腩煲食過返尋味，今日再encore！見到咁多麻甩佬食，應該都係正野，多數唔會中伏！清湯羊腩煲［細］（$248）一開始覺得呢個羊腩煲睇好清淡，唔知夠唔夠入味，原來有驚喜！羊肉夠腍身而且完全唔羶！湯頭好清甜，飲左好多碗好暖胃😻配料有蘿蔔、粟米、馬蹄同埋枝竹，難怪咁清甜！兩人份量既羊腩煲岩岩好🙌🏻老婆冇醮任何醬料食都覺得好夠味，重口味既我就醮左腐乳辣醬，惹味！呢個羊腩煲唔洗用濃味既配料去烹煮，但同樣做得出色，補而不燥，唔錯唔錯👍🏻花椒雞（$128）花椒雞好香好麻，雞粒走過油好香口，配埋花椒、辣椒🌶️，辣度恰到好處，送飯送酒一流！兒菜臘肉（$108）呢個菜同樣係送酒一流！兒菜係四川時令菜，幾爽口，配埋臘肉鹹度剛好。臘肉微微煙燻香味，鹹香十足。環境方面，小店裝修唔係好靚好fancy，但有咁多麻甩佬去食肯定係有特別之處。餐具、環境都幾乾淨衛生。…查看更多

今晚喺荃灣同一位無辣🌶️不歡嘅朋友食飯，佢想食辣野，就決定揀咗呢間新開嘅四川菜館，原來呢度廚師係正宗四川人，主打地道四川菜，餐牌上食物種類選擇多，價錢合理。🐮清湯牛腩牛腩好淋身好新鮮，份量超多、大大嚿，蘿蔔好靚，爽口無渣，連湯一起喝好清甜🌶️酸辣魚🐟生魚片新鮮嫰滑，完全無魚骨，魚皮爽脆，魚肉好滑，份量超多，底層配料有芽菜、薯粉好Q彈通常喺香港見到嘅大多數喺水煮魚、酸菜魚，酸辣魚🐟喺香港比較少有、原來喺老闆之前煮過比一位香港嘅朋友食，朋友好鍾意食呢道酸辣魚菜，所以指定要加入菜單內，特別選用野生椒而制成，帶有香茅的味道，比較特別！炒青菜🥬兒菜店員推介炒兒菜，我係第一次食，兒菜原來喺選用榨菜頭切片炒，只有喺11月至1月先有得食，爽口鮮甜。總括而言，正宗四川廚師主理，味道有保證，食材新鮮，而且辣嘅程度可以點菜時同店員講（小辣、中辣、大辣）任君選擇，而且價錢合理。麻辣好滋味| 四川菜🌶️📍荃灣曹公坊32號地舖•♡•♡•♡•♡•♡•♡•♡•♡ •♡•♡•♡•♡•#飲食日誌 #識飲識食 #我的美食日記 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #麻辣好滋味 #川菜 #四川 …查看更多

成日周圍去試唔同嘅川菜終於試到間同大陸似而且價錢好抵！🤪間鋪係屋企附近 不過因為就咁睇門面似茶記所以開左成兩個幾月都未走入去試早排見lunch set好平就入左去點知有驚喜！！特登帶埋老公再黎食晚餐😝咁岩想打邊爐所以就揀左食雞煲麻辣雞煲小辣 $188半隻 越食越麻調味正！！如果再多啲雞更加好安格斯牛肉 $88估唔到質素唔錯好味生菜仲叫左薯粉 索晒啲汁勁好食忍唔住食完再加😂下次想再試埋個泡椒魚會keep住返黎…查看更多

今日嚟到荃灣食酸菜魚🐟曹公坊有好多唔同菜式嘅地道菜呢間舖頭就特別有四川嘅風味酸菜魚顯得更加地道😎就咁睇辣椒好似有啲多 但味道唔算太辣 湯底亦都好惹味 🤓酸菜魚入面再配Q彈嘅薯粉 口感好滑 同湯底好夾😜魚嘅份量都好足夠 足夠兩至三人食另外老闆娘都推介食碟素菜 炒土豆絲土豆絲好清爽 配小小嘅辣椒炒 好惹味 🥰如果想試地道嘅四川酸菜魚或者烤魚 可以嚟呢度試一試👍🏻👍🏻🤗麻辣好滋味 (荃灣)荃灣曹公坊32號地舖…查看更多

食魚🐠食上癮添😜老闆娘介紹四川地道酸菜清江魚因為個廚師👨🏻‍🍳係四川人嚟㗎😜食落有啲香茅味😝但唔係香茅，係四川野生香料，但係問完老闆娘唔記得在🤣🤣🤣唔會太辣🌶️連我都食到👍🏻👍🏻（如果鍾意食超辣、呢間地道四川麻辣😜一定滿足到😘😘）一尾餸🐠足夠兩個人份量😘超足料～有酸菜、腐皮、豆腐、大豆芽、豬紅、魔芋絲、黃金豆、蘿蔔片、芫荽………豬紅好好食😋再嗌多碟豬紅同埋牛柏葉🤪🤪🤪連飯都唔需要嗌😜😜😜好滿足😍老闆娘仲叫我哋下次再黎食雞煲好正㗎👍🏻👍🏻…查看更多