麺楽

營業中

休息中

北角隱世小店昨天經過 見到有一間日式餐館 由於好耐無食過炸雞 咁岩見到 於是就入去試試叫左2個炸雞定食分別係1.炸雞肉塊(韃靼沙律醬)2.炸雞肉塊(炸蒜)首先見到個定食 嘩左一聲因為雞塊好大 又好多沙律菜當你食既時候 雖然係炸雞 但係好juice 好多汁 好好味 同個醬汁好襯讚:1.炸雞外皮脆 內裏好多汁 加埋醬汁 正2.份量多 如果2個女仔 可以叫一個share 3.日本人廚師 正宗日式炸雞定食順道一提雖然鋪頭細細 但夜晚都坐滿人 都多人叫外賣如果食既 可以早小小6點幾時間去

早陣子與北角工作嘅朋友閒談，她推介附近一間店舖嘅炸雞🍗令她一試難忘。於是趁今日有空檔，就過去試吓。原來間舖頭依家改咗正午12點才開店，所以大家唔好太早去到。雖然它是一間拉麵店，但我都決定試一試朋友推介嘅雞唐揚定食，有飯、湯、伴菜沙律配芝麻醬，炸雞有四大件，炸嘅火喉剛剛好，不乾身，好juicy，極力推介！希望下次有機會可以試下佢哋嘅拉麵，雖然大部份人都話佢嘅炸雞好食過拉麵😅

呢間鋪喺內街，有少少似日本街嘅感覺😃（思鄉病發作😂）入店要稍為等一等安排入座，店面得一位職員，而廚師亦係得一位😅⋯⋯不過而家咁嘅社會環境，見怪不怪，更何況佢屬於小店💪🏻我地係睇左一輪食評，發覺一致好評炸雞定食，所以我地都係專登來食炸雞，雖然店名叫麵樂🤣🔺若雞唐揚げ定食同相中一樣係四塊，但比想像中大塊好多😱⋯⋯呢樣野係開心嘅🥳。炸漿好薄又鎖到雞肉，咬落好juicy😋😋😋，蔬菜伴以開胃芝麻味沙律醬，我梗係負責清碟喇😚。🔺煎餃子真心講👉🏻唔好食👈🏻。唔知佢係自家制定現成，可能皮厚所以煎唔到脆嘅效果，肉餡好散，我同老公習慣食日本野必叫餃子，但今次叫我地大失所望😥🔺凍菠菜我老公ordered,菠菜係擺成圓形，菠菜面淋上鰹魚碎，聞落好香。我男人話唔錯，ok🤣(只要唔係難食）。我因為冇食到所以比唔到評語🤗呢餐總結炸雞定食係必食，價錢合理😁😋😋😋餃子👎🏻，凍菠菜可以一試

呢間小店空間唔大，因為佢喺內街嘅關係其實都唔容易發現，坐低餐牌食物唔算好多選擇，入邊係會播緊一啲以前嘅外國流行音樂，第一次食嘅時候心諗香港D拉麵來來去去都係咁嘅味㗎啦，咁我就求其點咗有牛油嘅札幌拉麵，因為之前喺香港食嘅札幌拉麵全部都唔係日本食嗰回事，點知碗野一嚟到我一飲啖湯，個心「嘩」咗出嚟～係呢浸味道啦！首先佢個湯嘅味道，濃郁嘅白味噌味道，再加上豬骨湯，然後舊牛油慢慢溶化，湯同埋牛油沾上拉麵，拉麵有淡淡的鹼水味（如果我冇食錯嘅話），碗麵嘅椰菜份量都幾多，椰菜都有處理過軟身加埋啲湯汁都幾好味，最好味就係啲粟米，牛油味噌粟米好好味，但係佢舊叉燒有就麻麻地，有D乾，不過因為呢個出色嘅味噌湯，同埋嗰一磚好大舊嘅牛油，我係會再食去嘅！同埋因為小店嘅關係入邊嘅侍應唔多，如果人多嘅話就要耐心等吓。

之前朋友介紹我呢間餐廳，話佢地嘅炸物非常出色，今日黎開炮台山做嘢，終於試到呢間店係一條短短嘅橫街，唔起眼，更加有穩世小店嘅感覺。店面位置唔算多，我6:00pm黎，佢地剛剛開晚市，好快已經有其他人入坐，亦有好多人外賣，而我亦發覺，所有人都係叫炸雞。因為朋友都係推介我食炸物，所以我叫左個吉列炸什錦餐定食$110呢個定食份量非常多，一個女仔其實食唔哂，但因為我想試哂3樣炸物，所以都叫左首先講講個漬物，一啲都唔hea，係好食嘅，聽講漬物定期轉款呢個什錦定食分別有炸雞，炸池魚同埋炸漢堡，我個人認為炸雞同炸池魚係必食；炸雞好香脆，脆漿有調味，肉質嫩滑juicy；炸池魚外脆內滑，炸池魚係吉列脆漿，脆漿同炸雞唔同，可以連骨食；炸漢堡可以skip，麻麻地，肉味唔夠，口感太淋另外，佢個Tartar sourse同炸雞池魚都好夾；而佢地伴碟嘅沙律菜份量都多，可以中和炸物嘅油膩感值得一提係佢地都係用日本米，所以白飯嘅飯粒都好飽滿而我在網上亦見到佢地餐廳嘅劣評，大部分係來自食拉麵嘅客人，正評係來自炸物，所以評語好兩極化；雖然我無試過拉麵，但我估都係唔好去挑戰佢地嘅拉麵，因為同炸物定食相比，拉麵價錢唔平，性價比唔

面質無口感，好似食緊759 d即時拉麵咁。叉燒調味唔夠，感覺上同食一舊烚豬腩肉無分別。湯底唔夠濃亦都唔夠香，調味都非常奇怪。配料只有一堆菜同埋荀，溏心蛋都無隻，叉燒又得一小片。老實講，味千拉麵分分鐘好食過佢，仲要95蚊一碗。垃圾

呢間係我食過最好味嘅炸雞店！對於女仔來講，距嘅份量是十分足夠！每次去都食到超級飽！有味噌湯，沙律菜，有涼拌小事，大大夠雞塊！最重要係距點炸，d雞肉都十分嫩滑！價錢最便嘅加一後要110以內，可以食到日本嘅味道，呢個價錢真系唔算貴！

雖然好似係賣拉麵為主，但我同你講千奇唔好叫拉麵，哩間既負評都大部份來自拉麵。但佢地既定食係絕。世。好。食。尤其是炸雞定食！蛋黃醬炸雞定食！！煎餃都係好食到高潮。老闆係日本人，哩間舖用既都係日本產食材（門口有塊牌證明），可能就係點解咁好食既原因。但真係唔好來食拉麵！唔知點解要200字先可以俾正評，好過份，我唯有再灌下水… 佢地定食既前菜都好高水準，非常開胃；沙律菜都非常新鮮，而且沙津醬唔係就咁沙律加普通麻醬就算，個麻醬似乎係佢自己調，比出面大部份沙律好食。

麵樂位於炮台山一條完全唔起眼既橫街 所以喺呢頭打滾左3年既我都唔知麵樂既存在😜 係有次去開附近第二間日式餐廳食炸雞 有同事話麵樂既炸雞都好好食😋 所以幾日之後就同幾個同事一齊黎試下!炸雞肉塊(韃靼沙律醬)餐 ($108)韃靼沙律醬即係他他醬~~他他醬配日式炸雞係絕配👍🏽麵樂既他他醬似係自己調 入面仲有碎蛋添!炸雞大大件 炸漿唔會好厚 做到外脆內嫩 而又保留到肉汁既效果😋一個人食呢個set會飽到上心口 所以我就建議幾個去既話可以叫唔同set ⚠️用公筷🥢⚠️ share食!吉列炸池魚塊餐 ($95)我覺得炸池魚都值得試🌟因為唔係間間日式餐廳都有呢款菜式 而且係成條咁炸~~炸得好酥脆既池魚配他他醬一樣都係好襯 好好味😋吉列炸漢堡扒餐 ($98)漢堡扒既表面都係炸得好酥脆 內裏就好淋身 入口即溶既口感但係我個人都係鍾意漢堡扒厚實既質感 所以麻麻地呢款炸物~~唔想食炸物既話 可以叫👇🏽塩麴燒雞扒餐 ($98)雖然係燒 但都保留到雞肉嫩滑既質感簡單既調味 已經好夠味😋整體黎講💁🏽‍♀️可能因為日本師傅主理既關係 呢度既食物的確好有日本風味🇯🇵 碗飯都特別好味 漬物都唔錯 最推介都係呢度既他他醬炸雞同炸

讚1. 炸雞好味，外皮脆，有肉汁，他他醬好味，連現既白飯都煮得幾好，黑枝豆都好味，幾甜下2. 上菜快手，唔使點等3. 幾有日本氣氛彈1. 啤酒好貴！北角區仲貴過中環咁，真係太誇2. 燒雞好伏，似炒熟後再用火烘，一啲都唔香口

午餐黎到尼間日本餐廳，細細間，位置吾多，但人龍幾多下。師傅係日本人，所以試一試先。叫左燒雞定食同辣餃子定食，賣相幾吸引，有珍珠白一碗，沙律，幾開胃，不錯，茄子，醃得好美味，湯就普普通通左d.主菜燒雞幾好食，燒汁汁醬剛剛好，肉質幾嫩，皮幾脆，用黎配飯食，好夾！同事既餃子🥟都好好食，吾太辣，香口！賣單先$200左右，抵食！下次可以再黎下其他。

似係兩夫婦開嘅小店。丈夫老闆係日本人。小店主打拉麵同炸物定食。入門口見到有張類似話所有食材都係from japan嘅cert。之前黎親都見到好多食客都係日本人。吉列炸雜錦定食。有漬物蓮藕。麵豉湯。飯。炸池魚塊x1+炸雞x2+炸漢堡扒x1。一大埋胡麻醬沙律。漬物味道甜甜地。蓮藕爽口。麵豉湯似係自己整唔係沖粉。有少少蔬菜料。炸池魚係成條魚咁炸。配左自家調製嘅他他醬。魚肉好嫩口juicy。有驚喜。炸雞coating好薄。又係肉滑juicy。炸漢堡味道就相對失色。口感有啲糊口。整體炸物質素中上。即叫即炸。上枱時唔會油膩。不過店內staff比較少。要靜心等候。

As soon as you walk in you are hit with a mouldy stuffy smell.    You sit down and you look up the ceiling of the restaurant near the vent and also the wwall and you can see a lot of green mould.  Very surprised that the staff and customers do not see or sense the mould - maybe they don't care.  Not very hygienic and if you are allergic to mould, be careful.  The food is actually good  but I don't understand how they could pass health inspection.  It's really too bad. The low rating is purely be

炸雞一絕, 在我吃過近百家的炸雞中做得最出色, 心中地位第一名個人喜歡每年去幾次日本旅遊覓食, 也喜歡在香港找優質日本菜炸雞也吃過不少, 能做到外脆內軟的不多, 油炸食物大多容易OVERCOOK, 它沒有之餘, 調味很好, 再者, 肉汁真的保留很多, 肉質口感也非常好還有神奇的炸槳, 那種厚薄, 是剛剛好, 不會太厚成口硬粉, 也不會太薄沒有脆感明明知道是DEEPFRIED的東東, 但真的一點也不覺得太熱氣可見食材及功夫也是一等一的此店是拉麵店, 但拉麵真的很一般, 唯一能說就是很多蔬菜吧哈, 拉麵吃完一次永不ENCORE啦反正但在未吃過這類的炸雞就走, 實在是走寶了, 還有不少友人說餃子OK, 但我覺得還好吧, 因為胃得一個, 來到麵樂不吃炸雞是太可惜~至於服務呢, 是不算好的, 可能我來自將軍澳, 習慣了吧環境呢, 也不怎麼樣就是吃炸雞~~作為附近的食客, 看到這店的食評真的需要平反~所以出了此POST

拉麵好難食，其他吾知。應該都係我食過最難食既拉麵，D配菜都吾好食。個湯我完全飲吾落，我食拉麵通常都會飲大半碗湯。好失望當晚整係叫左拉麵，因為間野叫麵樂呀麻，其他小食冇試吾知。