麺楽

營業中

休息中

𝓑𝓮𝓼𝓽 𝓕𝓻𝓲𝓮𝓭 𝓒𝓱𝓲𝓬𝓴𝓮𝓷 𝓲𝓷 𝓝𝓟這是舊同事推薦的日式店舖，我在放假的時候特意從大西北乘車到北角，車程需時一個半小時，事後認為這間餐廳完全值得。★ 炸雞塊肉韃靼沙律醬餐 $108 超級好吃的炸雞塊，炸粉超薄，時間和火候亦掌握得剛剛好，能有效地保留雞塊裏的肉汁。而它的達坦沙律醬更為此錦上添花，當中加入了雞蛋，沙律醬的甜酸和檸檬汁能有效地中和炸物的油膩。另外更配有白飯、沙律、麵豉湯以及迷你關東煮，白飯更是沿用日本珍珠米，十分有咬口。★煎餃子炸蒜辣油餐 $108這個餐亦同樣配有有白飯、沙律、麵豉湯以及迷你關東煮，餃子亦相當不錯，更配有外面少見的炸蒜辣油，都頗為融洽。但如果相同價錢的選擇下，強烈建議炸雞塊餐。

I enjoyed horse mackerel cutlet set. The dish was served relatively quickly about within 10 minutes. The side dish was typical Japanese one and tasted good and the main dish, of course, tasted very good and I found the quality very high!! However, I’m sorry but the price setting is a bit too high for me, so I will be coming back only when I did some good job etc. as a reward for myself.

首先，唔好見到個店名有個麵字，就叫拉麵食，之後誤會呢間野唔好食！因為佢地最出色既，絕對係炸物！👻呢間店喺日本開過來的，見到好多食評俾喊，希望大家睇到我呢份食評！首先，由最出色既炸野開始介紹：1. 呢個雜錦，包括可樂餅(標準以上，好食既)，雞球(非常多汁，嫩滑)，池魚(食到魚既鮮味，炸粉薄)🫡。佢個醬令每件炸物都昇華，因為微酸既醬將油膩感同咸味減輕，做到一個非常好既平衡！🫠叫多左個炸雞：2. 試左原條既燒池魚， 外皮非常薄脆，驚喜既，魚肉鮮！🤝🏻3. 呢款餃子，佢加左d辣汁同蔥，少少清新，少少刺激，比普通沾醬油特別！😌4. 鰻魚就中規中矩啦，建議優先選炸物！😉店員非常用心介紹，亦好友善同我地傾計，一刻感覺置身日本。

朋友介紹成班friend一齊去試服務差😓收費唔平食物 飯定食一般水準麵就真係唔洗試。。。。唔知點解叫麵樂一啲唔都唔值呢個價錢。 。行過少少天后仲多選擇大家唔怕哂時間可一試。。但記得唔好嗌麵必然後悔4個人食人均$150左右一個餐大概100-150無野飲炸雞都算大舊 不過都係重粉個醬都幾膩不過同炸雞幾match up到女仔食一份應該食唔哂同埋服務認真一般😓可能兩公婆打理如果lunch hour食預左等到有啲炆無下次

襯中午有堂食路過炮台山入去一試，開門無員工招待，間野一個人都無企左6分鐘，唔知係咪差唔多落場，員工西口西面坐低完全無餐牌，又坐多五分鐘終於理下我食物方面，炸雞 重粉 重粉 重粉!衰過隔離kfc,或者行過對面買麥炸雞都無咁嬲估唔到百幾蚊係港島食個咁垃圾既定食一定無下次

今日閒日差唔多2點過黎，估唔到過左lunch hour都仲係full house，都要等一陣先有位。呢度無lunch set，我就叫左蒲燒鰻魚飯。喺香港食鰻魚飯好多時都係又貴又鯹，好少食到日本嘅味道，所以不嬲都好少喺香港食。但疫情關係真係太耐無食，今日就決定頂下口癮。個定食有前菜、沙律、湯同主食。個沙律同湯都正正常常，前菜就有點咸。而個鰻魚，雖然唔鯹，不過絕對係好一般嘅質素，味道都係靠個鰻魚汁黎調味。整體來講，我唔覺得難食，但呢個set唔會再叫。其實呢度叫麵樂，我下次應該叫返碗麵黎試下。唯一要讚嘅係服務唔錯。-蒲燒鰻魚飯$150

吃拉麵本是一件幸福的事，有蔬菜有肉有湯，還可加其他配菜。久不久吃一碗是樂事。 好多年前來過一次，拉麵非常普通，價錢亦絕不便宜。 所以就沒再來過。九月某天經過，那天不想吃附近的茶餐廳，多給他們一次機會，希望過下拉麵癮。怎知道又做了後悔的事情。 我叫了醬油拉面麵。我先不評論那生硬的麵質同餸菜的味道了…看相片可知麵的質素….拉麵湯底的顏色非常恐怖。 可能小弟孤陋寡聞，正宗日本拉麵係咁😅。 亦聽過日本某些拉面相對鹽份會重。但小弟都去過日本，亦吃過拉麵。此拉麵是小弟人生吃過最鹹的拉麵…..我不知是否此店的style,還是師傅無心機整。 成碗豉油黎。 問職員拿了一杯熱水，俏俏一整杯倒下去，但仍然非常鹹。勉強吃到下去。我不喜歡浪費食物☹️ 這根本不應該叫醬油拉麵，應該改名為海水拉麵。做過功課，知道這裡的炸雞有食客大讚的，本想加一份試試，但吃過此拉麵後，已鹹到吃不下仼何東西了… 來幫襯的朋友，不要在此拉麵店叫拉麵😅都是那一句，請也看看其他食客的客觀評價。

之前食過麵樂嘅定食，上次食得好開心好滿意，所以諗住今次就去試吓佢嘅拉麵。其實去到麵樂門口已經滿壞希望，因為完全係日本風🇯🇵我今次叫咗一碗札幌味噌拉麵 $98，可惜見到實物有少少失望。味噌湯底好濃厚，又有好多芽菜同粟米作配菜，而且拉麵麵質好彈牙。可惜成碗拉麵原來只得一塊叉燒，而且脂肪比例甚高，所以有啲覺得呢碗拉麵唔值$98嘅價錢😭其實我有同侍應友善反映，但係回覆係「叉燒係咁㗎啦」，算啦，人哋都係打工，不過我應該唔會再喺麵樂食拉麵。

好味指數：🌟🌟🌟🌟🌟抵食指數：🤑🤑🤑🤑🤑朋友請食飯，話帶我去炮台山一間好低調嘅日式料理店，而呢間餐廳嘅地理位置確實隱蔽，而且招牌簡單，基本上你就咁望係唔會留意到呢間餐廳😂入去好有日式地道小店嘅感覺，有拉麵同定食，朋友強烈建議我食炸雞定食，一於聽佢話❇️炸雞肉塊（韃靼沙律醬）餐一上菜我心諗：「咁大份點食呀😂」每件炸雞都好大舊，表面炸到金黃色，酥脆乾爽又唔油，肉質嫩滑又多肉汁，真係好好食！而且他他醬搭配炸雞真係絕妙，好有一體感，呢個價錢食呢個質素真係非常之抵！已經將佢Mark咗做飯堂啦

麵樂 MenRaku🎖🎖如同置身於日本隱藏在橫街的日式小店。辣油餃子定食🥟🎖🎖🎖🎖餃子本身夠足料亦煎得夠火喉夠香口🔥而上面既蒜辣油更加係靈魂。千奇唔好比佢嚇到。睇落好辣既辣油其實只係微辣絕對唔會搶哂其他食材既味道！細味一下入面除左有辣椒碎仲炸金蒜碎。而蒜蓉食落仲係脆口👍🏻一客平平無奇既煎餃子，加上師傅調製既炸蒜辣油。味道真係提升左好幾個層次🤤炸雞定食配韃靼沙律醬🍗🎖🎖🎖🎖炸雞來講係我食過好食既數一數二。炸粉薄而脆皮，肉嫩滑而爆汁一淡咬落去真係爆哂d肉汁出來。韃靼醬加入左蛋白和蛋黃碎。令佢唔會淨係得醬既味道禁單調平時韃靼醬多數配炸海鮮外估唔到配炸雞都唔錯👍🏻店舖仲拉麵🍜同其他人小食大家有興趣可以試下🤤疫症前會見到好多日本人收左工去呢到飲返幾杯。真係去左日本一樣😂可能疫情關係今次見唔到希望疫情快d過去大家快d點回復正常生活🥲來到星期中又係時候去鬆鬆～

聽朋友講炮台山有一間穩世正宗日本餐廳，不過因為座位唔多，所以我12點頭就立即走去試吓。地點近炮台山地鐵站，過咗對面馬路嘅一條隱蔽橫街。望到門口以為自己去咗日本，感覺好懷念。我叫左炸雞肉塊（韃靼沙律醬）定食$108。雞塊大大件，表面不是普通嘅沙律醬，而係混入雞蛋蓉嘅沙律醬，好特別🥰米飯係正宗日本米，超好味，好有飯香。不過大家唔好食太多飯，呢幾件雞肉食完之後真係已經好飽。炸粉好薄，雞肉充滿肉汁，好嫩滑，配合雞蛋沙律醬，真係會食上癮㗎。呢度嘅環境好日式，廚師都係日本人，真係一間好值得推薦嘅日式餐廳。

鰂魚涌其實都算叫半個食物沙漠，日日番工都已經食哂。為左自己幸福，決定放飯衝去北角，果然係有驚喜！今次黎到一間平民日本店，主打食拉麵，同炸雞，其實仲有好多野食，唯有下次再同大家分享。店舖唔算大，但有日本格局感覺。我一心黎試炸雞，想落單之際發現佢炸雞都有好多唔同配搭，而我就揀左最邪惡嘅韃靼醬沙律炸雞！佢係濃厚沙律醬，配有熟雞蛋。而炸雞簡直令我好有驚喜！外脆內嫩，係一啖咬落去就好多肉汁，隻雞仲係咁噴煙！平時嘅炸雞會炸到出面好脆，但入面好乾。而佢地嘅炸雞係滿分呀！仲有配埋佢嘅醬，酸酸甜甜，成個炸雞口感變得唔熱氣之餘同油膩，食哂4舊都無罪惡感呀！加上佢有好多配菜，夠哂均衡飲食啦。另外重要嘅係佢地嘅飯係用日本珍珠米，粒粒彈牙軟熟。下次要再試其他先得 ！

雖然餐廳叫麵樂，聽個名覺得係主打拉麵。但其實炸雞定食先係必食之選。餐牌除咗有北海道拉麵，仲有日本家庭料理，例如炸雞、吉列池魚、煎餃子、鯖魚同雞扒定食。炸雞定食有幾款口味揀，分別有原味、他他醬、白蘿蔔蓉同炸蒜辣油。本身想點白蘿蔔蓉炸雞定食，但店員話賣晒，最後點咗原味炸雞定食同吉列炸池魚定食。炸雞定食有四件炸雞，表面炸至金黃色，新鮮炸起酥脆乾爽唔會油淋淋，肉質嫩滑咬落仲有肉汁。一件都好大件下，分幾啖食先食完一件。吉列池魚有兩件，吉列炸漿唔會太厚而且炸得好脆。吉列池魚嘅味道同喺日本食到嘅好相似。他他醬似係餐廳自製而唔係來貨，食得出係日本蛋黃醬同有蛋味，同池魚好夾定食仲包括沙律，前菜，味噌湯同白飯。伴碟沙律新鮮份量足，沙律汁微酸好清新開胃。前菜係獅子狗牛篣䈮篛煮物，幾好味。味噌湯係白味噌唔會太咸。炸雞同吉列池魚定食都好好味，而且份量大一定夠飽。呢個價錢食到正宗日本家庭料理，真係好抵

北角隱世小店昨天經過 見到有一間日式餐館 由於好耐無食過炸雞 咁岩見到 於是就入去試試叫左2個炸雞定食分別係1.炸雞肉塊(韃靼沙律醬)2.炸雞肉塊(炸蒜)首先見到個定食 嘩左一聲因為雞塊好大 又好多沙律菜當你食既時候 雖然係炸雞 但係好juice 好多汁 好好味 同個醬汁好襯讚:1.炸雞外皮脆 內裏好多汁 加埋醬汁 正2.份量多 如果2個女仔 可以叫一個share 3.日本人廚師 正宗日式炸雞定食順道一提雖然鋪頭細細 但夜晚都坐滿人 都多人叫外賣如果食既 可以早小小6點幾時間去

早陣子與北角工作嘅朋友閒談，她推介附近一間店舖嘅炸雞🍗令她一試難忘。於是趁今日有空檔，就過去試吓。原來間舖頭依家改咗正午12點才開店，所以大家唔好太早去到。雖然它是一間拉麵店，但我都決定試一試朋友推介嘅雞唐揚定食，有飯、湯、伴菜沙律配芝麻醬，炸雞有四大件，炸嘅火喉剛剛好，不乾身，好juicy，極力推介！希望下次有機會可以試下佢哋嘅拉麵，雖然大部份人都話佢嘅炸雞好食過拉麵😅